خدا دياں صفتاں كيه نيں؟ خدا كيويں دا اے؟

سوال: خدا دياں صفتاں كيه نيں؟ خدا كيويں دا اے؟

جواب: خوشي دي خبر اے جيويں اي اسي ايس سوال دا جواب دين دي كوشش كردے آں، كيه اے بوهت اے جو كجھ اسي خدا دے پاروں جان گئے آں اوه جهيڑے ايس تشريح دي پھرول كردے نيں هو سكدا اے اوهناں لئي اے پهلي واري پڑھنا فائده مند هوئے، فير اسي پشاں جانے آں تے هور چنگي طرح تھلے ديتے هوئے چنے هوئے نوشتياں نوں ويكھيے۔ كلام پاك دے حوالياں بوهت ضروري نيں، كلام پاك دے اختيار دے بغير، اے الفاظ دا ذخيره اك انساني سوچ توں چنگا نهيں هووئے گا؛ كيونجے اسي اپنے آپ توں خدا نوں سمجھن لئي كئي واري غلط هونے آں﴿ايوب42باب7آيت﴾۔ اے كهن دے نال سانوں اے جانن دي لوڑ اے كه كيه خدا نوں كيويں دياں گل چنگياں لگدياں نيں جيويں خدا دے پاروں بوهت ادھورياں گل ناكامي سانوں دوجے معبود بنان دي وجه بن دي اے، جھوٹے خدائواں دي پيروي تے پرستش كرنا اوهدي مرضي دے خلاف اے ﴿خروج 20باب2تا3آيت﴾۔

خدا نوں جو چنگا لگدا اے اوهي اوه ظاهر كردا اے تے اوهي اسي جان سكدے آں۔ خدا دي صفتاں تے خوبياں وچوں اك "لو"اے، جيدا مطلب اے كه اوه آپ اپنے آپ نوں كسے تے ظاهر كردا اے﴿يسعياه 60باب19آيت؛ يعقوب1باب17آيت﴾۔اصل گل اے كه خدا اپنے پاروں آپ اي لوكاں نوں دسدا اے جينوں پشاں نهيں كيتا جا سكدا، اينج نه هوئے كه ساڈے وچوں كوئي اوهدے آرام وچ داخل هون توں ره جائے﴿عبرانيوں4باب1آيت﴾۔مخلوق، كلام پاك، تے كلام انسان بن كے ﴿يسوع مسيح﴾ جهيڑا ساڈي مدد كردا اے كه خدا كيه چاهندا اے۔

آئو اے جانن شروع كرئيے كه خدا ساڈا خالق اے تے اسي اوهدي خلقت دا حصه آں﴿پيدائش 1باب1آيت؛ 24زبور1آيت﴾۔خداوند كهندا اے كه اوهنے انسان نوں اپني صورت تے پيدا كيتا اے۔ انسان نوں ساري پيدا كيتي گئي مخلوقات توں ودھ كيتا اے تے اوهنوں اوهناں تے اختيار ديتا اے﴿پيدائش 1باب26تا28آيت﴾۔مخلوق خراب هوگئي"نافرماني"دے نال پر اوه هالے تيكر اپنے كماں دي جھلك ديندا اے ﴿پيدائش3باب17تا18آيت؛ روميوں1باب19تا20آيت﴾۔مخلوق دي گهرائي ، پيچيدگي ، خوبصورتي تے ترتيب نوں غور دے نال ويكھيے تے اسي سمجھاں گے كه خداوند كناں وڈا اے۔

اسي اپني كھوج وچ مدد حاصل كرن لئي خدا دے كجھ ناواں نوں پڑھن دے نال كه خدا كيويں دا اے۔ اوه تھلے دتيے گئے نيں:

الوهيم۔۔سارياں توں طاقتور، الهي، پاك﴿پيدائش1باب1آيت﴾۔
ايڈُنائے۔۔مالك، مالك تے نوكر دے رشتے نوں ظاهر كردا اے﴿خروج4باب10اور13آيت﴾۔
ايل ايلون۔۔سارياں توں اوچا، سارياں توں طاقتور﴿پيدائش14باب20آيت﴾۔
ايل روئي۔۔سارياں توں بوهتا نظر ركھن والا﴿پيدائش 16باب13آيت﴾۔
ايل شدائے۔۔خدائے قادر ﴿پيدائش17باب1آيت﴾۔
ايل اولم۔۔هميش رهن والا خداوند﴿يسعيا 40باب28آيت﴾۔
يهوواه۔۔مالك "ميں آں"، مطلب اے كه هميش رهن والا زنده خدا﴿خروج3باب13اور14آيت﴾۔

هن اسي خدا دياں هور صفتاں نوں جانا گے؛ خدا هميش توں اے، مطلب اے كه اوهدا كوئي شروع نهيں تے اوهدي موجودگي كدي وي ختم نهيں هووئے گي۔ اوه لافاني اے، اوهدي كوئي انتها نهيں﴿استثنا33باب27آيت؛ 90زبور2آيت؛1۔تيمُتھُيس1باب17آيت﴾۔خدا تبديل نهيں هوسكدا، مطلب اے كه اوهدي وچ كوئي تبديلي نهيں هوسكدي؛ جيدا مطلب اے كه خدا ضرور وڈا عزت والا تے اعتبار دے قابل اے﴿ملاكي3باب6آيت؛ گنتي 23باب19آيت؛ 102زبور26تا27آيت﴾۔ خدا بے مثال اے، ايهدا مطلب اے كه اوهدے ورگا كوئي نهيں كماں تے مخلوق وچوں؛ اوه كامل اے تے كوئي اوهدي برابري وي نهيں كرسكدا﴿2۔سموئيل7باب22آيت؛ زبور86باب8آيت؛ يسعياه40باب25آيت؛ متي5باب48آيت﴾۔خدا نوں تلاش تے تجسس توں باهر اے، مطلب اے كه اوه سوچ توں باهر اے، اوهنوں لبيا وي نهيں جاسكدا، اسي پشاں جا كے اوهنوں چنگي طرح سمجھ سكدے آں﴿يسعياه 40باب28آيت؛145 زبور3آيت؛ روميوں11باب33تا34آيت﴾۔

صرف خدا اے، مطلب اے كے اوه كسے بندے دے نال ايس لئي رعايت نهيں كردا كه اوه اوس بندے نوں پسند كردا اے﴿استثنا32باب4آيت؛18 زبور30آيت﴾۔خدا قادرِ مطلق اے، مطلب اے كه اوه سارياں توں بوهتا طاقتور اے، اوه كجھ وي كرسكدا اے جيدے نال اوه خوش هووئے، پر اوهدے سارے كم هميش اوهدي پاك ذات دے عين مطابق هوندے نيں﴿مكاشفه19باب6آيت؛ يرمياه32باب17اور27آيت﴾۔خدا هر ويلے هر تھاں تے موجود هوندا اے، مطلب اے كه اوه هر ويلے موجود هوندا اے، هر تھاں تے؛ ايهدا مطلب اے نهيں كه هر شے خدا اے﴿139زبور7تا13آيت؛ يرمياه23باب23آيت﴾۔خدا هر شے نوں ويكھدا تے جاندا اے، مطلب اے كه اوه ماضي ، حال تے آن والا ويلے نوں وي جاندا اے، ايتھوں تيكر كه اسي كيه سوچدے آںايس ويلے؛ اوه سب جاندا اے اوه اپنے نظام دے نال هميش سچا نيا كرن والا اے ﴿139زبور1تا5آيت؛ امثال5باب21آيت﴾۔

خدا اك اے، مطلب اے ايتھے كوئي دوجا نهيں، پر اوه كلا اي كافي اے كه اوه ساڈي دل دياں لوڑاں تے آرزواں نوں پورا كرے، اوه كلا اے ساڈي جے جے كار تے عبادت دے لائق اے﴿استثنا6باب4آيت﴾۔خدا راستباز اے، مطلب خدا كدي وي كوئي غلط كم نهيں كردا؛ كيونجے اے اوهدي نيكوكاري تے انصاف دي وجه دے نال اے جيدے نال ساڈے پاپ معاف كيتے جاندے نيں، يسوع خدا دي عدالت دا تجربه ركھدا اے جدوں ساڈے پاپ اوهدے اُتے ركھے گئے﴿خروج 9باب27آيت؛ متي27باب45تا46آيت؛ روميوں3باب21تا26آيت﴾۔

خدا بادشاواں دا بادشاه اے، مطلب اوه سارياں توں وڈا اے، اوهنے سارياں مخلوقاں نوں كٹھا كيتا اے، جان كے يا انجانے وچ، اوهدے ايس مقصد نوں كوئي وي نهيں جان سكدا ﴿93زبور1آيت؛ 95زبور3آيت؛ يرمياه23باب20آيت﴾۔خدا روح اے، مطلب اوه نظر نهيں آندا﴿يوحنا 1باب18آيت؛ يوحنا4باب24آيت﴾۔خدا تثليث اے ، مطلب اوه اك وچ تين نيں، اك اي اصل توں، طاقت تے شان و شوكت وچ برابر۔ ويكھيو كه كلام مقدس دے پهلے حوالے وچ "نام"واحد اے جدوں كه اے تين وكھرياں وكھرياں هستياں نوں ظاهر كردا اے۔ "پيو، پتر، روح پاك"﴿متي28باب19آيت؛ مرقس1باب9تا11آيت﴾۔خدا سچائي اے، مطلب اوه سارياں دے نال وعده كردا اے كه اوه جهيڑا اوهدا اے، هميش تيكر قائم رهوئے گا تے كدي جھوٹ نهيں بوليگا ﴿117زبور2آيت؛1۔سموئيل15باب29آيت﴾۔

خدا پاك اے، مطلب اوه هر اخلاقي برائي توں دور اے تے ايناں شياواں دے خلاف اے۔ خدا هر برائي نوں ويكھدا اے تے اوه برائي اوهنوں غصه ديوندي اے؛ آگ نوں كلام پاك وچ عام طور تے پاكيزگي دے نال ظاهر كيتا گيا اے۔ خدا نوں ساڑ كے سوا كرن والي آگ ظاهر كيتا گيا اے﴿يسعيا ه6باب3آيت؛ حبقوق1باب13آيت؛ خروج3باب2اور4اور5آيت؛ عبرانيوں12باب29آيت﴾۔خدا رحمت والا اے، ايهدے وچ اوهدي اچھائي، شفقت، رحمت تے پيار شامل نيں۔ اے الفاظ اوهدي اچھائي تے چھاں كردے نيں۔ جے اے خدا وند دا فضل نهيں سي تے ايس طرح اوهدي بقايا صفتاں سانوں اوهدي ذات وچوں باهر كڈ ديندياں نيں۔شكر اے كه اے اينج نهيں اے، اوه چاهندا اے كه ساڈے وچوں هر كوئي اوهنوں ذاتي طور تے جانے﴿خروج34باب6آيت؛31زبور19آيت؛1۔پطرس1باب3آيت؛ يوحنا3باب16آيت؛ يوحنا17باب3آيت﴾۔

اے اك نكي جهي كوشش اے خدا دے بوهت وڈے قد دے سوال دے جواب لئي۔ مهرباني كرے بوهت حوصله افزائي دے نال ايهدي تلاش كردے رهو﴿يرمياه29باب13آيت﴾۔

چوتھا۔۔واپس پنجابي زبان دے پهلے صفحے تے

خدا دياں صفتاں كيه نيں؟ خدا كيويں دا اے؟