settings icon
share icon
Pregunta

Kiko Beibel ta bisa tokante bebementu di alkohòl / biña? Ta piká pa un Kristian bebe alkohòl / biña?

Kontesta


Skritura tin hopi di bisa tokante bebementu di alkohòl (Levítiko 10:9; Numbernan 6:3; Deuteronomio 29:6; Huesnan 13:4, 7, 14; Proverbionan 20:1; 31:4; Isaías 5:11, 22, 24:9; 28:7; 29:9; 56:12). Pero, Skritura no ta nesesariamente prohibí un Kristian di bebe serbes, biña òf kualkier otro bebida ku ta kontené alkohòl. De fakto, algun Skritura ta menshoná alkohòl den un sentido positivo. Predikador 9:7 ta siña nos, “bebe bo biña, kurason kontentu”. Salmonan 104:14-15 ta bisa ku Dios ta duna biña “pa alegrá su kurason”. Amos 9:14 ta bisa ku ora bo bebe biña di bo propio hòfi ta un señal di bendishon di Dios. Isaías 55:1 ta enkurashá nos, “bin tuma biña ku lechi…”

Lokual Dios ta bisa pa Kristiannan hasi ora ta konserní alkohòl ta, pa evitá buracheria (Efesionan 5:18). Beibel ta kondená buracheria i e efektonan ku e tin (Proverbionan 23:29-35). Kristiannan tambe tin e mandato pa no laga nan kurpa wòrdu poderá di algu (1 Korintionan 6:12; 2 Pedro 2:19). Bebementu di alkohòl den ekseso sigur sigur ta adiktivo. Skritura tambe ta prohibí un Kristian di hasi tur loke ku por ofendé otro Kristiannnan òf enkurashá nan pa peka kontra nan konsenshi (1 Korintionan 8:9-13). Segun e prinsipionan aki, lo ta hopi difísil pa kualkier Kristian bisa ku e ta bebiendo alkohòl den ekseso pa gloria di Dios (1 Korintionan 10:31).

Hesus a kombertí awa den biña. Tin asta indikashon ku Hesus a bebe biña na algun okashon (Huan 2:1-11; Mateo 26:29). Durante e temporada di Tèstamènt Nobo, e awa no tabata masha limpi. Dor ku no tabatin sanitario moderno, e awa tabata hopi bia yená ku bakteri, vírùs, i yen tipo di kontaminashon. Mesun kos ta e kaso den hopi paisnan den desaroyo awendia. Komo resultado di esaki, hopi bia e hendenan tabata bebe biña (òf djus di drùif), pasobra e chèns ku e tabata kontaminá ta hopi mas chikitu. Den 1 Timoteo 5:23, Pablo tabata instruí Timoteo pa e stòp di bebe awa (kual probablemente tabata e kousa di su problemanan di stoma) i pa e bebe biña na su luga. Den e tempu ei, biña tabata wòrdu fermentá (kontené alkohòl), pero no nesesariamente riba e nivel ku e ta awendia. Ta inkorekto pa bisa ku e tabata djus di drùif, pero tambe ta inkorekto pa bisa ku e tabata e mesun tipo di biña ku ta wòrdu uzá awendia. Atrobe, Skritura no ta prohibí Kristiannan di bebe serbes, biña, ni kualkier otro bebida ku ta kontené alkohòl. Alkohòl no ta, riba su mes, manchá na piká. Ta buracheria i adikshon na alkohòl un Kristian mester apsolutamente apstené di dje (Efesionan 5:18; 1 Korintionan 6:12).

Alkohòl, ora wòrdu konsumí den kantidat chikí, no ta ni peligroso, ni adiktivo. De fakto, algun dòkter ta asta enkurashá bebementu di kantidatnan chikí di biña korá pa su benefisonan di salú, espesialmente pa kurason. Konsumo di kantidatnan chikitu di alkohòl ta un kestion di libertat Kristian. Buracheria i adikshon ta piká. Pero, ora nos konsiderá e puntonan bíbliko ku ta konserní e efektonan di alkohòl, e tentashon ta grandi pa konsumí alkohòl den ekseso, i tambe dor ku e por krea un posiblidat pa kousa ofensa i/òf tentashon serka otro hende, hopi bia ta miho pa un Kristian apstené di bebe alkohòl.

English



Bai bèk na home page di Papiamentu

Kiko Beibel ta bisa tokante bebementu di alkohòl / biña? Ta piká pa un Kristian bebe alkohòl / biña?
Facebook icon Twitter icon Pinterest icon Email icon
© Copyright Got Questions Ministries