settings icon
share icon
Pregunta

Bo tin Bida Eterna?

Kontesta


Beibel ta duna nos un bista basta kla kon pa yega na bida eterna. Promé ku tur kos, nos tinku rekonosé ku nos a peka kontra Dios: “Tur hende a peka i ta karesé di Dios su gloria” (Romanonan 3:23). Nos tur a yega di hasi kosnan ku ta desagradabel pa Dios, kual ta nifiká ku nos ta meresé kastigu. Dor ku tur nos pikánan ta kontra un Dios eterno, un kastigu eterno so ta sufisiente. “Pasobra e pago di piká ta morto, pero e regalo ku Dios ta duna ta bida eterna, ku nos por haña den nos Señor Kristu-Hesus” (Romanonan 6:23).

Pero, Hesu-Kristu, E Yu di Dios eterno sin niun piká (1 Pedro 2:22), a bira hende (Huan 1:1,14) i a muri pa paga nos kastigu. “Dios sí ta demostrá su amor pa nos dor ku Kristu a muri pa nos miéntras nos tabata pekador ahinda” (Romanonan 5:8). Hesu-Kristu a muri na krus (Huan 19:31-42), tumando e kastigu ku nos ta meresé (2 Korintionan 5:21). 3 dia despues El a lanta for di morto (1 Korintionan 15:1-4), kual ta prueba di Su viktoria riba piká i morto. “Den su gran mizerikórdia El a duna nos un bida nobo dor di lanta Hesu-Kristu for di morto. Esei a yena nos ku un speransa bibu” (1 Pedro 1:3).

Pa medio di fe, nos tinku kambia nos manera di pensa tokante Kristu – ken E ta, kiko El a hasi, i dikon – pa salbashon (Echonan 3:19). Sí nos pone nos fe den djE, konfiá ku Su morto riba krus ta e pago pa nos pikánan, nos lo wordu pordona i risibí e promesa di bida eterna den shelu. “Pasobra Dios a stima mundu asina tantu ku El a duna su úniko Yu, pa tur esnan ku pone konfiansa den djE no bai pèrdí, ma haña bida eterna’’ (Huan 3:16). “Pasobra si ku bo boka bo proklamá ku Kristu ta Señor i den bo kurason bo kere ku Dios a lant’É for di morto, lo bo ta salbá! (Romanonan 10:9). Solamente fe den e trabou di Kristu riba krus ta e berdadero kaminda pa bida eterna! “Pasobra boso ta salbá dor di grasia di Dios, pa medio di fe den Kristu! Anto boso no ta haña salbashon a base di boso mes esfuerso, ma e ta un regalo di Dios. No por hasi nada pa gan’é, ya niun hende no por broma” (Efesionan 2:8-9).

Sí bo ke aseptá Hesu-Kristu komo bo Salbador, ataki un ehèmpel di un orashon. Pero korda, ku djis bisando e orashon aki òf kualke otro orashon lo no salbabu. Solamente konfiándo den Kristu lo salbabu di piká. E orashon aki ta simplemente un manera pa ekpresá na Dios bo fe den djE i yam’É danki paso El a perkurá pa bo salbashon. “Señor, mi sa ku mi a peka kontra Bo i ku mi ta meresé kastigu. Pero Kristu-Hesus a tuma e kastigu ku ami ta meresé pa asina pa medio di fe den djE mi por wordu pordona. Mi ta pone mi konfiansa den Bo pa salbashon. Danki pa Bo maravioso grasia i pordon – e regalo di bida eterna! Amèn!”

Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.

English



Bai bèk na home page di Papiamentu

Bo tin Bida Eterna?
Facebook icon Twitter icon Pinterest icon Email icon
© Copyright Got Questions Ministries