ଈଶ୍ଵରଙ୍କ ସହ ମୁଁ କିପରି ସଠିକ୍ ହୋଇପାରିବି?


ପ୍ରଶ୍ନ: ଈଶ୍ଵରଙ୍କ ସହ ମୁଁ କିପରି ସଠିକ୍ ହୋଇପାରିବି?

ଉତ୍ତର:
ଈଶ୍ଵରଙ୍କ ସହ “ଠିକ୍” ସମ୍ପର୍କ ରଖିବାକୁ ହେଲେ, ପ୍ରଥମେ, ଆମକୁ “ଭୁଲ” କଅଣ ବୁଝିବାକୁ ହେବ | ଏହାର ଉତ୍ତର ହେଉଛି ପାପ | “...କେହି ଜଣେ ସୁଦ୍ଧା ଧାର୍ମିକ ନାହିଁ” (ଗୀତ ୧୪:୩) | ଆମେ ଈଶ୍ଵରଙ୍କ ଆଜ୍ଞା ବିରୁଦ୍ଧରେ ବିଦ୍ରୋହ କରିଅଛୁ; ଆମେ “ମେଷ ଭଳି ବିପଥଗାମୀ ହୋଇଅଛୁ” (ଯିଶାୟ ୫୩:୬) |

ଦୁସମ୍ବାଦ ହେଉଛି ଯେ ପାପର ବେତନ ମୃତ୍ୟୁ ଅଟେ | “ଯେଉଁ ପ୍ରାଣୀ ପାପ କରେ, ସେହି ମରିବ” (ଯିହିଜିକଲ ୧୮:୪) | ଶୁଭ ସମ୍ବାଦ ହେଉଛି ଯେ ପ୍ରେମିକ ପରେମେଶ୍ଵର ଆମକୁ ପରିତ୍ରାଣ ଦେବା ପାଇଁ ଆମର ଅନୁଧାବନ କଲେ | ଯୀଶୁ ତାହାଙ୍କ ଉଦ୍ଦେଶ୍ୟ ଘୋଷଣା କରିଥିଲେ, “କାରଣ ଯାହା ହଜିଅଛି, ତାହା ଖୋଜି ରକ୍ଷା କରିବାକୁ ମନୁଷ୍ୟପୁତ୍ର ଆସିଅଛନ୍ତି “ (ଲୂକ ୧୯:୧୦) ଏବଂ ସେ ତାହାଙ୍କ ଉଦ୍ଦେଶ୍ୟ ପୂରଣ କଲେ ବୋଲି ପ୍ରମାଣ ଦେଇ, ଯେବେ ସେ ଏହି ଶବ୍ଦକୁ ଉଚ୍ଚାରଣ କରି କ୍ରୁଶରେ ପ୍ରାଣ ଦେଲେ, “ସମାପ୍ତ ହେଲା” (ଯୋହନ ୧୯:୩୦) |

ଈଶ୍ଵରଙ୍କ ସହିତ ଠିକ୍ ସମ୍ପର୍କ ପାପ ସ୍ଵୀକାର କରିବା ଦ୍ୱାରା ହିଁ ଆରମ୍ଭ ହୋଇ ଥାଏ । ପରବର୍ତ୍ତୀ ପଦକ୍ଷେପ ହେଉଛି ନମ୍ରତାର ସହ ଈଶ୍ଵର ଙ୍କ ନିକଟରେ ନିଜ ପାପକୁ ସ୍ଵୀକାର କରିବା (ଯିଶାୟ ୫୭:୧୫) ଏବଂ ପାପକୁ ସଂପୂର୍ଣ୍ଣ ଭାବରେ ତ୍ୟାଗ କରିବାକୁ ଏକ ଦୃଢ଼ ରୂପେ ପ୍ରତିଜ୍ଞାବଦ୍ଧ ହେବା | “କାରଣ ଧାର୍ମିକତାପ୍ରାପ୍ତି ନିମନ୍ତେ ମନୁଷ୍ୟ ହୃଦୟରେ ବିଶ୍ଵାସ କରେ ଓ ପରିତ୍ରାଣ ପ୍ରାପ୍ତି ନିମନ୍ତେ ମୁଖରେ ସ୍ଵୀକାର କରେ” (ରୋମୀୟ ୧୦:୧୦) |

ଏହି ଅନୁତାପ, ବିଶ୍ଵାସ ସହ ହେବା ଆବଶ୍ୟକ-ବିଶେଷ ଭାବରେ, ଏହି ବିଶ୍ଵାସ ଯେ ଯୀଶୁଙ୍କ ବଳୀକୃତ ମୃତ୍ୟୁ ତଥା ଆଶ୍ଚର୍ଯଜନକ ପୁନରୁଥାନ, ତାହାଙ୍କୁ ତୁମ ଜୀବନର ଉଦ୍ଧାରକର୍ତ୍ତା ରୂପେ ଯୋଗ୍ୟ କରେ | “ଯେଣୁ ଯଦି ତୁମେ ମୁଖରେ ଯୀଶୁଙ୍କୁ ପ୍ରଭୁ ବୋଲି ସ୍ଵୀକାର କରିବା, ଆଉ ଈଶ୍ଵର ତାହାଙ୍କୁ ମୃତମାନଙ୍କ ମଧ୍ୟରୁ ଉଠାଇଅଛନ୍ତି ବୋଲି ହୃଦୟରେ ବିଶ୍ଵାସ କରିଵ, ତେବେ ପରିତ୍ରାଣ ପାଇବ” (ରୋମୀୟ ୧୦:୯) | ଆହୁରି, ବାଇବଲର ଅନେକ ଶାସ୍ତ୍ରାଂସ ବିଶ୍ଵାସ କରିବାର ଆବଶ୍ୟକତାକୁ ଗୁରୁତ୍ଵ ଦିଏ, ଯଥା ଯୋହନ ୨୦:୨୭; ପ୍ରେରିତ ୧୬:୩୧; ଗାଲାତୀୟ ୨:୧୬; ୩:୧୧, ୨୬; ଏଫିସୀୟ ୨:୮ |

ଈଶ୍ଵରଙ୍କ ସହ ସଠିକ୍ ହେବା ହେଉଛି, ଈଶ୍ଵର ଯାହା ତୁମ ପାଇଁ କରିଅଛନ୍ତି, ସେଥିପ୍ରତି ତୁମର ପ୍ରତିକ୍ରିୟା ଦେବା | ସେ ଉଦ୍ଧାରକର୍ତ୍ତାକୁ ପ୍ରେରଣ କଲେ, ପାପ ଦୂର କରିବା ପାଇଁ ସେ ବଳିଦାନ ଯୋଗାଇଲେ (ଯୋହନ ୧:୨୯) ଏବଂ ସେ ଏହି ପ୍ରତିଜ୍ଞା ଯାଚୁଛନ୍ତି: “ଯଦି କେହି ପ୍ରଭୁଙ୍କ ନାମରେ ପ୍ରାର୍ଥନା କରିବା, ସେ ପରିତ୍ରାଣ ପାଇବ” (ପ୍ରେରିତ ୨:୨୧) |

ଅପବ୍ୟୟୀ ପୁତ୍ରର ଦୃଷ୍ଟାନ୍ତ ହେଉଛି ଅନୁତାପ ଓ ପାପକ୍ଷମାର ଏକ ସୁନ୍ଦର ଚିତ୍ରଣ (ଲୂକ ୧୫:୧୧-୩୨) | ସାନ ପୁଅ ଲଜ୍ଜାଜନକ ପାପରେ ପିତାଙ୍କ ଦାନକୁ ଅପବ୍ୟୟ କରିଦେଲା (ପଦ ୧୩) | ଯେତେବେଳେ ସେ ନିଜର ଭୁଲକୁ ସ୍ଵୀକାର କଲା, ସେ ଘରକୁ ଫେରିବାକୁ ନିଷ୍ପତି ନେଲା (ପଦ ୧୮) | ସେ ଭାବିଥିଲା ଯେ ସେ ପୁଅ ଭାବରେ ଆଉ କେବେ ବି ଗ୍ରହଣ କରାଯିବ ନାହିଁ (ପଦ ୧୯), କିନ୍ତୁ ତାହାର ଭାବନା ଭୁଲ ଥିଲା | ବାପା, ମନ ଫେରାଇଥିବା ବିଦ୍ରୋହୀ ପୁଅକୁ ପୂର୍ବ ପରି ବହୁତ ପ୍ରେମ କଲେ (ପଦ ୨୦) | ତାହାର ସମସ୍ତ ପାପ କ୍ଷମା କରାଗଲା ଓ ତାହାର ଫେରିବା ଆନନ୍ଦରେ ଭୋଜର ଆୟୋଜନ କରାଗଲା (ପଦ ୨୪) | ଈଶ୍ଵର ଆପଣା ପ୍ରତିଜ୍ଞାଗୁଡ଼ିକୁ ରକ୍ଷା କରିବାରେ ବିଶ୍ଵସ୍ତ ଅଟନ୍ତି, ତାହା ପାପ କ୍ଷମା କରିବାର ପ୍ରତିଜ୍ଞାକୁ ସୁଦ୍ଧା ସାମିଲ କରେ | “ସଦାପ୍ରଭୁ ଭଗ୍ନ ଅନ୍ତଃକରଣ ମାନଙ୍କର ନିକଟବର୍ତ୍ତୀ ଅଟନ୍ତି ଓ ସେ ଚୁର୍ଣ୍ଣମନାମାନଙ୍କୁ ପରିତ୍ରାଣ କରନ୍ତି” (ଗୀତ ୩୪:୧୮) |

ଯଦି ଆପଣ ଈଶ୍ଵରଙ୍କ ସହ ଠିକ୍ ହେବାକୁ ଇଚ୍ଛା କରନ୍ତି, ତେବେ ନିମ୍ନରେ ପ୍ରାର୍ଥନାର ଏକ ନମୁନା ଦିଆଯାଇଅଛି | ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ଵାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ଆପଣଙ୍କୁ ଉଦ୍ଧାର କରି ପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଙ୍କ ଠାରେ ବିଶ୍ଵାସ କରିବା ଦ୍ଵାରା ହିଁ ପାପରୁ ଉଦ୍ଧାର ପାଇପାରିବେ |

ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ଇଶ୍ଵରଙ୍କଠାରେ ନିଜ ବିଶ୍ଵାକୁ ପ୍ରକାଶ କରିବ। ଓ ସେ ତୁମ ପାଇଁ ପରିତ୍ରାଣ ଯୋଗାଇ ଥିବାରୁ ତାହାଙ୍କ ପ୍ରତି ଧନ୍ୟବାଦୀ ହେବ| । ପ୍ରାର୍ଥନା - “ହେ ଇଶ୍ଵର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ | କିନ୍ତୁ ମୁଁ ବିଶ୍ଵାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି | ତାହାଙ୍କ ଠାରେ ବିଶ୍ଵାସ କରିବା ଦ୍ଵାରା ମୋର ପାପକ୍ଷମା ହୋଇପାରିବ | ପରିତ୍ରାଣ ପାଇବା ପାଇଁ ମୁଁ ତୁମ୍ଭଠାରେ ବିଶ୍ଵାସ କରୁଅଛି | ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ |

ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ ଟିକ୍ କରନ୍ତୁ



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଈଶ୍ଵରଙ୍କ ସହ ମୁଁ କିପରି ସଠିକ୍ ହୋଇପାରିବି?