ମୁଁ ମଲା ପରେ ସ୍ଵର୍ଗକୁ ଯିବି ବୋଲି ମୁଁ କିପରି ନିଶ୍ଚିତ ହୋଇପାରିବି?



ପ୍ରଶ୍ନ: ମୁଁ ମଲା ପରେ ସ୍ଵର୍ଗକୁ ଯିବି ବୋଲି ମୁଁ କିପରି ନିଶ୍ଚିତ ହୋଇପାରିବି?

ଉତ୍ତର:
ଆପଣ ଅନନ୍ତ ଜୀବନ ପାଇଛନ୍ତି ବୋଲି ଏବଂ ଆପଣ ମଲା ପରେ ସ୍ଵର୍ଗକୁ ଯିବେ ବୋଲି ନିଶ୍ଚିତ ଅଟନ୍ତି କି? ଆପଣ ଏ ବିଷୟରେ ନିଶ୍ଚିତ ହେବା ପରମେଶ୍ବର ଚାହାନ୍ତି! ବାଇବଲ କୁହେ : "ଈଶ୍ଵରଙ୍କ ପୁତ୍ରଙ୍କ ନାମରେ ଵିଶ୍ଵାସ କରୁଅଛ ଯେ ତୁମ୍ଭେମାନେ, ତୁମ୍ଭେମାନେ ଯେପରି ଜାଣ ଯେ, ତୁମ୍ଭେମାନେ ଅନନ୍ତ ଜୀବନ ପାଇଅଛ, ଏଥିନିମନ୍ତେ ମୁଁ ତୁମ୍ଭମାନଙ୍କ ନିକଟକୁ ଏହି ସମସ୍ତ ଲେଖିଲି |" (୧ଯୋହନ ୫:୧୩) | ଧରନ୍ତୁ, ବର୍ତ୍ତମାନ ଆପଣ ଈଶ୍ଵରଙ୍କ ସମ୍ମୁଖରେ ଠିଆ ହୋଇଛନ୍ତି ଓ ସେ ଆପଣଙ୍କୁ ପଚାରୁଛନ୍ତି "ମୁଁ କାହିଁକି ତୁମକୁ ସ୍ଵର୍ଗକୁ ନେବି? " ଆପଣ କ'ଣ କହିଥାନ୍ତେ? କ'ଣ ଉତ୍ତର ଦେବାକୁ ହେବ, ତାହା ଆପଣ ଜାଣି ନ ପାରନ୍ତି | ଆପଣ ଯାହା ଜାଣିବାର ଆବଶ୍ୟକତା ଅଛି, ତାହା ହେଉଛି - ଈଶ୍ଵର ଆମକୁ ପ୍ରେମ କରନ୍ତି ଓ ଆମେ ଅନନ୍ତକାଳ କେଉଁଠି ବିତାଇବା ତାହା ନିଶ୍ଚିତ ଜାଣିବା ନିମନ୍ତେ ଏକ ମାର୍ଗ ପ୍ରଦାନ କରିଛନ୍ତି | ବାଇବଲ ଏହିପରି ଭାବରେ ଏହାକୁ ପ୍ରକାଶ କରେ : "କାରଣ ଈଶ୍ଵର ଜଗତକୁ ଏଡେ ପ୍ରେମ କଲେ ଯେ, ସେ ଆପଣା ଅଦ୍ବିତୀୟ ପୁତ୍ରଙ୍କୁ ଦାନ କଲେ | ଯେପରି ଯେକେହି ତାହାଙ୍କଠାରେ ଵିଶ୍ଵାସ କରେ ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ |" (ଯୋହନ ୩:୧୬)

ଯେଉଁ ସମାସ୍ୟା ଆମକୁ ସ୍ଵର୍ଗରୁ ଦୂରେଇ ରଖୁଛି, ଆମେ ପ୍ରଥମେ ସେହି ସମାସ୍ୟା ବିଷୟରେ ବୁଝିବାକୁ ପଡିବ | ସମାସ୍ୟାଟି ଏହା ଅଟେ - ଆମ ପାପପୂର୍ଣ୍ଣ ପ୍ରକୃତି ଆମକୁ ଈଶ୍ଵରଙ୍କ ସହ ସମ୍ପର୍କ ସ୍ଥାପନ କରିବା ନିମନ୍ତେ ଦିଏ ନାହି | ଆମେ ପ୍ରକୃତି ଦ୍ବାରା ଓ ଆମର ମନୋନୟନ ଦ୍ବାରା ପାପୀ ଅଟୁ | "କାରଣ ସମସ୍ତେ ପାପ କରିଅଛନ୍ତି ଓ ଈଶ୍ଵରଙ୍କ ଗୌରବରହିତ ହୋଇଅଛନ୍ତି |" (ରୋମୀୟ ୩:୨୩) ଆମେ ନିଜକୁ ନିଜେ ଉଦ୍ଧାର କରିପାରିବା ନାହିଁ | କାରଣ ଅନୁଗ୍ରହରେ ଵିଶ୍ଵାସ ଦ୍ବାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କଠାରୁ ହୋଇନାହିଁ, ତାହା ଈଶ୍ଵରଙ୍କ ଦାନ, କ୍ରିୟାକର୍ମରୁ ନୁହେଁ, ଯେପରି କେହି ଦର୍ପ ନ କରେ |" (ଏଫିସୀୟ ୨:୮-୯) | ଆମେ ମୃତ୍ୟୁ ଓ ନରକର ଯୋଗ୍ୟ ଅଟୁ | "କାରଣ ପାପର ବେତନ ମୃତ୍ୟୁ" (ରୋମୀୟ ୬:୨୩) |

ଈଶ୍ଵର ପବିତ୍ର ଓ ନ୍ୟାୟବାନ୍ ଅଟନ୍ତି ଓ ସେ ପାପକୁ ନିହାତି ଦଣ୍ଡ ଦେବାକୁ ପଡିବ; ତଥାପି ସେ ଆମକୁ ପ୍ରେମ କରନ୍ତି ଓ ଆମ ପାପର କ୍ଷମା ପ୍ରଦାନ କଲେ | ଯୀଶୁ କହିଲେ "ମୁଁ ପଥ, ସତ୍ୟ ଓ ଜୀବନ, ମୋ ଦେଇ ନ ଗଲେ କେହି ପିତାଙ୍କ ନିକଟକୁ ଯାଏ ନାହିଁ |" (ଯୋହନ ୧୪:୬) | ଯୀଶୁ ଆମ୍ଭମାନଙ୍କ ନିମନ୍ତେ କ୍ରୁଶରେ ମୃତ୍ୟୁଭୋଗ କଲେ : "କାରଣ ଆମ୍ଭମାନଙ୍କୁ ଈଶ୍ଵରଙ୍କ ନିକଟକୁ ଆଣିବା ପାଇଁ ଖ୍ରୀଷ୍ଟ ମଧ୍ୟ ଧାର୍ମିକ ହୋଇ ଅଧାର୍ମିକମାନଙ୍କ ନିମନ୍ତେ ପାପ ହେତୁ ଥରେ ମୃତ୍ୟୁଭୋଗ କଲେ (୧ପିତର ୩:୧୮) | ଯୀଶୁ ମୃତମାନଙ୍କ ମଧ୍ୟରୁ ପୁନରୁତ୍ଥିତ ହୋଇଥିଲେ: "ସେହି ଯୀଶୁ ଆମ୍ଭମାନଙ୍କ ଅପରାଧ ନିମନ୍ତେ ସମର୍ପିତ ହେଲେ, ପୁଣି ଆମ୍ଭେମାନେ ଧାର୍ମିକଗଣିତ ହେବା ନିମନ୍ତେ ଉତ୍ଥାପିତ ହେଲେ" (ରୋମୀୟ ୪:୨୫) |

ତେବେ ଆସନ୍ତୁ, ଆମ ମୂଳ ପ୍ରଶ୍ନକୁ ଫେରିଯିବା - "ମୁଁ କିପରି ନିଶ୍ଚିତ ଜାଣିପାରିବି ଯେ ମୁଁ ମଲା ପରେ ସ୍ଵର୍ଗକୁ ଯିବି?" ଉତ୍ତରଟି ଏହା - ପ୍ରଭୁଯୀଶୁ ଖ୍ରୀଷ୍ଟଙ୍କଠାରେ ଵିଶ୍ଵାସ କର ଓ ତୁମ୍ଭେ ପରିତ୍ରାଣ ପାଇବ (ପ୍ରେରିତ ୧୬:୩୧) | "ମାତ୍ର ଯେତେଲୋକ ତାହାଙ୍କୁ ଗ୍ରହଣ କଲେ, ଅର୍ଥାତ୍ ଯେଉଁମାନେ ତାହାଙ୍କ ନାମରେ ଵିଶ୍ଵାସ କଲେ, ସେ ସମସ୍ତଙ୍କୁ ସେ ଈଶ୍ଵରଙ୍କ ସନ୍ତାନ ହେବା ନିମନ୍ତେ ଅଧିକାର ଦେଲେ;" (ଯୋହନ ୧:୧୨) | ଆପଣ ଅନନ୍ତ ଜୀବନ ଏକ ମୁକ୍ତ ଉପହାର ଭାବରେ ପାଇବେ | "କାରଣ ପାପର ବେତନ ମୃତ୍ୟୁ, କିନ୍ତୁ ଈଶ୍ଵରଙ୍କ ଅନୁଗ୍ରହଦାନ ଆମ୍ଭମାନଙ୍କ ପ୍ରଭୁ ଖ୍ରୀଷ୍ଟଯୀଶୁଙ୍କ ସହଭାଗୀତାରେ ଅନନ୍ତ ଜୀବନ ଅଟେ |" (ରୋମୀୟ ୬:୨୩) ଆପଣ ଏହିକ୍ଷଣି ଏକ ପୂର୍ଣ୍ଣ ଓ ଅର୍ଥପୂର୍ଣ୍ଣ ଜୀବନ କାଟିପାରିବେ | ଯୀଶୁ କହିଲେ "ସେମାନେ ଯେପରି ଜୀବନ ପାଆନ୍ତି ଓ ପ୍ରଚୁର ଭାବରେ ପାଆନ୍ତି ଏଥିନିମନ୍ତେ ମୁଁ ଆସିଅଛି |" (ଯୋହନ ୧୦:୧୦) ଆପଣ ଯୀଶୁଙ୍କ ସହିତ ଅନନ୍ତ କାଳ ବାସ କରିପାରିବେ, ଯେହେତୁ ସେ ପ୍ରତିଜ୍ଞା କରିଛନ୍ତି; "ପୁଣି, ମୁଁ ଯାଇ ତୁମ୍ଭମାନଙ୍କ ନିମନ୍ତେ ସ୍ଥାନ ପ୍ରସ୍ତୁତ କଲେ ପୁନର୍ବାର ଆସିବି, ଆଉ ମୁଁ ଯେଉ ସ୍ଥାନରେ ଥାଏ, ତୁମ୍ଭେମାନେ ମଧ୍ୟ ଯେପରି ସେପରି ସ୍ଥାନରେ ରହିପାରିବ, ସେଥିନିମନ୍ତେ ତୁମ୍ଭମାନଙ୍କୁ ଆପଣା ନିକଟକୁ ଘେନିଯିବି |" (ଯୋହନ ୧୪:୩)

ଯଦି ଆପଣ ଯୀଶୁଖ୍ରୀଷ୍ଟଙ୍କୁ ଉଦ୍ଧାରକର୍ତ୍ତା ଭାବରେ ଗ୍ରହଣ କରିବାକୁ ଓ ଈଶ୍ଵରଙ୍କଠାରୁ କ୍ଷମା ପାଇବା ନିମନ୍ତେ ଚାହାନ୍ତି, ଏଠାରେ ଦିଆଯାଇଥିବା ପ୍ରାର୍ଥନା ଅନୁଯାୟୀ ଆପଣ ପ୍ରାର୍ଥନା କରିପାରିବେ | ମନେ ରଖନ୍ତୁ, ଏହି ପ୍ରାର୍ଥନା କିମ୍ବା ଅନ୍ୟ ଯେକୌଣସି ପ୍ରାର୍ଥନା ଆପଣଙ୍କୁ ଉଦ୍ଧାର କରିବ ନାହିଁ | କେବଳ ଖ୍ରୀଷ୍ଟଙ୍କଠାରେ ଆପଣ ଭରସା ରଖିଲେ ହିଁ ଏହା ଆପଣଙ୍କୁ ପାପରୁ ଉଦ୍ଧାର କରିବ | ଏହି ପ୍ରାର୍ଥନା ହେଉଛି କେବଳ ଈଶ୍ଵରଙ୍କଠାରେ ଆପଣଙ୍କ ଵିଶ୍ଵାସ ଥିବା ବିଷୟଟି ତାଙ୍କୁ ପ୍ରକାଶ କରିବା ପୁଣି ଆପଣଙ୍କୁ ପରିତ୍ରାଣ ଯୋଗାଇବା ନିମନ୍ତେ ତାଙ୍କୁ ଧନ୍ୟବାଦ ଦେବାର ଏକ ପଦ୍ଧତି ଅଟେ | "ଈଶ୍ଵର", ମୁଁ ଜାଣେ ଯେ, ମୁଁ ଆପଣଙ୍କ ବିରୁଦ୍ଧରେ ପାପ କରିଅଛି ଏବଂ ଦଣ୍ଡ ପାଇବାର ଯୋଗ୍ୟ ଅଟେ | କିନ୍ତୁ ମୁଁ ଯେଉ ଦଣ୍ଡ ପାଇବାର ଥିଲା ଯୀଶୁଖ୍ରୀଷ୍ଟ ସେହି ଦଣ୍ଡକୁ ନେଲେ ଯେପରିକି ତାଙ୍କଠାରେ ଵିଶ୍ଵାସ କରିବା ଦ୍ବାରା ମୁଁ କ୍ଷମାପ୍ରାପ୍ତ ହୋଇପାରିବି | ପରିତ୍ରାଣ ନିମନ୍ତେ ମୁଁ ଆପଣଙ୍କ ଠାରେ ମୋର ଵିଶ୍ଵାସ ସ୍ଥାପନ କରୁଅଛି | ଅନନ୍ତ ଜୀବନର ଦାନ ଯେ ଆପଣଙ୍କର ଆଶ୍ଚର୍ଯ୍ୟ ଅନୁଗ୍ରହ ଓ କ୍ଷମାଶୀଳତା, ସେଇଥିଯୋଗୁଁ ଆପଣଙ୍କୁ ଧନ୍ୟବାଦ ଦିଏ! ଆମେନ୍ !"

ଏଠାରେ ଆପଣ ଯାହା ପଢିଲେ ସେହି କାରଣରୁ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି ? ଦୟାକରି ନିମ୍ନରେ ଥିବା "ମୁଁ ଆଜି ଖ୍ରୀଷ୍ଟଙ୍କୁ ଗ୍ରହଣ କଲି" ବୋତାମକୁ କ୍ଲିକ୍ କରନ୍ତୁ



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ ମଲା ପରେ ସ୍ଵର୍ଗକୁ ଯିବି ବୋଲି ମୁଁ କିପରି ନିଶ୍ଚିତ ହୋଇପାରିବି?