كيه هميش دي حفاظت كلام پاك دے مطابق اے؟
سوال: كيه هميش دي حفاظت كلام پاك دے مطابق اے؟
جواب:
جدوں لوك مسيح نوں اپنا مكتي داتا دے طور تے جاندے نيں، اوه خدا دے نال اك رشتے وچ آجاندے نيں جهيڑا اوهناں دي هميش دي حفاظت دي ضمانت اے۔يهوداه 24آيت وچ اعلان كردا اے، "هن جهيڑا تهانوں ٹھيڈا لگن توں بچا سكدا اے تے اپنے جلال نال بھر حضور وچ كمال خوشي دے نال بے عيب كھڑا كرسكدا اے"۔ خدا دي قوت ايماندار نوں ٹھوكر كھان توں بچا سكدي اے۔ اے اوهدي وجه توں اے، ساڈي وجه توں نهيں، سانوں اوهدے جلال دے حضور وچ لياندي اے۔ ساڈي هميش دي حفاظت ايس گل دا ثبوت اے كه خدا ساڈي ديكھ بھال كردا اے، اسي اپني مكتي اپ اي قائم نهيں ركھ سكدے۔
خداوند يسوع مسيح نے اعلان كيتا، "تے ميں اوهناں نوں هميش دي حياتي دينا آں تے اوه هميش تيكر كدي وي نه مرن گے تے كوئي اوهناں نوں ميرے هاتھ وچوں كھو نهيں ليگا۔ ميرا پيو جينے اوهناں نوں مينوں ديتا اے سب توں وڈا اے تے كوئي اوهناں نوں پيو دے هاتھ وچوں كھو نهيں سكدا"﴿يوحنا10باب28تا29﴾۔يسوع تے پيو دونے سانوں اپنے هاتھاں وچ مضبوطي دے نال پھڑكے ركھدے نيں۔ پيو تے پتر دونے دي گرفت وچ كون سانوں الگ كرسكدا اے؟
افسيوں 4باب30آيت سانوں دسدي اے كه ايمانداراں "تے مخلصي دے دن لئي مهر هوئي اے"۔ جے ايمانداراں دے كول هميش دي حفاظت نهيں اے تے مخلصٰ دے دن لئي مهر اصل نهيں هوسكدي، پر صرف پاپ كرن دے دن ، خدا توں انكار كرن دے دن يا بے يقيني ۔يوحنا 3باب15تا16آيت سانوں دسدي اے كه جهيڑا وي يسوع مسيح تے ايمان ركھدا اے "هميش دي حياتي ركھدا اے"۔ جے كسے بندے دے نال هميش دي حياتي دا وعده كيتا گيا سي، پر فير اوس وعدے نوں واپس لے ليا گيا اے ، اے كدي وي "هميش"دا وعده نهيں سي۔ جے هميش دي حفاظت اصلي نهيں اے ، كلام پاك وچ هميش دي حياتي دا وعده غلط هوئے گا۔
سب توں زبردست دليل اے هميش دي حياتي لئي روميوں 8باب38تا39آيت وچ، "كيونجے مينوں يقين اے كه خدا دي جهيڑي محبت ساڈي خداوند مسيح يسوع وچ اے اوهدے توں سانوں نه موت جدا كرسكدي اے نه حياتي ۔ نه فرشتے نه حكومتاں ۔ نه حال دياں نه استقبال ديا شياواں ۔ نه قدرتاں نه بلندي نه پستي نه كوئي هور مخلوق۔ ساڈي هميش دي حفاظت دي بنيادخدا دي محبت اے ،اے اوهناں لئي اے جهيڑے مكتي پا چكے نيں۔ ساڈي هميش دي حفاظت يسو ع نے خريد لئي اے، پيو نے وعده كيتا اے تے پاك روح دي مهر كيتي اے۔
چوتھا۔۔واپس پنجابي زبان دے پهلے صفحے تے
كيه هميش دي حفاظت كلام پاك دے مطابق اے؟
|
