كيه واقعي كلام پاك خدا دا كلام اے؟

سوال: كيه واقعي كلام پاك خدا دا كلام اے؟

جواب: ساڈے ايس سوال دا جواب دينا صرف ايهدا احاطه كرنا نهيں كه كيويں كلام پاك نوں پڑھيے تے ايهدا ساڈياں حياتياں تے كيه اثر اے، پر نال اي نال ايهدا هميش تيكر ساڈے تے وي اثر هووئے گا۔ جے كلام پاك اصل وچ خدا دا كلام اے، فير سانوں ايهدے وچ ودھنا چاهيدا اے، اينوں پڑھنا چاهيدا اے، ايهدي تابعداري كرني چاهيدي اے تے ايهدے تے يقين كرنا چاهيدا اے۔ جے كلام پاك خدا دا كلام اے تے اوهنوں دور كرنا چاهيدا اے جهيڑا خدا توں دور كردا اے۔

اصل گل اے كه خدا نے كلام پاك سانوں صرف ثبوت دے طور ديتا اے تے اپنے پيار دي تشريح لئي ديتا اے۔ لفظ "مكاشفه"دا ساده جها مطلب اے كه خدا انساناں نوں دسنا چاهندا اے كه اوه كيه چاهندا اے تے كيويں اسي اوهدے نال ٹھيك "تعلق"ركھ سكنے آں۔ اے اوه شياواں نيں جناں نوں اسي نه جان سكدے آں تے نه جان سكدے سي پر خدا نے اپني الهي قدرت دے نال اينوں ساڈے تے اپنے كلام پاك دے ذريعے ظاهر كيتا اے۔ پاويں كلام پاك وچ خدا دا مكاشفه بري كاميابي دے نال تقريباً 1500سالاں توں بوهتے عرصے وچ ديتا گيا سي ، اے هميشه هر اوس شے تے مشتمل هوندا سي جو انسان نوں خدا دے پاروں وچ جانن دي لوڑ سي تانجو اوه اوهدے نال ٹھيك تعلق ركھ سكن۔ جے كلام پاك اصل وچ خدا دا كلام اے ، فير اے آخري اختيار اے ايمان دے سارے معاملات لئي ، مذهب تے چلن لئي، تے اچھائي لئي۔

سوال جو سانوں اپنے آپ توں پوچھنا چاهيدا اے كه اسي كيويں جانيے كه كلام پاك اي خدا دا كلام اے تے صرف اك چنگي كتاب نهيں؟ كلام پاك وچ كيه وكھري شے اے جو اينوں دنيا دياں دوجياں سارياں لكھياں گئياں كتاباں توں الگ كردي اے؟ كيه ايتھے كوئي ثبوت اے كه كلام مقدس اصل وچ خدا دا كلام اے ؟ ايتھے بوهت سارے سوال نيں جناں تے سانوں غور كرنا چاهيدا اے جے اسي كلام پاك دے دعوئوياں دي سنجيدگي دے نال چھان بين كرنا چاهنے آں كه كلام پاك اصل وچ خدا دا كلام اے، پاك الهام ، تے ايمان دے سارے معاملات تے عمل لئي پورے طور تے كافي اے۔

ايتھے ايس سچا وچ كوئي شك نهيں كيتا جاسكدا كه كلام پاك دعويٰ كردا اے كه اوه اصل وچ خدا دا كلام اے۔ بلاشبه ايناں آيتاں نوں ويكھيے2۔تےُمتھُيس3باب15تا17آيت كهندي اے، "۔۔۔تے توں بچپن توں اي ايناں پاك نوشتاں توں واقف اے جهيڑے تينوں مسيح يسوع تے ايمان ليان نال مكتي پان لئي عقل بخش سكدے نيں۔ هر اك صحيفه جهيڑا خدا دے الهام دے نال اے تعليم تے الزام تے اصلاح تے راستبازي وچ تربيت كرن لئي فائده مند وي اے۔ تانجے مردِ خدا كامل هون تے هر اك چنگے كم لئي هر ويلے تيار رهن"۔

ايناں سوالاں دے جواب دين لگے اسي اندروں باهروں سارے ثبوتاں نوں ويكھياں گے جهيڑے كلام پاك نوں خدا دا سچا كلام ثابت كردے نيں۔ اندر دے ثبوت اوه شياواں نيں جهيڑياں كلام پاك وچ موجود نيں جهيڑياں پاك بنياد دي تصديق كردياں نيں۔ اندر دے ثبوتاں وچ پهلا اك اے كه كلام پاك اصل وچ خدا دا كلام اے جو اوهدي واحدنيت توں ظاهر هوندا اے۔ حالانكه اے 66اصل وچ وكھرياں وكھرياں كتاباں نيں، تين براعظماں وچ لكھياں گئياں نيں، تين وكھرياں زباناں وچ تقريباً 1500سال دے عرصے وچ 40توں بوهتے لكھارياں ﴿جهيڑے بوهت سارے شعبه هائے زندگي توں آئے﴾ ، كلام پاك شروع توں آخير تيكر اك كتاب رهي اے بغير كسے اختلاف دے۔ ايهدي واحدنيت باقي كتاباں توں وكھري اے تے ثبوت اے پاك بنياد كه اے خدا دا كلام اوهناں نوں اينج تحريك ديندا اے كه اوه اوهدے اصلي كلام نوں لكھن دا كم كردے سن۔

اندر لے ثبوتاں دا اك هور ثبوت جهيڑا ظاهر كردا اے كه كلام پاك واقعي خدا دا كلام اے جهيڑا تفصيلاً كلام پاك دا صفحياں وچ درج پيشن گوئياں تے مشتمل اے۔ كلام پاك سو توں بوهتي تفصيل وار پيشن گوئياں تے مشتمل اے جناں دا تعلق بوهت سارياں قوماں دے مستقبل دے نال اے جيدے وچ اسرائيل وي شامل اے، اوهناں خاص شهراں دا مستقبل وي، بني نوع انسان دا مستقبل وي، تے اوس اك دے آن لئي جهيڑا مسيح هووئے گا، جهيڑا صرف اسرائيل دا مكتي داتا نهيں هوئے گا، پر اوهناں سارياں دا جهيڑے اوهدے تے ايمان ركھن گے۔ پيشن گوئياں جهيڑياں ثابت نهيں هوندياں دوجے مذاهباں دياں كتاباں وچوں ملدياں نيں تے اوه پيشن گوئياں جهيڑياں نوسڑاڈيمس نے كيتاں نيں، كلام پاك دياں پيشن گوئياں حد توں بوهتياں تفصلاً هوندياں نيں تے هميشه سچائي دے نال پورياں هوياں تے كدي ناكام نهيں هوئياں۔ صرف پرانے عهد وچ تين﴿300﴾سو توں بوهتياں پيشن گوئياں يسوع مسيح دے پاروں اے۔ نه صرف پهلاں توں دسديا گيا سي كه كيتھے پيدا هووئے گا تے كس خاندان توں هووئے گا، پر نال اي اے وي دسيا گيا سي كه اوه كيويں مرے گا تے اوه تيجے دن فير زنده هووئے گا۔ ايتھے اے سادگي دے نال نه كے منطقي راه نال بيان كيتا گيا كه كلام پاك دياں پوري هو چكياں پيشن گوئياں كسے دوجے دے نال نهيں بلكه پاك ابتدا توں اے۔ ايتھے كسے دوجے مذهب دي كوئي كتاب نهيں جهيڑے وسيع هووئے يا پورياں هوياں پيشن گوئياں كرے جيويں كلام پاك وچ نيں۔

كلام پاك دا پاك الهام هون دا تيجا اندر لا ثبوت ايهدے بے مثال اخيتار تے طاقت وچ نظر آندا اے۔ جدوں اے ثبوت پهلے دو اندرلے ثبوتاں توں بوهتا ٹھيك اے، اے كلام مقدس دے پاك الهام هون دي بوهت طاقتور گواهي توں كٹ نهيں۔ كلام پاك بے مثال اخيتار ركھدا اے جهيڑياں هون تك لكھياں گئياں سارياں كتاباں توں وكھري اے۔ اے اختيار تے طاقت بے شمار لوكاں دي حياتي وچ نظر آندا اے جهناں نيں اپني حياتي نوں كلام پاك نوں پڑھن دے نال بدليا اے۔ نشے دے عادي لوك ايهدي وجه نال ٹھيك هوجاندے نيں، آپس وچ غلط كاري كرن والے ايهدے ذريعے آزاد هو جاندے نيں، لاوارث تے قرض دے نال دبے هوئے لوك بدل جاندے نيں، سخت عادي مجرم ٹھيك هو جاندے نيں، پاپياں دي ايهدے نال ملامت كيتي جاندي اے، تے اينوں پڑھن دے نال نفرت پيار وچ بدل جاندي اے۔ كلام پاك بدل دين دي قوت تے عمل دي طاقت ركھدا اے جو صرف ايس لئي هوندا اے كيونجے اے اصل وچ خدا دا كلام اے۔

اندرلے ثبوتاں دے نال نال اے كه كلام خدا دا كلام اے ايتھے بارلے ثبوت وي نيں جهيڑے ظاهر كردے نيں كلام پاك اصل وچ خدا دا كلام اے۔ ايناں ثبوتاں وچ اك ثبوت كلام پاك دا پرانا هونا۔ كيونجے كلام پاك چنگي تفصيل دے نال درج تاريخي واقعات دوجي تاريخي لكھياں گئي كتاباں دے نال ملان لئي ايس سچائي تے درستگي نوں ثابت كردے نيں۔ پرانے آثار تے تحريراں دونے ثبوتاں دے نال ، كلام پاك دي تاريخي تفصيل ويلے دے نال نال ثابت هو گئي اے جهيڑي ٹھيك تے سچي اے۔ آصل وچ سارے پرانے آثار تے هاتھ دے نال لكھياں گئي كتاباں دے ثبوت كلام پاك دي حمايت كردے نيں اے اينوں ايس پراني دنيا دي بڑي چنگي طرح لكھي گئي كتاب دسدے نيں۔ اصل وچ كلام پاك درستگي دے سچائي دے نال تاريخي طور تے لكھيا جاندا رهيا سي ايهدے واقعات دي تصديق ايهدے سچے تے وڈے هون نوں ظاهر كردي اے جدوں مذهبي گلاں تے ايهدي تعليم تے ايهدي دعوياں نوں سچ ثابت كرن وچ مدد كردا اے كه اے واقعي خدا دا كلام اے۔

اك هور بارلا ثبوت جيدے نال كلام پاك اصل وچ خدا دا كلام ثابت هوندا اے اوه هر لكھن والے دي راستبازي اے۔ جيويں پهلاں دسيا گيا ، خدا نے بوهت سارے شعبه هائے حياتي وچ لوكاں نوں استعمال كيتا تانجو اوه ساڈے لئي خدا دا كلام لكھن۔ ايناں لوكاں دي حياتي دا مطالعه كرن نال، ايتھے اوهناں دے يقين نه كرن دي كوئي چنگي وجه نهيں كه اوه ايماندار تے مخلص لوك نهيں سن۔ اوهناں دي حياتي تے غور دے نال نظر پائيے تے اے گل ساڈے سامنے آئيگي كه اوه مرن دے اميداوار سي ﴿كئي بوهت دردناك موت مرے﴾كه اوه كيه ايمان ركھدے سن، اے جلدي اي ظاهر هوگياكه اوه عام لوك سن پر ايماندار تے خدا تے يقين ركھن والے سي تے خدا اوهناں دے نال گل كردا سي۔ اوه لوك جهناں نے نواں عهدنامه لكھيا تے بتھيرے دوجے ايماندار﴿1۔كرنتھيوں15باب6آيت﴾ ايس گل دي سچائي نوں جاندے سن كيونجے اوهناں نے يسوع مسيح نوں مردياں وچوں جي اُٹھن توں بعد ويكھيا تے نال ويلے لنگيا سي۔ مسيح دي بدلي هوئي صورت نوں ويكھنا ايناں لوكاں تے اك اجهيا اثر ركھدا سي۔ اوه خوف زده هوكه نس گئے، جهيڑا پيغام سنيا خدا نے اوهناں نوں ديتا اوه اوس لئي مرن لئي وي تيار سي۔ اوهناں دي حياتي تے موت ايس اصل دي تصديق كردے نيں كه كلام پاك اي سچے خدا دا كلام اے۔

كلام پاك دا اك آخيري بارلا ثبوت اے كه كلام پاك لازوال اے۔ كيونجے ايهدي اهميت دي وجه توں تے اے دعويٰ كردا اے كه اے اصل وچ خدا دا كلام اے، كلام پاك نے بوهت سارے گندے حملے جرے نيں تے تاريخ وچ كوئي دوجي كتاب نهيں جينوں كلام پاك وانگر نيست كرن دي كوشش كيتي گئي هوئے۔ شروع دے روح شهنشاواں نيں، اشتراكيت پسند حكمراناں نيںتے نويں دنيا دے بے دين تے فرسوده خيالات نوں منن والے نيں، كلام پاك نے بڑي حوصلے دے نال تے سنبھل كه ايناں سارياں دا سامنا كيتا تے هن وي اے دنيا دي سب توں بوهتي چھپن والي كتاب اے۔

ويلے لنگن دے نال نال ، بے ايمان لوك جهيڑے كلام پاك نوں خيالي قصے من دے نيں، پر پراني شياواں دا علم ركھن والياں نے اينوں تاريخي بنيا اے۔ مخالفاں نے حملے كيتے كه ايهدي تعليم پراني تے ناقص اے، پر ساري دنيا وچ نيك تے سرعي تصورات تے تعليمات نے قوماں تے تهذيباں تے چنگا اثر ركھيا۔ ايهدے تے سائنس توں، علم نفسيات توں تے سياسي تحريكياں دے نال حملے جاري ركھے گئے تے اج وي اے سچا تے مناسب اے جيويں اے پهلي واري لكھيا گيا سي۔ اے اك كتاب اے جينے پچھلے 2000هزار سالوں توں بے شمار حياتياں نوں تے تهذيباں نوں بدليا اے ۔ اے كوئي مسئله نهيں كه كيويں ايهدے مخالف ايهدے تے حملے كردے نيں، تباه كردے نيں يا اينوں بدنام كردے نيں، كلام پاك هميش دي طرح قائم اے ۔ سچ وانگر، تے حملياں دے بعد اوس طرح اي قائم رهندا اے جيويں اوه پهلاں سي۔ ايهدي درستگي جهيڑي محفوظ كيتي گئي سي دشمناں نے هر ممكن كوشش كيتي كه اينوں وگاڑئيے، حمله كرئيے يا تباه كرئيے، اے اصل گل دي صاف گواهي اے كه كلام پاك اي خدا دا سچا كلام اے۔ اے ساڈے لئي كوئي حيراني دي گل نهيں كه كيويں كلام پاك تے حملے كيتے گئے، اے هميش توں بغير كسے تبديلي دے تے نقصان دے محفوظ نكليا اے۔ آخركار، يسوع نے اكھيا اے، "آسمان تے زمين ٹل جان گے، پر ميرياں گل كدي وي نه ٹلن گياں"﴿مرقس13باب31آيت﴾۔سارے ثبوتاں نوں ويكھ كه هر كوئي بغير كسے شك دے كهه سكدا اے كه "هاں كلام پاك اي سچے خدا دا كلام اے"

چوتھا۔۔واپس پنجابي زبان دے پهلے صفحے تے

كيه واقعي كلام پاك خدا دا كلام اے؟