ମୋ ଜୀବନ ନିମନ୍ତେ ଈଶ୍ବରଙ୍କ ଇଚ୍ଛାକୁ ମୁଁ କିପରି ଜାଣିପାରିବି?


ପ୍ରଶ୍ନ: ମୋ ଜୀବନ ନିମନ୍ତେ ଈଶ୍ବରଙ୍କ ଇଚ୍ଛାକୁ ମୁଁ କିପରି ଜାଣିପାରିବି?

ଉତ୍ତର:
ଈଶ୍ବରଙ୍କ ଇଚ୍ଛାକୁ ଜାଣିବା ଅତି ଗୁରୁତ୍ବପୁର୍ଣ୍ଣ । ଯୀଶୁ କହିଲେ ଯେ ଯେଉଁମାନେ ପିତାଙ୍କ ଇଚ୍ଛାକୁ ଜାଣନ୍ତି ଓ ପାଳନ କରନ୍ତି, ସେମାନେ ତାହାଙ୍କ ସମ୍ପର୍କରେ ଅଛନ୍ତି: “ଯେ କେହି ଈଶ୍ବରଙ୍କ ଇଚ୍ଛା ସାଧନ କରେ, ସେ ମୋର ଭାଇ, ଭଉଣୀ ଓ ମା” (ମାର୍କ ୩:୩୫) । ଦୁଇ ପୁତ୍ରଙ୍କ ଦୃଷ୍ଟାନ୍ତରେ, ଯୀଶୁ ପ୍ରଧାନ ଯାଜକ ମାନଙ୍କୁ ଓ ପ୍ରାଚୀନ ମାନଙ୍କୁ ଭର୍ତ୍ସନା କରନ୍ତି କାରଣ ସେମାନେ ପିତାଙ୍କ ଇଚ୍ଛାକୁ ପାଳନ କରିବାରେ ବିଫଳ ହୋଇଥିଲେ; ବିଶେଷରୂପେ, “ସେମାନେ ଅନୁତାପ କରି ବିଶ୍ବାସ କଲେ ନାହିଁ” (ମାଥିଉ ୨୧:୩୨) । ମୌଳିକ ବିଷୟ ହେଉଛି, ଈଶ୍ବରଙ୍କ ଇଚ୍ଛା ଯେ ଆମେ ପାପରୁ ମନ ଫେରାଉ ଓ ଖ୍ରୀଷ୍ଟଙ୍କ ଉପରେ ବିଶ୍ବାସ କରୁ । ଯଦି ଏହି ପ୍ରଥମ ପଦକ୍ଷେପ ଆମେ ନେଉନାହୁଁ, ତେବେ ଆମେ ଈଶ୍ବରଙ୍କ ଇଚ୍ଛାକୁ ଗ୍ରହଣ କରିନାହୁଁ ।

ଯେବେ ଆମେ ଖ୍ରୀଷ୍ଟଙ୍କୁ ଗ୍ରହଣ କରୁ, ଆମେ ଈଶ୍ବରଙ୍କ ସନ୍ତାନ ଭାବରେ ବିବେଚିତ ହେଉ (ଯୋହନ ୧:୧୨) ଏବଂ ସେ ଆମଙ୍କୁ ତାହାଙ୍କ ରାସ୍ତାରେ ନେତୃତ୍ବ କରିବା ପାଇଁ ଇଚ୍ଛା କରନ୍ତି (ଗୀତସଂହିତା ୧୪୩:୧୦) । ଈଶ୍ବର ତାହାଙ୍କ ଇଚ୍ଛା ଆମ’ଠାରୁ ଲୁଚାଇବାକୁ ଚେଷ୍ଟା କରୁନାହାନ୍ତି; ସେ ତାହା ଆମକୁ ପ୍ରକାଶ କରିବାକୁ ଇଚ୍ଛା କରନ୍ତି । ସତ ତ ଏହା ଯେ, ତାହାଙ୍କ ବାକ୍ୟରେ ସେ ଆମକୁ ଅନେକ ମାର୍ଗ ପ୍ରଦାନ କରିଅଛନ୍ତି । “ସବୁ ବିଷୟରେ ଧନ୍ୟବାଦ ଦିଅ; କାରଣ ତୁମ୍ଭମାନଙ୍କ ବିଷୟରେ ଖ୍ରୀଷ୍ଟ ଯୀଶୁଙ୍କଠାରେ ଏହା ଈଶ୍ବରଙ୍କ ଅଭିମତ” (୧ ଥେସଲନୀୟ ୫:୧୮) । ଆମେ ଉତ୍ତମ କାର୍ଯ୍ୟ କରିବା ଆବଶ୍ୟକ (୧ ପିତର ୨:୧୫) ଏବଂ “କାରଣ ତୁମ୍ଭେମାନେ ପବିତ୍ର ହୁଅ, ଏହା ହିଁ ଈଶ୍ବରଙ୍କ ଇଚ୍ଛା, ଅର୍ଥାତ୍ ତୁମ୍ଭେମାନେ ଯେପରି ବ୍ୟଭିଚାରରୁ ପୃଥକ ରୁହ” (୧ ଥେସଲନୀୟ ୪:୩) ।

ଈଶ୍ବରଙ୍କ ଇଚ୍ଛାକୁ ଜାଣିହୁଏ ଓ ପ୍ରମାଣ ମଧ୍ୟ କରିହୁଏ । ରୋମୀୟ ୧୨:୨ କହେ, “ତୁମ୍ଭେମାନେ ଏହି ବର୍ତ୍ତମାନ ଯୁଗର ଅନୁରୁପୀ ହୁଅ ନାହିଁ, କିନ୍ତୁ ଯେପରି ତୁମ୍ଭେମାନେ ଈଶ୍ବରଙ୍କ ଇଚ୍ଛା କଅଣ ଅର୍ଥାତ ଉତ୍ତମ, ସୁଗ୍ରାହ୍ୟ ଓ ସିଦ୍ଧ ବିଷୟ କଅଣ, ଏହା ପରୀକ୍ଷା କରି ଜାଣି ପାର, ଏଥିନିମନ୍ତେ ଆପଣା ଆପଣା ମନର ନୂତନୀକରଣ ଦ୍ବାରା ପରିବର୍ତ୍ତିତ ହୁଅ”। ଏହି ଶାସ୍ତ୍ରାଂସଟି ଆମକୁ ଏକ ମୁଖ୍ୟ ଭାଗକୁ ବୁଝିବାକୁ ସାହାଯ୍ୟ କରେ: ଈଶ୍ବରଙ୍କ ସନ୍ତାନ ଜଗତର ଅନୁରୁପ ହେବାକୁ ମନା କରେ ଓ ବରଂ ଆତ୍ମାଙ୍କ ଦ୍ବାରା ରୁପାନ୍ତରିତ ହେବାକୁ ନିଜକୁ ଉପଲବଧ କରାଏ । ଈଶ୍ବରଙ୍କ ବିଷୟ ଦ୍ବାରା ତାହାର ମନ ରୁପାନ୍ତରିତ ହେବା ପରେ, ସେ ଈଶ୍ବରଙ୍କ ସିଦ୍ଧ ଇଚ୍ଛାକୁ ଜାଣିପାରିବ ।

ଯେତେବେଳେ ଆମେ ଈଶ୍ବରଙ୍କ ଇଚ୍ଛାକୁ ସନ୍ଧାନ କରୁ, ଆମେ ସୁନିଶ୍ଚିତ କରିବା ଆବଶ୍ୟକ ଯେ ଆମେ ସେହି ବିଷୟରେ ପ୍ରାର୍ଥନା କରୁନାହୁଁ ଯେଉଁ ବିଷୟକି ବାଇବଲରେ ମନା କରାଯାଇଅଛି । ଉଦାହରଣ ସ୍ବରୁପେ, ବାଇବଲରେ ଚୋରିକୁ ନିନ୍ଦା କରାଯାଇଅଛି; ଯେହେତୁ ଈଶ୍ବର ଏ ସମ୍ପର୍କରେ କଥା କହିସାରିଅଛନ୍ତି, ଆମେ ଜାଣୁ ଯେ କୌଣସି ବ୍ୟାଙ୍କ ଲୁଟିବା ତାହାଙ୍କ ଇଚ୍ଛା ନୁହେଁ- ଏ ବିଷୟରେ ଆମେ ପ୍ରାର୍ଥନା କରିବା ମଧ୍ୟ ଆବଶ୍ୟକ ନୁହେଁ । ଆହୁରି ମଧ୍ୟ, ଆମେ ସୁନିଶ୍ଚିତ କରିବା ଆବଶ୍ୟକ ଯେ ଯାହା ଆମେ କରିବାକୁ ବା ଈଶ୍ବରଙ୍କ’ଠାରୁ ପାଇବାକୁ ଚାହୁଁଅଛୁ, ତାହା ଈଶ୍ବରଙ୍କୁ ଗୌରବ ଦେବ ଓ ଅନ୍ୟମାନଙ୍କୁ ଆତ୍ମିକ ଜୀବନରେ ବୃଦ୍ଧି ପାଇବାକୁ ସାହାଯ୍ୟ କରିବ ।

ଈଶ୍ବରଙ୍କ ଇଚ୍ଛାକୁ କେତକ ସମୟରେ ଜାଣିବା କଷ୍ଟସାଧ୍ୟ କାରଣ ସେଥିପାଇଁ ଧୌର୍ଯ୍ୟର ଆବଶ୍ୟକତା ରହିଅଛି । ଏହା ସ୍ବାଭାବିକ ଯେ ଆମେ ଏକାଥରକେ ଈଶ୍ବରଙ୍କ ସମସ୍ତ ଇଚ୍ଛାକୁ ଜାଣିବା ଚାହିଁଥାଉ, କିନ୍ତୁ ସେହି ପ୍ରକାରେ ଈଶ୍ବର କାର୍ଯ୍ୟ କରନ୍ତି ନାହିଁ । ସେ ଆମକୁ ତାହାଙ୍କ ଠାରେ ଅବିରତ ଭରସା କରିବା ପାଇଁ ପ୍ରେରିତ କରନ୍ତି । ମୁଖ୍ୟ ବିଷୟ ହେଉଛି, ଆମେ ତାହାଙ୍କ ପଥ ପ୍ରଦର୍ଶନର ଅପେକ୍ଷାରେ ଥିବା ବେଳେ ଯେଉଁ ସତ୍କର୍ମ କରିବା ତାହା ଆମେ ଜାଣୁ ଓ ତାହା କରିବାରେ ଆମେ ବ୍ୟସ୍ତ ରହିବା ଉଚିତ (ଯାକୁବ ୪:୧୭) ।

ଅନେକ ସମୟରେ, ଆମେ ଚାହିଁଥାଉ ଯେ ଈଶ୍ବର ଆମକୁ ନିର୍ଦ୍ଧିଷ୍ଟ ରୁପେ ଦିଗଦର୍ଶନ ପ୍ରଦାନ କରନ୍ତୁ- ଯେପରି କେଉଁଠି କାମ କରିବା, କେଉଁଠି ବାସ କରିବା, କାହାକୁ ବିବାହ କରିବା, କେଉଁ କାର୍ କିଣିବା ଇତ୍ୟାଦି । ଈଶ୍ବର ଆମକୁ ନିଷ୍ପତି ନେବାକୁ ଅନୁମତି ଦିଅନ୍ତି, ଏବଂ ଯଦି ଆମେ ତାହାଙ୍କ ପାଖରେ ଲାଗିରହୁ, ସେ ଆମକୁ ଭୁଲ୍ ନିଷ୍ପତି ନେବାଠାରୁ ନିବୃତ କରାନ୍ତି (ପ୍ରେରିତ ୧୬:୬୭)

ଆମେ ଯେତେବେଳେ ଜଣେ ବ୍ୟକ୍ତିଙ୍କୁ ଭଲ ଭାବରେ ଜାଣୁ, ଆମେ ତାହାଙ୍କ ଇଚ୍ଛା ବିଷୟରେ ସୁପରିଚିତ ହୋଇଥାଉ । ଉଦାହରଣ ସ୍ବରୁପେ, ଜଣେ ବାଳକ ଗୋଟିଏ ଜନଗହଳି ରାସ୍ତାରେ ଗୋଟେ ବଲକୁ ଗଡିବାର ଦେଖିପାରେ, କିନ୍ତୁ ସେ ବଲ ପଛରେ ଦୌଡେ ନାହିଁ, କାରଣ ସେ ଜାଣେ ଯେ ତାହାଙ୍କ ପିତା ଏହି ବିଷୟକୁ ଅନୁମତି ଦେବେ ନାହିଁ । ପ୍ରତେକ ପରିସ୍ଥିତି ପାଇଁ ସେ ନିଜ ପିତାଙ୍କୁ ଉପଦେଶ ମାଗିବ ନାହିଁ; ସେ ଜାଣେ ଯେ ତାହାଙ୍କ ପିତା କଅଣ କହିବେ କାରଣ ସେ ନିଜର ପିତାଙ୍କୁ ଜାଣେ । ଈଶ୍ବରଙ୍କ ସହ ଆମ ସମ୍ପର୍କ ମଧ୍ୟ ଠିକ୍ ସେହି ପ୍ରକାର ଅଟେ । ଆମେ ଈଶ୍ବରଙ୍କଠାରେ ଗମନାଗମନ କରିବା, ତାହାଙ୍କ ବାକ୍ୟର ଆଜ୍ଞାବହ ଓ ତାହାଙ୍କ ଆତ୍ମା ଉପରେ ଭରସା କରୁଥିବା ବେଳେ, ଆମେ ଜାଣିପାରିବା ଯେ ଆମକୁ ଖ୍ରୀଷ୍ଟଙ୍କ ମନ ଦିଆଯାଇଛି (୧ କରନ୍ଥୀୟ ୨:୧୬) । ଆମେ ତାହାଙ୍କୁ ଜାଣୁ ଏବଂ ସେ ଆମକୁ ତାହାଙ୍କ ଇଚ୍ଛା ଜାଣିବାକୁ ସାହାଯ୍ୟ କରନ୍ତି । ଆମ ପାଇଁ ଈଶ୍ବରଙ୍କ ମାର୍ଗ ଦର୍ଶନ ଉପଲବଧ ଅଛି । “ସାଧୁର ଧାର୍ମିକତା ତାହାର ପଥ ନିର୍ଦ୍ଦେଶ କରିବା, ମାତ୍ର ଦୁଷ୍ଟ ଆପଣା ଦୁଷ୍ଟତାରେ ନିପାତିତ ହେବ” (ହିତୋପଦେଶ ୧୧:୫) ।

ଯଦି ଈଶ୍ବରଙ୍କ ସହ ଆମେ ଘନିଷ୍ଠ ଭାବରେ ଗମନାଗମନ କରୁଅଛୁ, ଏବଂ ତାହାଙ୍କ ଇଚ୍ଛାକୁ ଆମ ଜୀବନରେ ଲୋଡୁଅଛୁ, ଈଶ୍ବର ତାହାଙ୍କ ଇଚ୍ଛାକୁ ଆମ ହୃଦୟରେ ଦେବେ । ଈଶ୍ବରଙ୍କ ଇଚ୍ଛାକୁ ଜାଣିବା, ଆମର ନୁହେଁ “ମଧ୍ୟ ସଦାପ୍ରଭୁଙ୍କଠାରେ ଆନନ୍ଦ କର; ତହିଁରେ ସେ ତୁମ୍ଭର ମନୋସ୍କାମନା ପୂର୍ଣ୍ଣ କରିବେ” (ଗୀତସଂହିତା ୩୭:୪) ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ମୋ ଜୀବନ ନିମନ୍ତେ ଈଶ୍ବରଙ୍କ ଇଚ୍ଛାକୁ ମୁଁ କିପରି ଜାଣିପାରିବି?