كلام پاك طلاق تے فير وياه دے پاروں كيه كهندا اے؟

سوال: كلام پاك طلاق تے فير وياه دے پاروں كيه كهندا اے؟

جواب: سارياں توں پهلاں طلاق دے پاروں كيں كسے دے كجھ وي وچار هون كلام پاك دے اے لفظ ياد ركھن والے نيں جهيڑے ملاكي 2باب16آيت وچ نيں"خداوند اسرائيل دا خدا فرماندا اے ميں طلاق توں بيزار آں"۔ كلام پاك دے مطابق وياه دے پاروں خدا دا منصوبه اے پوري حياتي دا عهد۔"پس اوه دو نهيں بلكه اك جسم نيں۔ ايس لئي جينوں خدا نے جوڑيا اوهنوں بنده جدا نه كرے ﴿متي19باب6آيت﴾۔خدا نے جانيا كه جدوں ده پاپ دے نال بھرے هوئے انسان وياه كردے نيں تے طلاق وجود وچ آندي اے۔ پرانے عهد نامے وچ اوهنے كجھ قانون بنائے جهيڑے كه طلاق يافته لوكاں دے حقوق لئي سي خاص طور تے جنانياں لئي﴿استثنا24باب1تا4آيت﴾۔ يسوع مسيح نے ايس گل نوں ظاهر كيتا كه اے قانون ايس لئي بنائے گئے كيونجے لوكاں دے دل سخت سي، اے نهيں كه خدا اينج چاهندا سي﴿متي 19باب8آيت﴾۔

بحث ايس گل تے مُك نهيں جاندي جدوں كه طلاق تے فير وياه دي اجازت كلام پاك وچ يسوع مسيح دے ايناں لفظاں دے آسے پاسے كمدي اے جيتھے اوهناں نيں ﴿متي5باب32آيت اور19باب9آيت﴾اكھيا اے۔ شايد "سوائے بدكاري"دے كلام پاك وچ ايهي اوه اك شے اے جهيڑي ممكنا طور تے خدا ولوں طلاق تے فير وياه دي اجازت ديندي اے۔ بوهت سارے ترجمه كرن والے ايس گل نوں اك "ممنوعه اصول "سمجھدے نيں تے اينج حوالے ديندے نيں كه بدكاري جهيڑي منگني هو جان توں بعد هوئے۔ يهودي رسم و رواج وچ اك بندے تے اك جناني نوں وياے سمجھيا جاندا سي جدوں كه هالے صرف اوهناں دي منگني اي هوئي هوئے۔ بدكاري اي ايس تعلق نوں توڑ ن لئي اك جائز وجه اے جيدي وجه نال طلاق هوسكدي اے۔

تاهم يوناني لفظ دا ترجمه "بدكاري"كيتا گيا اے ايس لفظ دا مطلب اے كه هر طرح دي جنسي بدكاري۔ ايهدا مطلب اے كه بدكرداري، عصمت فروشي، زناكاري تے هور هور۔ يسوع مسيح نے اكھيا كه طلاق ايس صورت وچ هوسكدي اے جدوں جنسي بدكاري دا پاپ سرزه هوئے۔ جنسي تعلقات اك وياے وري حياتي دا خاص تے اك عهد اے"اوه دونے اك بدن هون گے"﴿پيدائش2باب24آيت؛ متي19باب5آيت؛ افسيوں5باب31آيت﴾۔

ايس لئي وياه دے ايس پاك عهد نوں صرف جنسي تسكين لئي توڑنا طلاق لئي اك جائز وجه اے۔ جے اينج اے يسوع مسيح ايس حوالے وچ فير وياه دے پاروں وچ جاندے نيں، "تے ميں تهانوں كهنا آں كه جهيڑا وي اپني ووهٹي نوں بدكاري دے سوا كسے هور سبب نال چھڈے تے دوجي دے نال وياه كرے اوه زنا كردا اے تے جهيڑا كوئي اوس چھڈي هوئي نال وياه كرے اوه وي زنا كردا اے"﴿متي19باب9آيت﴾۔اے ظاهر كردا اے كه طلاق تے فير وياه دي اجازت اے صرف اوس ويلے جدوں ايس ممنوع اصول نوں توڑيا جائے يا كوئي اينوں جيويں وي سمجھے۔ اے ياد ركھنا ضروري اے كه صرف اوه فريق فير وياه كرسكدا اے جهيڑا پاك اے۔ پاويں اے گل ايناں آيتاں وچ لكھي هوئي تے نهيں طلاق دے بعدفير وياه خدا ولوں اے رحم تے اك اضافي بخشش اے كه جهيڑا وي اوهدا پاك كيتا اے، ايس لئي نهيں جناں نے جنسي بدكاري كيتي اے۔اينج وي هوسكدا اے كه پاپي بنده وي فير وياه كرلے، پر ايس طرح دا كوئي وچار ايناں آيتاں وچ نهيں آيا۔

كجھ لوك1۔كرنتھيوں7باب15آيت وچ اك هور رعايت سمجھدے نيں جهيڑا فير وياه لئي اجازت ديندي اے جے كوئي بے ايمان بنده كسے ايماندار نوں طلاق دے۔ فير وي ايناں آيتاں وچ اے نهيں لكھيا كه اوه فير وياه كرے، پر اے اكھيا گيا اے كه با ايمان بندے لئي ضروري نهيں كه اوه اپنے وياه دے عهد نوں جاري ركھے جے كوئي بے ايمان بنده اوهنوں چھڈ نا چاهے۔ كجھ اينوں گالي سمجھدے نيں ﴿شوهر /بيوي تے بچے﴾كه اے اك جائز وجه اے طلاق لئي تے نه اي اوهناں دي كوئي تفصيل كلام پاك وچ موجود اے۔ جدوں اے ايس مسئلے دے پاروں ٹھيك اے، اے بالكل كوئي عقل مندي نهيں كه اسي كلام پاك دے پاروں وچ پهلاں كوئي نتيجه اخذ كرئيے۔

اكثر اسي بحث وچ دور چلے جانے آں ايس رعايت دے پاروں جهيڑي كه سچ اے كه "بدكاري"دا كوئي وي روپ هوئے طلاق اوهدي بخشش اے۔ طلاق دي لوڑ نهيں ۔ايتھوں تيكركه جدوں كوئي جوڑا زناكاري دا پاپ كردا اے، خدا فضل دے ذريعے نال معافي نوں سمجھدا اے تے وياه دے بعد حياتي دا فير شروع كردا اے۔ خدا سانوں بوهت سارياں شياواں توں معاف كر ديندا اے۔ يقينا اسي اوهدي مثل نوں اپنے سامنے ركھدے هوئے زناكاري جے پاپ نوں وي معاف كر سكدا اے﴿افسيوں4باب32آيت﴾۔فير وي بوهت واري ويكھيا گيا اے كه اك بنده تے اے حاصل نهيں كردا تے جنسي بدكاري جاري ركھدا اے ايس لئي اوتھے متي19باب9آيت هر طرح نال پوري هوندي اے۔ ويكھيا گيا اے كه بوهت سارے لوك طلاق دے بعد فوراً وياه كرليندے نيں جدوں كه خدا چاهيندا اے كه اوه بغير وياه توں اي رهے۔ خدا اكثر لوكاں نوں بغير وياه توں اي بلاندا اے ايس لئي كه اوهناں دي توجه صرف تے صرف اك پاسے اي هوئے﴿1۔كرنتھيوں7باب32تا35آيت﴾۔طلاق دے بعد فير وياه كرلينا كجھ تھاواں تے ممكن اے ، پر ايهد اے مطلب نهيں كه صرف ايهي ممكن اے۔

اے بڑے اي افسوس دي گل اے طلاق دي شرح مسيحي ايمانداراں وچ بے ايماناں دے نسبت بوهتي اے۔ كلام پاك بوهت اي سختي دے نال تے صاف طور تے دسدا اے كه خدا طلاق توں نفرت كردا اے﴿ملاكي2باب16آيت﴾تے صلح تے معافي اك ايماندار دي حياتي دي علامت اے﴿لوقا 11باب4آيت؛ افيسوں4باب32آيت﴾۔فير وي خدا جاندا اے كه طلاق هوئے گي۔ پر اوهدے بچياں وچ وي۔ اك طلاق يافته فير وياے هويا ايماندار بالكل اے محسوس نه كرے كه خدا اوهدے نال كٹ پيار كردا اے، ايتھوں تيكر كه اوهدي طلاق تے فير وياه ايس ممنوع اصول توں پرے اے﴿متي19باب 9آيت﴾دے دائرے وچ آندي هوئے يا نهيں۔ خدا كثر پاپ دے نال بھري هوئي نافرمانياں نوں وي مسيحاں دي اچھائي لئي استعمال كردا اے۔

چوتھا۔۔واپس پنجابي زبان دے پهلے صفحے تے

كلام پاك طلاق تے فير وياه دے پاروں كيه كهندا اے؟