ميں صرف يسوع تے اي ايمان ركھنا آں۔۔۔هن فير؟
ميں صرف يسوع تے اي ايمان ركھنا آں۔۔۔هن فير؟
مبارك هو تسي حياتي نوں بدلنا دا فيصله كيتا اے شايد تسي كهيه رهے اوه، "هن فير؟ميں خدا دے نال اپنا سفر كيويں شروع كراں؟تھلے ديتے هووئے پانج طريقے تهانوں كلام پاك وچ هدايت دين گے۔ جدوں وي حياتي دے ايس سفر وچ تهاڈے كول سوال هون، مهرباني كركے سير كرو http://www.GotQuestions.org/P-Punjabi۔
يقين كرو كه تسي مكتي نوں جان دے اوه۔
پهلايوحنا5باب 13آيت سانوں دسدي اے، "ميں تهانوں جهيڑے خدا دے پتر تے ايمان ركھدے اوه اے گلاں ايس لئي لكھياں كه تهانوں پته چلے كه هميش دے حياتي ركھد ے اوه"خدا چاهوندا اے كه اسي مكتي نوں سمجھئے۔ خدا چاهوندا اے كه يقين ركھيئے تے ايس گل دا يقين كرئيے كه اسي مكتي پا لئي اے۔تھوڑے لفظاں وچ آئو نجات دے خاص نقطاں تے غور كرئيے:
١۔ايس لئي كے سارياں نے پاپ كيتا۔ اسي سارياں نے اوه كم كيتے جهيڑے خدا نوں ناخوش كردے نيں﴿روميوں3باب23آيت﴾۔
ب۔ساڈے پاپاں دي وجه نال ، اسي خدا توں هميش لئي دوري دے حقدار آں﴿روميوں 6باب23آيت﴾۔
پ۔يسوع نے ساڈي تھاں تے جان قربان كركے پاپاں دا كفاره ديتا﴿روميوں5باب8آيت،2۔كرنتھيوں5باب21آيت﴾يسوع نے ساڈي تھاں تے جان ديتي، ايس سزا نوں اپنے اُتے لياجيدے اسي حقدار سي۔ اوهدا مردياں وچوں جي اُٹھنا ثابت كردا اے كه يسوع دي موت ساڈے پاپاں دے كفاره لئي كافي سي۔
ت۔خدا معافي تے مكتي بخشدا اے اوهناں سارياں نوں جهيڑے يسوع تے ايمان ركھدے نيں۔ يقين ركھيے كه اوهدي موت ساڈے پاپاں دي قيمت اے﴿يوحنا 3باب16آيت؛روميوں5باب1آيت؛روميوں8باب1آيت﴾۔
اے مكتي دا پيغام اے جے تسي يسوع مسيح تے ايمان ركھدے اوه كه اوه تهاڈا مكتي داتا اے تے تسي مكتي پا لئي اے تهاڈے سارے پاپ معاف هوجان گے تے خدا وعده كردا اے كه اوه كدي وي تهانوں نهيں چھڈے گا تے نه كدي بھولے گا﴿روميوں8باب38تا39آيت؛ متي28باب20آيت﴾۔ ياد ركھو كه تهاڈي مكتي يسوع مسيح وچ حفاظت وچ اے ﴿يوحنا10باب28تا 29آيت﴾۔جے تسي يقين كردے اوه كه يسوع كلا اي تهاڈا مكتي داتا اے ، تسي يقين كر سكدے اوه كه تسي هميش دي حياتي خدا دے نال آسمان تے گذاروں گے
اك چنگا گرجا گھر لبو جهيڑا كلام پاك دي سيكھيا ديندا هووئے۔
اے نه سوچو كه گرجا گھر اك عمارت اے۔ گرجا گھر لوك نيں۔ اے بوهت ضروري اے كه يسوع مسيح تے ايمان ركھن والے ايك دوجے دے نال ميل ملاپ ركھن۔ ايهوگرجا گھر دا اك اصل مقصد اے۔ تسييسوع مسيح تے اپنا ايمان ركھ چكے اوه، اسي چنگي طرح تهاڈي حوصله افزائي كرنے آں كه اپنے علاقے وچ كلام پاك تے يقين ركھن والے گرجا گھر دي تلاش كرو تے پادري دے نال گل بات كرو ۔ اوهنوں يسوع مسيح تے اپنے نويںايمان دے پاروں دسدو۔
گرجاگھر دا اك دوجا مقصد اے كه كلام پاك دي سيكھيا دينا۔ تسي جان سكدے اوه كه كيويں تسي خداوند دے حكماں نوں اپني حياتي وچ لاگو كرسكدے اوه۔ كلام پاك نوں چنگي طرح سمجھنا اي اك كامياب حياتي تے طاقتور مسيحي حياتي گذارنا دي كنجي اے۔ 2۔تيمتھےُس3باب 16تا 17آيت وچ كهيه گيا اے، "هر اك صحيفه جهيڑا خدا دے الهام دے نال اے سيكھيا تے الزام تے اصلاح تے راستبازي وچ تربيت لئي فائده مند وي اے ۔ تانجے مردِ خدا كامل بنن تے هر اك نيك كم لئي هر ويلے تيار هو جان"۔
گرجا گھر دا اك تيجا مقصد اے عبادت۔ عبادت وچ خدا نے ساڈے لئي جو كجھ كيتا اے اوهدا شكر ادا كرے دا اے۔ خداوند نے سانوں مكتي ديتي اے۔ خدا وند سانوں پيار كردا اے۔ خداوند سانوں ديندا اے۔ خداوند ساڈي راهنمائي تے هدايت كردا اے۔ فير كيويں اسي اوهدا شكر ادا نه كرئيے؟ خداوند پاك اے، سچا اے، محبت كردا اے، رحم دل اے تے فضل دے نال بھريا اے۔ مكاشفه11باب14آيت اعلان كردي اے، "اے ساڈے خداوند تے خدا تو اي تعريف تے عزت تے قدرت دے لائق اے كيونجے تو اي سارياں شياواں پيدا كيتاں نيں تے اوه تيري اي مرضي سي تے پيدا هوئيں"۔
خداوند دے نال عبادت كرن لئي عليحده توں هر روز ويله كڈوں
اے ساڈے لئي بوهت ضروري اے كه ساڈے هر دن دا ويله گذارنا دا مركزي نقطه خداوند هووئے۔ كجھ لوك اينوں "خاموشي دا ويله "وي كهندے نيں۔ كجھ اينوں "عبادت"كهندے نيں۔ دوجے اينوں "عبادت"كهندے نيں، كيونجے اے اوه ويله هوندا اے جدوں اسي اپنے آپ نوں خداوند دے حوالے كر ديندے آں۔ كجھ سويرے ويله كڈن نوں چنگا جان دے نيں۔ جدوں كه كجھ شام دے ويلے نوں چنگا جان دے نيں۔ ايهدا مطلب اے نهيں كه تسي اوس ويلے نوں كيه كهندے اوه يا كدوں تسي انج كردے اوه۔ كجھ وي هووئے تهانوں چاهدا اے كے تسي لگاتار هر روز خداوند دے نال ويله گذارو۔ كيهڑے ويله اسي خداوند دے نال چنگا ويله گذار سكنے آں؟
١۔دعا، دعا وچ سادگي دے نال خدا دے نال گل بات كرو۔ خداوند دے نال گل بات كرو اپنے تے اوهدے رشتے دي تے اپني مشكلات دي۔ خداوند نوں كهو كه اوه تهانوں حكمت ديوئے تے تهاڈي راهنمائي كرے۔ خداوند نوں كهوو كه اوه تهاڈي ضروريات لئي تهانوں مهيا كرے۔ خداوند نوں دسو كه تسي اوهدے نال كينا پيار كردے اوه جو خداوند نے تهاڈلئي كيتا اے۔ ايهي ساڈي دعاهوني چاهيدي اي۔
ب۔كلام پاك نوں پڑھنا۔ كلام پاك نوں گرجا گھر وچ هور شوق دے نال سيكھيو، اتوار كو سكول، يا كلام پاك دے مطالعه لئي۔ تهانوں تهاڈي بهتري لئي كلام پاك پڑھ دے رهنا چاهيدا۔ كلام پاك وچ اوه سارياں شياواں موجود نيں جهيڑياں اك كامياب مسيحي حياتيگذارن لئي ضروري نيں۔ ايهدے وچ خداوند دي راهنمائي شامل اے كه كيويں تسي چنگے فيصلے كر سكدے اوه، تسي كيويں خداوند دي مرضي نوں جان سكدے اوه، دوجياں دے كيويں راهنمائي كرسكدے اوه تے روحاني طور تے كيويں ترقي كر سكدے اوه۔ كلام پاك ساڈے لئي خدا دا كلام اے۔ كلام پاك خداوند دي بوهت ضروري هدايات دي كتاب اے جيدے ذريعے اسي جاندے آں كه كس راه تے اسي اپني ز ندگي گذارئيے جيدے نال خداوند خوش هووئے تے اسي تسلي پائيے۔
ايهو جهے لوكاں دے نال تعلقات ودھو جهيڑے تهاڈي روحاني ترقي وچ مدد كر سكن۔
پهلا كرنتھيوں15باب 33آيت سانوں دسدي اے، "توھوكا نه كھائو: بري بيٹھك چنگياں عادتاں نوں وگاڑ ديندي اے "۔كلام پاك تنبيهاںنال بھريا اے جهيڑي "برے"لوكاں دے اخلاقي اثردے پاروں اے، جو اوه ساڈے اُتے ركھدے نيں۔ اوهناں لوكاں دے نال ويله گذارنا جهيڑے پاپ دے نال بھرياں هوياں حركاتاں كرن وچ مگن نيں سانوں وي پاپ دے نال بھري هوئي حركاتاں كرن لئي اُكسان گے۔ ايهو جهے لوكاں دا كردار جهيڑے ساڈے آل دوله رهندے نيں ساڈے كردار تے "حاوي"هو جان گے۔ ايس لئي اے بوهت ضروري اے كه اسي اپنے آپ تے غور كرئيے دوجے لوك دے نال جهيڑے خدا دے نال پيار كر دے نيں تے اوهدے نال مخلص نيں۔
اك يا دو دوست لبن دي كوشش كرو، هوسكدا اے كه اوه تهاڈگرجا گھر سے هوں، جهيڑے تهاڈي مدد كرن تے حوصله افزائي كرن﴿عبرانيوں3باب13آيت، 10باب24آيت﴾۔
اپنے ياراں نوں كهوو كه اوه كلے هوندے وي ذمه داري دے نال تهاڈي حركاتاں تے تهاڈي خدا دے نال حياتي گذارن تے نگاه ركھين ۔ پوچھو كه جهے تسي ميرے لئي انج كرو تے ميں وي تهاڈے لئي اينج اي كرںگا۔ ايهد اے مطلب نهيں كه تسي اپنے سارے دوستاں نوں چھڈ دوو جهيڑے خداوند يسوع مسيح نوں اپنا مكتي داتا نهيں مندے۔ اوهناں دے نال اپني ياري بنائي ركھو تے اوهناں دے نال پيار كرو۔ سادگي دے نال اوهناں نوں جانن دو كه يسوع نے تهاڈي حياتي نوں بدل ديتا اے تے هن تسي اوه كم نهيں كرو گے جنهاں دے تسي عادي سي۔ خداوند نوں كهو كه اوه تهانوں موقع دوے كه تسي اپنے دوستاں دے نال يسوع دے پاروں گل كر سكوں۔
بپتسمه يافته هونا۔
بوهت سارے لوگ بپتسمے دے پاروں غلط فهمي دا شكار نيں۔ لفظ "بپتسمه"دا مطلب اے كه پاني وچ غوطه دينا۔ بپتسمه كلام پاك نال لوكاں وچ تهاڈے مسيح تے نويں ايمان دا اعلان كردا اے تے تسي يسوع مسيح دي پيروي كرو گے۔ پاني وچ ڈبوئے جان دا عمل ظاهر كردا اے كه تسي مسيح دے نال دفن هوئے اوه۔ پاني توں باهر آن دا عمل مسيح دے مردياں وچوں جي اُٹھنا دي تصوير ويكھاندا اے۔ بپتسمه ليندے هوئے اسي يسوع دے نال مرن، دفن هون تے مردياں وچوں جي اُٹھنا دا اظهار كرنے آں ﴿روميوں 6باب 3تا 4آيت﴾۔
بپتسمه تهانوں مكتي نهيں دے سكدا۔ بپتسمه تهاڈ پاپاں نوں توھو نهيں سكدا۔ بپتسمه صرف تابعداري ول اك قدم اے، لوكاں وچ اے اعلان هو جاندا اے كه مكتي لئي تسي مسيح تے ايمان ركھدے اوه۔ بپتسمه ضروري اے كيونجے اے تابعداري ول اك قدم اے، اے لوكاں وچ مسيح تے ايمان دا اعلان اے تے اوهدے نال اك عهد اے۔ جے تسي بپتسمه لين لئي تيار اوه، تهانوں چاهيدا اے كے تسي اپنے پادري دے نال گل كرو۔
چوتھا۔۔واپس پنجابي زبان دے پهلے صفحے تے
ميں صرف يسوع تے اي ايمان ركھنا آں۔۔۔هن فير؟
|
