settings icon
share icon
سوال

یسوع نوں اپنا ذاتی مکتی داتا قبول کرن دا کیہ مطلب ہے؟

جواب


کیہ تسیں یسوع نوں اپنا ذاتی مکتی داتا قبول کیتا ہے؟ ایس سوال نوں چنگی طرحاں سمجھن لئی تہانوں پہلاں لفظاں "یسوع مسیح"، "ذاتی"، اتے "مکتی داتا" نوں سمجھنا چاہیدا ہے۔

یسوع مسیح کون ہے؟ بہت سارے لوک یسوع مسیح نوں اک چنگا بندہ، اک وڈا گرو، یاں ایتھوں تیکر بئی رب دا نبی وی منن گے۔ ایہہ گلاں پکے طور تے یسوع بارے سچیاں ہین، پر اوہ ایہہ گل پوری نہیں دسدے پئی اصل وچ اوہ کون ہے۔ پاک کلام سانوں دسدا ہے بئی یسوع مجسم رب ہے، بندے دی جُون وچ رب ہے (دیکھو یوحنا باب 1 آیت 1 تے 14)۔ رب دھرتی تے سانوں سکھاؤن، شفا دین، سدھارن، معاف کرن – اتے ساڈے لئی مرن واسطت دھرتی تے آیا! یسوع مسیح خدا ہے، پیدا کرن والا ہے، بادشاہاں دا بادشاہ ہے۔ کیہ تسیں ایس یسوع نوں قبول کیتا ہے؟

مکتی داتا کیہ ہے، اتے سانوں مکتی داتا دی لوڑ کیوں ہے؟ پاک کلام سانوں دسدا ہے بئی اسیں ساریاں نے پاپ کیتے ہیں؛ اسیں ساریاں نے بھیڑے کارے کیتے ہیں (رومیوں باب 3 آیت 10 توں 18) ۔ ساڈے پاپاں دے نتیجے وچ، اسیں رب دے قہر اتے اوہدی عدالت دے حقدار ہاں۔ اک بے حدے اتے ہمیش رہن والے رب دے خلاف پاپ کرن دی گھٹو گھٹ تے اکو اک سزا اک بے حدی سزا ہے (رومیوں باب 6 آیت 23؛ مکاشفہ باب 20 آیت 11 توں 15)۔ ایہو وجہ ہے بئی سانوں اک مکتی داتا لوڑیدا ہے!

یسوع مسیح دھرتی تے آیا اتے ساڈی تھاں مویا۔ یسوع دی موت ساڈے پاپاں دا اک بے حدّا کفارہ سی (2 کرنتھیوں باب 5 آیت 21)۔ یسوع ساڈے پاپاں دا کفارہ ادا کرن لئی مویا (رومیوں باب 5 آیت 8)۔ یسوع نے مُل تاریا تاں جے سانوں نہ تارنا پوے۔ یسوع دے مردیاں چوں جی اُٹھن نے ثابت کیتا بئی اوہد موت ساڈے پاپاں دا کفارہ دین لئی کافی سی۔ ایہو وجہ ہے بئی یسوع اکو اک تے اکلا مکتی داتا ہے (یوحنا باب 14 آیت 6؛ اعمال باب 4 آیت 12)! کیہ تسیں یسوع تے اپنے مکتی داتا دے طور تے بھروسہ کر رہے ہو؟

کیہ یسوع تہاڈا "ذاتی" مکتی داتا ہے؟ بہت سارے لوک مسیحیت نوں گرجے جان، رسماں نبھاؤن، اتے / یا کئی پاپ نہ کرن دے طور تے دیکھدے ہین۔ ایہہ مسیحیت نہیں ہے۔ اصل مسیحیت یسوع مسیح نال اک ذاتی سانگا رکھنا ہے۔ یسوع نوں اپنے ذاتی مکتی داتا دے طور تے قبول کرن دا مطلب ہے تہاڈا اپنا ذاتی ایمان اتے بھروسہ اوہدے تے رکھنا۔ کوئی وی دوجیاں دے ایمان نال مُکت نہیں ہوندا۔ کوئی وی کجھ خاص عمل کر کے بخشیا نہیں جاندا۔ مکت ہون دا اکو اک طریقہ ایہہ ہے بئی یسوع نوں اپنا ذاتی طور تے اپنا مکتی داتا قبول کرنا، اوہدی موت نوں اپنے پاپاں دا کفارہ سمجھنا اتے اوہدے مر کے جی اُٹھن نوں اپنی سدا دی حیاتی دی ضمانت سمجھنا (یوحنا باب 3 آیت 16)۔ کیہ یسوع ذاتی طور تے تہاڈا مکتی داتا ہے؟

جے تسیں یسوع نوں اپنا ذاتی مکتی داتا قبول کرنا چاہوندے ہو، رب نال ایہہ گلاں کرو۔ چیتے رکھو، ایہہ دعا یاں کوئی ہور دعا پڑھن نال تسیں مُکت نہیں ہو جاؤ گے۔ صرف یسوع مسیح اتے تہاڈے لئی اوہدے صلیت تے مُکائے ہوئے کم تے ایمان رکھنا تہانوں پاپ توں بچا سکدا ہے۔ ایہہ دعا تہاڈے رب تے ایمان رکھن اتے تہانوں مکتی دین تے اوہدے شکرانے لئی اک سادہ جیہا ڈھنگ ہے۔ "ربا، میں جان دا ہاں بئی میں تیرے خلاف پاپ کیتا ہے اتے سزا دا حقدار ہاں۔ پر میرا ایمان ہے یسوع مسیح نے اوہ سزا اپنے اُتے لے لئی جیہدا میں حقدار سی ایس لئی اوہدے تے ایمان راہیں مینوں مکتی مل سکدی ہے۔ بخشش لئی تیری پیشکش مینوں مل گئی اتے میں مکتی لئی تیرے تے ایمان رکھداں۔ میں یسوع نوں اپنے ذاتی مکتی داتا دے طور قبول کرداں۔ میں شکر کرداں تیری مہر اتے بخشش – ہمیش رہن والی حیاتی دی سوغات دا! آمین!"

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

English



پنجابی دے مڈھلے صفحے تے جاؤ

یسوع نوں اپنا ذاتی مکتی داتا قبول کرن دا کیہ مطلب ہے؟
Facebook icon Twitter icon Pinterest icon Email icon
© Copyright Got Questions Ministries