ବାଇବଲ ସମଲିଂଗ ଯୌନ ସମ୍ପର୍କରେ କଅଣ କହେ? ସମଲିଂଗ ଯୌନ ସମ୍ପର୍କ କଅଣ ପାପ?


ପ୍ରଶ୍ନ: ବାଇବଲ ସମଲିଂଗ ଯୌନ ସମ୍ପର୍କରେ କଅଣ କହେ? ସମଲିଂଗ ଯୌନ ସମ୍ପର୍କ କଅଣ ପାପ?

ଉତ୍ତର:
ବାଇବଲ ବାରମ୍ବାର କହେ ଯେ ସମଯୌନ ସମ୍ପର୍କ ପାପ ଅଟେ (ଆଦିପୁସ୍ତକ ୧୯:୧-୩; ଲେବୀୟ ୧୮:୨୨; ରୋମୀୟ ୧:୨୬-୨୭; ୧ କରନ୍ଥୀୟ ୬:୯) । ରୋମୀୟ ୧:୨୬-୨୭ ନିର୍ଦ୍ଧିଷ୍ଟରୂପେ ଶିକ୍ଷା ଦିଏ ଯେ ସମଲିଂଗ ଯୌନ ସମ୍ପର୍କ ହେଉଛି ଈଶ୍ବରଙ୍କୁ ଅସ୍ବୀକାର ଓ ତାହାଙ୍କ ଅନାଜ୍ଞବହ ହେବାର ପ୍ରତିଫଳ । ଯେବେ ଲୋକମାନେ ପାପ ଓ ଅବିଶ୍ବାସ ଲିପ୍ତ ରୁହନ୍ତି, ଈଶ୍ବର ସେମାନଙ୍କୁ ଆହୁରି ଦୁଷ୍ଟ ଓ ଜଘନ୍ୟ ପାପରେ “ସମର୍ପଣ” କରନ୍ତି ଫଳରେ ଈଶ୍ବରଙ୍କଠାରୁ ଦୂରରେ ରହି ଯେଉଁ ଅସାର ଓ ଆଶାଶୂନ୍ୟ ଜୀବନ ରହିଛି ତାହାକୁ ସେ ପ୍ରକାଶ କରିପାରିବେ । ୧ କରନ୍ଥୀୟ ୬:୯ ସ୍ପଷ୍ଟ କରେ ଯେ ସମଲିଂଗ ଯୌନ ସମ୍ପର୍କ ଲୋକମାନେ “ପୂଂମୌଥୁନକାରୀ” ଈଶ୍ବରଙ୍କ ରାଜ୍ୟରେ ପ୍ରବେଶ କରିବେ ନାହିଁ ।

ଈଶ୍ବର ମନୁଷ୍ୟକୁ ସମଲିଂଗ ଯୌନ କାମନା ସହ ସୃଷ୍ଟି କରନ୍ତି ନାହିଁ । ବାଇବଲ ଆମକୁ କୁହେ ଯେ ଲୋକମାନେ ସେମାନଙ୍କ ପାପ ସକାଶୁ ସମଲିଂଗ ଯୌନ ସମ୍ପର୍କ ବ୍ୟକ୍ତି ହୁଅନ୍ତି (ରୋମୀୟ ୧:୨୪-୨୭) ଏବଂ ଶେଷରେ ସେମାନଙ୍କ ନିଷ୍ପତି ହେତୁ ସେମାନେ ତାହା କରନ୍ତି । ଜଣେ ବ୍ୟକ୍ତି ସମଲିଂଗ ଯୌନ ସମ୍ପର୍କର ସନ୍ଦେହ ନେଇ ହୁଏତ ଜନ୍ମ ହୋଇପାରେ, ଯେପରି କି କେତେକ ଲୋକ ହିଂସା ଓ ଅନ୍ୟ ପାପ କରିବାର ସ୍ବଭାବ ନେଇ ଜନ୍ମ ହୋଇଥାନ୍ତି । ଏହାର ଅର୍ଥ ନୁହେଁ ଯେ ପାପ କରିବାର ନିଷ୍ପତି ନେବା କ୍ଷମା କରାଯାଇପାରିବ । ଯଦି ଜଣେ ବ୍ୟକ୍ତି କ୍ରୋଧର ସ୍ବଭାବ ନେଇ ଜନ୍ମ ହୋଇଥାଏ, ଏହା ସ୍ବଭାବ ତାହାକୁ ସେହି କାମନାରେ ବୁଡିବା ପାଇଁ ଅଧିକାର କି ଦିଏ ନାହିଁ? ଅବଶ୍ୟ ନୁହେଁ ! ଠିକ୍ ସେହିପ୍ରକାରେ ପୂଂମୌଥୁନକୁ ଆମେ ବୁଝିବାକୁ ହେବ ।

ତଥାପି, ବାଇବଲ ପୂଂମୌଥୁନକୁ ଅନ୍ୟ ପାପଠାରୁ “ଅଧିକ” ବୋଲି ବର୍ଣ୍ଣନା କରେ ନାହିଁ । ସମସ୍ତ ପାପ ଈଶ୍ବରଙ୍କ ବିରୋଧୀ ଅଟେ । ୧ କରନ୍ଥୀୟ ୬:୯-୧୦ରେ ଯେଉଁ ପାପଗୁଡିକ ଉଲ୍ଲେଖ କରାଯାଇଅଛି ପୂଂମୌଥୁନ ସେଥି ମଧ୍ୟରୁ ଗୋଟିଏ ଯାହା ଜଣେ ବ୍ୟକ୍ତିଙ୍କୁ ଈଶ୍ବରଙ୍କ ରାଜ୍ୟରେ ପ୍ରବେଶ କରିବାରୁ ନିବୃତ୍ତ କରାଏ । ବାଇବଲ ଅନୁସାରେ, ଈଶ୍ବରଙ୍କ ପାପକ୍ଷମା ପୂଂମୌଥୁନକାରୀ ପାଇଁ ସୁଧା ଉପଲବଧ ଅଛି ଯେପରି ଏହା ବ୍ୟଭିଚାରୀ, ପ୍ରତିମାପୂଜକ, ହତ୍ୟାକାରୀ, ଚୋର, ଇତ୍ୟାଦି ପାଇଁ ରହିଅଛି । ପାପ ଉପରେ ବିଜୟ କରିବା ପାଇଁ ଯେଉଁ ଶକ୍ତି ଆବଶ୍ୟକ, ତାହା ଈଶ୍ବର ପ୍ରତିଜ୍ଞା କରନ୍ତି, ପୂଂମୌଥୁନକାରୀ ମଧ୍ୟ ସେଥିରେ ସାମିଲ ଅଟନ୍ତି, ଯେଉଁମାନେ ଯୀଶୁ ଖ୍ରୀଷ୍ଟଙ୍କୁ ନିଜର ପରିତ୍ରାଣ ନିମନ୍ତେ ବିଶ୍ବାସ କରନ୍ତି, ସେମାନଙ୍କ ପାଇଁ ଏହା ଉପଲବଧ ଅଟେ (୧ କରନ୍ଥୀୟ ୬:୧୧; ୨ କରନ୍ଥୀୟ ୫:୧୭; ଫିଲିପୀୟ ୪:୧୩) ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ବାଇବଲ ସମଲିଂଗ ଯୌନ ସମ୍ପର୍କରେ କଅଣ କହେ? ସମଲିଂଗ ଯୌନ ସମ୍ପର୍କ କଅଣ ପାପ?