كيه مسيح دي خدائي كلام پاك وچوں اے؟

سوال: كيه مسيح دي خدائي كلام پاك وچوں اے؟

جواب: مزيد يسوع دے اپنے آپ دے بارے وچ خاص دعوے ، اوهدے شاگرداں نے مسيح دي خدائي نوں منيا۔ اوهناں نے اعلان كيتا سي كه يسوع اي پاپ معاف كرسكدا سي۔ جو صرف خدا اي كرسكدا اے۔ جيويں خدا، جو پاپ توں بيزار سي﴿اعمال 5باب31آيت؛ كلسيوں3باب13آيت؛ 130زبور4آيت؛ يرمياه31باب34آيت﴾۔ايس اخيري دعوي دا قريبي تعلق اے، يسوع نے آپ اكھيا اے كه اوه "زنداں تے مردياں دي عدالت"كريگا﴿2۔تيمتھيس4باب1آيت﴾۔ توما نے چلا كر يسوع نوں اكھيا، "اے ميرے خداوند اے ميرے خدا"﴿يوحنا20باب28آيت﴾۔پولوس يسوع نوں ، " عظيم خداوند تے مكتي داتا كهندا اے"﴿ططس 2باب13آيت﴾،تے دسدا اے كه يسوع انسان بنن توں پهلاں "خدا دي صورت"وچ موجود سي﴿فليپوں2باب5تا8آيت﴾۔ عبرانيوں دا لكھن والا يسوع دے پاروں اكھدا اے "اے خدا تيرا تخت هميش تيكر رهوئے گا"﴿عبرانيوں1باب8آيت﴾۔ يوحنا بيان كردا اے، "شروع وچ كلام سي، تے كلام خدا دے نال سي تے كلام ﴿يسوع﴾ خدا سي﴿يوحنا1باب1آيت﴾۔كلام پاك وچ يسوع دي خدائي دي تعليم دياں مثالاں بيشمار نے﴿ديكھيں مكاشفه1باب 17آيت؛ 2باب 8آيت؛ 22باب 13آيت؛1۔كرنتھيوں10باب4آيت؛ 1۔پطرس2باب6تا 8آيت؛18زبور2آيت؛95زبور1آيت؛1۔پطرس5باب4آيت؛ عبرانيوں13باب20آيت﴾،پر ايناں وچوں اك اي بوهت اے جهيڑي اوهدے شاگرداں دے مطابق مسيح دي خدائي نوں ظاهر كردي اے۔

يسوع نوں پرانے عهد وچ اك وكھرے ناں يهواوه ﴿خدا دا رسمي ناں﴾ ديتا جاندا اے۔ پرانے عهدوچ خطاب "شافي"﴿130زبور7آيت؛ هوسيع13باب14آيت﴾يسوع لئي نوئے عهد نامے وچ استعمال هويا اے ﴿ططس 2باب13آيت؛ مكاشفه5باب9آيت﴾۔يسوع عمانوايل كهلواندا اے ﴿"خدا همارے ساتھ"متي 1باب﴾۔ زكرياه 12باب10آيت وچ اے يهواوه اے جهيڑا كهندا اے، "اوه اوس تے جينوں اوهناں نے مارايا ويكھن گے"۔ پر نوے عهدنامے وچ اے يسوع دي صليب موت نال ملدي اے ﴿يوحنا19باب37آيت؛ مكاشفه 1باب7آيت﴾۔جے اے يهواوه اے جينوں اوهناں نے مارايا اے تے اوهنوں ويكھن گے، تے يسوع نوں مارايا تے ويكھيا، تے فير يسوع يهواوه اے۔پولوس يسعياه 45باب22اور 23آيت دي تشريح كردا اے جيويں يسوع نوںفليپوں 2باب10اور 11آيت وچ دسيا گيا اے۔ هور يسوع دا ناں دعا وچ يهواوه دے نال استعمال كيتا گيا اے "خدا باپ تے همارے خداوند يسوع مسيح ولوں تهانوں فضل تے تسلي ملدي رهووے"﴿گلتيوں1باب3آيت؛ افسيوں1باب2آيت﴾۔اے گستاخي هووے گي جے يسوع خدا نهيں اے۔ يسوع ناں يهواوه دے نال نظر آندا اے، جدوں يسوع نے بپتسمه ليا"ناں وچ ﴿واحد﴾اے پيو تے پتر تے پاك روح"﴿متي28باب19آيت؛ ويكھيو 2 كرنتھيوں13باب14آيت۔مكاشفه وچ يوحنا كهندا اے ساري مخلوق يسوع ﴿برا﴾ دي تعريف كيتي۔پس يسوع خلق دا حصه نهيں﴿مكاشفه 5باب13آيت﴾۔

جهيڑے كم خدا نے پورے كيتے اوه سارے يسوع دي وجه نال نيں۔ يسوع صرف مردياں وچوں زنده اي نهيں هويا﴿يوحنا5باب21آيت؛ يوحنا11باب38تا44آيت﴾،تے پاپاں نوں معاف كيتا﴿اعمال 5باب31آيت؛ اعمال13باب38آيت﴾، اوهنے كائنات نوں بنايا تے قائم ركھيا اے﴿يوحنا1باب2آيت؛ كلسيوں1باب16تا17آيت﴾ اے نقطه هور وي پكا هوجاندا اے جدوں كوئي اے وچار كردا اے كه يهواوه نے كهيه كه اوهنے كلے نے كائنات نوں بنايا اے ﴿يسعياه 44باب24آيت﴾۔هور مسيح وچ اجهياں صفتاں نيں جهيڑياں صرف خدا وچ اي نيں: هميش رهن والا﴿يوحنا8باب 58آيت﴾، هر تھاں تے موجود رهن والا﴿متي 18باب20آيت؛ متي 28باب20آيت﴾، سارا كجھ جانن والا﴿متي 16باب21آيت﴾، قادرِ مطلق ﴿يوحنا11باب38تا44آيت﴾۔

هن كوئي اك خدا هون دا دعويٰ كردا اے يا كسے نوں بيوقوف بناندا اے كه اوه اوهدے تے يقين كرے، تے كسے هور شے توں علاوه پورے طور تے اے ثابت هووئے كے اے اينج اي اے۔ مسيح بوهت سارے معجزات دے نال ايس گل نوں ثابت كردا اے تے خدا هون دا دعويٰ كردا اے تے ايتھوں تك كه اوه مردياں وچوں جي اُٹھايا۔ يسوع دے كجھ معجزات جيويں، پاني دا مے بن جانا﴿يوحنا2باب7آيت﴾، پاني تے چلنا﴿متي14باب25آيت﴾،مادي شياواں نو ں بوهتا كرنا﴿يوحنا6باب11آيت﴾،انياں نوں اكھاں دينا﴿يوحنا9باب7آيت﴾،لنگڑياں نوں چلانا﴿مرقس 2باب3آيت﴾،تے بيماراں نوں شفا دينا﴿متي 9باب35آيت؛ مرقس 1باب40تا 42آيت﴾،تے ايتھوں تيكر كه مردياں وچوں زنده كرنا﴿يوحنا11باب43تا 44آيت؛ لوقا7باب11تا 15آيت؛ مرقس 5باب35آيت﴾۔

هور اے كه، مسيح اپ مردياں وچوں جي اُٹھيا۔ ناں دے مرے هوئوياں توں دور تے نوے بتاں دے قصے كهانياں، دوجي واري كے پاروں دوجے مذاهب بڑي سنجيدگي دے نال دسدے نيں۔ تے دوجے كسے دعويٰ دي كلام پاك دے مطابق تصديق وي نهيں هوندي۔ ڈاكٹر گيرے هبرمس دے مطابق، ايتھے كٹ توں كٹ باره ﴿12﴾پرانياں سچائياں نيں جناں نوں غير مسيحي تنقيد كرن والے عالم وي من دے نين:

پهلا۔۔يسوع دي صليبي موت

دوجا۔۔اوهنوں دفنايا گيا

تيجا۔۔اوهدي موت شاگرداں لئي مايوسي تے نااميدي دي وجه بني

چوتھا۔۔يسوع دي قبر كجھ دناں دے بعد ﴿خالي پائي گئي﴾ سي

پانجواں۔۔شاگرد يقين ركھدے سن كه اوهناں نے جي اُٹھے يسوع نوں كئي واري ويكھيا

چھاواں۔۔ايهدے بعد شاگرد شك كرن والياں توں بدل كے بے خوف ايماندار بن گئے

ستواں۔۔اے سنيا شروع دي كليسيا دے پرچار دا مركز سي

آٹھواں۔۔ايس سنيا دا پرچار يروشيلم وچ هويا

نواں۔۔ايس پرچار دے نتيجه وچ كليسيا پيدا هوئي تے ودھي

دسواں۔۔جي اُٹھن والے دن، اتوار، سبت وچ بدل گيا ﴿هفته﴾ جهيڑا پهلاں عبادت دا دن سي

گيارواں۔۔يعقوب اك شكي، اوس ويلے بدلياجدوں اوهنے يسوع نوں مردياں وچوں زنده هويا ويكھيا تے يقين كيتا

بارواں۔۔پولوس مسيحيت دا ويري اوس ويلے بدليا جدوں اوهنے زنده هوئے مسيح دے ديدار دا تجربه كيتا

جے كجھ لوك ايس فهرست دے كماں دا انكار كردے نيں، صرف كجھ لوكاں نوں مردياں وچوں زنده هون دے ثبوت دي لوڑ اے تے كلام نوں قائم كرنا: يسوع دي موت، دفنايا جانا، مردياں وچ زنده هوناتے فير نظر آنا﴿1۔كرنتھيوں15باب1تا5آيت﴾۔جدوں كه ايتھے كجھ نظريات ديتے گئے نيں اُتے دتي هوئي سچائي دے پاروںميں صرف مردياں وچ جي اُٹھن دا اي بيان كرنا آں تے ايهي سب دا اكو جواب اے۔ تنقيد كرن والے من دے نيں كه شاگرداں نے دعويٰ كيتا كه اوهناں نے زنده هوئے مسيح نوں ويكھيا اے۔ نه كوئي جھوٹ تے نه اي نظر دا دھوكا لوكاں نوں بدل دا اے پر جيويں مردياں وچوں زنده هون نال هويا۔پهلا اوه كيه حاصل كرسكدے سن؟ مسيحيت مشهور نه هوسكدي سي تے ايهدے نال اوه پيسے وي نهيں كما سكدے سن۔ دوجے جھوٹے لوك شهيد نهيں بن دے۔ ايتھے مردياں وچوں زنده هون دے علاوه كوئي هور بيان نهيں كه شاگرد اپنے ايمان لئي اپني مرضٰ دے نال ايني اذيت ناك موت مرن لئي تيار سي۔ هاں بوهت سارے لوك جھوٹياں لئي مرے كيونجے اوه سمجھدے سن كه اوه مسيح اے، پر كوئي ايس لئي نهيں مريا كه جو كجھ اوه جاندے نيں اوه سچ نهيں۔

ايهدے نتيجه وچ: مسيح نے دعويٰ كيتا كه اوه يهواوه سي، اوه خدا سي ﴿نه صڑف "اك خدا "۔پر سچا خدا﴾، اوهدے منن والے ﴿جناں نوں يهودياں نے اپني جوش دے نال بھر ي محبت دے نال ڈرايا سي﴾ اوهدے تے يقين ركھدے سن تے اوهنوں اينج اي من دے سن۔ مسيح نے اپنے خدا هون دے دعويٰ نوں ثابت كيتا معجزات دے نال جيدے وچ دنيا نوں بدلن لئي مردياں وچوں زنده هونا وي شامل اے۔ كوئي دوجا نظريه ايناں سچائياں نوں بيان نهيں كرسكدا۔

چوتھا۔۔واپس پنجابي زبان دے پهلے صفحے تے

كيه مسيح دي خدائي كلام پاك وچوں اے؟