كيه مسيحياں نوں پرانے عهد دے قانون دي فرمانبرداري كرني چاهيدي اے؟

سوال: كيه مسيحياں نوں پرانے عهد دے قانون دي فرمانبرداري كرني چاهيدي اے؟

جواب: ايس خاص مسئلے نوں سمجھن لئي اے جانن ضروري اے پرانے عهد دے قانون اسرائيلي قوم نوں ديتے گئے سن، مسيحياں نوں نهيں۔ كجھ قانون اسرائيلياں لئي بنائے گئے سن كه اوه جانن كے كيويں خدا دي فرمانبرداري كرني اے تے كيويں خدا نوں خوش كرنا اے ﴿مثال دے طور تے دس حكم﴾، ايناں وچوں كجھ دسدے نيں كه كيويں خدا دے عبادت كيتي جائے ﴿سوختني قرباني دا طريقه﴾ ، ايناں وچوں كجھ اسرائيلي قوم نوں دوجياں قوموں توں وكھرے رهن لئي بنائے گئے سن﴿كھانے تے پهننے دے قانون﴾پرانے عهد دے قانون اج دے دور وچ ساڈے اُتے پورے نهيں هوندے۔ جدوں يسوع صليب تے مريا، اوهنے پرانے عهد دے قانون نوں ختم كرديتا﴿روميوں10باب4آيت؛ گلتيوں3باب23تا25آيت؛ افسيوں2باب15آيت﴾۔

پرانے عهد دي تھاں تے اسي مسيح دے قانون دے تھلے آں﴿گلتيوں6باب2آيت﴾ ۔جيويں اوهنے اكھيا، "اوهنے اوهنوں اكھيا كه خدا وند اپنے خدا نوں اپنے سارے دل تے اپني ساري جان تے اپني ساري عقل دے نال پيار كر۔ وڈا تے پهلا حكم ايهي اے۔ تے دوجا ايهدے ورگا اے كه اپنے گوانڈي دے نال اپنے وانگوں پيار كر۔ ايناں دو حكماں تے سارے توريت تے نبياں دے صحيفاں دا مدار اے"﴿متي 22باب37تا40آيت﴾۔جے اسي اے دونے شياواں كرنے آں ، اسي اوه اي كراں گے جو مسيح ساڈے كولوں كروانا چاهندا اے، "تے خدا دا پيار اے كه اسي اوهدے حكماں تے عمل كرئيے تے اوهدے حكم بوهت اُوكھے نهيں"﴿1۔يوحنا5باب3آيت﴾۔اصطلاحي طور تے دس حكم مسحياں لئي ضروري نهيں۔ ايهدے باوجود دس حكماں وچوں نو﴿9﴾حكم نوعهد وچ فير آئے نيں ﴿سبت دے دن نوں منن توں علاوه﴾۔ ظاهر ي طور تے جے اسي خدا دے نال پيار كردے آں تے اسي دوجے خدائوں دے عبادت نهيں كراں گے يا بتاں دي عبادت نهيں كراں گے۔ جے اسي اپنے گوانڈياں دے نال پيار كرنے آں تے اسي اوهناں دا قتل نهيں كراں گے، اوهناں دے نال دغا نهيں كراں گے، اوهناں دے خلاف برے كم نهيں كراں گے، يا اوهناں دے مال دا لالچ نهيں كراں گے۔ پس اسي پرانے عهد دے كسے قانون دے تابع نهيں آں، سانوں خدا دے نال پيار كرنا چاهيدا اے تے اپنے گوانڈياں دے نال پيار كرنا چاهيدا اے۔ جے اسي اے دونے شياواں ايمانداري دے نال كردے آں، تے فير هر شے ٹھيك ٹھيك هووے گي۔

چوتھا۔۔واپس پنجابي زبان دے پهلے صفحے تے