Hesus ta e úniko kaminda pa yega Shelu?




Pregunta: Hesus ta e úniko kaminda pa yega Shelu?

Kontesta:
“Básikamente mi ta un bon hende, dus lo mi bai shelu.” “Ok, mi a yega di hasi un par di kos robes, pero mayoria kos ku mi hasi ta kosnan bon, dus lo mi bai shelu.” “Dios lo no mandami fiérnu djis paso mi no ta biba segun Beibel ta bisa. Tempunan a kambia!” “Hendenan ku ta hopi mal hende, manera abusadornan di mucha i asesínonan so ta bai fiérnu.”

Tur esakinan ta pensamentunan hopi komún, pero e bčrdat ta ku nan tur ta mentira. Satanás, e lider di mundu, ta planta tur e pensamentunan aki den nos kabes. E, i tur hende ku ta sigui su sistema, ta enemigu di Dios (1Pedro 5:8). Satanás ta un mentiroso, i e ta disfrasá su mes na algu bon (2Korintionan 11:14), pero e tin kontrňl riba tur e mentenan ku no ta pertenesé na Dios. “Nan ta inkrédulo pasobra e dios di e mundu aki a blčndu nan mente. Di e manera ei nan no por mira lus di e bon notisia, e bon notisia tokante gloria di Kristu ku ta e imágen di Dios.” (2 Korintionan 4:4).

Ta robes pa kere ku Dios no ta wňri ku pikánan chikí ňf ku fiérnu ta reservá pa hendenan “mal hende” so. Tur piká ta separá nos for di Dios, asta un “mentira chikí”. Tur hende a peka, i no tin ningun ku ta bon sufisiente pa bai shelu riba nan propio forsa (Romanonan 3:23). Pa bo drenta shelu no ta bai a base di ku bo bon obranan ta mas tantu ku esnan malu; nos tur lo kai chikí si esei tabata e kaso. “Sí, Dios ta skohe a base di grasia, no pasobra hende a hasi bon obra. Si ta a base di obra, e ora ei grasia lo no tabata grasia.” (Romanonan 11:6). Nos no por hasi ningun bon obra pa gana nos kaminda pa shelu (Tito 3:5).

“Drenta di e porta smal, pasobra e porta i e kaminda ku ta guia na pčrdishon ta hanchu, i hopi ta esnan ku ta pasa di e kaminda ei” (Mateo 7:13). Asta si tur otro hende ta bibando un bida pekaminoso, den un kultura kaminda konfiansa den Dios no ta algu popular, Dios lo no tuma esei komo eskusa. “Un tempu boso tambe tabata spiritualmente morto, pa motibu di boso aktonan di desobediensia i boso pikánan. Boso tabata sigui e mal kaminda di e mundu aki, kaminda di esun ku ta enkabesá e podernan di den laria.” (Efesionan 2:1-2).

Ora Dios a krea mundu, e tabata perfekto i bon. Despues El a traha Adam i Eva i a duna nan boluntat propio, pa asina nan tin e eskóho pa sigui i obedesé Dios. Pero nan a wordu tentá dor di Satanás, i nan a peka. Esaki a separá nan (i tur hende ku a bin despues di nan) fo’i un relashon serkano ku Dios. E ta perfekto i santu i mester huzga piká. Komo pekadornan, nos no por a rekonsiliá nos mes ku Dios riba nos mes. P’esei Dios a provee un manera pa nos por ta uní kun’É den shelu. “Pasobra Dios a stima mundu asina tantu ku El a duna su úniko Yu, pa tur esnan ku pone konfiansa den djE no bai pčrdí, ma hańa bida eterno.” (Huan 3:16). “Pasobra e pago di piká ta morto, pero e regalo ku Dios ta duna ta bida eterna, ku nos por hańa den nos Seńor Kristu-Hesus.” (Romanonan 6:23). Hesus a nase pa e muri pa nos pikánan ya asina nos no mester hasi’é. Tres dia despues di Su morto, El a lanta bčk for di graf (Romanonan 4:25), demostrando Su mes viktorioso riba morto. El a sera e buraku ku tabata tin entre Dios i hende, pa asina nos por tin un relashon personal kun’É si nos djis kere.

“I bida eterno ke men: konosé Abo, e úniko Dios berdadero, i konosé Kristu Hesus, Esun ku Abo a manda.” (Huan 17:3). Mayoria hende ta kere den Dios, asta Satanás ta kere. Pero pa risibí salbashon, nos mester forma un relashon personal ku Dios, bira lomba pa nos pikánan, i sigui’É. Nos mester konfia den Hesus ku tur kos ku nos tin i tur kos ku nos hasi. “Dios ta aseptá tur hende pa medio di fe den hesu-Kristu. Esei ta konta pa tur hende ku kere den Kristu, sin distinshon.” (Romanonan 3:22). Beibel ta sińa nos ku no tin otro kaminda pa hańa salbashon ku no ta pa medio di Kristu. Hesus ta bisa den Huan 14:6, “Ami ta e kaminda, bčrdat i bida; niun hende no por yega serka Tata, si no ta pa medio di Mi.”

Hesus ta e úniko kaminda pa salbashon pasobra E ta e úniko ku por paga e kastigu di nos pikánan (Romanonan 6:23). Ningun otro religion no ta papia tokante e gravedat i seriedat di piká i su konsekuenshanan. Ningun otro religion no ta ofresé e pago absoluto di piká ku Hesu-Kristu por provee. Ningun otro “fundadó” di grupo religioso tabata Dios ku a bira hňmber (Huan 1:1-14)- e úniko manera ku e debe di piká por wňrdu pagá. Hesus mester tabata Dios pa por a paga nos debe. Hesus mester tabata hende pa por a muri. Tin salbashon solamente pa medio di fe den Hesu-Kristu! “Den djE so por hańa salbashon; riba mundu no tin niun otro nňmber duná na hende; ku por saba nos.” (Echonan 4:12).

Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.



Bai bčk na home page di Papiamentu



Hesus ta e úniko kaminda pa yega Shelu?