اك واري مكتي هميش لئي مكتي؟
سوال: اك واري مكتي هميش لئي مكتي؟
جواب:
اك واري كوئي بنده جدوں مكتي پا ليندا اے تے كيه اوه هميش لئي مكتي پا ليندا اے؟ جدوں لوك مسيح نوں اپنا مكتي داتا دے طور تے جان ليندے نيں تے اوه خدا دے نال اك رشتے وچ آ جاندے نيں جهيڑا اوهناں دي هميش دي مكتي نوں محفوظ كرن دي ضمانت ديندا اے۔ كلام پاك دے بوهت سارے حوالے ايس سچائي دا اعلان كردے نيں، ﴿ا﴾روميوں8باب30آيت اعلان كردي اے، "تے جناں نوں اوهنے پهلاں مقرر كيتا اوهناں نوں بلايا وي تے جناں نوں بلايا اوهناں نوں راستباز وي ٹھهرايا تے جناں نوں راستباز ٹھهرايا اوهناں نوں جلال وي ديتا"۔ اے آيت دسدي اے كه جدوں خدا سانوں چن ليندا اے ، اے اينج اي جيويں اسي آسمان وچ اوهدي موجودگي وچ اوهدي تمجيد كردے آں۔ ايتھے كجھ وي نهيں جو اك ايماندار نوں جلالي هون توں باز ركھ سكے كيونجے خدا پهلاں اي اوهنوں فردوس وچ ركھن دا اراده ركھدا اے۔ اك واري جدوں اك بنده راستباز ٹھهريا تے اوهدي مكتي دي ضمانت دے ديتي گئي۔ اوه اينج اي محفوظ اے جيويں جے اوه پهلاں فردوس وچ جلالي سي۔
﴿ب﴾پولوس روميوں 8باب33تا34آيت وچ دو فيصله كن سوال پوچھدا اے، "خدا دے برگزيدياں تے كون نالش كريگا؟ خدا اوه اے جهيڑا اوهناں نوں راستباز ٹھهراندا اے ۔ كون اے جهيڑا مجرم ٹھهرائے گا؟ مسيح يسوع اوه جهيڑا مر گيا بلكه مردياں وچ وي جي اُٹھيا تے خدا دي سجے پاسے اے تے ساڈي شفاعت وي كردا اے"۔خدا دے برگزيدياں تے كون نالش كريگا؟ كوئي نهيں كريگا كيونجے مسيح ساڈا مشير اے۔ كون سانوں مجرم ٹھهرائے گا؟ كوئي نهيں كيونجے مسيح اك جهيڑا ساڈے لئي مريا جهيڑا ساڈے لئي مجرم بنيا۔ اسي مشير تے منصف دونے ركھدے آں جيويں ساڈا مكتي داتا۔
﴿پ﴾ايماندار فير پيدا هوندے نيں ﴿فير پيدا هونا﴾ جدوں اوه ايمان لياندے نيں﴿يوحنا3باب3آيت؛ ططس3باب5آيت﴾۔اك مسيحي لئي اپني مكتي كھو دينا اينج اي كه فير اوه پيدا اي نهيں هوئے گا۔ كلام پاك وچ كوئي اينج دي گواهي نهيں ملدي كه نويں پيدائش كھو ديتي جائے۔﴿ت﴾پاك روح سارے ايمانداراں دے وچ رهندا اے﴿يوحنا14باب17آيت؛ روميوں8باب9آيت﴾تے مسيح دے جسم وچ سارے ايمانداراں نوں بپتسمه ديتا جاندا اے ﴿1۔كرنتھيوں12باب13آيت﴾۔ايماندار لئي غير مكتي يافته هونا اينج اي جيويں اوه "بار كڈ"ديتا جائے تے مسيح دے جسم توں الگ كر ديتا جائے۔
.﴿ٹ﴾يوحنا3باب15آيت دسدي اے كه جهيڑا وي يسوع مسيح تے ايمان لياندا اے "هميش دي حياتي پائے گا"۔ جے تسي اج مسيح تے ايمان لياندے اوه تے هميش دي حياتي ركھدے اوه پر كل كھو ديند ے اوه فير اے كدي وي هميش لئي نهيں سي۔ فير وي جے تسي اپني مكتي كھو ديند ے اوه تے كلام پاك وچ هميش دي حياتي دا وعده غلط هوئيگا۔ ﴿ث﴾سب توں بوهتي فيصله كن دليل ميرے وچار وچ كلام پاك آپ چنگي طرح دسدا اے، "كيونجے مينوں يقين اے كه خدا دي جهيڑي محبت ساڈے خداوند مسيح يسوع وچ اے اوهدے كولوں سانوں نه موت جدا كر سكدي اے نه حياتي ۔ نه فرشتے نه حكومتاں ۔ نه حال دياں نه استقبال دياں شياواں۔ نه قدرتاں تے اونچائي نه پستي نه كوئي هور مخلوق"﴿روميوں8باب38تا39آيت﴾۔ياد ركھيے اك اي خدا نے تهانوں مكتي ديتي اے تے اك اي خدا تهانوں بچا سكدا اے۔ اك واري اسي مكتي پانے آں تے هميش لئي مكتي پانے آں۔ ساڈي مكتي يقينا هميش لئي محفوظ اے.
چوتھا۔۔واپس پنجابي زبان دے پهلے صفحے تے
اك واري مكتي هميش لئي مكتي؟
|
