settings icon
share icon
سوال

آپ ہتیا بارے مسیحی وچار کیہ نیں؟ کلام پاک آپ ہتیا بارے کیہ کہندا اے؟

جواب


کلام پاک دے مطابق، بھاویں کوئی بندہ ایس لئی آپ ہتیا نہیں کردا کہ اوہنوں کیہ پتہ کہ اوہ جنا یاں زنانی بہشت وچ داخل ہو پاؤن گے۔ جے اک بندہ جیہنوں مکتی نہیں ملی آپ ہتیا کردا اے، اوس جنے یاں زنانی نے کجھ نہیں کیتا پر اوہناں نے آگ دی جھیل ول اپنا پینڈا "چھیتی" چھوہ لیا اے۔ بہرحال جہیڑے بندے نے آپ ہتیا کیتی ہوئے گی آخر کار اوہ مسیح راہیں مکتی نوں قبول نہ کرن دی وجہ توں دوزخ وچ جائے گا: ساؤل (1۔سموئیل 31 باب 4 آیت)، اخیتُفل (2۔سموئیل 17 باب 23)، زمری (1۔سلاطین 16 باب 18 آیت)، تے یہوداہ (متی 27 باب 5 آیت)۔ ایہہ سب مکار، بُرے، پاپ دے بھرے ہوئے انسان سی۔ کلام پاک دی نظر وچ آپ ہتیا قتل دے برابر اے۔ ایہہ ایس لئی کہ ایہہ اپنا قتل آپ اے۔ رب ای اوہ اک اے جیہڑا فیصلہ کردا اے کہ کدوں تے کیویں کسے بندے نیں مرنا اے۔ ایس طرحاں دی طاقت نوں اپنے ہتھاں وچ لینا، کلام پاک دے مطابق رب دے حضور گستاخی اے۔

کلام پاک کیہ کہندا اے جدوں کوئی مسیحی آپ ہتیا کردا اے؟ میں یقین نہیں کردا کہ کوئی مسیحی آپ ہتیا کردا اے تے اوہ اپنی مکتی گنوا دیوے گا تے دوزخ وچ جائے گا۔ کلام پاک تعلیم دیندا اے کہ جہیڑی گھڑی کوئی بندہ مسیح تے سچا ایمان لیاؤندا اے، اوہ جنا یاں زنانی ہمیش دی حفاظت پا لیندا اے (یوحنا 3 باب 16 آیت)۔ کلام پاک دے مطابق، ہر طرحاں دے شک دے مگروں وی مسیحی جان دے نیں کہ اوہ ہمیش دی حیاتی رکھدے نیں بھاویں کجھ وی ہووے۔ "میں تہانوں جہیڑے رب دے پُتر تے ایمان لیائے اوہ ایہہ گلاں ایس لئی لکھیاں کہ تہانوں پتہ ہوئے کہ ہمیش دی حیاتی رکھدے او" (1۔ یوحنا 5 باب 13 آیت)۔ کوئی شے مسیحاں نوں رب دی محبت توں وکھ نہیں کرسکدی "کیونجے مینوں یقین اے کہ رب دی جہیڑی محبت ساڈے خداوند یسوع مسیح وچ اے اوس توں سانوں نہ موت وکھ کر سکے گی نہ حیاتی۔ نہ فرشتے نہ حکمتاں۔ نہ حال دیاں نہ استقبال دیاں شیواں۔ نہ قدرتاں نہ اُچاناں نہ نیواناں نہ کوئی ہور مخلوق" (رومیوں 8 باب 38 تے 39 آیت)۔ کوئی "بنائی ہوئی مخلوق" مسیحی نوں رب دی محبت توں وکھ نہ کر سکے گی، جے کوئی مسیحی آپ ہتیا کردا اے جہیڑا "مخلوق اے" فیر آپ ہتیا وی اوہنوں رب دی محبت توں وکھ نہ کر سکے گی۔ یسوع ساڈے سارے پاپاں لئی مریا تے جے کوئی سچا مسیحی ایہہ کردا اے، تے روحانی حملے تے کمزوری وچ آپ ہتیا کردا اے تے ایہہ پاپ ہوئے گا جیہدے لئی یسوع مریا۔

ایہہ نہیں کہیا جاندا کہ آپ ہتیا کرنا رب دے خلاف اک گمبھیر پاپ نہیں اے۔ کلام پاک دے مطابق آپ ہتیا قتل اے ایہہ ہمیش توں غلط اے۔ میں اوس بندے دے ایمان بارے حالے وی شک وچ آں جہیڑا مسیحی ہون دا دعویٰ کردا اے تے اوہدے مگروں وی اوہنے آپ ہتیا کیتی۔ ایتھے انج دے حالات نہیں جیہڑے کسے لئی ٹھیک ٹھہراؤن اچیچا مسیحی لئی کہ اوہ جنا یاں زنانی اپنی جان لے لے۔ مسیحی نوں رب لئی حیاتی گزارن لئی سدیا گیا۔ کدوں کیہنے مرنا اے ایہہ فیصلہ اُکا رب دا اے تے اُکا رب دا۔ خورے اک چنگا رستہ جہیڑا آپ ہتیا نوں مسیحاں لئی بیان کردا اے آستر دی کتاب وچ اے۔ ایران وچ اک قانوں اے کہ جے بنا طلب کیتے ہوئے کوئی بادشاہ دے حضور آئے تے اوہنوں سزائے موت دے نال قید کردتا جاندا اے جدوں تیکر بادشاہی کسے دوجے بندے کول نہیں چلی جاندی جو رحم دی علامت اے۔ آپ ہتیا اک مسیحی لئی انج دا رستہ اے جہیڑا آپ بادشاہ نوں ویکھنا اے بجائے ایس دے کہ اوہنوں اڈیکیا جائے کہ اوہ آپ تہانوں طلب کرے۔ اوہ اپنا گدی نشین تہانوں بنائے گا، تہاڈی ہمیش دی حیاتی نوں بچاؤندے ہوئے، پر ایہدا اے مطلب نہیں کہ اوہ تہاڈے توں خوش اے۔ ایہدے مگروں وی ایہہ آپ ہتیا نوں بیان نہیں کردا، کلام پاک 1۔کرنتھیوں 3 باب 15 آیت اک چنگا ویروا اے کہ جے کوئی مسیحی آپ ہتیا کردا اے تے اوہدے نال کیہ ہوندا اے ، "تے جیہدا کم سڑ جاوے گا اوہ گھٹا کھاوے گا پر آپ بچ جاوے گا پر سٹردیاں سٹردیاں"۔

English



پنجابی دے مڈھلے صفحے تے جاؤ

آپ ہتیا بارے مسیحی وچار کیہ نیں؟ کلام پاک آپ ہتیا بارے کیہ کہندا اے؟
Facebook icon Twitter icon Pinterest icon Email icon
© Copyright Got Questions Ministries