ଯୀଶୁ ଏକ ଶୁକ୍ରବାରରେ କ୍ରୁଶବିଦ୍ଧ ହୋଇଥିଲେ କି? ଯଦି ସେପରି, ସେ କିପରି ସମାଧିରେ ତିନିଦିନ ରହିଥିଲେ, ଯଦି ସେ ରବିବାର ଦିନ ପୁନରୁତ୍ଥିତ ହୋଇଥିଲେ?



ପ୍ରଶ୍ନ: ଯୀଶୁ ଏକ ଶୁକ୍ରବାରରେ କ୍ରୁଶବିଦ୍ଧ ହୋଇଥିଲେ କି? ଯଦି ସେପରି, ସେ କିପରି ସମାଧିରେ ତିନିଦିନ ରହିଥିଲେ, ଯଦି ସେ ରବିବାର ଦିନ ପୁନରୁତ୍ଥିତ ହୋଇଥିଲେ?

ଉତ୍ତର:
ସପ୍ତାହର କେଉଁ ଦିନରେ ଯୀଶୁ କ୍ରୁଶବିଦ୍ଧ ହୋଇଥିଲେ ତାହା ବାଇବଲ ସ୍ବଷ୍ଟଭାବେ ଦର୍ଶାଏ ନାହିଁ | ଏ ବିଷୟରେ ଥିବା ଦୁଇଗୋଟି ଅଧିକ ପ୍ରଚଳିତ ମତ ହେଉଛି ଶୁକ୍ରବାର ଏବଂ ବୁଧବାର | ଅଥଚ, କେତେକ ଶୁକ୍ରବାର ଏବଂ ବୁଧବାରର ସମ୍ମିଶ୍ରଣକୁ ଦୃଷ୍ଟିରେ ରଖି ଗୁରୁବାରକୁ ପୁନରୁତ୍ଥାନ ଦିବସ ଭାବେ ଯୁକ୍ତି କରନ୍ତି |

ମାଥିଉ ୧୨:୪୦ ରେ ଯୀଶୁ କହିଲେ, "କାରଣ ଯୂନସ ଯେପରି ତିନିଦିନ ଓ ତିନିରାତ୍ରି ବୃହତ୍ ମତ୍ସ୍ୟ ଉଦରରେ ଥିଲେ, ମନୁଷ୍ୟପୁତ୍ର ସେହିପରି ତିନିଦିନ ଓ ତିନିରାତ୍ରି ଭୂଗର୍ଭରେ ରହିବେ |" ଯେଉଁମାନେ ଏକ ଶୁକ୍ରବାର କ୍ରୁଶବିଦ୍ଧ ବିଷୟରେ ଯୁକ୍ତି କରନ୍ତି ସେମାନେ କୁହନ୍ତି ଯେ, ସେ ସମାଧିରେ ତିନିଦିନ ରହିଥାଇପାରନ୍ତି ତାହାର ତଥାପି ଏକ ବୈଧ କାରଣ ରହିଛି | ପ୍ରଥମ ଶତାବ୍ଦୀରେ ଯିହୂଦୀମାନଙ୍କ ମନରେ ଏକ ଦିନର କିଛି ଅଂଶ ମଧ୍ୟ ଏକ ପୂରାଦିନ ଭାବେ ବିବେଚିତ ହେଉଥିଲା | ଯେହେତୁ ଯୀଶୁ ଶୁକ୍ରବାରର କିଛି ସମୟ, ପୂରା ଶନିବାର ଏବଂ ରବିବାରର କିଛି ସମୟ ସମାଧିରେ ରହିଥିଲେ, ସେ ତିନିଦିନ ସମାଧିରେ ରହିଥିବାର ବିବେଚନା କରାଯାଇପାରିବ | ଶୁକ୍ରବାର କ୍ରୁଶବିଦ୍ଧର ଦିନ ଭାବେ କହିବାର ମୁଖ୍ୟ ତର୍କ ଗୁଡିକ ମଧ୍ୟରୁ ଗୋଟିଏ ମାର୍କ ୧୫:୪୨ରେ ଦେଖାଯାଏ, ଯାହା ଯୀଶୁ "ବିଶ୍ରାମବାରର ପୂର୍ବ ଦିନ" କ୍ରୁଶବିଦ୍ଧ ହୋଇଥିଲେ | ଯଦି ତାହା ସାପ୍ତାହିକ ବିଶ୍ରାମବାର, ଅର୍ଥାତ୍ ଶନିବାର, ତେବେ ସେହି ଘଟନା ଏକ ଶୁକ୍ରବାର କ୍ରୁଶବିଦ୍ଧ ବିଷୟରେ କୁହେ | ଶୁକ୍ରବାର ନିମନ୍ତେ ଆଉ ଏକ ତର୍କ ହେଉଛି ମାଥିଉ ୧୬:୨୧ ଏବଂ ଲୂକ ୯:୨୨ ପରି କିଛି ପଦ ଯାହା ଶିକ୍ଷା ଦିଏ ଯେ, ଯୀଶୁ ତୃତୀୟ ଦିବସରେ ଉତ୍ଥିତ ହେବେ; ଅତଏବ, ସେ ପୂର୍ଣ୍ଣ ତିନିଦିନ ଓ ତିନିରାତ୍ରି ସମାଧିରେ ରହିବାର ଆବଶ୍ୟକତା ନାହିଁ | କିନ୍ତୁ ଯେତେବେଳେ ଏହି ପଦଗୁଡିକୁ କିଛି ଅନୁବାଦ "ତୃତୀୟ ଦିବସରେ" ବୋଲି ଅନୁବାଦ କରନ୍ତି, ସମସ୍ତ ଅନୁବାଦ ସେପରି ଅନୁବାଦ କରନ୍ତି ନାହିଁ, ତେଣୁ ସମସ୍ତ ସମ୍ମତ ହୁଅନ୍ତି ନାହିଁ ଯେ, ଏହି ପଦ ଗୁଡିକୁ "ତୃତୀୟ ଦିବସରେ" ଭାବେ ଅନୁବାଦ କରିବା ସର୍ବୋତ୍ତମ ଅନୁବାଦର ଉପାୟ ନୁହେଁ | ଅଧିକନ୍ତୁ, ମାର୍କ ୮:୩୧ କୁହେ ଯେ, ଯୀଶୁ ତିନି ଦିନ "ପରେ" ଉତ୍ଥିତ ହେବେ |

ଗୁରୁବାର ବିତର୍କଟି ଶୁକ୍ରବାର ମତ ଉପରେ ରହି ପ୍ରସାରିତ ହୁଏ ଏବଂ ମୁଖ୍ୟତଃ ଯୁକ୍ତି କରେ ଯେ, ଶୁକ୍ରବାର ସଂନ୍ଧ୍ୟାରୁ ରବିବାର ସକାଳରେ ସଂଗଠିତ ହେବା ବିଷୟଟି ଖ୍ରୀଷ୍ଟଙ୍କ ସମାଧିପ୍ରାପ୍ତ ଏବଂ ରବିବାର ସକାଳ ମଧ୍ୟରେ ଘଟିଥିବା ଅଧିକ ସଂଖ୍ୟକ ଘଟନା (କେତେକ କୁହନ୍ତି ଯେ, ପ୍ରାୟ କୋଡିଏ ଗୋଟି) ଘଟିଛି | ଗୁରୁବାର ମତର ସମର୍ଥକଗଣ ଦର୍ଶାନ୍ତି ଯେ, ଏହା ଏକ ବିଶେଷତଃ ଏକ ସମାସ୍ୟା ଅଟେ ଯଦି ଶୁକ୍ରବାର ଏବଂ ରବିବାର ମଧ୍ୟରେ ଥିବା ଏକମାତ୍ର ପୂର୍ଣ୍ଣ ଦିବସ ଶନିବାର ହୁଏ ଯାହା କି ଯିହୂଦୀମାନଙ୍କର ବିଶ୍ରାମବାର ଥିଲା | ବଳକା ଏକ ଦିନ କିମ୍ବା ଦୁଇଦିନ ଏହି ସମାସ୍ୟାକୁ ଏଡାଇଦିଏ | ଗୁରୁବାର ପାଇଁ ଓକିଲାତି କରୁଥିବା ଲୋକେ ଏହିପରି ଯୁକ୍ତି କରିପାରନ୍ତି: ଧରି ନିଅନ୍ତି ଆପଣ ଜଣେ ବନ୍ଧୁଙ୍କୁ ସୋମବାର ସଂନ୍ଧ୍ୟାରୁ ଦେଖିନାହାନ୍ତି | ଆପଣ ତାଙ୍କୁ ଦେଖିଥିବା ପରବର୍ତ୍ତୀ ସମୟ ହେଉଛି ଗୁରୁବାର ଏବଂ ଆପଣ କୁହନ୍ତି, "ମୁଁ ଆପଣଙ୍କୁ ତିନିଦିନ ହେଲା ଦେଖିନାହିଁ" ଯଦିଓ ବୈଷୟିକ ଦୃଷ୍ଟିକୋଣରୁ ଏହା କେବଳ ୬୦ ଘଣ୍ଟା (୨.୫ ଦିନ) ଅଟେ | ଯଦି ଯୀଶୁ ଗୁରୁବାର ଦିନ କ୍ରୁଶବିଦ୍ଧ ହୋଇଥିଲେ, ଏହା କିପରି ତିନିଦିନ ହୋଇପାରେ ତାହା ଦେଖାଏ |

ବୁଧବାର ମତ କୁହେ ଯେ, ସେହି ସପ୍ତାହରେ ଦୁଇଗୋଟି ବିଶ୍ରାମବାର ଥିଲା | ପ୍ରଥମ ବିଶ୍ରାମବାର ପରେ (ଯାହା କ୍ରୁଶବିଦ୍ଧ ଦିନର ସଂନ୍ଧ୍ୟାରେ ପଡିଥିଲା [ମାର୍କ ୧୫:୪୨; ଲୂକ ୨୩:୫୨-୫୪]), ସ୍ତ୍ରୀଲୋକମାନେ ସୁଗନ୍ଧି ଦ୍ରବ୍ୟ କିଣିଥିଲେ - ଲକ୍ଷ୍ୟ କରନ୍ତୁ ଯେ, ସେମାନେ ବିଶ୍ରାମବାର ପରେ କ୍ରୟ କରିଥିଲେ (ମାର୍କ ୧୬:୧) | ବୁଧବାର ମତ ଧରିନିଏ ଯେ, ଏହି "ବିଶ୍ରାମବାର" ନିସ୍ତାରପର୍ବ ଥିଲା (ଲେବୀୟ ୧୬:୨୯-୩୧, ୨୩:୨୪-୩୨, ୩୯, ଯେଉଁଠି ମହାବିଶ୍ରାମ ଦିନ ରହିଛି ଯାହା ସପ୍ତାହର ସପ୍ତମ ଦିନ ହେବା ଅପରିହାର୍ଯ୍ୟ ନୁହେଁ ଯାହାକି ବିଶ୍ରାମବାର ଭାବେ ଉଲ୍ଲେଖ କରାଯାଇଛି) | ଦ୍ବିତୀୟ ବିଶ୍ରାମବାର ହେଉଛି ସାଧାରଣ ସାପ୍ତାହିକ ବିଶ୍ରାମଦିନ | ଲକ୍ଷ୍ୟ କରନ୍ତୁ ଯେ, ଲୂକ ୨୩:୫୬ରେ, ସ୍ତ୍ରୀଲୋକମାନେ ଯେଉଁମାନେକି ପ୍ରଥମ ବିଶ୍ରାମବାର ପରେ ସୁଗନ୍ଧିଦ୍ରବ୍ୟ କ୍ରୟ କରିଥିଲେ ଫେରି ଆସିଥିଲେ ଏବଂ ସୁଗନ୍ଧିଦ୍ରବ୍ୟ ପ୍ରସ୍ତୁତ କରିଥିଲେ, ତା'ପରେ "ବିଶ୍ରାମବାରରେ ବିଶ୍ରାମ ନେଇଥିଲେ |" ଏହି ଯୁକ୍ତୁ ଦର୍ଶାଏ ଯେ ସେମାନେ ବିଶ୍ରାମବାର ପରେ ସୁଗନ୍ଧିଦ୍ରବ୍ୟ କ୍ରୟ କରିପାରିନଥିଲେ, ତଥାପି ବିଶ୍ରାମବାର ପୂର୍ବରୁ ସୁଗନ୍ଧିଦ୍ରବ୍ୟ ପ୍ରସ୍ତୁତ କରିଥିଲେ - ଯଦି ସେହି ସପ୍ତାହରେ ଦୁଇଟି ବିଶ୍ରାମବାର ନ ଥିଲା | ଏହି ଦୁଇ ବିଶ୍ରାମବାର ମତରେ, ଯଦି ଖ୍ରୀଷ୍ଟ ଗୁରୁବାର ଦିନ କ୍ରୁଶବିଦ୍ଧ ହୋଇଥିଲେ, ତେବେ ମହାବିଶ୍ରାମ ଦିନ (ନିସ୍ତାରପର୍ବ) ଗୁରୁବାର ସୂର୍ଯ୍ୟାସ୍ତରୁ ଆରମ୍ଭ ହୋଇ ଶୁକ୍ରବାର ସୂର୍ଯ୍ୟାସ୍ତରେ ଶେଷ ହୋଇଥିଲା - ଯାହାକି ସାପ୍ତାହିକ ବିଶ୍ରାମବାର ବା ଶନିବାରର ଆରମ୍ଭ | ପ୍ରଥମ ବିଶ୍ରାମବାର (ନିସ୍ତାର ପର୍ବ) ପରେ ସୁଗନ୍ଧିଦ୍ରବ୍ୟ କ୍ରୟ କରିବା ବୁଝାଯିବ ଯେ, ସେମାନେ ଶନିବାର ଦିନ ସେଗୁଡିକୁ କ୍ରୟ କରିଥିଲେ ଏବଂ ବିଶ୍ରାମବାର ନିୟମଭଙ୍ଗ କରୁଥିଲେ |

ଅତଏବ, ବୁଧବାର ମତ ଦୃଷ୍ଟିକୋଣରୁ, ମାଥିଉ ୧୨:୪୦ର ଆକ୍ଷରିକ ଅର୍ଥରେ ସ୍ତ୍ରୀଲୋକମାନେ ଓ ସୁଗନ୍ଧିଦ୍ରବ୍ୟର ବାଇବଲ ବିବରଣୀ ଭଙ୍ଗ କରୁ ନ ଥିବା ଏକମାତ୍ର ବ୍ୟାଖ୍ୟା ହେଉଛି ଖ୍ରୀଷ୍ଟ ବୁଧବାର ଦିନ କ୍ରୁଶବିଦ୍ଧ ହୋଇଥିଲେ | ବିଶ୍ରାମବାର, ଯାହା ଏକ ମହାବିଶ୍ରାମ ଦିନ (ନିସ୍ତାର ପର୍ବ) ଥିଲା ତାହା ଗୁରୁବାରରେ ସଂଗଠିତ ହୋଇଥିଲା, ତାହାପରେ ଶୁକ୍ରବାରରେ ସୁଗନ୍ଧିଦ୍ରବ୍ୟ କ୍ରୟ କରି ଫେରିଥିଲେ ଏବଂ ସୁଗନ୍ଧିଦ୍ରବ୍ୟ ସେହିଦିନ ହିଁ ପ୍ରସ୍ତୁତ କରିଥିଲେ, ସେମାନେ ଶନିବାର ଦିନ ବିଶ୍ରାମ ନେଇଥିଲେ ଯାହା ସାପ୍ତାହିକ ବିଶ୍ରାମବାର ଥିଲା, ତା'ପରେ ସେମାନେ ରବିବାର ପ୍ରତ୍ୟୁଷରେ କବର ମଧ୍ୟକୁ ସୁଗନ୍ଧିଦ୍ରବ୍ୟ ଆଣିଥିଲେ | ଯୀଶୁ ବୁଧବାର ଦିନ ପ୍ରାୟ ସୂର୍ଯାସ୍ତ ସମୟରେ ସମାଧିପ୍ରାପ୍ତ ହୋଇଥିଲେ, ଯାହା ଯିହୂଦୀମାନଙ୍କ କ୍ୟାଲେଣ୍ଡରରେ ଗୁରୁବାର ଦିନର ଆରମ୍ଭ | ଏକ ଯିହୂଦୀ କ୍ୟାଲେଣ୍ଡର ବ୍ୟବହାର କରି, ଆପଣ ଗୁରୁବାର ରାତ୍ରି (ପ୍ରଥମ ରାତ୍ରି), ଗୁରୁବାର ଦିନ (ପ୍ରଥମ ଦିନ), ଶୁକ୍ରବାର ରାତ୍ରି (ଦ୍ବିତୀୟ ରାତ୍ରି), ଶୁକ୍ରବାର ଦିନ (ଦ୍ବିତୀୟ ଦିନ), ଶନିବାର ରାତ୍ରି (ତୃତୀୟ ରାତ୍ରି), ଶନିବାର ଦିନ (ତୃତୀୟ ଦିନ) ପାଇବେ | ଆମେ ସଠିକ୍ ଭାବେ ଜାଣୁନା ଯେ ସେ କେଉଁ ସମୟରେ ଉଠିଥିଲେ, କିନ୍ତୁ ଆମେ ଜାଣୁ ଯେ ସେ ରବିବାର ଦିନ ସୂର୍ଯ୍ୟାସ୍ତ ପୂର୍ବରୁ ଉଠିଥିଲେ | ସେ ଶନିବାର ସଂନ୍ଧ୍ୟା ସୂର୍ଯ୍ୟାସ୍ତ ଠିକ୍ ପରେ ପରେ ଉଠିଥାଇପାରନ୍ତି, ଯାହା ଯିହୂଦୀମାନଙ୍କ ନିମନ୍ତେ ସପ୍ତାହର ପ୍ରଥମ ଦିନର ଆରମ୍ଭ ଥିଲା | ଶୂନ୍ୟ ସମାଧି ଆବିଷ୍କାର ଠିକ୍ ସୂର୍ଯୋଦୟରେ ହୋଇଥିଲା (ମାର୍କ ୧୬:୨), ଯେତେବେଳେ କି ସୂର୍ଯ୍ୟର ପୂର୍ଣ୍ଣ ଆଲୋକ ଆସି ନ ଥିଲା (ଯୋହନ ୨୦:୧) |

ବୁଧବାର ମତରେ ଥିବା ସମ୍ଭାବନା ସମାସ୍ୟାଟି ହେଉଛି ଯେ, ଯେଉଁ ଶିଷ୍ୟମାନେ ଯୀଶୁଙ୍କ ସହ ଇମ୍ମାୟୁ ପଥରେ ଥିଲେ ସେମାନେ ତାଙ୍କ "ପୁନରୁତ୍ଥାନ ଦିନ"ରେ ହିଁ ଯୀଶୁଙ୍କ ସହ ଚାଲିଥିଲେ (ଲୂକ ୨୪:୧୩) | ସେହି ଶିଷ୍ୟମାନେ ଯୀଶୁଙ୍କୁ ଚିହ୍ନିପାରିନଥିଲେ, ତାହାଙ୍କୁ ଯୀଶୁଙ୍କ କ୍ରୁଶବିଦ୍ଧ କଥା କହିଥିଲେ (୨୪:୨୧) ଏବଂ କହିଲେ ଯେ, "ଏ ସମସ୍ତ ଘଟିବାର ଆଜିକି ତିନିଦିନ ହେଲା" (୨୪:୨୧) | ବୁଧବାରଠାରୁ ରବିବାର ଚାରିଦିନ | ଏହାର ଏକ ସାମ୍ଭାବ୍ୟ ବ୍ୟାଖ୍ୟା ଏହା ହୋଇପାରେ ଯେ, ସେମାନେ ବୁଧବାର ସଂନ୍ଧ୍ୟାରେ ଖ୍ରୀଷ୍ଟଙ୍କ ସମାଧିପ୍ରାପ୍ତରୁ ସମୟ ଗଣନା କରିଥାଇପାରନ୍ତି, ଯାହାକି ଯିହୂଦୀମାନଙ୍କର ଗୁରୁବାର ଥିଲା, ଏବଂ ଗୁରୁବାରଠାରୁ ରବିବାର ତିନିଦିନ ଭାବେ ଗଣନା କରାଯାଇପାରେ |

ମହାନ୍ ବିଷୟଗୁଡିକର ରୂପରେଖରେ, ଖ୍ରୀଷ୍ଟ ସପ୍ତାହରେ କେଉଁ ଦିବସରେ କ୍ରୁଶବିଦ୍ଧ ହୋଇଥିଲେ ତାହା ଜାଣିବା ଗୁରୁତ୍ବପୂର୍ଣ୍ଣ ନୁହେଁ | ଯଦି ଏହା ଅତି ଗୁରୁତ୍ବପୂର୍ଣ୍ଣ ହୋଇଥାନ୍ତେ, ତେବେ ଈଶ୍ବର ସେହି ଦିନ ଏବଂ ସମୟର ସାରଣୀ ସ୍ବଷ୍ଟ ଭାବେ ଜଣାଇଥାନ୍ତେ | ଗୁରୁତ୍ବପୂର୍ଣ୍ଣ ବିଷୟ ହେଉଛି ଯେ ସେ ମୃତ୍ୟୁଭୋଗ କଲେ ଏବଂ ସେ ଶାରିରୀକ ଭାବେ, ଶରୀର ସହ ମୃତ୍ୟୁରୁ ଉତ୍ଥିତ ହେଲେ | ଏହା ସହ ସମାନ ଭାବେ ଗୁରୁତ୍ବପୂର୍ଣ୍ଣ ବିଷୟ ହେଉଛି ଯେ, ସମସ୍ତ ପାପୀ ପାଇବାକୁ ଯୋଗ୍ୟ ଥିବା ଦଣ୍ଡକୁ ନେବା ନିମନ୍ତେ ସେ ମୃତ୍ୟୁଭୋଗ କଲେ | ଯୋହନ ୩:୧୬ ଏବଂ ଯୋହନ ୩:୩୬ ଉଭୟ ଘୋଷଣା କରନ୍ତି ଯେ, ତାଙ୍କଠାରେ ଆପଣଙ୍କ ବିଶ୍ବାସ ସ୍ଥାପନ କଲେ ଅନନ୍ତ ଜୀବନ ଅଧିକାର କରାଯାଇଥାଏ! ଏହା ସମାନ ଭାବେ ସତ୍ୟ ସେ ଯେବେ ବି କ୍ରୁଶବିଦ୍ଧ ହେଲେ - ହୋଇପାରେ ବୁଧବାର କିମ୍ବା ଗୁରୁବାର କିମ୍ବା ଶୁକ୍ରବାର |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଯୀଶୁ ଏକ ଶୁକ୍ରବାରରେ କ୍ରୁଶବିଦ୍ଧ ହୋଇଥିଲେ କି? ଯଦି ସେପରି, ସେ କିପରି ସମାଧିରେ ତିନିଦିନ ରହିଥିଲେ, ଯଦି ସେ ରବିବାର ଦିନ ପୁନରୁତ୍ଥିତ ହୋଇଥିଲେ?