ମୋ ଜୀବନ ନିମନ୍ତେ ମୁଁ କିପରି ଈଶ୍ବରଙ୍କ ଇଛା ଜାଣିପାରିବି? ଈଶ୍ବରଙ୍କ ଇଛା ଜାଣିବା ବିଷୟରେ ବାଇବଲ କ'ଣ କୁହେ?



ପ୍ରଶ୍ନ: ମୋ ଜୀବନ ନିମନ୍ତେ ମୁଁ କିପରି ଈଶ୍ବରଙ୍କ ଇଛା ଜାଣିପାରିବି? ଈଶ୍ବରଙ୍କ ଇଛା ଜାଣିବା ବିଷୟରେ ବାଇବଲ କ'ଣ କୁହେ?

ଉତ୍ତର:
ପ୍ରଦତ୍ତ ଏକ ପରିସ୍ଥିତି ନିମନ୍ତେ ଈଶ୍ବରଙ୍କ ଇଛା ଜାଣିବା ନିମନ୍ତେ ଦୁଇଗୋଟି ଉପାୟ ଅଛି: ୧) ଆପଣ କ'ଣ ମାଗୁଛନ୍ତି ସେ ବିଷୟରେ ନିଶ୍ଚିତ ହୁଅନ୍ତୁ କିମ୍ବା କିଛି କରିବା ବାଇବଲ ନିଷେଧ କରେ ନାହିଁ | ୨) ଆପଣ କ'ଣ ମାଗୁଛନ୍ତି ସେ ବିଷୟରେ ନିଶ୍ଚିତ ହୁଅନ୍ତୁ କିମ୍ବା କରିବା ଈଶ୍ବରଙ୍କ ଗୌରବ ଦେବ ଏବଂ ଆତ୍ମିକ ଭାବେ ବୃଦ୍ଧିପ୍ରାପ୍ତ ହେବା ନିମନ୍ତେ ଆପଣଙ୍କୁ ସାହାଯ୍ୟ କରିବ | ଯଦି ଏହି ଦୁଇଗୋଟି ବିଷୟ ସତ୍ୟ ଅଟେ ଏବଂ ଆପଣ ଯାହା ମାଗୁଛନ୍ତି ତାହା ଯଦି ଈଶ୍ବର ଏପର୍ଯ୍ୟନ୍ତ ଆପଣଙ୍କୁ ଦେଇନାହାନ୍ତି, ତେବେ ଆପଣ ଯାହା ମାଗୁଛନ୍ତି ତାହା ଈଶ୍ବରଙ୍କ ଇଛା ହୋଇ ନ ପାରେ | କିମ୍ବା, ବୋଧହୁଏ ଆପଣ ଏହାଠାରୁ ଆଉକିଛି ଅଧିକ ସମୟ ଅପେକ୍ଷା କରିବାର ଆବଶ୍ୟକତା ଅଛି | ଅନେକ ସମୟରେ ଈଶ୍ବରଙ୍କ ଇଛା ଜାଣିବା କଷ୍ଟକର ହୋଇଥାଏ | ଲୋକେ ଚାହାନ୍ତି ଯେ, ଈଶ୍ବର ସେମାନଙ୍କୁ ନିର୍ଦ୍ଧିଷ୍ଟ ଭାବେ କୁହନ୍ତୁ ଯେ ସେମାନେ କ'ଣ କରିବେ - କେଉଁଠି କାର୍ଯ୍ୟ କରିବେ, କେଉଁଠି ବାସ କରିବେ, କାହାକୁ ବିବାହ କରିବେ, ଇତ୍ୟାଦି | ଈଶ୍ବର ସିଧାସଳଖ ଓ ନିର୍ଦ୍ଧିଷ୍ଟ ସୂଚନା କ୍ବିଚିତ୍ ଦେଇଥାନ୍ତି | ଏହି ସମସ୍ତ ବିଷୟରେ ମନୋନୟନ କରିବା ନିମନ୍ତେ ଆମକୁ ଅନୁମତି ଦେଇଥାନ୍ତି |

ରୋମୀୟ ୧୨:୨ ଆମ୍ଭମାନଙ୍କୁ କୁହେ, "ତୁମ୍ଭେମାନେ ଏହି ବର୍ତ୍ତମାନ ଯୁଗର ଅନୁରୂପୀ ହୁଅନାହିଁ, କିନ୍ତୁ ଯେପରି ତୁମ୍ଭେମାନେ ଈଶ୍ବରଙ୍କ ଇଛା କ'ଣ ଅର୍ଥାତ୍ ଉତ୍ତମ, ସୁଗ୍ରାହ୍ୟ ଓ ସିଦ୍ଧ ବିଷୟ କ'ଣ, ଏହା ପରୀକ୍ଷା କରି ଜାଣିପାର, ଏଥିନିମନ୍ତେ ଆପଣା ଆପଣା ମନର ନୂତନୀକରଣ ଦ୍ବାରା ପରିବର୍ତ୍ତିତ ହୁଅ |" ଏକମାତ୍ର ନିଷ୍ପତ୍ତି ଯାହା ଈଶ୍ବର ଆମଠାରୁ ଚାହାନ୍ତି ନାହିଁ ହେଉଛି ପାପ କରିବାର ନିଷ୍ପତ୍ତି କିମ୍ବା ତାଙ୍କ ଇଛାକୁ ପ୍ରତିରୋଧ କରିବାର ନିଷ୍ପତ୍ତି | ଈଶ୍ବର ତାଙ୍କ ଇଛା ସହ ସମ୍ମତ ଥିବା ଯେକୌଣସି ନିଷ୍ପତ୍ତି ଆମ ଦ୍ବାରା ହେବା ଚାହାନ୍ତି | ତେଣୁ, ଆପଣଙ୍କ ପ୍ରତି ଈଶ୍ବରଙ୍କ ଇଛାକୁ ଆପଣ କିପରି ଜାଣିପାରିବେ? ଯଦି ଆପଣ ପ୍ରଭୁଙ୍କ ସହ ଘନିଷ୍ଠ ଭାବେ ଗମନାଗମନ କରୁଅଛନ୍ତି ଏବଂ ଆପଣଙ୍କ ଜୀବନ ନିମନ୍ତେ ବାସ୍ତବରେ ତାଙ୍କ ଇଛା କାମନା କରନ୍ତି, ତେବେ ଈଶ୍ବର ଆପଣଙ୍କ ହୃଦୟରେ ତାଙ୍କ ଇଛାକୁ ରଖିବେ | ଏହାର ଚାବିକାଠି ହେଉଛି ଆପଣଙ୍କ ଇଛାକୁ ନ ଚାହିଁ ଈଶ୍ବରଙ୍କ ଇଛାକୁ ହିଁ ଚାହିଁବା | "ମଧ୍ୟ ସଦାପ୍ରଭୁଙ୍କଠାରେ ଆନନ୍ଦ କର; ତହିଁରେ ସେ ତୁମ୍ଭର ମନୋବାଞ୍ଚା ପୂରଣ କରିବେ" (ଗୀତ ୩୭:୪) | ଯଦି ବାଇବଲ ଏହା ବିରୁଦ୍ଧରେ କଥା କୁହେନାହିଁ ଏବଂ ପ୍ରକୃତପକ୍ଷେ ଆତ୍ମିକଭାବେ ଆପଣଙ୍କୁ ଉପକାର କରିବ, ତେବେ ବାଇବଲ ଆପଣଙ୍କୁ ନିଷ୍ପତ୍ତି ନେବା ଏବଂ ଆପଣଙ୍କ ହୃଦୟକୁ ଅନୁକରଣ କରିବା ନିମନ୍ତେ "ଅନୁମତି" ଦିଏ | ଯଦି ଆପଣ ଏକ ନମ୍ର ଆତ୍ମାରେ ଏବଂ ଏକ ଖୋଲା ମନରେ ବାସ୍ତବରେ ଈଶ୍ବରଙ୍କ ଇଛାକୁ ଖୋଜନ୍ତି ତେବେ ସେ ଆପଣଙ୍କୁ ତାଙ୍କ ଇଛା ପ୍ରକାଶ କରିବେ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୋ ଜୀବନ ନିମନ୍ତେ ମୁଁ କିପରି ଈଶ୍ବରଙ୍କ ଇଛା ଜାଣିପାରିବି? ଈଶ୍ବରଙ୍କ ଇଛା ଜାଣିବା ବିଷୟରେ ବାଇବଲ କ'ଣ କୁହେ?