Kiko ta un Kristian?




Pregunta: Kiko ta un Kristian?

Kontesta:
Un difiníshon di un Kristian segùn dikshonario lo ta algu similar manera “un hende ku ta profesá kreyensha den Hesus komo e Kristu of un religion ku ta basá riba e siñansa nan di Hesus”. Aunke esaki ta un difiníshon basta bon, tòg, manera hopi dikshonario ta difiní palabranan, e ta kai un tiki chikí na loke realmente ta nifiká ser un Kristian según Beibel. E palabra “Kristian” ta wòrdu uza tres biaha den Tèstamènt Nobo (Echonan 11:26; 26:28; 1Pedro 4:16). Na Antiokia pa promé bia e siguidonan di Hesu-Kristu a haña e nòmber “Kristian” (Echonan 11:26), dor ku nan komportashon, aktividatnan, i manera di papia tabata manera Kristu. E palabra “Kristian” ta nifiká lèterlek, “pertenesé na e grupo di Kristu” of un “siguidor di Kristu”.

Lastímamente despues di tempu, e palabra “Kristian” a pèrdè un gran parti di su signifikashon i hopi bia e ta wòrdu uza pa un hende ku ta religioso of ku tin balornan moral basta haltu, pero ku kisás no ta un bèrdadero siguidor di Hesu-Kristu. Hopi hende ku no ta kere i konfia den Hesu-Kristu ta konsiderá nan mes komo Kristian simplemente pasobra nan ta bai misa of nan ta biba den un nashon “Kristian”. Pero baimentu di misa, sirbiendo esnan menos afortuná kubo, of ser un bon hende no ta hasibu un Kristian. Baimentu di misa no ta hasibu un Kristian meskos ku baimentu di un garashi no ta hasibu un outo. Ser miembro di un misa, ser presente regularmente, i duna sen na e obra di misa no ta hasibu un Kristian.

Beibel ta siña nos ku e bon obranan ku nos ta hasi no por hasi nos aseptábel na Dios. Tito 3:5 ta bisa, “I sin ku nos a hasi nada bon, pa pura mizerikòrdia, El a salba nos. El a hasié pa medio di e obra di Spiritu Santu ku ta laga nos nase di nobo i ta renobá nos pa medio di e baño di purifikashon.” Dus, un Kristian ta un hende ku a wòrdu nasé di nobo pa medio di Dios (Huan 3:3; Huan 3:7; 1Pedro 1:23) i ku a pone su fe i konfiansa den Kristu-Hesus. Efesionan 2:8 ta bisa nos ku “… boso ta salbá dor di grasia di Dios, pa medio di fe den Kristu! Anto boso no ta haña salbashon a base di boso mes esfuerso, ma e ta un regalo di Dios.”

Un bèrdadero Kristian ta un persona ku a pone su fe i konfiansa den e persona i trabou di Hesu-Kristu, inkluyendo Su morto riba krus komo pago pa nos pikánan i Su resurekshon riba e di tres dia. Huan 1:12 ta bisa nos: “Esnan ku sí asept’É, ku a pone nan konfiansa den su nòmber, El a duna derecho pa bira yu di Dios.” E marka di un bèrdadero Kristian ta e amor ku e tin pa otro hende i su obediensha na Dios Su Palabra (1Huan 2:4, 10). Un Kristian bèrdadero ta realmente un yu di Dios, ku ta forma parti di Dios Su bèrdadero famia, i ku a haña bida nobo den Hesu-Kristu.

Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.



Bai bèk na home page di Papiamentu



Kiko ta un Kristian?