settings icon
share icon
سوال

مسیح کیا ہے؟

جواب


ویبسٹرز لغات اچ مسیحی کوں ایں بیان کیتا ڳے " ہک شخص یسوع تے ایمان دا اظہار کریندے جو او مسیح ہے ، یا ایجھا مذہب جیندی بنیاد یسوع دی تعلیمات تے تھیوے" ۔ جݙݨ جو سمجھݨ کیتے اے ہک چنڳا ابتدائی نقطہ ہے جو مسیحی کیا ہے، جیویں ٻہوں جیہاں لادینی تعریفاں ہن ، اے کیڑھی قدر کم تر کر ݙیندن کلامِ مقدس دی حقیقی سچائی کوں آگاہ کرݨ نال کیا مسیحی ہووݨ دا کیا مطلب ہے۔

لفظ مسیحی نویں عہدنامے اچ ترائے واری ورتیا ڳیا ہے (اعمال ١١ باب ٢٦ آیت ، اعمال ٢٦ باب ٢٨ آیت ، انہاں دا رویہ ، حرکات اتے ٻول چال مسیح دی طرحاں ہن ۔ خاص کر انطاکیہ دے غیر نجات یافتہ لوک جو انہاں کوں حقارت دی نظر نال ݙیکھدن اتے مسیحیاں دا مذاق اُݙاوݨ کیتے لفظ مسیحی ورتیندن ۔ ایندے لغوی معنی ہن ، " مسیح دی جماعت نال تعلق رکھݨ والے" یا ہک " مسیح دے پیرو کار" جو ویبسٹرز لغات اچ بیان دی تفصیل دے عین مطابق ہے۔

بدقسمتی نال وقت گزرݨ دے نال لفظ " مسیحی" کافی حد تک اپݨا مطلب کھو چکا ہے اتے اکثر جو کوئی مذہبی ہووے اوندے واسطے ورتیا ویندے یا جو بہتر اخلاقی خوبیاں رکھیندا ہووے بجائے ایندے دے جو یسوع مسیح دا نویں سرے توں پیدا تھیا ہویا پیرو کار ۔ ٻہوں سارے لوک جو یسوع مسیح تے یقین اتے اعتماد نئیں رکھیندے اوہ اپݨےآپ کوں مسیحی تسلیم کریندن کیون جو اوہ گرجا گھر ویندن یا اوہ ہک "مسیحی" قوم اچ راہندن ۔ پر گرجا گھر ونجݨ ، انہاں دی خدمت کرݨ جو انہاں توں گھٹ خوش قسمت ہن اتے چنڳا آدمی بݨݨ تہاکوں ہک چنڳا مسیحی نئیں بݨیندا ۔ جیویں ورکشاپ ونڄݨ کہیں کوں کاریگر نئیں بݨیندا: ہک گرجا گھر دا رکݨ ہوون ، لگا تار عبادات اچ شرکت کرݨ، اتے گرجا گھر دے کام واسطے ݙیندے راہݨ تہاکوں مسیحی نئیں بݨیندا۔

کلامِ مقدس اساکوں تعلیم ݙیندے جو چنڳے اعمال اساکوں خدا دے قابل نئیں بݨا سڳدے ۔ ططس ٣ باب ٥ آیت اساکوں ݙسیندی ہے جو " اوں نے اساکوں نجات ݙتی پر راستبازی دے کماں دے سبب نال نئیں جو اساں خود کیتے بھلکہ اپݨی رحمت دے مطابق نویں پیدائش دے غسل اتے روح القدس دے اساکوں نواں بݨاوݨ دے وسیلہ نال " ۔ ایں واسطے ، ہک مسیحی اوہو ہے جو خدا نال نویں سرے توں پیدا تھی چکیا ہے (یوحنا ٣ باب ٣ آیت ، یوحنا ٣ باب ٧ آیت، ١۔پطرس ١ باب ٢٣ آیت) اتے او اپݨا ایمان اتے یقین یسوع مسیح تے رکھیندے۔

افسیوں ٢ باب ٨ آیت اساکوں ݙسیندی ہے " کیوں جو تہاکوں ایمان دے وسیلہ نال فضل ہی نال نجات ملی ہے اتے اے تہاݙی طرفوں نئیں خدا دی بخشش ہے" ہک سچا مسیحی اوہو ہے عورت ہووے یا مرد جو اپݨے گناہاں توں توبہ کرے اتے اپݨا ایمان اتے یقین صرف یسوع تے رکھے ۔ انہاں دا ایمان مذہب دی پیروی کریندے راہݨ نئیں یا چنڳے اخلاقی اقدار دی پیروی یا قوانین دی ہک فہرست تے عمل کرݨاں۔

ہک سچا مسیحی او شخص ہے جو مرد یا عورت اپݨا ایمان تے یقین یسوع دی شخصیت تے رکھیندن اتے ایں حیقیت کوں منیندے ہن جو انہاں اساݙے گناہاں واسطے صلیب تے جان ݙے تے قیمت ادا کیتی اتے دوبارہ تریجھے ݙینھ مُردیں وچوں جی پووݨ موت تے فتح حاصل کیتی اتے جو ایندے تے ایمان رکھیندن انہاں کوں ہمیشاں دی زندگی ݙیندے۔ یوحنا ١ باب ١٢ آیت اساکوں ݙسیندی ہے : "پر جتنیاں نے اینکوں قبول کیتے اوں نے انہاں کوں خدا دے پُتر بنݨ دا حق بخشا یعنی انہاں کوں جیڑھے جو اوندے ناں تے ایمان گھن آندے ہن "۔ ہک سچا مسیحی یقیناً خدا دا ٻچہ ہے ، اتے خدا دے سچے خاندان دا حصہ ہے اتے او جینکوں مسیح کوں میں ہک نویں حیاتی ݙتی ڳئی ۔ سچے مسیحی دا نشان ہے جو او ݙوجھیاں نال پیار کریندے اتے خدا دے کلامِ دی تابعداری کریندے ۔ (١۔ یوحنا ٢ باب ٤ آیت ، ١ یوحنا ٢ باب ١٠ آیت)۔

تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں

English



واپس سراییکی / ملتانی زبان دے پہلے صفے تے

مسیح کیا ہے؟
Facebook icon Twitter icon Pinterest icon Email icon
© Copyright Got Questions Ministries