ميں كيويں اپني حياتي وچ پاپ تے جيت پا سكنا آں؟

سوال: ميں كيويں اپني حياتي وچ پاپ تے جيت پا سكنا آں؟

جواب: كلام پاك تھلے ديتے هوئے طريقاں تے گل كردا اے جناں نال اسي اپني پاپي فطرت تے جيت پا سكنے آں:

پهلا۔۔پاك روح۔ ايك تحفه اے جهيڑا خدا سانوں ديندا اے ﴿اوهدي كليسيا﴾ مسيحي وانگر اپني حياتي گزارن پاك روح وچ رهندے نيں۔ خدا جسم دے كماں تے روح دے پھلاں وچ فرق ركھدا اے گلتيوں5باب16تا25آيت ۔ايناں آيتاں وچ سانوں روح وچ چلن لئي بلايا جاندا اے۔ "سارے ايماندار پهلاں توں اي پاك روح ركھدے نيں، پر اے آيت سانوں دسدي اے كه سانوں روح وچ چلن دي لوڑ اے، اپني مرضي دے نال اپنے آپ نوں اوهدے اخيتار وچ دے دئيے۔ ايهدا مطلب اے كه اسي "اُتلے حصے"دا انتخاب كريے جيدي پاك روح ساڈي زندگي وچ ترغيب ديندا اے ايهدے بجائے كے اسي جسم دي پيروي كريے۔ فرق جهيڑا پاك روح ايماندار دي حياتي وچ لياندا اے اوه سانوں پطرس دي حياتي وچ نظر آندا اے، جنے پاك روح دے نازل هون توں پهلاں يسوع دا تين واري انكار كيتا تے ايهدے بعد اوهنے اكھيا كه اوه مرن تيكر مسيح دي پيروي كريگا۔ پاك روح دے نال بھرن توں بعد، اوه يهودياں دي عيد پينتكوست تے مكتي داتا دے پاروں صاف تے بهادري دے نال دسدے نيں۔

پاك روح وچ چلنااينج نهيں جيويں كوئي "خاموشي"دے نال پاك روح دے پاروح ابھارے ﴿"روح نوں نه بجھائو جيويں1۔ تھسلنكيوں 5باب19آيت وچ كهيه گيا اے ﴾تے اے چاهو كه روح نال بھر دے جائو﴿افيسوں5باب18تا21آيت﴾۔كيويں كوئي روح دے نال بھر سكدا اے؟ سارياں توں پهلاں، اے خدا دي پسند اے جيويں اے پرانے عهدوچ سي۔ اوهنے اپنے طور تے لوكاں نوں چُنيا تے اوهنے پرانے عهد وچ خاص واقعات وچ اجهے لوكاں نوں چُنيا تے اوهناں نوں روح دے نال بھريا تانجوں اوه اوهناں دے ذريعے اپنا كم پورا كرے جو اوه كرنا چاهندا سي﴿پيدائش 41باب38آيت؛ خروج 31باب3آيت؛ گنتي24باب2آيت؛ 1۔سموئيل10باب10آيت وغيره﴾۔ميں يقين ركھنا آں كه افسيوں5باب18تا21تے كلسيوں3باب16آيت وچ ثبوت اے كه خدا وند اوهناں نوں چُندا اے جهيڑے اپنے آپ نوں خداوند دے كلام دے نال بھر دے نيں ايس حقيقت دا ثبوت اے كه هر واري جدوں پاك روح نازل هويا تے ايهدا اے نتيجه نكليا ۔ اينج اے سانوں ساڈي اگلي تھاں تے لياندا اے۔

.دوجا۔ خدا دا كلام ، كلام پاك2تيمتھيس3باب16تا17آيت كهندي اے كه خدا سانوں اپنا كلام ديندا اے تانجو اسي هر چنگے كم لئي تيار هو جائيے۔ اے سانوں سكھاندا اے كه سانوں كيويں دي حياتي گزارني چاهيدي اے تے كيه ايمان ركھنا اے، اے ساڈے تے ظاهر كردا اے جدوں اسي غلط راه ول جانے آں ، اے سانوں واپس ٹھيك رستے تے آن لئي مدد كردا اے، تے ايهدے تے قائم رهن لئي مدد كردا اے۔ جيويںعبرانيوں2باب12آيت

سكھاندي اے، "كيونجے خدا دا كلام زنده تے اثر ركھدا اے تے هر اك دودھاري تلوار توں بوهتا تيز اے تے جان تے روح تے بند بند تے گُودے گُودے نوں چير دے لنگ جاندا اے تے دل دے خيالاں تے ارادياں دي پر چول كردا اے"۔ زبور نويس اپني حياتي دي تبديلي دي قوت دے پاروں گل كردا اے119زبور9آيت، زبور 11؛ زبور105تے دوجي آيات وچ۔ يشوع دسدا اے كه اوهدي كاميابي دي خاص وجه جيدے نال اوهنے اپنے ويرياں تے فتح پائي ﴿روحاني جنگ وچ اكو جهي قوت﴾كه اوه اپني تدبير نوں بُھليا نهيں سي بلكه اوه دن تے رات عبادت وچ گذاردا ايس طرح او ه ويرياں دے ارادياں نوں پته كرليندا سي۔ اے اوهنے اوس ويلے كيتا جدوں خدا نيں اوهنوں حكم كيتا كه كوئي فوجي كاروائي نهيں كرني، تے اے اوهدي جنگ وچ كاميابي دي خاص وچ سي كه اوهنے وعدے دي دھرتي حاصل كيتي۔

اے تدبيراں عام نيں جيناں نوں اسي معمولي سمجھ كے استعمال كرنے آں۔ اسي علامتي خدمت كرنے آں جيويں كلام پاك نوں هاتھ وچ پھڑ كے گرجے لے جان تے روزانه كلام پاك پڑھنا تے عبادت وچ مشغول رهنا يا اك دن وچ اك باب پڑھنا ، پر اسي اينوں ياد ركھن وچ ناكام رهنے آں، ايهدے تے غور كرنا، اپني حياتي وچ اينوں استعمال كرن نال، پاپاں توں توبه كرن نال اے ظاهر هوندا اے، خدا دي تعريف كرو تے اوهدا شكر كرو جو كجھ اوهنے سانوں ديتا اے۔ كلام پاك وچ جدوں اے آندا اے تے اسي يا ںتے كمزور تے يا ںبے صبرے هوجانے آں۔ سانوں ايناں اي كلام پاك نوں اپني حياتي وچ لينا چاهيدا اے كه جيدے لين نال اسي روحاني طور تے زنده ره سكيے﴿اينان نه لئيے جيدے نال اسي بوهت موٹے هوجائيے، نويں مسيحياں وانگر﴾يا اسي اكثر اينوں لين لئي آنے آں پر اسي كدي ايهدے تے بوهتي دير تيكر غور نهيں كيتا كه ايهدے نال روحاني طاقت تے نشوونما حاصل كرني اے۔

اے بوهت ضروري اے كه جے تسي خدا دے كلام نوں خاص مقصد لئي روزانه پڑھن دي عادت نهيں پائي، تے ايس گل نوں ياد ركھو جيويں پاك روح تهانوں ايناں آياتاں نوں ياد ركھن لئي گل كردا اے ، كه اسي ايس طرح اينوں اپني عادت بنا سكنے آں۔ ميں تهانوں مشوره دينا كه تسي اينوں روز اي پڑھو ﴿جے كمپيوٹر تے تيزي دے نال لكھ سكنے آں تے لكھيے﴾ يا اك سپرنگ والي كاپي وچ لكھيا كرئيے۔ ايس گل نوں عادت بنو كه تسي كلام نوں نهيں چھڈو گے اوس ويلے تيكر جد تيكر كجھ نه كجھ لكھ نه لئيے، جد تيكر تسي ايهدے وچوں كجھ حاصل نهيں كرليندے۔ميں اكثر خدا دے نال كيتياں گئي دعائواں نوں لكھ ناں ساتے كهنا سا كه مينوں هر لحاظ نال بدل دے تے اوه مينوں اينج اي كهندا اے۔ كلام پاك اك هتھيار اے جهيڑا روح ساڈي حياتي وچ تے دوسرياں دي حياتي وچ استعمال كردا اے ﴿افسيوں6باب17آيت﴾،اك ضروري تے اهم شے بكتر اے جهيڑا خدا ساڈي حفاظت لئي ديندا اے سانوں روحاني جنگ وچ لڑن لئي﴿افسيوں6باب12تا18آيت﴾۔

تيجا۔ دعا۔ اے اك هور ضروري كم اے جهيڑا خدا نے ديتا اے۔ فير، اے اك كم اے جهيڑا مسيحي اكثر هونٹاں دي خدمت دے نال كردے نيں پر ايهدا استعمال بوهت كٹ كردے نيں۔ اسي دعائيه پروگرامز ركھدے نيں، دعا دے ويلے وچ، هور هور، پر اسي ايهدا استعمال نهيں كر پاندے كه جيدي پهلي كليسيا مثالاں ديندي اے﴿اعمال 3باب1آيت؛ اعمال4باب31آيت؛ اعمال 6باب4آيت؛ اعمال 13باب1تا3آيت وغيره﴾۔

پولوس باربار دسدا اے كه اوه اوهناں لئي دعا كردا اے جيناں دے اوه خدمت كردا اے۔ اسي نهيں كردے، جدوں اسي اپنے طور تے ، ايس وڈے كم دا استعمال جو اسي كرسكدے آں۔ پر خدا نے ساڈے نال دعا دے پاروں اك وكھرا جهيا وعده كيتا اے﴿متي7باب7تا11آيت؛ لوقا18باب1تا 8آيت؛يوحنا6باب23تا27 آيت؛1۔يوحنا5باب14تا15آيت وغيره﴾۔تے فير، پولوس، ايناں آيتاں وچ دسدا اے كه روحاني جنگ لئي تيار رهو﴿افسيوں6باب18آيت﴾۔

اے كيويں ضروري اے؟ جدوں تسي فير پطرس نوں ويكھدے اوه، گتسمني باغ وچ پطرس دے انكار توں پهلاں تهاڈے كول اوهدے لئي يسوع دے الفاظ نيں۔ اوتھے يسوع دعا كردا اے، پطرس سوندا پيا سي۔ يسوع نے اوهنوں جگائيا تے اكھيا، "جاگ تے دعا كر، تانجو تسي آزمائش وچ نه پو: روح تے ٹھيك اے پر جسم كمزور اے"﴿متي26باب41آيت﴾۔تسي پطرس وانگر اوه كرنا چاهندا اوه جو ٹھيك اے پر قوت نهيں پاندے۔ سانوں خدا دے نال مشوره كرن دي لوڑا اے، كھڑكاندے رهنا چاهيدااے، كهندے رهنا چاهيدا اے تے اوه سانوں طاقت ديوے گاجيدے سانوں لوڑ اے﴿متي7باب7آيت﴾۔پر سانوں ايس كم لئي لوڑ اے بڑي سادگي دے نال لباں دي خدمت اوهنوں دين دي۔

ميں نهيں كهندا كه دعا كوئي جادو اے۔ اينج نهيں۔ خدا جلالي اے۔ دعا سانوں ساڈي حد دسدي اے تے خدا دي بے شمار طاقت تے اوهدے ول ايس لئي مڑنا اے كه جو اوه ساڈے كولوں كروانا چاهندا اے اسي كريه ﴿اوه نهيں جو اسي كرنا چاهيندے آں﴾﴿1۔يوحنا5باب14تا15آيت﴾۔

چوتھا۔كليسيا۔اے آخري كم اوه اك اے جهيڑا اسي اكثر نظر انداز كر دينے آں۔ جيويں يسوع نے اپنے شاگرداں نوں باركليا، اوهنے اوهناں نوں دو دو كركے كليا﴿متي 10باب1آيت﴾۔ جدوں اسي اعمال دي كتاب وچ تبلغي سفراں دے پاروں پڑھنے آں، اوه سب اك واري اي بار نهيں سن گئے، پر اوه دو دو يا بوهتے دي جماعت بن كے۔ يسوع نے اكھيا كه جيتھے دو يا تين اوهدے نال تے اكٹھے هون گے، اوه اوهناں دے وچكار هوئے گا﴿متي18باب20آيت﴾۔اوه سانوں حكم كردا اے كه كٹھے هون توں نه مڑيو جيويں دوجے لوكاں دا دستور اے بلكه جيويں اي اوس ويلے نوں كول هوندا ويكھو اك دوجے نوں پيار تے چنگے كماں دے پاروں كهو﴿عبرانيوں10باب24تا25آيت﴾۔اوه سانوں دسدا اے كه اك دوجے دے نال اپنے اپنے پاپاں دا اقرار كرو﴿يعقوب 5باب16آيت﴾۔پرانے عهد نامے دي حكمت دي كتاب وچ سانوں دسيا گيا اے كه جيويں لوهيا لوهيے نوں تيز كردا اے، ايس طرح بنده اپنے يار اں دے مكھ نوں ويكھ كه ٹھيك هوندا اے﴿امثال27باب17آيت﴾ ۔ "تے تهري ڈوري چھيتي نهيں ٹوٹ دي"۔ اتفاق وچ اي بركت اے﴿واعظ 4باب11تا12آيت﴾۔

كجھ لوكاں نوں ميں جاندا آں كه اوه مسيح وچ بھائي نيں يا مسيح وچ بهناں نيں ﴿جے تسي كوئي كوڑي اوه ﴾جهيڑي ٹيلي فون دے راي يا آپ كيتے كٹھے هو كه اك دوجے نال اپني مسيحي حياتي دے كماں دے پاروں گلاں كردے نيں، كيويں اوه كوشش كردے نيں جيويں تے پابندي دے نال اك دوجے لئي دعا كردے نيں تے اك دوجے نوں پھڑ كے ركھدے نيں تانجو خدا دا كلام ايناں دے تعلقات نوں پكا كرے گا۔

كسے ويلے تبديلي چھيتي آئيگي۔ كسے ويلے دوجي حالات وچ اے بوهت هولي هولي آندي اے۔ پر خدا نے ساڈے نال وعده كيتے اے كه جيويں جيويں اسي اے كم كردے آں اوه ساڈي حياتي وچ تبديلي ليائے گا۔ اوهنوں جانن دي كوشش كردے رهيے اوه اپنے وعداں دا پكا اے

چوتھا۔۔واپس پنجابي زبان دے پهلے صفحے تے

ميں كيويں اپني حياتي وچ پاپ تے جيت پا سكنا آں؟