ଈଶ୍ବର ବାସ୍ତବକି? ଈଶ୍ବର ବାସ୍ତବ ବୋଲି ମୁଁ କିପରି ନିଶ୍ଚିତ ଜାଣିପାରିବି?



ପ୍ରଶ୍ନ: ଈଶ୍ବର ବାସ୍ତବକି? ଈଶ୍ବର ବାସ୍ତବ ବୋଲି ମୁଁ କିପରି ନିଶ୍ଚିତ ଜାଣିପାରିବି?

ଉତ୍ତର:
ଆମେ ଜାଣୁ ଯେ ଈଶ୍ବର ବାସ୍ତବ କାରଣ ଆମ୍ଭମାନଙ୍କୁ ତିନିଗୋଟି ବିଭିନ୍ନ ଉପାୟରେ ପ୍ରକାଶ କରିଛନ୍ତି: ସୃଷ୍ଟିରେ, ତାଙ୍କ ବାକ୍ୟରେ ଏବଂ ତାଙ୍କ ପୁତ୍ର ଯୀଶୁଖ୍ରୀଷ୍ଟଙ୍କଠାରେ |

ଈଶ୍ବରଙ୍କ ସତ୍ତାର ସବୁଠାରୁ ଅଧିକ ମୌଳିକ ପ୍ରମାଣ ହେଉଛି କେବଳ ସେ ଯାହା କରିଛନ୍ତି | "ଜଗତର ସୃଷ୍ଟିକାଳାବଧି ତାହାଙ୍କର ଅଦୃଶ୍ୟ ଗୁଣ ସମୂହ-ଅର୍ଥାତ୍ ତାହାଙ୍କର ଅନାଦି ଅନନ୍ତ ଶକ୍ତି ଓ ଈଶ୍ବରତ୍ବ, ସୃଷ୍ଟ ବସ୍ତୁଗୁଡିକ ଦ୍ବାରା ବୋଧଗମ୍ୟ ହୋଇ ସ୍ବଷ୍ଟରୂପେ ପ୍ରତୀୟମାନ ହେଉଅଛି, ଯେପରି ସେମାନଙ୍କର ଉତ୍ତର ଦେବାର ବାଟ ନ ଥାଏ" (ରୋମୀୟ ୧:୨୦) | "ଆକାଶମଣ୍ଡଳ ପରମେଶ୍ବରଙ୍କ ଗୌରବ ବର୍ଣ୍ଣନା କରେ; ଶୂନ୍ୟମଣ୍ଡଳ ତାହାଙ୍କ ହସ୍ତକୃତ କର୍ମ ପ୍ରକାଶ କରେ" (ଗୀତ ୧୯:୧) |

ଯଦି ମୁଁ ପଡିଆ ମଧ୍ୟସ୍ଥାନରେ ଏକ ହାତଘଣ୍ଟା ପଡିଥିବାର ଦେଖେ, ମୁଁ ଏହାକୁ ଧରିନେବି ନାହିଁ ଯେ ଏହା କୌଣସି ସ୍ଥାନରୁ ନ ଆସି ହଠାତ୍ "ଆବିର୍ଭାବ ହେଲା" କିମ୍ବା ଏହା ପୂର୍ବରୁ ସେପରି ସର୍ବଦା ରହିଆସିଛି | ହାତଘଣ୍ଟାର ପରିକଳ୍ପନାର ଆଧାରରେ ମୁଁ ଧରିନେବି ଯେ, ଏହାର ଏକ ନକ୍ସାକାରୀ ଥିଲେ | କିନ୍ତୁ ତାହା ଅପେକ୍ଷା ପୃଥିବୀରେ ଥିବା ଆମ ଚତୁଃପାର୍ଶ୍ବରେ ଅଧିକ ମହାନ୍ ପରିକଳ୍ପନା ଓ ସମାନତା ଅଛି | ସମୟ ବିଷୟରେ ଆମ ମାପକାଠି ହାତଘଣ୍ଟା ଉପରେ ପର୍ଯ୍ୟବେସିତ ନୁହେଁ କିନ୍ତୁ ଈଶ୍ବରଙ୍କ ଈଶ୍ବରଙ୍କ ହସ୍ତକୃତ କର୍ମ ଉପରେ ପର୍ଯ୍ୟବେସିତ ଅଟେ ଯାହାକି ପୃଥିବୀର ନିୟମିତ ଘୂର୍ଣ୍ଣନ (ଏବଂ cesium-133 ପରମାଣୁର ବିକରଣକ୍ଷମ ବୈଶିଷ୍ଟ୍ୟସକଳ) | ବିଶ୍ବବ୍ରହ୍ମାଣ୍ଡ ଅତି ମହାନ୍ ପରିକଳ୍ପନାର ପ୍ରଦର୍ଶନ କରେ, ଏବଂ ଏହା ଏକ ମହାନ୍ ପରିକଳ୍ପନାକାରୀଙ୍କ ସତ୍ତା ଥିବା ବିଷୟରେ ଯୁକ୍ତି କରେ |

ଯଦି ମୁଁ କୋଡ୍ ଯୁକ୍ତ ଏକ ବାର୍ତ୍ତା ପାଏ, ତେବେ ମୁଁ ସେହି କୋଡକୁ ଭାଙ୍ଗିବା ନିମନ୍ତେ ଏକ ଗୁପ୍ତଭାଷା ବିଶାରଦଙ୍କୁ ଖୋଜିବି | ମୋର ଧାରଣା ରହିବ ଯେ, ବାର୍ତ୍ତା ପ୍ରେରଣ କରିଥିବା କେହି ଜଣେ ଜ୍ଞାନବାନ୍ ବ୍ୟକ୍ତି ଅଛନ୍ତି, ଯିଏକି କୋଡଟିକୁ ସୃଷ୍ଟି କରିଛନ୍ତି | ଆମେ ଆମ ଶରୀରର ପ୍ରତ୍ୟେକ କୋଷରେ ଧାରଣ କରିଥିବା ଡି.ଏନ୍.ଏ. "କୋଡ୍" କେତେ ଜଟିଳ? ଡି.ଏନ୍.ଏ.ର୍ ଜଟିଳତା ଓ ତା'ର ଉଦ୍ଦେଶ୍ୟ ସେହି କୋଡ୍ ଲେଖିଥିବା ଜଣେ ବୁଦ୍ଧିମତା ଲେଖକଙ୍କର ଅସ୍ତିତ୍ବ ବିଷୟରେ କୁହେନାହିଁକି?

ଈଶ୍ବର ଯେ କେବଳ ଏକ ଜଟିଳ ଓ ସୁନ୍ଦର ଭାବେ ସମନ୍ମିତ ହୋଇଥିବା ଏକ ଭୌତିକ ଜଗତ ସୃଷ୍ଟି କଲେ ତାହା ନୁହେଁ; ସେ ମଧ୍ୟ ପ୍ରତ୍ୟେକ ବ୍ୟକ୍ତିଙ୍କ ହୃଦୟରେ ଅନନ୍ତକାଳର ଏକ ବୋଧଶକ୍ତି ରଖିଛନ୍ତି (ଉପଦେଶକ ୩:୧୧) | ମନୁଷ୍ୟର ଏକ ସହଜାତ ବୋଧଗମ୍ୟତା ଅଛି ଯେ, ଚକ୍ଷୁ ଯାହା ଦେଖେ ତାହା ଅପେକ୍ଷା ଜୀବନରେ ଅଧିକ କିଛି ଅଛି, ଏହି ପୃଥିବୀର ସମୟସାରଣୀ ଅପେକ୍ଷା ଆହୁରି ଅଧିକ ବିଷୟର ଅସ୍ତିତ୍ବ ଅଛି | ଅନନ୍ତକାଳ ବିଷୟରେ ଆମର ବୋଧଶକ୍ତି ଅନ୍ତତଃ ଦୁଇଗୋଟି ବିଷୟରେ ନିଜେ ପ୍ରକାଶ କରେ: ନିୟମ-ଗଢିବା ଏବଂ ଉପାସନା |

ସାରା ଇତିହାସରେ ପ୍ରତ୍ୟେକ ସଭ୍ୟତା ନିର୍ଦ୍ଧିଷ୍ଟ ନୈତିକ ନିୟମସକଳକୁ ପ୍ରାଧାନ୍ୟ ଦେଇଛି ଯେଉଁସବୁ ଆଶ୍ଚର୍ଯ୍ୟଜନକ ଭାବେ ଏକ ସଂସ୍କୃତିରୁ ଆଉ ଏକ ସଂସ୍କୃତି ସହ ସମାନ ଅଟେ | ଉଦାହରଣ ସ୍ବରୂପ, ପ୍ରେମର ଆଦର୍ଶକୁ ସାର୍ବଜନିନ ଭାବେ ମାନ୍ୟ କରାଯାଉଛି ଅଥଚ ମିଥ୍ୟା କହିବାର କାର୍ଯ୍ୟ ସାର୍ବଜନିନ ଭାବେ ନିନ୍ଦିତ ଅଟେ | ଏହି ସାଧାରଣ ନୈତିକ - ଠିକ୍ ଓ ଭୁଲର ଏହି ବିଶ୍ବବ୍ୟାପୀ ବୁଝାମଣା ଜଣେ ସର୍ବ ନୈତିକ ବ୍ୟକ୍ତିଙ୍କର ସତ୍ତା ବିଷୟରେ ସୂଚାଏ ଯିଏକି ଏହିପରି ନୈତିକତାସକଳ ଆମ୍ଭମାନଙ୍କୁ ପ୍ରଦାନ କଲେ |

ଠିକ୍ ସେହିପରି, ସଂସ୍କୃତି ନିର୍ବିଶେଷରେ ଜଗତସାରା ଥିବା ଲୋକେ ଉପାସନାର ଏକ ପଦ୍ଧତିକୁ ଅଭ୍ୟାସ କରିଆସିଛନ୍ତି | ଉପାସନା କରିବାର ବସ୍ତୁ ବା ବିଷୟ ଭିନ୍ନ ହୋଇପାରେ କିନ୍ତୁ ମାନବ ହୋଇଥିବାର ଏକ ଅସ୍ବୀକାର୍ଯ୍ୟ ଅଂଶ ହେଉଛି "ଅଧିକ ଉଚ୍ଚ ଶକ୍ତି"ର ଏକ ବୋଧଶକ୍ତି | ଆମ୍ଭମାନଙ୍କ ଉପାସନା କରିବା ପ୍ରବଣତା ଈଶ୍ବର ଯେ ଆମ୍ଭମାନଙ୍କୁ "ତାଙ୍କ ନିଜ ପ୍ରତିମୂର୍ତ୍ତିରେ" (ଆଦି ୧:୨୭) ସୃଷ୍ଟି କଲେ ସେହି ଘଟନା ସହ ସଙ୍ଗତ ହୁଏ |

ଈଶ୍ବର ତାଙ୍କ ବାକ୍ୟ ବାଇବଲ ଦ୍ବାରା ମଧ୍ୟ ନିଜକୁ ପ୍ରକାଶ କରିଅଛନ୍ତି | ସମଗ୍ର ଶାସ୍ତ୍ରରେ ଈଶ୍ବରଙ୍କ ଅସ୍ତିତ୍ବ ଆତ୍ମ-ପ୍ରକଟ ଘଟନା ଭାବେ ବିଚାର କରାଯାଏ (ଆଦି ୧:୧; ଯାତ୍ରା ୩:୧୪) | ଯେତେବେଳେ ବେଞ୍ଜାମିନ୍ ଫ୍ରାଙ୍କଲିନ୍ ତାଙ୍କ ଆତ୍ମଜୀବନୀ ଲେଖିଲେ, ସେ ନିଜ ଅସ୍ତିତ୍ବ ପ୍ରମାଣ କରିବାକୁ ଚେଷ୍ଟା କରି ସମୟ ନଷ୍ଟ କଲେ ନାହିଁ | ଠିକ୍ ସେହିପରି, ଈଶ୍ବର ଆପଣା ପୁସ୍ତକରେ ତାଙ୍କ ଅସ୍ତିତ୍ବକୁ ପ୍ରମାଣ କରିବାକୁ ଯାଇ ଅଧିକ ସମୟ ନଷ୍ଟ କରନ୍ତି ନାହିଁ | ବାଇବଲର ଜୀବନ-ପରିବର୍ତ୍ତକ ପ୍ରକୃତି, ଏହାର ଏକତା, ଏବଂ ଏହାର ଲେଖାସକଳ ସହ ରହିଥିବା ଆଶ୍ଚର୍ଯ୍ୟକର୍ମସକଳ ଅତି ନିକଟବର୍ତ୍ତୀ ଦୃଷ୍ଟିପାତ ନିମନ୍ତେ ଯଥେଷ୍ଟ ଅଟେ |

ଈଶ୍ବର ଆପଣାକୁ ପ୍ରକାଶ କରିଥିବା ତୃତୀୟ ପଦ୍ଧତି ହେଉଛି, ତାଙ୍କ ପୁତ୍ର ଯୀଶୁଖ୍ରୀଷ୍ଟଙ୍କ ମାଧ୍ୟମରେ (ଯୋହନ ୧୪:୬-୧୧) | ଯୋହନ ୧:୧, ୧:୧୪: "ଆଦ୍ୟରେ ବାକ୍ୟ ଥିଲେ, ବାକ୍ୟ ଈଶ୍ବରଙ୍କ ସଙ୍ଗରେ ଥିଲେ, ସେହି ବାକ୍ୟ ଈଶ୍ବର ଥିଲେ | ଆଉ ସେହି ବାକ୍ୟ ଦେହବନ୍ତ ହେଲେ, ପୁଣି ଅନୁଗ୍ରହ ଓ ସତ୍ୟରେ ପରିପୂର୍ଣ୍ଣ ହୋଇ ଆମ୍ଭମାନଙ୍କ ମଧ୍ୟରେ ବାସ କଲେ, , ଆଉ ପିତାଙ୍କଠାରୁ ଆଗତ ଅଦ୍ବିତୀୟ ପୁତ୍ରଙ୍କ ମହିମା ସଦୃଶ ଆମ୍ଭେମାନେ ତାହାଙ୍କ ମହିମା ଦେଖିଲୁ" (କଲସୀୟ ୨:୯) |

ଯୀଶୁଙ୍କ ଆଶ୍ଚର୍ଯ୍ୟଜନକ ଜୀବନରେ, ସେ ପୁରାତନ ନିୟମରେ ଥିବା ସମସ୍ତ ବ୍ୟବସ୍ଥାକୁ ସିଦ୍ଧ ଭାବେ ପାଳନ କଲେ ଏବଂ ମଶିହା ବିଷୟକ ସମସ୍ତ ଭାବବାଣୀ ସଫଳ କଲେ (ମାଥିଉ ୫:୧୭) | ଯୀଶୁ ତାଙ୍କ ବାର୍ତ୍ତାକୁ ସତ୍ୟତା ରୂପେ ପ୍ରମାଣିତ କରିବା ନିମନ୍ତେ ଅସଂଖ୍ୟ ଦୟାର କାର୍ଯ୍ୟ ଏବଂ ସର୍ବସାଧାରଣ ଆଶ୍ଚର୍ଯ୍ୟକର୍ମ ସାଧନ କଲେ (ଯୋହନ ୨୧:୨୪-୨୫) | ତା'ପରେ ତାଙ୍କ କ୍ରୁଶବିଦ୍ଧର ତିନିଦିନ ପରେ, ମୃତ୍ୟୁରୁ ପୁନରୁତ୍ଥିତ ହେଲେ, ଯାହାକି ଶହ ଶହ ଚାକ୍ଷୁସ ସାକ୍ଷୀଙ୍କ ଦ୍ବାରା ଦୃଢୀଭୂତ ହୋଇଛି (୧କରିନ୍ଥୀୟ ୧୫:୬) | ଯୀଶୁ କିଏ ସେ ବିଷୟକ "ପ୍ରମାଣ"ରେ ଅନେକ ଐତିହାସିକ ବିବରଣୀ ଗଚ୍ଛିତ ଅଛି | ପ୍ରେରିତ ପାଉଲ କହିବା ଅନୁଯାୟୀ ଏହି ବିଷୟ "ଗୋପନରେ କରାଯାଇନାହିଁ" (ପ୍ରେରିତ ୨୬:୨୬) |

ଆମେ ଅନୁଭବ କରୁ ଯେ ସଂଶୟବାଦୀମାନେ ସର୍ବଦା ରହିଥିବେ ଯେଉଁମାନେ ଈଶ୍ବରଙ୍କ ବିଷୟରେ ସେମାନଙ୍କ ନିଜ ନିଜ ମତ ରଖନ୍ତି ଏବଂ ସେହି ଅନୁଯାୟୀ ପ୍ରମାଣ ପଠନ କରନ୍ତି | ଏବଂ କେତେକ ଲୋକ ଯେକୌଣସି ପରିମାଣର ପ୍ରମାଣ ହୃତବୋଧ ହେବ ନାହିଁ (ଗୀତ ୧୪:୧) | ଏହି ସମସ୍ତ ବିଶ୍ବାସକୁ ହ୍ରାସ କରେ (ଏବ୍ରୀ ୧୧:୬) |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର ବାସ୍ତବକି? ଈଶ୍ବର ବାସ୍ତବ ବୋଲି ମୁଁ କିପରି ନିଶ୍ଚିତ ଜାଣିପାରିବି?