ଟାଟୁ / ଶରୀର ଖୋଦେଇ ବିଷୟରେ ବାଇବଲ୍ କ'ଣ କୁହେ?



ପ୍ରଶ୍ନ: ଟାଟୁ / ଶରୀର ଖୋଦେଇ ବିଷୟରେ ବାଇବଲ୍ କ'ଣ କୁହେ?

ଉତ୍ତର:
ପୁରାତନ ନିୟମ ଇଶ୍ରାୟେଲୀୟମାନଙ୍କୁ "ପୁଣି ତୁମ୍ଭେମାନେ ମୃତ ଲୋକ ନିମନ୍ତେ ଆପଣା ଆପଣା ଶରୀରରେ ଅସ୍ତ୍ରାଘାତ କରିବ ନାହିଁ, ଅବା ଦେହରେ ଚିତା କୁଟାଇବ ନାହିଁ; ଆମ୍ଭେ ସଦାପ୍ରଭୁ ଅଟୁ " (ଲେବୀୟ ୧୯:୨୮) ବୋଲି ଆଦେଶ ଦିଏ | ତେଣୁ, ଯଦିଓ ଆଜିର ବିଶ୍ବାସୀଗଣ ପୁରାତନ ନିୟମର ବ୍ୟବସ୍ଥା ସକଳର ଅଧୀନରେ ନାହାନ୍ତି (ରୋମୀୟ ୧୦:୪; ଗାଲାତୀୟ ୩:୨୩-୨୫; ଏଫିସୀୟ ୨:୧୫), ଟାଟୁ ବିଷୟରେ ଏକ ଆଦେଶ ଥିଲା ତେଣୁ ଏଥିରେ କିଛି ପ୍ରଶ୍ନ ଉତ୍ଥାପନ କରିବା ଉଚିତ୍ ହେବ | ଜଣେ ବିଶ୍ବାସୀ ଟାଟୁ କରିବା ଉଚିତ୍ ନା ନାହିଁ ସେ ବିଷୟରେ ନୂତନ ନିୟମ କିଛି କୁହେନାହିଁ |

ଟାଟୁ କରିବା ଓ ଶରୀର ଖୋଦେଇ ବିଷୟରେ, ଆମେ ନମ୍ର ଭାବରେ, ଉତ୍ତମ ବିବେକ ସହ, ସେହି ନିର୍ଦ୍ଧିଷ୍ଟ କାର୍ଯ୍ୟକୁ ତାଙ୍କ ନିଜ ଉତ୍ତମ ଉଦ୍ଦେଶ୍ୟସକଳକୁ ଆଶୀର୍ବାଦ କରିବା ଓ ବ୍ୟବହାର କରିବା ନିମନ୍ତେ ଈଶ୍ବରଙ୍କୁ ପ୍ରାର୍ଥନାରେ ମାଗିବା ନା ନାହିଁ ସେ ବିଷୟରେ ଏକ ଉତ୍ତମ ପରୀକ୍ଷା ନିର୍ଦ୍ଧାରଣ କରାଯିବା ଦରକାର | "ଅତଏବ, ତୁମ୍ଭେମାନେ ଭୋଜନ କର କି ପାନ କର ଅବା ଯାହା କିଛି କର, ଈଶ୍ବରଙ୍କ ଗୌରବ ନିମନ୍ତେ ସବୁ କର" (୧କରିନ୍ଥୀୟ ୧୦:୩୧) | ନୂତନ ନିୟମ ଟାଟୁ କରିବା ବିଷୟରେ ବା ଶରୀର ଖୋଦେଇ କରିବା ବିରୁଦ୍ଧରେ କୌଣସି ଆଦେଶ ଦିଏନାହିଁ,

ଆଲୋଚ୍ୟ ବିଷୟଗୁଡିକ ଉପରେ ଏକ ଗୁରୁତ୍ବପୂର୍ଣ୍ଣ ଶାସ୍ତ୍ରଗତ ନୀତି ଯାହା ବାଇବଲ ନିର୍ଦ୍ଧିଷ୍ଟ ଭାବେ କୁହେନାହିଁ ତାହା ହେଉଛି ଏହା ଈଶ୍ବରଙ୍କୁ ସନ୍ତୋଷ ଦିଏ ନା ନାହିଁ ସେ ବିଷୟକ ସନ୍ଦେହ ନିମନ୍ତେ ଯଦି କିଛି ଥାଏ, ତେବେ ସେହି କାର୍ଯ୍ୟରେ ଜଡିତ ନ ହେବା ସବୁଠାରୁ ଶ୍ରେୟସ୍କର | ରୋମୀୟ ୧୪:୨୩ ଆମ୍ଭମାନଙ୍କୁ ସ୍ମରଣ କରାଇଦିଏ ଯେ, ଯାହା ବିଶ୍ବାସରୁ ଜାତ ହୁଏନାହିଁ ତାହା ପାପ ଅଟେ | ଆମେ ସ୍ମରଣ ରଖିବା ଉଚିତ ଯେ, ଆମ୍ଭମାନଙ୍କର ଶରୀର ଓ ସେହିପରି ଆମ୍ଭମାନଙ୍କର ପ୍ରାଣ ମୁକ୍ତିପ୍ରାପ୍ତ ଓ ଈଶ୍ବରଙ୍କର ଅଟେ | ଯଦିଓ ୧କରିନ୍ଥୀୟ ୬:୧୯-୨୦ ଟାଟୁ କିମ୍ବା ଶରୀର ଖୋଦେଇ ବିଷୟରେ ସିଧାସଳଖ ପ୍ରଯୁଜ୍ୟ ନୁହେଁ, ଏହା ଆମ୍ଭମାନଙ୍କୁ ଏକ ନୀତି ପ୍ରଦାନ କରେ : "ଅବା ତୁମ୍ଭମାନଙ୍କ ଶରୀର ଯେ ଈଶ୍ବରଙ୍କଠାରୁ ପ୍ରାପ୍ତ ତୁମ୍ଭମାନଙ୍କର ଅନ୍ତର୍ବାସୀ ପବିତ୍ରଆତ୍ମାଙ୍କ ମନ୍ଦିର, ଏହା କ'ଣ ଜାଣ ନାହିଁ? ଆଉ, ତୁମ୍ଭେମାନେ ନିଜେ ନିଜର ନୁହଁ, କାରଣ ତୁମ୍ଭେମାନେ ବିଶେଷମୂଲ୍ୟରେ କିଣାଯାଇଅଛ; ଏଣୁ ତୁମ୍ଭମାନଙ୍କ ଶରୀରରେ ଈଶ୍ବରଙ୍କ ଗୌରବ ପ୍ରକାଶ କର |" ଏହି ମହାନ୍ ସତ୍ୟତା ଆମେ ଯାହା କରୁ ଏବଂ ଆମେ ଆମ ଶରୀର ଅନୁସାରେ ଚାଲୁଛୁ କିମ୍ବା ଚାଲୁନାହୁଁ ସେଥିର ଏକ ବାସ୍ତବ ବାହ୍ୟ ଆଚରଣରେ ହେବା ଉଚିତ୍ | ଯଦି ଆମ୍ଭମାନଙ୍କର ଶରୀର ଈଶ୍ବରଙ୍କର ଅଟେ, ତେବେ ଆମେ ଟାଟୁ କିମ୍ବା ଶରୀର ଖୋଦେଇ ସହ "ସେଗୁଡିକୁ ଚିହ୍ନିତ କରିବା" ପୂର୍ବରୁ ତାହାଙ୍କ ସ୍ବଷ୍ଟ "ଅନୁମତି" ପାଇଛୁ ବୋଲି ନିଶ୍ଚିତ ହେବା ଉଚିତ୍ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଟାଟୁ / ଶରୀର ଖୋଦେଇ ବିଷୟରେ ବାଇବଲ୍ କ'ଣ କୁହେ?