ଯୀଶୁ ବାସ୍ତବରେ ଥିଲେ କି? ଯୀଶୁଖ୍ରୀଷ୍ଟଙ୍କର କୌଣସି ଐତିହାସିକ ପ୍ରମାଣ ଅଛି କି?



ପ୍ରଶ୍ନ: ଯୀଶୁ ବାସ୍ତବରେ ଥିଲେ କି? ଯୀଶୁଖ୍ରୀଷ୍ଟଙ୍କର କୌଣସି ଐତିହାସିକ ପ୍ରମାଣ ଅଛି କି?

ଉତ୍ତର:
ସାଧାରଣତଃ, ଯେତେବେଳେ ଏହି ପ୍ରଶ୍ନ ପଚାରାଯାଇଥାଏ, ପଚାରିଥିବା ବ୍ୟକ୍ତି "ବାଇବଲ୍ ବାହାର" ପ୍ରଶ୍ନ ସହ ଏହା ପଚାରିଥାଏ | ଯୀଶୁଖ୍ରୀଷ୍ଟଙ୍କର ଅସ୍ତିତ୍ବ ନିମନ୍ତେ ବାଇବଲକୁ ଯେ ପ୍ରମାଣର ଉତ୍ସ ଭାବେ ନିଆଯାଇପାରିବନାହିଁ ତାହାକୁ ଆମେ ମଞ୍ଜୁର କରୁନାହୁଁ | ନୂତନ ନିୟମ ଯୀଶୁଖ୍ରୀଷ୍ଟଙ୍କ ବିଷୟରେ ଶହ ଶହ ସମ୍ବନ୍ଧ ଉଲ୍ଲେଖ ଅଛି | କେତେକ ଅଛନ୍ତି ଯେଉଁମାନେ ସୁସମାଚାରକୁ ଦ୍ବିତୀୟ ଶତାବ୍ଦୀ ଅର୍ଥାତ୍ ଯୀଶୁଙ୍କ ମୃତ୍ୟୁର ୧୦୦ ବର୍ଷ ପରେ ଏହାର ଲେଖାକୁ ଦେଖନ୍ତୁ | ଏହା ସେପରି ହୋଇଥାଏ (ଯାହାକୁ ଆମେ ଅତି ବିବାଦ କରୁ), ଏପରିକି ଯଦି ପ୍ରାଚୀନ ପ୍ରମାଣଗୁଡିକ, ଘଟନାମାନ ଘଟିବାର ୨୦୦ ବର୍ଷରୁ କମ୍ ସମୟର ଭିତ୍ତିରେ ଅତି ଭରସାଯୋଗ୍ୟ ପ୍ରମାଣ ଭାବରେ ବିବେଚିତ ହୋଇଥାଏ | ପୁନଶ୍ଚ, ପଣ୍ଡିତମାନଙ୍କର ଅଧିକ ଭାଗ (ଖ୍ରୀଷ୍ଟିୟାନ ଏବଂ ଅଣ-ଖ୍ରୀଷ୍ଟିୟାନ) ପାଉଲଙ୍କର ଲେଖାଗୁଡିକ (ଅନ୍ତତଃ ସେଗୁଡିକ ମଧ୍ୟରୁ କେତେକ)ବାସ୍ତବରେ ପ୍ରଥମ ଶତାବ୍ଦୀର ମଧ୍ୟ ଭାବରେ ଲେଖାଯାଇଥିଲା ଯାହାକି ଯୀଶୁଙ୍କ ମୃତ୍ୟୁର ୪୦ ବର୍ଷରୁ କମ୍ ସମୟରେ | ପ୍ରାଚୀନ ପାଣ୍ଡୁଲିପିର ପ୍ରମାଣ ଭିତ୍ତିରେ, ପ୍ରଥମ ଶତାବ୍ଦୀର ପ୍ରଥମ ଭାଗରେ ଇଶ୍ରାୟେଲ ଦେଶରେ ଥିବା ଯୀଶୁ ନାମକ ଜଣେ ବ୍ୟକ୍ତିଙ୍କ ଅସ୍ତିତ୍ବର ଏକ ଅସାଧାରଣ ଦୃଢ ପ୍ରମାଣ ଅଟେ |

୭୦ ଖ୍ରୀଷ୍ଟାବ୍ଦରେ ରୋମୀୟମାନେ ଯିରୁଶାଲମକୁ ଓ ଇଶ୍ରାୟେଲର ଅଧିକାଂଶ ବ୍ୟକ୍ତିଙ୍କୁ ଆକ୍ରମଣ ଓ ଧ୍ବଂସ କରି ଏଥିର ନିବାସୀମାନଙ୍କୁ ନରସଂହାର କଲେ | ସମଗ୍ର ନଗର ଆକ୍ଷରିକ ଭାବେ ଅଗ୍ନିରେ ଦଗ୍ଧ କରାଯାଇ ଭୂମିସାତ୍ କରାଗଲା | ଆମେ ଏଥିରେ ଆଶ୍ଚର୍ଯ୍ୟ ହେବାର ନାହିଁ ଯେ, ଯୀଶୁଙ୍କ ଅସ୍ତିତ୍ବର ଅଧିକାଂଶ ପ୍ରମାଣ ନଷ୍ଟ ହୋଇଯାଇଥିଲା | ଯୀଶୁଙ୍କର ଅନେକ ଚାକ୍ଷୁସ ସାକ୍ଷୀ ନିହତ ହୋଇଥାଇପାରନ୍ତି | ଏହି ସମସ୍ତ ଘଟନା ବଞ୍ଚି ରହିଯାଇଥିବା ଯୀଶୁଙ୍କ ଚାକ୍ଷୁସ ସାକ୍ଷୀଙ୍କ ପରିମାଣକୁ ସୀମିତ କରିଦେଇଥିବାର ଯଥେଷ୍ଟ ସମ୍ଭାବନା ରହିଛି | ଯଦି ଯୀଶୁଙ୍କ ସେବାକାର୍ଯ୍ୟ ଅଧିକ ଆପେକ୍ଷିକ ଭାବେ ରୋମୀୟ ସାମ୍ରାଜ୍ୟର ଏକ ଛୋଟ କୋଣରେ ଥିବା ଗୁରୁତ୍ବହୀନ ଅଞ୍ଚଳ ମଧ୍ୟରେ ସୀମାବଦ୍ଧ ଥିଲା ବୋଲି ବିବେଚନା କରାଯାଏ, ଯୀଶୁଙ୍କ ବିଷୟରେ ଏକ ଆଶ୍ଚର୍ଯ୍ୟଜନକ ପରିମାଣର ସୂଚନା ଧର୍ମନିରପେକ୍ଷ ଐତିହାସିକ ଉତ୍ସରୁ ଆସିପାରିବ | ଯୀଶୁଙ୍କ ଗୁରୁତ୍ବପୂର୍ଣ୍ଣ ଐତିହାସିକ ପ୍ରମାଣଗୁଡିକ ମଧ୍ୟରୁ କିଛି ନିମ୍ନରେ ଦତ୍ତ ହେଲା:

ପ୍ରଥମ ଶତାବ୍ଦୀ ରୋମୀୟ ଟାକିଟସ୍ (Tacitus) ଯିଏକି ପ୍ରାଚୀନ ଜଗତର ଅଧିକ ନିର୍ଭୁଲତା ଥିବା ଐତିହାସିକମାନଙ୍କ ମଧ୍ୟରୁ ଜଣେ ଥିଲେ ଯିଏକି ଅନ୍ଧବିଶ୍ବାସୀ "ଖ୍ରୀଷ୍ଟିୟାନମାନେ" (Christus ରୁ, ଯାହା ଖ୍ରୀଷ୍ଟଙ୍କ ନିମନ୍ତେ ଲାଟିନ୍ ଶବ୍ଦରୁ ଆସିଛି), ଯିଏକି ତିବିରିଅଙ୍କ ସମୟରେ ପନ୍ତିୟ ପିଲାତଙ୍କ ଦ୍ବାରା କ୍ଲେଶ ସହ୍ୟ କରିଥିଲେ | ସମ୍ରାଟ୍ ହାଡ୍ରିୟାନ୍ (Hadrian)ଙ୍କ ମୁଖ୍ୟ ସମ୍ପାଦକ ସେଟୋନିୟସ୍ (Suetonius) ଲେଖିଥିଲେ ଯେ, କ୍ରେଷ୍ଟସ୍ (Chrestus) (ବା ଖ୍ରୀଷ୍ଟ) ନାମରେ ଜଣେ ବ୍ୟକ୍ତି ଥିଲେ ଯିଏକି ପ୍ରଥମ ଶତାବ୍ଦୀରେ ଥିଲେ (Annals 15.44) |

ଫ୍ଲେଭିୟସ୍ ଯୋଷେଫସ୍ (Flavius Josephus) ଜଣେ ଅତି ପ୍ରସିଦ୍ଧ ଯିହୂଦୀ ଐତିହାସିକ ଥିଲେ | ତାଙ୍କ ଆଣ୍ଟିକ୍ବିଟି (Antiquities) ରେ ସେ "ଖ୍ରୀଷ୍ଟ ନାମରେ ଖ୍ୟାତ ଯୀଶୁଙ୍କ ଭ୍ରାତା" ଯାକୁବଙ୍କ ବିଷୟରେ ଲେଖନ୍ତି | ସେଠାରେ ଏକ ବିବାଦୀୟ ପଦ (୧୮:୩) ପଦ ଅଛି ଯାହା କୁହେ, "ଯଦି ଯୀଶୁଙ୍କୁ ଜଣେ ମନୁଷ୍ୟ ବୋଲି କୁହାଯିବାର ବିଧିସଙ୍ଗତ ଅଟେ, ସେହି ସମୟରେ ସେହି ବିଜ୍ଞ ବ୍ୟକ୍ତି ଯୀଶୁ ଥିଲେ | ଯେହେତୁ ସେ ସେହି ବ୍ୟକ୍ତି ଥିଲେ ଯିଏକି ଆଶ୍ଚର୍ଯ୍ୟଜନକ କାର୍ଯ୍ୟ କରୁଥିଲେ... ସେ ଖ୍ରୀଷ୍ଟ ଥିଲେ... ସେ ପୁନଶ୍ଚ ତୃତୀୟ ଦିବସରେ ପୁନରୁତ୍ଥିତ ହୋଇଥିଲେ, ଯେହେତୁ ସ୍ବର୍ଗୀୟ ଭାବବାଦୀମାନେ ଏହି ସମସ୍ତ ବିଷୟରେ ଏବଂ ତାହାଙ୍କ ବିଷୟରେ ଅନ୍ୟ ଦଶ ହଜାର ଆଶ୍ଚର୍ଯ୍ୟଜନକ ବିଷୟରେ ଭାବବାଣୀ କରିଥିଲେ |" ଏକ ସଂସ୍କରଣରେ ଏହିପରି ଲେଖାଯାଏ, "ଏହି ସମୟରେ ଯୀଶୁ ନାମରେ ଜଣେ ବିଜ୍ଞ ବ୍ୟକ୍ତି ଥିଲେ | ତାଙ୍କ ଚାଲିଚଳନ ଉତ୍ତମ ଥିଲା ଏବଂ ସେ ଧାର୍ମିକ ବୋଲି ଜଣାଗଲେ | ଏବଂ ଯିହୂଦୀମାନଙ୍କ ମଧ୍ୟରୁ ଏବଂ ଅନ୍ୟ ଦେଶଗୁଡିକରୁ ଅନେକ ଲୋକ ତାହାଙ୍କର ଶିଷ୍ୟ ହେଲେ | ପିଲାତ ତାଙ୍କୁ କ୍ରୁଶବିଦ୍ଧ ଏବଂ ମୃତ୍ୟୁଭୋଗ କରିବା ନିମନ୍ତେ ଦୋଷୀସାବ୍ୟସ୍ତ କଲେ | କିନ୍ତୁ ଯେଉଁମାନେ ତାଙ୍କ ଶିଷ୍ୟ ହୋଇଥିଲେ ସେମାନେ ତାଙ୍କ ଶିଷ୍ୟତ୍ବ ପରିତ୍ୟାଗ କଲେ ନାହିଁ | ସେମାନେ ଏହି ବିବରଣୀ ପ୍ରଦାନ କଲେ ଯେ, ସେ ସେମାନଙ୍କୁ କ୍ରୁଶବିଦ୍ଧର ତୃତୀୟ ଦିବସରେ ଦେଖାଦେଇଥିଲେ, ଏବଂ ସେ ଜୀବିତ ଥିଲେ (ଅଛନ୍ତି); ସେହି ଅନୁଯାୟୀ ବୋଧହୁଏ, ସେ ମଶୀହା ଅଟନ୍ତି, ଯାହାଙ୍କ ବିଷୟରେ ଭାବବାଦୀମାନେ ଆଶ୍ଚର୍ଯ୍ୟବିଷୟମାନ ସବିସୃତ ବର୍ଣ୍ଣନା କରିଥିଲେ |"

ଯୀଶୁଖ୍ରୀଷ୍ଟଙ୍କ କ୍ରୁଶବିଦ୍ଧ ପରେ ଘଟିଥିବା ଅନ୍ଧକାର ବିଷୟରେ ହୋଇଥିବା ଏକ ଆଲୋଚନାକୁ ଐତିହାସିକ ଥାଲସ୍ ଙ୍କ ଲେଖାରୁ ଜୁଲିୟସ୍ ଆଫ୍ରିକାନସ୍ (Julius Africanus) ଉଦ୍ଧୃତ କରନ୍ତି (Extant Writings, 18) |

ପ୍ଲିନୀ ଦ ୟଙ୍ଗର୍ (Pliny the Younger ) Letters 10:96ରେ ଆଦ୍ୟ ଖ୍ରୀଷ୍ଟିୟାନ ଉପାସନା ପଦ୍ଧତିକୁ ଲିପିବଦ୍ଧ କରନ୍ତି ଏବଂ ସେ ଏହା ମଧ୍ୟ ଲିପିବଦ୍ଧ କରନ୍ତି ଯେ, ଖ୍ରୀଷ୍ଟିୟାନମାନେ ଯୀଶୁଙ୍କୁ ଈଶ୍ବର ଭାବରେ ଉପାସନା କରୁଥିଲେ ଏବଂ ସେମାନେ ଅତି ନୈତିକ ଥିଲେ, ଏବଂ ସେ ପ୍ରେମ ଭୋଜି ଏବଂ ପ୍ରଭୁଭୋଜର ସମ୍ବନ୍ଧ ଉଲ୍ଲେଖ କରନ୍ତି |

ବାବିଲୋନିୟ ତାଲମଡ୍ (Babylonian Talmud ) (Sanhedrin 43a) ନିସ୍ତାରପର୍ବର ପୂର୍ବଦିନ ଯୀଶୁଙ୍କ କ୍ରୁଶବିଦ୍ଧକୁ ଏବଂ ଖ୍ରୀଷ୍ଟଙ୍କ ବିରୁଦ୍ଧରେ ଗୁଣିବିଦ୍ୟା ଏବଂ ଯିହୂଦୀ ଧର୍ମମତ ବିରୁଦ୍ଧାଚାରୀ ହେବା ନିମନ୍ତେ ଉତ୍ସାହିତ କରିବା ଅଭିଯୋଗ ବିଷୟରେ ନିଶ୍ଚିତ କରେ |

ସାମୋସାତ (Samosata) ର ଲୁଶିଆନ୍ (Lucian) ଜଣେ ଦ୍ବିତୀୟ ଶତାବ୍ବୀର ଗ୍ରୀକ୍ ଲେଖକ ଥିଲେ ଯିଏକି ଯୀଶୁ ଖ୍ରୀଷ୍ଟିୟାନମାନଙ୍କ ଦ୍ବାରା ପୂଜିତ ହେଉଥିବା, ନୂତନ ଶିକ୍ଷା ପ୍ରଚଳନ କରିଥିବା ଏବଂ ସେମାନଙ୍କ ନିମନ୍ତେ କ୍ରୁଶବିଦ୍ଧ ହୋଇଥିବା ବିଷୟରେ ସ୍ବୀକାର କରନ୍ତି | ସେ କହିଲେ ଯେ, ଯୀଶୁଙ୍କ ଶିକ୍ଷାରେ ବିଶ୍ବାସୀମାନଙ୍କର ଭାଇଚାରା ମନପରିବର୍ତ୍ତନର ଗୁରୁତ୍ବ, ଏବଂ ଅନ୍ୟ ଦେବାତାମାନଙ୍କୁ ଅସ୍ବୀକାର କରିବାର ଗୁରୁତ୍ବ ବିଷୟ ଅନ୍ତର୍ଭୁକ୍ତ ଥିଲା | ଖ୍ରୀଷ୍ଟିୟାନମାନେ ଯୀଶୁଙ୍କ ନିୟମସକଳ ଅନୁଯାୟୀ ଜୀବନଯାପନ କରୁଥିଲେ, ସେମାନେ ନିଜନିଜକୁ ଅମର ବୋଲି ବିଶ୍ବାସ କରୁଥିଲେ, ଏବଂ ମୃତ୍ୟୁକୁ ତାଚ୍ଛଲ୍ୟ ମନୋଭାବ, ଇଛାକୃତ ଆତ୍ମ-ଭକ୍ତି, ଏବଂ ପାର୍ଥିବ ବସ୍ତୁଗୁଡିକର ପରିତ୍ୟାଗ କରିବା ଭାବେ ଚିତ୍ରିତ ହେଉଥିଲେ |

ମାରା ବାର୍ ସେରାପିଅନ୍ (Mara Bar-Serapion) ନିଶ୍ଚିତ କରନ୍ତି ଯେ, ଯୀଶୁ ଜଣେ ବିଜ୍ଞ ଏବଂ ଧାର୍ମିକ ବ୍ୟକ୍ତି ଭାବେ ଜଣାଯାଉଥିଲେ, ସେ ଅନେକ ବ୍ୟକ୍ତିଙ୍କ ଦ୍ବାରା ଇଶ୍ରାୟେଲର ରାଜା ଭାବେ ବିବେଚିତ ହେଉଥିଲେ, ଯିହୂଦୀମାନଙ୍କ ଦ୍ବାରା ମରଣ ଭୋଗିଲେ, ଏବଂ ତାଙ୍କ ଅନୁଗାମୀମାନଙ୍କ ଶିକ୍ଷାରେ ଜୀବିତ ଥିଲେ |

ତା'ପରେ ଆମ୍ଭମାନଙ୍କ ନିକଟରେ ସମସ୍ତ ଭିନ୍ନତାବାଦୀ ଲେଖାଗୁଡିକ ଅଛି (The Gospel of Truth, The Apocryphon of John, The Gospel of Thomas, The Treatise on Resurrection, etc.) ଯେଉଁସବୁ ଯୀଶୁଙ୍କ ବିଷୟରେ ଉଲ୍ଲେଖ କରେ |

ବାସ୍ତବରେ, ଆମେ କେବଳ ଆଦ୍ୟ ଅଣ-ଖ୍ରୀଷ୍ଟିୟାନ ଉତ୍ସସକଳରୁ ସୁସମାଚାରକୁ ପୁନଃନିର୍ମିତ କରିପାରିଛୁ: ଯୀଶୁଙ୍କୁ ଖ୍ରୀଷ୍ଟ ନାମରେ ଡକାଯାଉଥିଲା (ଯୋଷେଫସ୍), "କୁହୁକ ବିଦ୍ୟା" କଲେ, ଇଶ୍ରାୟେଲମାନଙ୍କୁ ନୂତନ ଶିକ୍ଷାରେ ପରିଚାଳିତ କଲେ, ଏବଂ ନିସ୍ତାରପର୍ବରେ ସେମାନଙ୍କ ନିମନ୍ତେ ଯିହୂଦାରେ କ୍ରୁଶରେ (Babylonian Talmud ) ଝୁଲିଲେ (Tacitus) କିନ୍ତୁ ଈଶ୍ବର ବୋଲି ନିଜକୁ ଦାବୀ କଲେ ଏବଂ ଫେରିବେ (Eliezar), ଯାହା ତାଙ୍କ ଅନୁଗାମୀଗଣ ବିଶ୍ବାସ କଲେ, ତାଙ୍କୁ ଈଶ୍ବର ଭାବେ ପୂଜା କଲେ (Pliny the Younger) |

ଉଭୟ ଧର୍ମନିରପେକ୍ଷ ଏବଂ ବାଇବଲ ଇତିହାସରେ ଯୀଶୁଖ୍ରୀଷ୍ଟଙ୍କ ଅସ୍ତିତ୍ବ ନିମନ୍ତେ ଅନେକ ସଂଖ୍ୟକ ପ୍ରମାଣ ଗଚ୍ଛିତ ଅଛି | ଯୀଶୁ ଅଛନ୍ତି ବୋଲି ସର୍ବ ମହାନ୍ ପ୍ରମାଣ ବୋଧହୁଏ ସେହି ଘଟନା ଯେଉଁଥିରେ ବାର ଶିଷ୍ୟଙ୍କ ସମେତ ପ୍ରଥମ ଶତାବ୍ଦୀର ହଜାର ହଜାର ଖ୍ରୀଷ୍ଟିୟାନ ସେମାନଙ୍କ ଜୀବନ ହାରି ଯୀଶୁଖ୍ରୀଷ୍ଟଙ୍କ ନିମନ୍ତେ ସହୀଦ ହେବାକୁ ଇଛା ପ୍ରକାଶ କରୁଥିଲେ | ଲୋକେ ଯାହା ସତ୍ୟ ବୋଲି ଜାଣନ୍ତି ସେଥିଯୋଗୁଁ ମୃତ୍ୟୁଭୋଗ କରିବାକୁ ଇଛା ପ୍ରକାଶ କରିବେ, କିନ୍ତୁ କୌଣସି ବ୍ୟକ୍ତି ମିଥ୍ୟା ବୋଲି ଜାଣି ସେଥିନିମନ୍ତେ ମୃତ୍ୟୁଭୋଗ କରିବାକୁ କେବେବି ଇଛା ପ୍ରକାଶ କରିବେ ନାହିଁ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଯୀଶୁ ବାସ୍ତବରେ ଥିଲେ କି? ଯୀଶୁଖ୍ରୀଷ୍ଟଙ୍କର କୌଣସି ଐତିହାସିକ ପ୍ରମାଣ ଅଛି କି?