کلام پاک شراب پین / مے پین بارے کیہ آکہدا اے؟ کیہ شراب / مے پینا مسیحاں لئی پاپ اے؟




سوال: کلام پاک شراب پین / مے پین بارے کیہ آکہدا اے؟ کیہ شراب / مے پینا مسیحاں لئی پاپ اے؟

جواب:
کلام پاک وچ بہت ساریاں آیتاں شراب توں پرانہہ رہن لئی لوکاں نوں تھاپڑا دیندیاں نیں۔ (احبار 10 باب 9 آیت؛ گنتی 6 باب 3 آیت؛ استثنا 14 باب 26 آیت؛ 29 باب 6 آیت؛ قضاۃ 13 باب 4 آیت، 7 آیت، 14 آیت؛ 1۔سموئیل 1 باب 15 آیت؛ امثال 20 باب1 آیت؛ 31 باب 4 اتے 6 آیت؛ یسعیاہ 5 باب 11 اتے 22 آیت؛ 24 باب 9 آیت؛ 28 باب 7 آیت؛ 29 باب 9 آیت؛ 56 باب 12 آیت؛ میکاہ 2 باب 11 آیت؛ لوقا 1 باب 15 آیت)۔ فیر وی کلام پاک مسیحاں نوں شراب پین جیویں انگوراں دی شراب تے ایہو جہیاں دوجیاں نشے والیاں شیواں جیہناں وچ الکوحل ہوئے مناہی نہیں کردا۔ مسیحاں نوں سختی دے نال ایس گل دا حکم اے کہ شراب دے وچ بے سُرت نہ ہون (افسیوں 5 باب 18 آیت)۔ کلام پاک شراب وچ بے سُرت ہون تے اوہدے اثر توں سختی دے نال روکدا اے (امثال 23 باب 29 توں 35 آیت)۔ مسیحاں نوں ایہہ حکم وی اے کہ اوہ اپنے جسماں نوں اپنے اُتے حکومت نہ کرن دین (1۔کرنتھیوں 6 باب 12 آیت؛ 2۔پطرس 2 باب 19 آیت)۔ کلام پاک مسیحاں نوں ہر اوس شے توں روکدا اے کہ اوہ اجیہے کم نہ کرن جیہناں پاروں دوجے مسیحی حوصلہ پا کہ ایہو جیہے پاپ کرن جیہڑے اوہناں دے ایمان دے اُلٹ نیں (1۔ کرنتھیوں 8 باب 9 توں 13 آیت)۔ ایہناں اصولاں دے چانن وچ ایہہ بہت اوکھا جاپدا اے کہ کوئی مسیحی ایہہ آکہے کہ اوہ شراب خدا دے جلال لئی پیندا اے (1۔ کرنتھیوں 10 باب 31 آیت)۔

خداوند یسوع مسیح نے پانی نوں مے بنایا۔ ایہہ ویکھیا گیا اے کہ یسوع اکثر موقعیاں تے مے پیندے نیں (یوحنا 2 باب 1 توں 11 آیت؛ متی 26 باب 29 آیت)۔ نویں عہدنامے دے ویلے وچ ، پانی بہتا صاف نہیں سی۔ صحت تے صفائی دیاں چنگیاں سوکھتاں نہیں سن، پانی وچ بیکٹیریا، وائرس تے دوجیاں ساریاں شیواں صحت لئی نقصان دا سبب سن۔ ایہہ سچ اے کہ اج تیجی دنیا دے ممالک وچ انج ای اے۔ ایس لئی لوک مے پیندے سی ( یاں انگور دا رس) کیونجے ایہدے وچ صحت نوں نقصان دین شیواں بہت سن۔ 1۔ تیمتھس 5 باب 25 آیت وچ پولوس تیمتھس نوں سمجھاؤندا اے کہ پانی پینا بند کردے (جیہدے پاروں اوہدے معدے وچ کجھ مسئلہ سی) تے اوہدی بجائے مے نوں کم وچ لیا۔ یونانی لفظ جیہڑا مے لئی کلام پاک وچ ورتیا گیا اوہ عام حیاتی وچ مے لئی ورتیا جاندا اے۔ اوہناں دیہاڑیاں وچ جیہڑی مے بنائی جاندی سی اوہ اینی تیز نہیں سی جنی آج دے دور وچ ہوندی اے۔ ایہہ آکھنا غلط ہوئے گا کہ اوہ انگوراں دا رس سی، پر ایہہ کہنا وی غلط ہوئے گا کہ ایہہ ایس مے وانگوں اے جیہڑی اسیں اج ورتدے آں۔ فیر کلام پاک وچ مسیحاں نوں مے انگوراں دا رس تے ایس طرح دیاں دوجیاں پین والیاں شیواں جیہناں وچ الکوحل موجود ہوئے سختی دے نال نہیں روکدی۔ الکوحل آپ ای سانوں پاپ نال ناپاک کردی اے۔ ایہدے مگروں نشے وچ دُھت ہونا تے نشیا کے شراب دے عادی ہون دی اک مسیحی نوں سختی دے نال مناہی اے (افسیوں 5 باب 18 آیت؛ 1۔کرنتھیوں 6 باب 12 آیت)۔ کلام پاک وچ کجھ اصول نیں فیر وی کلام پاک دے مطابق ایس دلیل دی حمایت کرنا بہت اوکھا اے کہ جے کوئی مسیحی شراب پیندا اے تے کنی وی مقدار وچ پیندا اے تے کیہ اوہ رب نوں راضی کردا اے۔



پنجابی دے مڈھلے صفحے تے جاؤ



کلام پاک شراب پین / مے پین بارے کیہ آکہدا اے؟ کیہ شراب / مے پینا مسیحاں لئی پاپ اے؟