ମୁଁ ନିଶ୍ଚିତରୂପେ କିପରି ଜାଣି ପାରିବି ଯେ, ମୃତ୍ୟୁ ଉତ୍ତାରେ ମୁଁ ସ୍ବର୍ଗକୁ ଯିବି?


ପ୍ରଶ୍ନ: ମୁଁ ନିଶ୍ଚିତରୂପେ କିପରି ଜାଣି ପାରିବି ଯେ, ମୃତ୍ୟୁ ଉତ୍ତାରେ ମୁଁ ସ୍ବର୍ଗକୁ ଯିବି?

ଉତ୍ତର:
ତୁମେ ନିଶ୍ଚିତରୂପେ ଜାଣ କି ଯେ, ତୁମ ପାଖରେ ଅନନ୍ତ ଜୀବନ ଅଛି ଓ ତୁମେ ଯେବେ ମୃତ୍ୟୁବରଣ କରିବ, ତୁମେ ସ୍ବର୍ଗକୁ ଯିବ? ଈଶ୍ବର ଚାହାଁନ୍ତି ଯେ, ତୁମେ ଏହି ବିଷୟରେ ନିଶ୍ଚିତ ହୁଅ ! ବାଇବଲ କହେ, “ଈଶ୍ବରଙ୍କ ନାମରେ ବିଶ୍ବାସ କରୁଅଛ ଯେ ତୁମ୍ଭେମାନେ, ତୁମ୍ଭେମାନେ ଯେପରି ଜାଣ ଯେ, ତୁମ୍ଭେମାନେ ଅନନ୍ତଜୀବନ ପାଇଅଛ”(୧ ଯୋହନ ୫:୧୩) । ମନେକର, ବର୍ତ୍ତମାନ ତୁମେ ଈଶ୍ବରଙ୍କ ସମ୍ମୁଖରେ ଠିଆ ହୋଇଥାନ୍ତ ଓ ସେ ତୁମକୁ ପଚାରିଥାନ୍ତେ, “ମୁଁ ସ୍ବର୍ଗରେ ତୁମକୁ କାହିଁକି ସ୍ଥାନ ଦେବି?”, ତେବେ, ତୁମେ କଅଣ ଉତ୍ତର ଦେଇଥାନ୍ତ? ହୁଏତ, ତୁମେ ଏହାର ଉତ୍ତର ଜାଣି ନ ପାର କିନ୍ତୁ ତୁମେ ଏହା ଜାଣିବା ଉଚିତ୍ ଯେ, ଈଶ୍ବର ଆମକୁ ପ୍ରେମ କରନ୍ତି ଓ ଆମ ନିମନ୍ତେ ଏକ ପଥ ଯୋଗାଇଅଛନ୍ତି ଯାହାଦ୍ବାରା ଆମେ ନିଶ୍ଚିତରୂପେ ଜାଣିପାରିବା କେଉଁଠାରେ ଆମେ ଅନନ୍ତକାଳ ବାସ କରିବା । ବାଇବଲ ଏହି ପ୍ରକାରେ କୁହେ, “କାରଣ ଈଶ୍ବର ଜଗତକୁ ଏଡେ ପ୍ରେମ କଲେ ଯେ ସେ ଆପଣା ଏକମାତ୍ର ପୁତ୍ରଙ୍କୁ ଦାନ କଲେ, ଯେ କେହି ତାହାଙ୍କଠାରେ ବିଶ୍ବାସ କରେ, ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ” ଯୋହନ ୩:୧୬ ।

ପ୍ରଥମେ, ଆମେ ବୁଝିବାକୁ ହେବ ଯେ, କେଉଁ ବିଷୟ ଆମକୁ ସ୍ବର୍ଗକୁ ଯିବା ଠାରୁ ପ୍ରତିରୋଧ କରୁଅଛି । ପ୍ରକୃତ ସମସ୍ୟା ହେଉଛି ଆମ ପାପମୟ ସ୍ବଭାବ, ଆମକୁ ଈଶ୍ବରଙ୍କ ସହ ସମ୍ପର୍କ ରଖିବାଠାରୁ ନିବାରିତ କରୁଅଛି । ଆମର ସ୍ବଭାବ ଓ ପସନ୍ଦ ଦ୍ବାରା ଆମେ ପାପୀ ଅଟୁ । “କାରଣ ଅନୁଗ୍ରହରେ ବିଶ୍ବାସ ଦ୍ବାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜ ଠାରୁ ହୋଇ ନାହିଁ, ତାହା ଈଶ୍ବରଙ୍କ ଦାନ” ଏଫିସୀୟ ୨:୮-୯ । ମୃତ୍ୟୁ ଓ ନର୍କ ପାଇବାକୁ ଆମେ ଯୋଗ୍ୟ । “କାରଣ ପାପର ବେତନ ମୃତ୍ୟୁ” ରୋମୀୟ ୬:୨୩ ।

ଈଶ୍ବର ପବିତ୍ର, ନ୍ୟାୟବାନ ଓ ପାପକୁ ନିଶ୍ଚିତରୂପେ ଦଣ୍ଡ ଦିଅନ୍ତି, ତଥାପି ସେ ଆମକୁ ପ୍ରେମ କରନ୍ତି ଏବଂ ଆମ ପାପ ସକାଶେ ପାପକ୍ଷମା ଉପଲବ୍ଧ କରାଇଅଛନ୍ତି । ଯୀଶୁ କହିଲେ: “ମୁଁ ପଥ, ସତ୍ୟ ଓ ଜୀବନ, ମୋ ଦେଇନଗଲେ ତୁମେ ପିତାଙ୍କୁ ସାକ୍ଷାତ କରିପାରିବ ନାହିଁ” (ଯୋହନ ୧୪:୬) । ଯୀଶୁ ଆମ ପାପ ପାଇଁ କ୍ରୁଶରେ ମୃତ୍ୟୁଭୋଗ କଲେ: “ଯେଣୁ ଆମ୍ଭମାନଙ୍କୁ ଈଶ୍ବରଙ୍କ ନିକଟକୁ ଆଣିବା ପାଇଁ ଖ୍ରୀଷ୍ଟ ମଧ୍ୟ ଧାର୍ମିକ ହୋଇ ଅଧାର୍ମିକ ମାନଙ୍କ ନିମନ୍ତେ ପାପ ହେତୁ ଥରେ ମୃତ୍ୟୁଭୋଗ କଲେ” (୧ ପିତର ୩:୧୮) । ଯୀଶୁ ମୃତମାନଙ୍କ ମଧ୍ୟରୁ ପୁନରୁଥିତ ହେଲେ: “ସେହି ଯୀଶୁ ଆମ୍ଭମାନଙ୍କ ଅପରାଧ ନିମନ୍ତେ ସମର୍ପିତ ହେଲେ, ପୁଣି ଆମ୍ଭେମାନେ ଧାର୍ମିକ ଗଣିତ ହେବା ନିମନ୍ତେ ଉତଥାପିତ ହେଲେ”(ରୋମୀୟ ୪:୨୫) ।

ତେଣୁ, ଆମେ ପ୍ରଥମ ପ୍ରଶ୍ନକୁ ଫେରିଯିବା- ମୁଁ କିପରି ନିଶ୍ଚିତରୂପେ ଜାଣିବି ଯେ, ମୃତ୍ୟୁବରଣ କଲା ଉତ୍ତାରେ, ମୁଁ ସ୍ବର୍ଗକୁ ଯିବି? ଉତ୍ତର ହେଉଛି ଯୀଶୁ ଖ୍ରୀଷ୍ଟଙ୍କଠାରେ ବିଶ୍ବାସ କର ଏବଂ ତୁମେ ଉଦ୍ଧାର ପାଇବ (ପ୍ରେରିତ ୧୬:୩୧) । “ମାତ୍ର ଯେତେ ଲୋକ ତାହାଙ୍କୁ ଗ୍ରହଣ କଲେ, ଅର୍ଥାତ୍ ଯେଉଁମାନେ ତାହାଙ୍କ ନାମରେ ବିଶ୍ବାସ କଲେ, ସେସମସ୍ତଙ୍କୁ ସେ ଈଶ୍ବରଙ୍କ ସନ୍ତାନ ହେବା ନିମନ୍ତେ ଅଧିକାର ଦେଲେ; ସେମାନେ ରକ୍ତରୁ, ଶରୀରର ଇଚ୍ଛାରୁ ଅବା ମନୁଷ୍ୟର ଇଚ୍ଛାରୁ ଜାତ ହେଲେ ନାହିଁ, ବରଂ ଈଶ୍ବରଙ୍କୁ ଠାରୁ ଜାତ ହେଲେ” (ଯୋହନ ୧:୧୨) । ତୁମେ ଅନନ୍ତଜୀବନକୁ ବିନାମୂଲ୍ୟର ଉପହାର ସ୍ବରୂପେ ଗ୍ରହଣ କରିପାରିବ । “କିନ୍ତୁ ଈଶ୍ବରଙ୍କ ଅନୁଗ୍ରହଦାନ ଆମ୍ଭମାନଙ୍କ ପ୍ରଭୁ ଯୀଶୁ ଖ୍ରୀଷ୍ଟଙ୍କ ସହଭାଗିତାରେ ଅନନ୍ତଜୀବନ ଅଟେ”(ରୋମୀୟ ୬:୨୩) । ତୁମେ ବର୍ତ୍ତମାନ ଏକ ପରିପୂର୍ଣ୍ଣ ଓ ଅର୍ଥପୂର୍ଣ୍ଣ ଜୀବନ ବିତାଇପାରିବ । ଯୀଶୁ କହିଲେ: “ଚୋର କେବଳ ଚୋରୀ, ବଧ ଓ ବିନାଶ କରିବା ନିମନ୍ତେ ଆସେ; ସେମାନେ ଯେପରି ଜୀବନ ପାଆନ୍ତି ଓ ପ୍ରଚୁର ଭାବରେ ପାଆନ୍ତି ଏଥିନିମନ୍ତେ ମୁଁ ଆସିଅଛି”(ଯୋହନ ୧୦:୧୦) । ସ୍ବର୍ଗରେ ତୁମେ ଯୀଶୁଙ୍କ ସହ ଅନନ୍ତକାଳ ପାଇଁ ବାସ କରିପାରିବ, କାରଣ ସେ ପ୍ରତିଜ୍ଞା କରିଥିଲେ: “ପୁଣି, ମୁଁ ଯାଇ ତୁମ୍ଭମାନଙ୍କ ନିମନ୍ତେ ସ୍ଥାନ ପ୍ରସ୍ତୁତ କଲେ ପୁନର୍ବାର ଆସିବି, ଆଉ, ମୁଁ ଯେଉଁ ସ୍ଥାନରେ ଥାଏ, ତୁମ୍ଭେମାନେ ମଧ୍ୟ ଯେପରି ସେହି ସ୍ଥାନରେ ରହିବା, ସେଥି ନିମନ୍ତେ ତୁମ୍ଭମାନଙ୍କୁ ଆପଣା ନିକଟକୁ ଘେନିଯିବି” (ଯୋହନ ୧୪:୩) ।

ଯଦି ତୁମେ ଯୀଶୁ ଖ୍ରୀଷ୍ଟଙ୍କୁ ନିଜର ଉଦ୍ଧାରକର୍ତ୍ତା ରୂପେ ଗ୍ରହଣ କରିବାକୁ ଚାହଁ ଏବଂ ଈଶ୍ବରଙ୍କଠାରୁ ପାପକ୍ଷମା ପାଇବାକୁ ଇଚ୍ଛା କର, ତେବେ ନିମ୍ନରେ ଏକ ସରଳ ପ୍ରାର୍ଥନା ଦିଆଯାଇଅଛି । ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ବାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ତୁମକୁ ଉଦ୍ଦାର ଦେଇପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଙ୍କ ଠାରେ ବିଶ୍ବାସ କଲେ ତୁମେ ପାପରୁ ଉଦ୍ଧାର ପାଇପାରିବ । ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ତୁମେ ଏହା ଦ୍ବାରା ଈଶ୍ବରଙ୍କ ଠାରେ ତୁମର ବିଶ୍ବାସକୁ ପ୍ରକାଶ କରି ପାରିବ ଓ ତୁମର ପରିତ୍ରାଣ ନିମନ୍ତେ ଈଶ୍ବର ଯାହା ସାଧନ କରିଅଛନ୍ତି ସେଥି ସକାଶେ ତାହାଙ୍କୁ ଧନ୍ୟବାଦ ଦେଇ ପାରିବ । ପ୍ରାର୍ଥନା - “ହେ ଈଶ୍ବର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ । କିନ୍ତୁ ମୁଁ ବିଶ୍ବାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି । ତାହାଙ୍କ ଠାରେ ବିଶ୍ବାସ କରିବା ଦ୍ବାରା ମୋର ପାପକ୍ଷମା ହୋଇପାରିବ । ପରିତ୍ରାଣ ପାଇବା ପାଇଁ ମୁଁ ତୁମ ଠାରେ ବିଶ୍ବାସ କରୁଅଛି । ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ ।

ଆପଣ ଏଠାରେ ଯାହା ପଢିଲେ, ସେଥି ସକାଶେ ଆପଣ ଖ୍ରୀଷ୍ଟଙ୍କୁ ଅନୁଗମନ କରିବାର ନିଷ୍ପତି ନେଇଅଛନ୍ତି କି? ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ କ୍ଲିକ୍ କରନ୍ତୁ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ ନିଶ୍ଚିତରୂପେ କିପରି ଜାଣି ପାରିବି ଯେ, ମୃତ୍ୟୁ ଉତ୍ତାରେ ମୁଁ ସ୍ବର୍ଗକୁ ଯିବି?