ଜାତିଆଣ ମନୋଭାବ, ମୁଖାପେକ୍ଷା ଏବଂ ପକ୍ଷପାତିତା ବିଷୟରେ ବାଇବଲ କ'ଣ କୁହେ?



ପ୍ରଶ୍ନ: ଜାତିଆଣ ମନୋଭାବ, ମୁଖାପେକ୍ଷା ଏବଂ ପକ୍ଷପାତିତା ବିଷୟରେ ବାଇବଲ କ'ଣ କୁହେ?

ଉତ୍ତର:
ଏହି ଆଲୋଚନାରେ ବୁଝିବା ନିମନ୍ତେ ପ୍ରଥମ ବିଷୟ ହେଉଛି କେବଳ ଗୋଟିଏ ଜାତି ହିଁ ରହିଛି ଏବଂ ତାହା ହେଉଛି ମନୁଷ୍ୟ ଜାତି | Caucasians, ଆଫ୍ରିକୀୟ, ଏସୀୟ, ଭାରତୀୟ, ଆରବୀୟ ଏବଂ ଯିହୂଦୀମାନେ ଭିନ୍ନ ଭିନ୍ନ ଜାତି ନୁହଁନ୍ତି | ବରଂ, ସେମାନେ ମାନବଜାତିରେ ଥିବା ବିଭିନ୍ନ ସଂସ୍କୃତିର ଲୋକ | ମନୁଷ୍ୟଜାତିରେ ଥିବା ସମସ୍ତଙ୍କ ଗୋଟିଏ ପ୍ରକାର ଶାରିରୀକ ବିଶେଷତ୍ବ (ଅବଶ୍ୟ ଅଳ୍ପ ଟିକିଏ ଭିନ୍ନତା ରହି) ରହିଛି | ଅଧିକ ଗୁରୁତ୍ବପୂର୍ଣ୍ଣ ବିଷୟ ହେଉଛି, ସମସ୍ତ ମାନବଜାତି ଈଶ୍ବରଙ୍କ ପ୍ରତିମୂର୍ତ୍ତି ଏବଂ ସାଦୃଶ୍ୟରେ ନିର୍ମିତ (ଆଦି ୧:୨୬-୨୭) | ଈଶ୍ବର ଜଗତକୁ ଏଡେ ପ୍ରେମ କଲେ ଯେ, ସେ ଆମ୍ଭମାନଙ୍କ ନିମନ୍ତେ ତାଙ୍କ ପ୍ରାଣବଳି ଦେବା ନିମନ୍ତେ ଯୀଶୁଙ୍କୁ ପ୍ରେରଣ କଲେ (ଯୋହନ ୩:୧୬) | "ଜଗତ" ଶବ୍ଦଟି ସ୍ବଷ୍ଟଭାବେ ସମସ୍ତ ସଂସ୍କୃତିର ଲୋକମାନଙ୍କୁ ବୁଝାଏ |

ଈଶ୍ବର ପକ୍ଷପାତିତା କିମ୍ବା ଅଯାଚିତ ଅନୁଗ୍ରହ ପ୍ରଦର୍ଶନ କରନ୍ତି ନାହିଁ (ଦ୍ବିତୀୟ ବିବରଣ ୧୦:୧୭; ପ୍ରେରିତ ୧୦:୩୪; ରୋମୀୟ ୨:୧୧; ଏଫିସୀୟ ୬:୯) ଏବଂ ଆମ୍ଭେମାନେ ମଧ୍ୟ ସେହିପରି ହେବା ଉଚିତ୍ | ଯେଉଁମାନେ ପକ୍ଷପାତିତା କରନ୍ତି ସେମାନଙ୍କୁ ଯାକୁବ ୨:୪ ରେ "ମନ୍ଦ ଚିନ୍ତା ଥିବା ବିଚାରକର୍ତ୍ତା" ଭାବେ ବର୍ଣ୍ଣନା କରାଯାଏ | ଅପରପକ୍ଷରେ, ଆମେ ଆମେ ନିଜକୁ ଯେପରି ପ୍ରେମ କରୁ ସେପରି ଭାବେ ଆମ ପ୍ରତିବାସୀକୁ ପ୍ରେମ କରିବା ଉଚିତ୍ (ଯାକୁବ ୨:୮) | ପୁରାତନ ନିୟମରେ , ଈଶ୍ବର ମାନବଜାତିକୁ ଦୁଇଗୋଟି "ଜାତିଗତ" ଗୋଷ୍ଠୀରେ ବିଭକ୍ତ କଲେ: ଯିହୂଦୀମାନେ ଏବଂ ବିଜାତିମାନେ | ଯିହୂଦୀମାନଙ୍କ ପ୍ରତି ଈଶ୍ବରଙ୍କ ଉଦ୍ଦେଶ୍ୟ ଥିଲା ଯେ ସେମାନେ ଯାଜକମାନଙ୍କର ଏକ ରାଜ୍ୟ ହୋଇ ବିଜାତୀୟ ଦେଶଗୁଡିକ ମଧ୍ୟରେ ସେବାକାର୍ଯ୍ୟ କରିବେ | ଅପରପକ୍ଷରେ, ଅଧିକାଂଶ ଭାବେ, ଯିହୂଦୀମାନେ ସେମାନଙ୍କର ସ୍ଥିତି ଯୋଗୁଁ ଗର୍ବିତ ହେଲେ ଏବଂ ବିଜାତିମାନଙ୍କୁ ତୁଚ୍ଛ କଲେ | ଯୀଶୁଖ୍ରୀଷ୍ଟ ଶତ୍ରୁତାରୂପ ପ୍ରାଚୀର ଭଗ୍ନ କରି (ଏଫିସୀୟ ୨:୧୪) ଏହି ବିଷୟର ପରିସମାପ୍ତି ଘଟାଇଲେ | ସମସ୍ତ ପ୍ରକାର ଜାତିଆଣ ମନୋଭାବ, ମୁଖାପେକ୍ଷା ଏବଂ ପକ୍ଷପାତିତା କ୍ରୁଶ ଉପରେ ଯୀଶୁଙ୍କ କାର୍ଯ୍ୟର ପ୍ରକାଶ୍ୟ ଅପମାନ |

ଯୀଶୁ ଯେପରି ଆମ୍ଭମାନଙ୍କୁ ପ୍ରେମ କଲେ ସେପରି ଆମ୍ଭେମାନେ ମଧ୍ୟ ପରସ୍ପରକୁ ପ୍ରେମ କରିବା ନିମନ୍ତେ ସେ ଆମ୍ଭମାନଙ୍କୁ ଆଦେଶ ଦିଅନ୍ତି (ଯୋହନ ୧୩:୩୪) | ଯଦି ଈଶ୍ବର ପକ୍ଷପାତିତାଶୂନ୍ୟ ଏବଂ ବିନା ପକ୍ଷପାତିତାରେ ଆମ୍ଭମାନଙ୍କୁ ପ୍ରେମ କରନ୍ତି, ତେବେ ଆମ୍ଭେମାନେ ମଧ୍ୟ ସେହି ଧରଣର ଉଚ୍ଚମାନରେ ଅନ୍ୟମାନଙ୍କୁ ପ୍ରେମ କରିବା ଉଚିତ୍ | ଯୀଶୁ ମାଥିଉ ୨୫ ଶିକ୍ଷା ଦିଅନ୍ତି ଯେ, ଆମେ ଏହି କ୍ଷୁଦ୍ରତମମାନଙ୍କ ମଧ୍ୟରୁ ଜଣଙ୍କ ପ୍ରତି ଯାହା କରୁ, ତାହା ଆମେ ତାଙ୍କ ପ୍ରତି କରୁ | ଯଦି ଆମେ ଜଣେ ବ୍ୟକ୍ତିଙ୍କୁ ଅସମ୍ମାନ ଦେଇ ବ୍ୟବହାର କରୁ, ଆମେ ଈଶ୍ବରଙ୍କ ପ୍ରତିମୂର୍ତ୍ତିରେ ନିର୍ମିତ ଜଣେ ବ୍ୟକ୍ତିଙ୍କୁ ଖରାପ ବ୍ୟବହାର କରୁ ; ଈଶ୍ବର ଯାହାଙ୍କୁ ପ୍ରେମ କରନ୍ତି ଏବଂ ଯାହାଙ୍କ ନିମନ୍ତେ ଯୀଶୁ ମୃତ୍ୟୁଭୋଗ କରିଅଛନ୍ତି ସେହି ବ୍ୟକ୍ତିଙ୍କୁ ଆଘାତ ଦେଉଛୁ |

ବିଭିନ୍ନ ପ୍ରକାରେ, ବିଭିନ୍ନ ମାତ୍ରରେ ହଜାର ହଜାର ବର୍ଷ ଧରି ଜାତିଆଣ ମନୋଭାବ ମାନବଜାତିଠାରେ ଏକ ମହାମାରୀ ହୋଇଆସିଆଛି | ଭାଇମାନେ ଏବଂ ଭ ଉଣୀମାନେ, ଏପରି ହେବା ଉଚିତ୍ ନୁହେଁ | ଜାତିଆଣ ମନୋଭାବ, ମୁଖାପେକ୍ଷା ଏବଂ ପକ୍ଷପାତିତାର ଶିକାର ହୋଇଥିବା ବ୍ୟକ୍ତିମାନେ କ୍ଷମା ଦେବାର ଆବଶ୍ୟକତା ରହିଛି | ଏଫିସୀୟ ୪:୩୨ ଘୋଷଣା କରେ, "ଆଉ, ପରସ୍ପର ପ୍ରତି ସଦୟ ହୁଅ, କୋମଳ ହୃଦୟ ହୁଅ, ପୁଣି ଈଶ୍ବର ଖ୍ରୀଷ୍ଟଙ୍କଠାରେ ତୁମ୍ଭମାନଙ୍କୁ ଯେପରି କ୍ଷମା କଲେ, ସେହିପରି ପରସ୍ପରକୁ କ୍ଷମା କର |" ଜାତିଆଣ ମନୋଭାବ ପୋଷଣ କରୁଥିବା ଲୋକମାନେ ଆପଣଙ୍କଠାରୁ କ୍ଷମା ପାଇବାର ଯୋଗ୍ୟ ହୋଇନପାରନ୍ତି, କିନ୍ତୁ ଆମେ ତାହା ଅପେକ୍ଷା ଅଧିକ ପରିମାଣରେ ଈଶ୍ବରଙ୍କର କ୍ଷମା ପାଇବାର ଅଯୋଗ୍ୟ ଅଟୁ | ଯେଉଁମାନେ ଜାତିଆଣ ମନୋଭାବ ରଖି କାର୍ଯ୍ୟ କରନ୍ତି, ମୁଖାପେକ୍ଷା କାର୍ଯ୍ୟ କରନ୍ତି ଏବଂ ପକ୍ଷପାତିତା କାର୍ଯ୍ୟ କରନ୍ତି ଅନୁତାପ କରିବାର ଆବଶ୍ୟକ ରହିଛି | "କିନ୍ତୁ ମୃତମାନଙ୍କ ମଧ୍ୟରୁ ଜୀବିତ ହେଲା ପରି ଆପଣା ଆପଣାକୁ ଈଶ୍ବରଙ୍କ ନିକଟରେ ସମର୍ପଣ କର, ପୁଣି ଆପଣା ଆପଣା ଅଙ୍ଗପ୍ରତ୍ୟଙ୍ଗକୁ ଧାର୍ମିକତାର ଅସ୍ତ୍ରଶସ୍ତ୍ର ରୂପେ ଈଶ୍ବରଙ୍କ ନିକଟରେ ସମର୍ପଣ କର |" (ରୋମୀୟ ୬:୧୩) ଗାଲାତୀୟ ୩:୨୮ ସମ୍ପୂର୍ଣ୍ଣରୂପେ ହୃଦୟଙ୍ଗମ କରାଯାଉ, "ଯିହୂଦୀ କି ଗ୍ରୀକ୍ କି ସ୍ବାଧୀନ, ପୁରୁଷ କି ସ୍ତ୍ରୀ, ତୁମ୍ଭମାନଙ୍କ ମଧ୍ୟରେ କିଛିରହିଁ ପ୍ରଭେଦ ନାହିଁ, କାରଣ ଖ୍ରୀଷ୍ଟ ଯୀଶୁଙ୍କଠାରେ ତୁମ୍ଭେମାନେ ଏକ |"



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଜାତିଆଣ ମନୋଭାବ, ମୁଖାପେକ୍ଷା ଏବଂ ପକ୍ଷପାତିତା ବିଷୟରେ ବାଇବଲ କ'ଣ କୁହେ?