میں کیویں اپݨی مسیحی زندگی تے گناہ تے فتھ پا سڳداں؟




سوال: میں کیویں اپݨی مسیحی زندگی تے گناہ تے فتھ پا سڳداں؟

جواب:
کلامِ مقدس مندرجہ ذیل تدبیراں نال ڳالھ کریندے جیندے نال اساں اپݨی گناہ کاری تے فتح پا سڳدوں۔

پہلا : پاک روح ہک تحفہ جو خدا اساکوں ݙسیندے (اوندی کلیسیا) مسیحی اطوار نال زندگی گزاروں پاک روح اچ راہندے ہوئے ۔ خدا بُت دے کماں اتے روح دے پہلوں اچ فرق رکھینداے گلتیوں ٥ باب ١٦ آیت توں ٢٥ آیت ۔ انہاں آیات اچ اساکوں روح اچ چلݨ واسطے سݙیا ویندے ۔ " تمام ایماندار پہلے ہی توں پاک روح رکھیندن ، پر اے آیت اساکوں ݙسیندین جو اساکوں روح اچ چلݨ دی لوڑھ ہے ، اپݨی مرضی نال اپݨے آپ کوں اوندے اختیار اچ ݙیو۔ ایندا مطلب اے ہے جو اساں " اوپری حصہ" دا انتخاب کروں جیندی پاک روح اساݙی زندگیاں اچ ترغیب ݙیوݨ ہے ایندی دی بجائے جسم دی پیروی کروں۔

فرق جو پاک روح ایماندار دی حیاتی اچ لا سڳدے ، او اساکوں پطرس دی زندگی اچ نظر آندے ، جیں پاک روح دے نازل ہووݨ نال پہلے یسوع دا ترائے دفعہ انکار کیتا اتے اوندے بعد اوں نے آکھیا جو او مرݨ تک مسیح دی پیروی کریسے۔ پاک روح نال بھرݨ دے بعد ، او یہودیاں دے تہوار عید پینتکوست تے نجات دھندہ دے بارے واضع طور تے اتے بہادری نال ٻولیا۔

پاک روح اچ چلݨ اینویں نئیں جیویں کوئی " خاموشی" نال پاک روح دی ترغیب ݙیوے(" روح کوں نہ بڄھاو" جیویں ١۔تھسلنکیوں ٥ باب ١٩ آیت کوں آکھیا ڳیا ہے) اتے اے چاہو جو روح نال معمور ہوندے ونڄو(افیسوں ٥ با ١٨ توں ٢١ آیت) ۔ کیویں کوئی روح نال معمور تھی سڳدا ہے؟ سبھ توں پہلے ، اے خدا دی پسند ہے جیویں اے پراݨے عہد نامے اچ ھئی۔ اوں نے انفرادی طور تے لوکاں کوں چُݨ گھدا اتے اوں نے پُراݨے عہدنامے دے خاص واقعات اچ ایجھے لوکاں کوں چُݨیا اتے انہاں کوں روح نال بھریا تاں جو او انہاں دے ذریعے اپݨا کم پورا کرے جو او کراووݨ چاہندا ہا (پیدائش ٤١ باب ٣٨ آیت ، خروج ٣١ باب ٣ آیت ، گنتی ٢٤ باب ٢ آیت ، ١۔ سموئیل ١٠ باب ١٠ آیت وغیرہ ) ۔ میں یقین رکھینداں جو افسیوں ٥ باب ١٨ توں ٢١ اتے کلسیوں ٣ باب ١٦ آیت اچ ثبوت ہے جو خداوند انہاں کوں چُݨدے جو اپݨے آپ کوں خداوند دے کلام نال بھریندن ۔ ایں حقیقت دا ثبوت اے ہے جو ہر واری جݙاں پاک روح نازل تھیا تاں اوندا ہکو ہینتیجہ کڈھیا ۔ ایں طرحاں ، اے اساکوں اساݙی اڳلی تدبیر تے گھن آندے۔

ݙوجھا: خدا دا کلام ، کلامِ مقدس ٢ تیمتھیس ٣ باب ١٦ توں ١٧ آیت آہدی ہے جو خداوند اساکوں اپݨا کلام ݙیندے تاں جو اساں ہر چنڳے کم واسطے تیار تھی ونڄوں۔ اے اساکوں سکھیندے جو اساں کیویں زندگی گزاروں اتے کیا ایمان رکھݨ ہے ، اے اساں تے ظاہر کریندے جو جݙاں اساں غلط راہ دا انتخاب کریندے ہیں ، اے اساکوں واپس صحیح رستے تے آوݨ واسطے مدد کریندی ہے ، اتے ایں راہ تے قائم راہݨ واسطے مدد کریندے ، جیویں عبرانیوں ٢ باب ١٢ آیت سکھیندی ہے ، " کیوں جو خدا دا کلام زندہ اتے موثر اتے ہر ہک ݙو دھاری تلوار نال زیادہ تیز ہے اتے جان اتے روح اتے بند بند اتے گودے گودے کوں جلد کر کے گزر ویندا ہے اتے دل دے خیالاں اتے ارادیاں کوں پرکھیندے " زبور نویس اپݨی زندگی دی تبدیلی دی قوت دے بارے اچ ڳالھ کریندے ١١٩ زبور ٩ آیت ، زبور ١١ ، زبور ١٠٥ اتے ݙوجھی آیات اچ ، یشوع ݙسیندے جو اوندی کامیابی دی خاص وجہ نال اوں نے اپݨے دشمناں تے قابو پاتا(روحانی جنگ اچ مطابقت) جو او اپݨی تدبیر کوں بُھلیا کائنا ہا بھلکہ اوہ ݙینھ اتے رات عبادت اچ گزریندا ایں واسطے او دشمناں دے ارادیں کوں معلوم کر گھندا ۔ اے اوں نے اوں ویلے کیتا جݙاں خدا نے اونکوں حکم ݙتا جو کوئی فوجی کاروائی نئیں کرݨٰ ، اتے ایہو اوندی جنگ اچ کامیابی دی خاص وجہ ھئی جو اوں نے وعدہ دی سرزمین حاصل کیتی۔

اے تدبیر عام ہے جینکوں اساں معمولی طور تے استعمال کریندوں ۔ اساں علامتی خدمت کریندوں جیویں کلام کوں ہتھ اچ گھن تے گرجا گھر ونڄݨ یا روزانہ کلام مقدس دا پڑھن اتے عبادت اچ مشغول راہݨ یا ہک ڈینھ اچ ہک باب پڑھن ، مگر اساں اینکوں یاد رکھݨ اچ ناکام راہندوں ، ایندے تے غور و خوض کرݨا ، اپݨی زندگیاں اچ اینکوں لاگو کرݨ نال گناہاں توں توبہ کرݨ نال اے ظاہر تھیندے ، خداوند دی تعریف کروں اتے اوندا شکریہ ادا کروں جو کجھ او اساکوں ݙیندے ۔ کلام مقدس اچ جݙاں اے آندے تاں اساں اکثر یا تاں کمزور اتے یا بے صبرے تھی ویندوں ۔ اساکوں اتنا ہی کلام مقدس گھنݨا چاہیدے جو جیندے واسطے اساں روحانی طو ر تے زندہ رہ سڳوں جݙاں اساں گرجا گھر ویسوں ( اتے اتنا نہ گھنوں جیندے نال ٻہوں زیادہ صحتمند ہووں ، نئے مسیحیاں دی طرحاں) یا اساں اکثر خوراک اتھاں آندوں لیکن اساں کݙاہیں ایندے اُتے زیادہ دیر کیتے غور نئیں کیتا جو اوندے نال روحانی قوت اے نشوو نما حاصل کرݨی ہے۔

اے ٻہوں ضروری ہے جو اگر تُساں خدا دے کلام کو بامقصد طو رتے روزانہ پڑھن دی عادت نہ پاتی ، اتے اینکون یاد رکھو جو جیویں پاک روح تہاکوں ان آیات کوں ذہن نشین رکھݨ واسطے ابھریندے ، جو ایں طرحاویں ایں عادت کوں بݨاوݨ شروع کر ݙیو ۔ میں تہاکوں مشورہ ݙینداں جو تساں اینکوں روزانہ دی طرز تے پڑھو (اگر کمپیوٹر تے تیزی نال لکھ سڳدے ہیوے تاں لکھو) یا ہک سپرنگ آلیکاپی اچ درج کرو وغیرہ۔ اینکوں عادت بݨاؤ جو تساں کلام کوں کائناں چھوڑیسو۔ اوں ویلے تک کجھ نہ کجھ لکھدے راہسو جݙاں تک تُساں ایندے اچ کجھ حاصل نئیں کریندے ۔ میں اکثر خدا نال کیتی ڳئی دعاواں کوں قلمبند کریندا ہاں اتے آہداں جو میکوں ہر لحاظ نال تبدیل کرے اتے او میکوں ہی آہدے ۔ کلامِ مقدس ہک ہتھیار ہے جو روح اساݙی زندگیاں اچ اتے ݙوجھے دی زندگیاں اچ استعمال کریندے (افسیوں ٦ باب ١٧ آیت)، ہک ضروری اتے اہم چیز بکتر جو حفاظت واسطے خدا ݙیندے اساکوں روحانی جنگ اچ لڑن واسطے (افسیوں ٦ باب ١٢ توں ١٨ آیت)۔

تریجھا : دعا اے ہک اتے ضروری تدبیر ہے جو خدا نے ݙتی ۔ دوبارہ ، اے ہک تبدبیر ہے جو مسیحی اکثر ہونٹاں دی خدمت دے ذریعے ݙیندے پر ایندا استعمال ٻہوں گھٹ کریندن ۔ اساں دعائیہ پروگرامز رکھیندوں ، دعا دے اوقات اچ ، وغیرہ ، لیکن اساں ایندا استعمال نئیں کر پیندے جو جیندی پہلی کلیسیا مثالاں ݙیندن (اعمال ٣ باب ١ آیت اعمال ٤ باب ٣١ آیت ، اعمال ٦ باب ٤ آیت) اعمال ١٣ باب ١ توں ٣ آیت وغیرہ) ۔ پولوس ولا ولا نشاندہی کریندے جو او انہاں واسطے دعا کریندے جو جنہاں دی خدمت کریندے ۔ اساں نئیں کریندے ۔ جݙاں اساں اپݨے طور تے ، ایں عظیم تدبیر دا استعمال جو اساکوں حاصل ہے ۔ لیکن خدا نے اساں توں دعا دے بارے اچ ہک حیرت انگیز وعدہ کیتے (متی ٧ باب ٧ توں ١١ آیت ، لوقا ١٨ باب ١ توں ٨ آیت ، یوحنا ٦ باب ٢٣ توں ٢٧ آیت ، ١۔ یوحنا ٥ باب ١٤ توں ١٥ آیت وغیرہ) اتے دوبارہ ، پولوس ، انہاں آیات اچ ݙسیندے جو روحانی جنگ واسطے تیار رہو (افسیوں ٦ باب ١٨ آیت)۔

اے کیویں ضروری ہے؟ جݙاں تساں دوبارہ پطرس کوں ݙہدے ہیوے ، گتسمنی دے باغ اچ پطرس دےا نکار توں پہلے تہاݙے کول ایں واسطے یسوع دے الفاظ ہن ، اتھاں یسوع دعا کریندے پن ، پطرس سُتا پیا ہے۔ یسوع اونکوں جڳیندن اتے آہدن ، " جاگو اتے دعا کرو ، تاں جو تساں آزمائش نہ پوو: روح تاں مستعد ہے پر جسم کمزور ہے" (متی ٢٦ باب ٤١ آیت)۔ تساں پطرس دی طرح او کرݨ چاہندے ہیوے جو ٹھیک ہے لیکن قوت نئیں پیندے ۔ اساکوں خدا دے مشورہ دی لوڑھ ہے ، دستک ݙیندے رہو ، آہدے رہو اتے او اساکوں طاقت ݙیسے جیندی اساکوں لوڑھ ہے (متی ٧ باب ٧ آیت) پر اساکوں اوں تدبیر واسطے ضرورت ہے سادگی نال لبیں دی خدمت ݙیوݨ دی۔

میں نئیں آہدا پیا جو دعا کوئی جادو ہے ۔ اینویں نئیں ۔ خدا جلالی ہے ۔ دعا اساکوں اساݙیاں حداں ݙسیندی ہے اتے خدا دی بے شمار طاقت اتے اوندی طرف ایں واسطے مُڑنا دے جو او اساں توں کراواݨ چاہندے اساں کروں(او نئیں جو اساں کرݨ چاہندوں) (١ یوحنا ٥ باب ١٤ توں ١٥ آیت)۔

چوتھا : کلیسیا اے چھیکڑی تدبیر او ہک ہے جیکوں اساں اکثر نظر انداز کریندے ہیں ، جیویں یسوع نے اپݨے شاگرداں کوں ٻاہر بھڄیا ۔اوں نے انہاں کوں ݙو ݙو کر کے بھیڄھا (متی ١٠ باب ١ آیت) جݙاں اساں اعمال دی کتاب اچ تبلغی سفراں دے بارے اچ پوندوں، اوہ سبھ ہک ہی دفعہ ٻاہر کائنا ڳئے ، پر ݙو یا زیادہ دی جماعت بݨ تے ۔ یسوع نےا ٓکھیا جو جتھاں ݙو یا ترائے ناں نال کٹھے تھیسن ، او انہاں دے درمیان موجود ہوسے(متی ١٨ باب ٢٠ آیت)۔ اوہ اساکوں حکم ݙینسے جو کٹھا ہووݨ توں باز نہ آوسوں جیویں باز لوکاں دا دستور ہے بھلکہ اے اوں ویلھے اچ ہک ݙوجھے کوں محبت اتے نیک کماں دی ترغیب ݙیوں (عبرانیوں ١٠ باب ٢٤ توں ٢٥ آیت) ۔ او اساکوں ݙسیندے جو آپس اچ ہک ݙوجھے نال اپݨے اپݨے گناہاں دا اقرار کرو(یعقوب ٥ باب ١٦ آیت)۔ پراݨے عہد نامے دی حکمت دی کتاب اچ ، اساکوں ݙسایا ڳیا ہے جو جیویں لوہا لوہے کوں تیز کریندے ، ایں طرحاں آدمی دے دوست دے چہرہ دی آب اوندے نال ہے ( امثال ٢٧ باب ١٧ آیت) " اتے تھوڑی ݙوڑی جلدی نئیں ترٹدی "۔ اتفاق اچ برکت ہے (واعظ ٤ باب ١١ توں ١٢ آیت)۔

کجھ کوں میں ڄاݨداں جو اوہ مسیح اچ بھرا ہن یا مسیح اچ بھݨیں ہن (اگر تساں عورت ہیوے تاں) جو ٹیلی فون دے ذریعے شخصی طور تے کٹھے تھی تے ہک ݙوجھے اپݨی مسیحی زندگی دے کماں دا بیان کریندن ، کیویں او کوشش کریندے پن وغیرہ اتے پابندی نال ہک ݙوجھے واسطے دعا کریندن اتے ہک ݙوجھے کوں پکڑی رکھیندن تاں جو خدا دا کلام انہاں دے تعلقات کوں پکا بݨاوے وغیرہ ۔

کہیںو یلے تبدیلی جلدی آ ویندی ہے ۔ کہیں ویلے ݙوجھی صورتاں اچ اے ٻہوں آہستہ آندی ہے ، پر خدا نے اساݙے نال وعدہ کیتے جو جیویں جیویں اساں اوندی تدبیریاں کوں استعمال کریندوں او اساݙی زندگیاں اچ تبدیلی گھن آسے ۔ اینکوں ڄاݨݨ دیاں کوششاں کریندے رہوں او اپݨے وعدیں دا پکا ہے



واپس سراییکی / ملتانی زبان دے پہلے صفے تے



میں کیویں اپݨی مسیحی زندگی تے گناہ تے فتھ پا سڳداں؟