مكتي دا چارا كيه اے؟

سوال: مكتي دا چارا كيه اے؟

جواب: كيه تسي بھوكھے اوه؟ جسماني طور تے نهيں، كيه تسي اپني حياتي وچ كسے هور شے دي بھوكھ ركھدے اوه؟ كوئي شے تهاڈے اندر اے جهيڑي كدي ٹيكدي نظر نهيں آوندي؟ پس جے يسوع رسته اے يسوع نے اكھيا، "حياتي دي روٹي ميں آں۔ جهيڑا ميرے كول آوئے گا اوه كدي وي بھوكھا نهيں هووے گا، تے جهيڑا ميرے اُتے ايمان ليائے گا اوه كدي ترايا نهيں هووئے گا"۔ ﴿يوحنا 6باب35آيت﴾۔

كيه تسي پريشان اوه؟ كيه تسي كدي اپني حياتي دا رسته تے مقصد پته كرن دا سوچيا اے؟ كيه كدي تهانوں ايويں لگا كه كدي سارياں بتياںبند هون تے تهانوں بٹن نه ملده هووئے؟ فير جے، يسوع رسته اے تے يسوع اعلان كردا اے، "دنيا دا نور ميں آں۔ جهيڑا ميرے پيچھے آوئے گا اوه نيرے وچ نه چلے گا بلكه حياتي دا نور پائيگا۔"﴿يوحنا 8باب12آيت﴾۔

كيه تهانوں كدي ايويں لگا اے كه جيويں تسي كسے قيد وچ هووه؟ تسي بوهت سارے دروازياں وچوں ايتھوں نكلن دي كوشش كيتي ، تے تهانوں اے پته چليا اوهناں دروازياں دے پچھے كجھ وي نهيں اے تے اوه بے مقصد نيں؟ كيه تسي اك چنگي حياتي وچ وڑن لئي رسته لبدے اوه؟ جے ايويں اے تے يسوع رسته اے يسوع اعلان كردا اے، "دروازه ميں آں؛ جے كوئي ميرے وچ داخل هوندا اے تے مكتي پائيگا۔ تے اندر تے باهر آيا جايا كريگا تے چاره پائيگا"﴿يوحنا10باب9آيت﴾۔

كيه دوجے لوك تهانوں كٹھيا سمجھدے نيں؟ كيه تهاڈے اوهناں دے نال تعلقات بوهت هلكے تے بے معافي جے نيں؟ كيه تهانوں لگدا اے كه هر كوئي تهاڈے توں فائده چُكن دي كوشش كردا اے؟ فير جے ايويں اے، تے يسوع رسته اے يسوع نے اكھيا اے، "چنگا چرواها ميں آں۔ چنگا چرواها بھيڈاں لئي اپني جان وي دے ديندا اے ۔۔۔،چنگا چرواها ميں آں۔ جيويں ميں پيو نوں جاندا آں تے پيو مينوں جاندا اے"﴿يوحنا10باب11اور14آيت﴾۔

كيه تسي حيران اوه كه ايس حياتي دے بعد كيه هون والا اے؟ كيه تسي حياتي وچ صرف ايهووه جهياں شياواں لئي كوشش كردے رهے اوه جهيڑي بس سڑدياں نيں تے اوهناں نوں زنگ لگ جاندا اے؟ كيه تسي كدي ايويں محسوس كيتا اے كه حياتي دا كوئي مطلب اے؟ كيه تسي مرن توں بعد وي زنده رهنا چاهندے اوه؟ فير جے يسوع رسته اے يسوع اعلان كردا اے، "يسوع نے اوهنوں اكھياقيامت تے حياتي ميں آں۔ جهيڑا ميرے تے ايمان لياندا اے پاويں اوه مر جائے تے فيروي زنده رهوئے گا۔ تے جے كوئي زنده اے تے ميرے تے ايمان لياندا اے اوه هميش تيكر كدي وي نه مريگا"﴿يوحنا11باب25تا26آيت﴾۔

رسته كيه اے؟ سچائي كيه اے؟ حياتي كيه اے؟ يسوع نے جواب ديتا، "راه تے حق تے حياتي ميں آں۔ كوئي ميرے وسيلے دے بغير پيو دے كول نهيں آسكدا"﴿يوحنا14باب6آيت﴾۔

.جهيڑي بھوكھ تسي محسوس كردے اوه ، اوه روحاني بھوكھ اے، اوه صرف يسوع دے راي اي مك سكدي اے۔ صرف يسوع اي اے جهيڑا نيرے نوں مُكا سكدا اے۔ يسوع اصلي حياتي دا دروازه اے۔يسوع يار تے چرواها اے جينوں تسي لبدے سي۔ يسوع حياتي اے۔ ايس دنيا وچ تے اگلي دنيا وچ۔ يسوع مكتي دا رسته اے

تهاڈي بھوكھ دي وجه، تسي نيرے وچ گوچے هوئے لگدے اوه، ايس لئي تسي حياتي دے اصل معاني نوں نهيں لب پا رهے، كيه تسي خدا توں وكھ هوگئے اوه۔ كلام پاك سانوں دسدا اے كه اسي سارياں نے پاپ كيتا تے ايس لئي اسي خدا توں دور هو گئے آں﴿واعظ7باب20آيت؛ روميوں3باب23آيت﴾۔

تسي اپني حياتي وچ جهيڑي كمي محسوس كردے اوه ، اوه خدا اے جهيڑا تهاڈي حياتي وچ موجود نهيں اے۔ اسي خدا دے نال تعلق ركھن لئي پيدا هوئے كيتے گئے سي۔ پاپ دي وجه توں، ساڈا تعلق مُك گيااے۔ ايس توں وي پيڑا اے هويا كه پاپ دي وجه توں اسي هميش لئي خدا توں الگ هوگئے، ايس حياتي وچ تے آن والي وچ حياتي وچ﴿روميوں 6باب23آيت؛ يوحنا3باب36آيت﴾۔

اے مشكل كيويں حل هووئے گي؟ يسوع رسته اے يسوع نے ساڈے پاپ اپنے اُتے لے لئيے﴿2۔كرنتھيوں5باب21آيت﴾۔يسوع ساڈي تھاں تے مريا﴿روميوں5باب8آيت﴾،اوه سزا سهي جيدے اسي حقدار سي۔ تين دن بعد ، يسوع مردياں وچ جي اُٹھيا، اپني كاميابي نوں پاپ تے موت تے پكا كيتا﴿روميوں6باب4تا5آيت﴾۔اوهنے اے كيوں كيتا؟ يسوع نے آپ اي ايهدا جواب ديتا اے، "ايس توں بوهتي محبت كوئي بنده نهيں كردا كه اپني جان اپنے دوستاں لئي دے ديوے"﴿يوحنا15باب13آيت﴾۔ يسوع مريا تاكه اسي زنده ره سكيے۔ جے اسي يسوع تے ايمان ركھنے آں تے ايمان ركھنے آں كه اوهنے موت دے نال ساڈے پاپاں دا مول ديتا اے۔ ساڈے سارے پاپ معاف كيتے نيں تے اوه مُك گئے نيں۔ تد ساڈي روحاني بھوكھ نوں چين ملے گا۔ لو واپس آجائيگي۔ اسي چنگي حياتي تك پهنچ سكاں گے ۔ اسي اپنے سچے يار تے چنگے چرواهے نوں جانا گے۔ اسي جانا گے كه اسي مرن توں بعد حياتي پاواں گے۔ مردياں وچوں جي اُٹھن توں بعد يسوع دے نال آسمان تے هميش دي حياتي لئي "كيونجے خدا نے دنيا دے نال اجهيي محبت ركھي كه اوهنے اپنا اكلوتا پتر بخش ديتا تانجے جهيڑا اوهدے تے ايمان ركھے مرے نه بلكه هميش دي حياتي پائے "﴿يوحنا3باب 16آيت﴾۔

ستواں۔۔تسي جو كُج اتھے پڑھيا اے، كيه اوهدي لو وچ تسي مسيح لئي فيصله كيتا اے؟ جهے انج اے تے مهرباني كركے تھلے ديتے هوئے بٹن نوں دبائو "اج ميں مسيح نوں قبول كيتا اے"۔

چوتھا۔۔واپس پنجابي زبان دے پهلے صفحے تے

مكتي دا چارا كيه اے؟