جے ميں مسيحيت نوں قبول كردا آں، ميرا ٹبر مينوں قبول نهيں كريگا تے ميرے معاشرے دے لوك مينوں بري طرح تكليفاں دين گے۔ ميں كيه كراں؟

سوال: جے ميں مسيحيت نوں قبول كردا آں، ميرا ٹبر مينوں قبول نهيں كريگا تے ميرے معاشرے دے لوك مينوں بري طرح تكليفاں دين گے۔ ميں كيه كراں؟

جواب: اے ايمانداراں لئي بوهت اوكھا اے جهيڑے اجهياں قوموں وچ رهندے نيں جيتھے معاشرے وچ مذهبي بنياد پرستي دي آزادي اے، مسيحي دي پيروي دے مول نوں پورے طور تے سمجھنا دنيا دے دوجے حصياں دي طرح۔ كلام پاك ايهدے باوجود خدا دا كلام اے تے اينج اي اے، اے پورا اے تے حياتي دياں سارياں آزمائشاں تے مصيبتاں نوں سمجھن وچ، ويلے تے جگه توں پرے اے۔ يسوع نے صاف اكھيا كه اوهدي پيروي كرنا بوهت اوكھا كم اے۔ اصل وچ اے ساڈے لئي هر شے دي قيمت اے۔ يسوع نے لوكاں نو دسياكه كون ميرے پچھے آسكدا اے "جے كوئي ميرے پچھے آنا چاهندا اے تے اپني خودي دا انكار كرے تے صليب چكے تے ميرے پچھے آيا"﴿مرقس8باب34آيت﴾۔صليب موت دا هتھيار سي تے يسوع نے صاف دسيا اے كه اوهدي پيروي كرن دا مطلب اے كه اپنے آپ نوں مارنا۔ ساڈياں سارياں دنياوي خواهشاں تے هوس نوں ماريا جائے پس فير اسي اوهدے وچ نوي حياتي پانے آں، كوئي وي دو مالكاں دي خدمت نهيں كرسكدا ﴿لوقا16باب13آيت﴾۔پر نوي حياتي بوهت وكھري تے بوهت زياده اے كسے وي شے توں جهيڑي اسي دنيا وچ حاصل كرسكنے آں۔

دوجا اے ساڈے ٹبر دے ياراں لئي وي بھاري هوسكدا اے۔ يسوع نے متي 10باب32تا39آيت وچ صاف اكھيا اے كه اوهدے آن نال اوهدے پيروكاراں نوں اپنے خانداناں نوں چھڈنا پوئے گا، پر هر كوئي جهيڑا نفرت نه كرے ﴿كٹ پيار كرن والا﴾ اوهدا ٹبر اوهدے پيروكار لئي ضروري نهيں هونا چاهيدا۔جے اسي مسيح نوں رد كردے تے اپنے دنياوي ٹبر وچ امن ركھدے آں تے اوه سانوں آسمان تے رد كريگا تے جے يسوع سانوں رد كريگا تے سانوں جنت وچ جان توں رد كيتا جائے گا۔ جے اسي اوهدا اقرار لوكاں دے سامنے كردے آں، ايس توں هٹ كه سانوں ايهدي كيه قيمت ديني پے گي، اوه اپنے پيو نوں كهے گا،" اے ميرا اے۔ اينوں اپني بادشاهي وچ قبول كرو "۔هميش دي حياتي"قيمتي موتي "اے متي13باب44تا45آيت جهيڑي هر اوس قيمتي شے توں ودھ كه اے جهيڑي ساڈے كول اے۔ اے چنگا نهيں كه اپني تھوڑي جهي تے ختم هون والي حياتي نوں ركھيا جائے تے هميشگي نوں گوا ديتا جائے۔ "تے بنده جے ساري دنيا نوں حاصل كرے تے اپني جان دا نقصان چُكے تے اوهنوں كيه فائده هوئيگا؟ "﴿مرقس8باب36آيت﴾۔جيويں جم ايليٹ،اك مشنري هورانيي انڈيانا ايكواڈوروچ مسيح دا پرچار كردے هوئے قتل هويا كهندا اے، "كوئي ايهو جهيا بيوقوف نهيں جهيڑا اوه ديندا اے جيدے نال اوه كجھ پا نهيں سكدا ايس لئي كه اوه كجھ گوا نهيں سكدا"۔

يسوع نے آپ تكليفاں نو ں صاف دسيا اے جو اوهدے نال هونياں سن۔ اوه سانوں قبول كرن لئي حوصله ديندا اے ، اے اوهدے شاگرداں لئي معمولي گل سي، تے اوه تكاليف وچ اميد نال بھرے تے خوش رهندے سن۔ اوه ستائے جان والياں نوں "مبارك"كهندا تے سانوں دسدا اے "خوشي كرنا تے بوهت شادمان هونا كيونجے آسمان تے تهاڈا اجر بوهت اے"﴿متي5باب10تا12آيت﴾۔اوه سانوں ياد دلاندا اے كه اوهدے لوك هميش ستائے جاندے رهے نيں۔ پرانے عهدنامے دے نبياں نوں ستايا گيا، برا بھلا كيتا گيا، مارا پيٹا گيا، قتل كيتا گيا تے اك واري تے وچكاروں چير ديتا گيا ﴿عبرانيوں11باب37آيت﴾۔سارے رسولاں﴿ماسوائے يوحنادے جهيڑا پتمس دے جزيره وچ جلاوطن كيتا گيا سي﴾ تے مسيح دا پرچار كرن دي وجه نال تكليفاں ديتاں گئياں۔ روايت دسدي اے كه پطرس نوں الٹا مصلوب كيتا گياسي كيونجے اوه اپنے آپ نوں ايس لائق نهيں سمجھدا سي كه اوه خداوند وانگر مصلوب كيتا جائے۔هن اوه اپنے پهلے خط وچ لكھد اے "جے مسيح دے ناں دے سببوں تهاڈي ملامت كيتي جاندي اے تے تسي مبارك اوه كيونجے جلال دا روح يعني خدا كا روح تهاڈے تے سايه كردا اے ﴿1۔پطرس4باب14آيت﴾۔پولوس رسول قيد خانه وچ بند سي، اوهنوں بوهت واري مسيح دي تبلغ كرن دي وجه توں ماريا كوٹيا تے پتھر مارے گئے، پر اوهنے اپنے دكھاں نوں ايس لائق نهيں جانيا كه جهيڑا جلال اوه حاصل كرن نوں اے اوهدے نال اوهدا موازنه وي كيتا جائے﴿روميوں8باب18آيت﴾۔

جد كه شاگرد بنن دي قيمت بوهتي ويكھالي ديندي اے، ايتھے زميني اجر وي اے تے آسماني وي۔ يسوع نے وعده كيتا اے كه اوه هميش ساڈے نال رهے گا، دنيا دے آخير تيكر﴿متي 28باب20آيت﴾؛اوه كدي سانوں نهيں چھڈے گا تے كدي وي نهيں بھولے گا﴿عبرانيوں13باب5آيت﴾؛اوه ساڈے دكھ درد نوں جاندا اے، اوهنے آپ ساڈے لئي دكھ چُكے﴿1۔پطرس2باب21آيت﴾؛اوهدے پيار دي ساڈے لئي كوئي حد نهيں، تے اوه سانوں اجهي آزمائش وچ وي نهيں پين ديندا جهيڑي ساڈي برداشت توں باهر هووئے ايتھوں تيكر كه آزمائش وچوں نكلن دے راه وي ويكھندا اے﴿1۔كرنتھيوں10باب13آيت﴾۔

جدوں اسي اپنے ٹبر وچ يا اپني تهذيب وچ پهلے هوئيے جناں نے مسيح نوں قبول كيتا اے، تے اسي خدا دے ٹبر دا حصه بن جاندے آں تے اسي اوهدے ايلچي بن جانے آں جنے ساڈے نال تے دنيا دے نال پيار كيتا اے۔ اينج اسي اوهدے آله كار بن جانے آں كه دوجاں نوں اوهدے ول لے كے آئيے، سانوں هر شے وچ كاميابي ملدي اے جهيڑي اسي كدي سوچي وي نهيں سي۔

چوتھا۔۔واپس پنجابي زبان دے پهلے صفحے تے

جے ميں مسيحيت نوں قبول كردا آں، ميرا ٹبر مينوں قبول نهيں كريگا تے ميرے معاشرے دے لوك مينوں بري طرح تكليفاں دين گے۔ ميں كيه كراں؟