پاك روح كون اے؟

سوال: پاك روح كون اے؟

جواب: ايتھے پاك روح دي نشانياں دے پاروں بوهت غلط رائے قائم نيں۔ كجھ دا خيال ا ے كه پاك روح كوئي ناديدي قوت اے۔ دوجے سمجھدے نيں پاك روح بے جسم خدائي طاقت اے جو مسيح دے پيروكاراں دي مدد كردا اے۔ پاك روح دي شناخت دے پاروں كلام پاك كيه كهندا اے؟ كلام پاك كهندا اے كه پاك روح خدا اے۔ كلام پاك دسدا اے كه پاك روح وي اك شخصيت اے، اك عقلمند مخلوق، جذبات تے اك اراده۔ اصل وچ پاك روح خدا اے جهيڑا بوهت سارے نوشتاں وچ نظر آندا اے جيويںاعمال5باب3تا4آيت۔

ايس آيت وچ پطرس نے حننياه نوں اكھيا كه كيوں توں روح القدس دے نال جھوٹ بوليا تے اوهنوں دسيا كه اوهنے صرف "بنداں دے نال اي جھوٹ نهيں بوليا بلكه خدا دے نال"۔ اے صاف اعلان سي كه پاك روح دے جھوٹ بولنا خدا دے نال جھوٹ بولنا اے۔ اسي جان سكدے آں كه پاك روح اي خدا اے كيونجے اوه خدا دے كردار دي صفات ركھدا اے۔ مثال دے طور تے اصل وچ پاك روح هر ويلے هر تھاں تے موجود هوندا اے139زبور 7تا8آيت وچ ويكھدے آں "ميں تيري روح توں نس كے كيتھے جائواں يا تيري حضوري توں كدھر نساں؟ جے آسمان تے چڑھ جائوں تے توں اوتھے آں۔ جے ميں پاتال وچ بستر وچاواں تے توں ويكھ توں اوتھے وي اے"۔ فير1۔كرنتھيوں2باب10آيت وچ اسي پاك روح نوں سب كجھ جانن والے دے كردار وچ ويكھدے آں۔ "پر ساڈے تے خدا نے اوهناں نوں روح دے وسيله دے نال ظاهر كيتا اے كيونجے روح سارياں گلاں بلكه خدا ديا ں ته دياں گلاں وي لب ليندا اے ۔ كيونجے انساناں وچ كون كسے انسان دياں گلاں جان سكدے نيں سوائے انسان دي اپني روح دے جهيڑي اوهدے وچ اے؟ ايس طرح خدا دي روح دے سوائے كوئي خدا دياں گلاں نهيں جاندا"۔

اسي جان سكنے آں كه پاك روح اصل وچ ايك شخصيت اے كيونجے اوه ذهن، جذبات تے اراده ركھدا اے۔ پاك روح جاندا تے وچار كردا اے﴿1۔ كرنتھيوں2باب10آيت﴾۔ پاك روح رنجيده هوندا اے﴿افسيوں4باب30آيت﴾۔روح ساڈي شفاعت كردا اے﴿روميوں8باب26تا27آيت﴾۔ پاك روح اپني مرضي دے نال نياں كردا اے﴿1۔ كرنتھيوں12باب7تا11آيت﴾۔پاك روح خدا اے، تثليث دا تيجا "شخص"اے۔ جيويں خدا، پاك روح اصل وچ تسلي ديندے نيں تے مشوره دين والے دي طرح كم كردا اے جيويں يسوع نے وعده كيتا سي كه اوه كريگا ﴿يوحنا 14باب16آيت، 26آيت؛ يوحنا15باب26آيت﴾۔

چوتھا۔۔واپس پنجابي زبان دے پهلے صفحے تے

پاك روح كون اے؟