ଖ୍ରୀଷ୍ଟଙ୍କ ଈଶ୍ବରତ୍ବ ବାଇବଲ ସମ୍ମତ କି?



ପ୍ରଶ୍ନ: ଖ୍ରୀଷ୍ଟଙ୍କ ଈଶ୍ବରତ୍ବ ବାଇବଲ ସମ୍ମତ କି?

ଉତ୍ତର:
ଯୀଶୁ ତାଙ୍କ ନିଜ ବିଷୟରେ କରିଥିବା ନିର୍ଦ୍ଧିଷ୍ଟ ଦାବୀଗୁଡିକ ସମେତ, ତାଙ୍କ ଶିଷ୍ୟମାନେ ମଧ୍ୟ ଖ୍ରୀଷ୍ଟଙ୍କ ଈଶ୍ବରତ୍ବକୁ ସ୍ବୀକାର କରୁଥିଲେ | ସେମାନେ ଦାବୀ କଲେ ଯେ ପାପକ୍ଷମା କରିବା ଯୀଶୁଙ୍କର ଅଧିକାର ଥିଲା - ଯାହାକି କେବଳ ଈଶ୍ବର ହିଁ କରିପାରିବେ - ଯେପରି ଈଶ୍ବର ହିଁ ପାପ ଦ୍ବାରା ଅପମାନିତ ହୁଅନ୍ତି (ପ୍ରେରିତ ୫:୩୧; କଲସୀୟ ୩:୧୩; ଗୀତ ୧୩୦:୪; ଯିରିମିୟ ୩୧:୩୪) | ଏହି ଶେଷ ଦାବୀ ସହ ଥିବା ଘନିଷ୍ଠ ସମ୍ପର୍କରେ, ଯୀଶୁଙ୍କୁ "ଜୀବିତ ଓ ମୃତଙ୍କର ବିଚାର କରିବା" ବ୍ୟକ୍ତି ଭାବରେ କୁହାଯାଉଛି (୨ତିମଥି ୪:୧) | ଥୋମା ଯୀଶୁଙ୍କୁ ଉଚ୍ଚସ୍ବରରେ କହିପକାଇଥିଲେ "ମୋହର ପ୍ରଭୁ ଏବଂ ମୋହର ଈଶ୍ବର!" (ଯୋହନ ୨୦:୨୮) | ପାଉଲ ଯୀଶୁଙ୍କୁ "ମହାନ୍ ଈଶ୍ବର ଓ ତ୍ରାଣକର୍ତ୍ତା" (ତିତସ ୨:୧୩) ବୋଲି କୁହନ୍ତି ଏବଂ ସୂଚୀତ କରି କୁହନ୍ତି ଯେ ଯୀଶୁ ତାଙ୍କ ମାନବରୂପ ଧାରଣ କରିବା ପୂର୍ବରୁ "ଈଶ୍ବର ରୂପରେ" (ଫିଲିପ୍ପୀୟ ୨:୫-୮) ଥିଲେ | ଯୀଶୁଙ୍କ ବିଷୟରେ ପିତା ଈଶ୍ବର କୁହନ୍ତି: "ହେ ଈଶ୍ବର, ତୁମ୍ଭର ସିଂହାସନ ଅନନ୍ତକାଳସ୍ଥାୟୀ" (ଏବ୍ରୀ ୧:୮) | ଯୋହନ ଦର୍ଶାନ୍ତି "ଆଦ୍ୟରେ ବାକ୍ୟ ଥିଲେ, ବାକ୍ୟ ଈଶ୍ବରଙ୍କ ସଙ୍ଗରେ ଥିଲେ, ସେହି ବାକ୍ୟ (ଯୀଶୁ) ଈଶ୍ବର ଥିଲେ" (ଯୋହନ ୧:୧) | ଖ୍ରୀଷ୍ଟଙ୍କ ଈଶ୍ବରତ୍ବ ବିଷୟରେ ଶିକ୍ଷା ଦେଉଥିବା ଶାସ୍ତ୍ରାଂଶସକଳର ଉଦାହାରଣ ଅନେକ (ପ୍ରକାଶିତ ୧:୧୭, ୨:୮, ୨୨:୧୩; ୧କରିନ୍ଥୀୟ ୧୦:୪; ୧ପିତର ୨:୬-୮; ଗୀତ ୧୮:୨, ୯୫:୧; ୧ପିତର ୫:୪; ଏବ୍ରୀ ୧୩:୨୦ ଦେଖନ୍ତୁ) କିନ୍ତୁ ଖ୍ରୀଷ୍ଟ ତାଙ୍କ ଅନୁଗାମୀମାନଙ୍କ ଦ୍ବାରା ଈଶ୍ବର ବୋଲି ଗଣିତ ହେବା ପ୍ରଦର୍ଶନ କରିବା ବିଷୟଟି ଏହି ସମସ୍ତ ଶାସ୍ତ୍ରାଂଶସକଳ ମଧ୍ୟରୁ ଗୋଟିଏ ଯଥେଷ୍ଟ |

ପୁରାତନ ନିୟମରେ ଯିହୋବା (ଈଶ୍ବରଙ୍କ ସାଧାରଣ ନାମ)ଙ୍କ ନିମନ୍ତେ କେବଳ ବ୍ୟବହାର କରାଯାଉଥିବା ଉପାଧିସକଳ ମଧ୍ୟ ଯୀଶୁଙ୍କୁ ଦିଆଯାଇଥିଲା | ପୁରାତନ ନିୟମରେ ଥିବା ଉପାଧି "ମୁକ୍ତିକର୍ତ୍ତା" (ଗୀତ ୧୩୦:୭; ହୋଶେୟ ୧୩:୧୪) ମଧ୍ୟ ନୂତନ ନିୟମରେ ଯୀଶୁଙ୍କ ନିମନ୍ତେ ବ୍ୟବହୃତ ହୋଇଛି (ତିତସ ୨:୧୩; ପ୍ରକାଶିତ ୫:୯) | ମାଥିଉ ୧ ଅଧ୍ୟାୟରେ ଯୀଶୁଙ୍କୁ ଇମ୍ମାନୁୟେଲ - "ଈଶ୍ବର ଆମ ସହିତ" ବୋଲି କୁହାଯାଇଛି | ଯିଖରିୟ ୧୨:୧୦ରେ ଯିହୋବା କୁହନ୍ତି, "ସେମାନେ ଆମ୍ଭପ୍ରତି ଅର୍ଥାତ୍ ଯାହାଙ୍କୁ ସେମାନେ ବିଦ୍ଧ କରିଅଛନ୍ତି" | କିନ୍ତୁ ନୂତନ ନିୟମ ଏହାକୁ ଯୀଶୁଙ୍କ କ୍ରୁଶବିଦ୍ଧ ପ୍ରୟୋଗ କରେ (ଯୋହନ ୧୯:୩୭; ପ୍ରକାଶିତ ୧:୭) | ଯିହୋବାଙ୍କୁ ବିଦ୍ଧ କରାଯାଉଛି ଓ ତାଙ୍କ ପ୍ରତି ଦୃଷ୍ଟିପାତ କରାଯାଉଛି, ଏବଂ ଯୀଶୁ ସେହି ବ୍ୟକ୍ତି ଥିଲେ ଯାହାଙ୍କୁ ବିଦ୍ଧ କରାଯାଇଥିଲା ଏବଂ ତାଙ୍କ ପ୍ରତି ଦୃଷ୍ଟିପାତ କରାଯାଇଥିଲା, ତେଣୁ ଯୀଶୁ ହିଁ ଯିହୋବା ଅଟନ୍ତି | ପାଉଲ ଯୀଶୁଙ୍କ ବିଷୟରେ ଲିଖିତ ଯିଶାଇୟ ୪୫:୨୨-୨୩ ଟି ଫିଲିପ୍ପୀୟ ୨:୧୦-୧୧ରେ ଲିଖିତ ଯୀଶୁଙ୍କ ବିଷୟକୁ ପ୍ରୟୋଗ କରୁଛନ୍ତି | ଆହୁରି, ପ୍ରାର୍ଥନାରେ ଈଶ୍ବରଙ୍କ ନାମ ପାର୍ଶ୍ବରେ ଯୀଶୁଙ୍କ ନାମ ମଧ୍ୟ ବ୍ୟବହୃତ ହେଉଛି "ଆମ୍ଭମାନଙ୍କ ପିତା ଈଶ୍ବର ଓ ପ୍ରଭୁ ଯୀଶୁଖ୍ରୀଷ୍ଟଙ୍କଠାରୁ ଅନୁଗ୍ରହ ଓ ଶାନ୍ତି ତୁମ୍ଭମାନଙ୍କ ପ୍ରତି ହେଉ" (ଗାଲାତୀୟ ୧:୩; ଏଫିସୀୟ ୧:୨) | ଏହା ଈଶ୍ବରନିନ୍ଦା ହୋଇଥାନ୍ତା ଯଦି ଖ୍ରୀଷ୍ଟ ଈଶ୍ବରତ୍ବ ହୋଇନଥାନ୍ତେ | ବାପ୍ତିସ୍ମ ଦେବା ନିମନ୍ତେ ଯୀଶୁଙ୍କର ଆଦେଶ "ପିତା ଏବଂ ପୁତ୍ର ଏବଂ ପବିତ୍ରଆତ୍ମାଙ୍କ ନାମରେ [ଏକବଚନ]" (ମାଥିଉ ୨୮:୨୯; ୨କରିନ୍ଥୀୟ ୧୩:୧୪ ମଧ୍ୟ ଦେଖନ୍ତୁ) ରେ ଈଶ୍ବରଙ୍କ ସହ ଯୀଶୁଙ୍କ ନାମ ଦେଖାଦିଏ |

କେବଳ ଈଶ୍ବରଙ୍କ ଦ୍ବାରା ସମ୍ପାଦିତ ହୋଇପାରୁଥିବା କାର୍ଯ୍ୟଗୁଡିକର ଉତ୍ସ ଭାବେ ମଧ୍ୟ ଯୀଶୁଙ୍କୁ ଧରାଯାଉଥିଲା | ଯୀଶୁ କେବଳ ଯେ ମୃତ ବ୍ୟକ୍ତିଙ୍କୁ ଜୀବନ ଦାନ କଲେ (ଯୋହନ ୫:୨୧, ୧୧:୩୮-୪୪) ଏବଂ ପାପକ୍ଷମା କଲେ (ପ୍ରେରିତ ୫:୩୧, ୧୩:୩୮), ତାହାନୁହେଁ କିନ୍ତୁ ସେ ବିଶ୍ବକୁ ମଧ୍ୟ ସୃଷ୍ଟି କଲେ ଓ ଧାରଣ (ପାଳନ) କଲେ (ଯୋହନ ୧:୨; କଲସୀୟ ୧:୧୬-୧୭) | ଏହା ଆହୁରି ଅଧିକ ସ୍ବଷ୍ଟ ହେବ ଯେତେବେଳେ ଯିହୋବା ସୃଷ୍ଟି ସମୟରେ ଏକାକୀ ଥିଲେ ବୋଲି କହିବା ବିଷୟରେ ଚିନ୍ତା କରନ୍ତି (ଯିଶାଇୟ ୪୪:୨୪) | ଅଧିକନ୍ତୁ, କେବଳ ଈଶ୍ବରତ୍ବ ବହନ କରୁଥିବା ବ୍ୟକ୍ତି ନିକଟରେ ଯାହାସବୁ ରହିପାରେ ସେ ସମସ୍ତ ଖ୍ରୀଷ୍ଟ ଧାରଣ କରନ୍ତି (ଯୋହନ ୮:୫୮, ସର୍ବବ୍ୟାପୀ (ମାଥିଉ ୧୮:୨୦, ୨୮:୨୦), ସର୍ବଜ୍ଞ (ମାଥିଉ ୧୬:୨୧), ଏବଂ ସର୍ବଶକ୍ତିଶାଳୀ (ଯୋହନ ୧୧:୩୮-୪୪) |

ବର୍ତ୍ତମାନ, ଜଣେ ବ୍ୟକ୍ତିଙ୍କୁ ଈଶ୍ବର ବୋଲି ଦାବୀ କରି ବୋକା ବନାଇ ଏହାକୁ ସତ୍ୟ ବୋଲି ବିଶ୍ବାସ କରାଇବା ଏକ ବିଷୟ ଏବଂ ଈଶ୍ବର ବୋଲି ଦାବୀ କରିବାର ସମସ୍ତ ପ୍ରମାଣ ଦେଖାଇବା ଏକ ଭିନ୍ନ ବିଷୟ ଅଟେ | ଜଳକୁ ଦ୍ରାକ୍ଷାରସରେ ପରିଣତ କରିବା (ଯୋହନ ୨:୭), ଜଳ ଉପରେ ଚାଲିବା (ମାଥିଉ ୧୪:୨୫), ସ୍ବର୍ଶ୍ବ କରାଯାଇପାରୁଥିବା ବସ୍ତୁଗୁଡିକୁ ବହୁଗୁଣିତ କରିବା (ଯୋହନ ୬:୧୧), ଅନ୍ଧକୁ (ଯୋହନ ୯:୭), ଛୋଟାକୁ (ମାର୍କ ୨:୩), ପୀଡିତଙ୍କୁ (ମାଥିଉ ୯:୩୫; ମାର୍କ ୧:୪୦-୪୨) ସୁସ୍ଥ କରିବା ଏବଂ ଏପରିକି ମୃତ ବ୍ୟକ୍ତିଙ୍କୁ ଜୀବନ ଦାନ କରିବା (ଯୋହନ ୧୧:୪୩-୪୪; ଲୂକ ୭:୧୧-୧୫; ମାର୍କ ୫:୩୫) ସମେତ ଯୀଶୁଙ୍କ ଅଳ୍ପକିଛି ଆଶ୍ଚର୍ଯ୍ୟକର୍ମ ବାଇବଲରେ ଲିଖିତ ହୋଇଛି | ଅଧିକନ୍ତୁ, ଖ୍ରୀଷ୍ଟ ନିଜେ ମଧ୍ୟ ମୃତ୍ୟୁରୁ ପୁନରୁତ୍ଥିତ ହେଲେ | ତଥାକଥିତ ବିଜାତି ଜାତକକଥାରେ ବର୍ଣ୍ଣିତ ମୃତ୍ୟୁଭୋଗ କରି ପୁନର୍ବାର ବଞ୍ଚିବା ଦେବତାମାନଙ୍କଠାରୁ ଦୂରରେ ରୁହନ୍ତୁ, ବାଇବଲରେ ବର୍ଣ୍ଣିତ ଯୀଶୁଙ୍କ ପୁନରୁତ୍ଥାନ ପରି ଆଉ କୌଣସି ଧର୍ମମତ ଦ୍ବାରା ସେମାନଙ୍କ ପୁନରୁତ୍ଥାନକୁ ଏତେ ଗୁରୁତର ଭାବେ ଦାବୀ କରାଯାଉନାହିଁ, ଏବଂ ଅନ୍ୟ କୌଣସି ଦାବୀର ଶାସ୍ତ୍ର ବାହାରେ ପ୍ରମାଣିତ ହୋଇନାହିଁ |

ଯୀଶୁଙ୍କ ବିଷୟରେ ଅନ୍ତତଃ ବାରଗୋଟି ଐତିହାସିକ ଘଟନା ଅଛି ଯାହା ଅଣ-ଖ୍ରୀଷ୍ଟିୟାନ ସମାଲୋଚନାମୂଳକ ପଣ୍ଡିତଗଣ ମଧ୍ୟ ସ୍ବୀକାର କରିବେ:

୧. ଯୀଶୁ କ୍ରୁଶବିଦ୍ଧ ହୋଇ ମୃତ୍ୟୁଭୋଗ କରିଥିଲେ |
୨. ସେ ସମାଧିପ୍ରାପ୍ତ ହୋଇଥିଲେ |
୩. ତାଙ୍କ ମୃତ୍ୟୁ ଶିଷ୍ୟମାନଙ୍କୁ ହତାଶ ଓ ଆଶାହୀନ କରାଇଲା |
୪. ଯୀଶୁଙ୍କ ସମାଧିସ୍ଥଳ କିଛି ଦିନ ପରେ ଶୂନ୍ୟ ହୋଇଥିବାର ଆବିଷୃତ ହୋଇଥିଲା (କିମ୍ବା ଆବିଷୃତ ହୋଇଥିବାର ଦାବୀ କରାଯାଇଥିଲା) |
୫. ଶିଷ୍ୟମାନେ ବିଶ୍ବାସ କଲେ ଯେ, ସେମାନେ ପୁନରୁତ୍ଥିତ ଯୀଶୁଙ୍କୁ ଦେଖିଥିବାର ଅନୁଭବ କଲେ |
୬. ଏହାପରେ, ଶିଷ୍ୟମାନେ ସନ୍ଦେହୀ ବ୍ୟକ୍ତିରୁ ସାହସୀ ବିଶ୍ବାସୀରେ ପରିବର୍ତ୍ତିତ ହୋଇଥିଲେ |
୭. ଏହି ବାର୍ତ୍ତା (ପୁନରୁତ୍ଥାନର ବାର୍ତ୍ତା) ଆଦ୍ୟ ମଣ୍ଡଳୀରେ ପ୍ରଚାରର ମୁଖ୍ୟ ବିଷୟ ଥିଲା |
୮. ଏହି ବାର୍ତ୍ତା ଯିରୁଶାଲମରେ ପ୍ରଚାର କରାଯାଇଥିଲା |
୯. ଏହି ପ୍ରଚାରର ଫଳସ୍ବରୂପ, ମଣ୍ଡଳୀ ଜନ୍ମ ନେଇଥିଲା ଏବଂ ଏହା ବୃଦ୍ଧି ପାଇଲା |
୧୦. ପୁନରୁତ୍ଥାନ ଦିବସ ଯାହାକି ରବିବାର ଥିଲା, ତାହା ଉପାସନା ନିମନ୍ତେ ଥିବା ମୁଖ୍ୟ ଦିବସ ବିଶ୍ରାମଦିନ (ଶନିବାର)ର ସ୍ଥାନ ନେଲା |
୧୧. ଯାକୁବ, ଯିଏକି ଜଣେ ସଂଶୟବାଦୀ ଥିଲେ, ସେ ପୁନରୁତ୍ଥିତ ଯୀଶୁଙ୍କୁ ଦେଖିଥିବାର ବିଶ୍ବାସ କଲା ପରେ ପରିବର୍ତ୍ତିତ ହୋଇଥିଲେ |
୧୨. ଖ୍ରୀଷ୍ଟିୟ ମତବାଦର ଶତ୍ରୁ ପାଉଲ ପୁନରୁତ୍ଥିତ ଯୀଶୁଙ୍କର ଦର୍ଶନ ପ୍ରାପ୍ତ ହୋଇଥିବାର ବିଶ୍ବାସ କରିଥିବାର ଅନୁଭବରୁ ପରିବର୍ତ୍ତିତ ହୋଇଥିଲେ |

ଏପରିକି ଯଦି କେହି ଏହି ନିର୍ଦ୍ଧିଷ୍ଟ ତାଲିକା ପ୍ରତି ଆପତ୍ତି ଉଠାଏ, କେବଳ ଅଳ୍ପକିଛି ପୁନରୁତ୍ଥାନକୁ ପ୍ରମାଣ କରିବା ଓ ସୁସମାଚାରକୁ ପ୍ରତିଷ୍ଠା କରିବାର ଆବଶ୍ୟକତା ରହିଛି: ଯୀଶୁଙ୍କ ମୃତ୍ୟୁ, ସମାଧିପ୍ରାପ୍ତ, ପୁନରୁତ୍ଥାନ, ଏବଂ ପୁନରୁତ୍ଥାନ ପରେ ଦର୍ଶନ (୧କରିନ୍ଥୀୟ ୧୫:୧-୫) | ଯେତେବେଳେ ଉପରୋକ୍ତ ବିଷୟଗୁଡିକ ମଧ୍ୟରୁ ଗୋଟିଏ କିମ୍ବା ଦୁଇଟି ଘଟନାକୁ ବୁଝାଇବାର ଯଦିଓ କେତେକ ମତବାଦ ଥାଇପାରେ, କେବଳ ପୁନରୁତ୍ଥାନ ସେହିସମସ୍ତର ବିବରଣୀ ପ୍ରଦାନ କରେ | ସମାଲୋଚକମାନେ ସ୍ବୀକାର କରନ୍ତି ଯେ ଶିଷ୍ୟମାନେ ପୁନରୁତ୍ଥିତ ଯୀଶୁଙ୍କୁ ଦେଖିଥିବାର ଦାବୀ କରିଥିଲେ | ପୁନରୁତ୍ଥାନ ଯେପରି ଭାବରେ ଲୋକମାନଙ୍କୁ ପରିବର୍ତ୍ତିତ କଲା ସେପରି ଭାବେ ମିଥ୍ୟା କିମ୍ବା ଭ୍ରମ ସେପରି ଭାବେ ଲୋକମାନଙ୍କୁ ପରିବର୍ତ୍ତିତ କରିପାରିବ ନାହିଁ | ପ୍ରଥମ, ସେମାନେ ଏହାଦ୍ବାରା କ'ଣ ଲାଭ ପାଇଥାନ୍ତେ? ଖ୍ରୀଷ୍ଟିୟ ମତବାଦ ଜଣାଶୁଣା ନ ଥିଲା ଏବଂ ନିଶ୍ଚିତ ଭାବେ ଏହା କରିବା ଦ୍ବାରା ସେମାନେ କୌଣସି ଅର୍ଥ ପ୍ରାପ୍ତ ହେଉନଥିଲେ | ଦ୍ବିତୀୟ, ମିଥ୍ୟାବାଦୀମାନେ ଉତ୍ତମ ଶହୀଦ ହୋଇପାରିବେ ନାହିଁ | ଶିଷ୍ୟମାନେ ସେମାନଙ୍କ ବିଶ୍ବାସ ଯୋଗୁଁ କରୁଣ ମୃତ୍ୟୁଭୋଗ କରିବାକୁ ଇଛା ପ୍ରକାଶ କରିବାର କାରଣ ପୁନରୁତ୍ଥାନ ବ୍ୟତୀତ ଅନ୍ୟ କିଛି ହୋଇ ନ ପାରେ | ହଁ, ଅନେକ ବ୍ୟକ୍ତି ମିଥ୍ୟାକୁ ସତ୍ୟ ବୋଲି ଭାବି ମୃତ୍ୟୁଭୋଗ କରିପାରନ୍ତି, କିନ୍ତୁ କୌଣସି ବ୍ୟକ୍ତି ଅସତ୍ୟକୁ ଜାଣିଶୁଣି ସେଥିଯୋଗୁଁ ମୃତ୍ୟୁଭୋଗ କରିନଥାନ୍ତି |

ଶେଷରେ କୁହାଯାଇପାରେ, ଖ୍ରୀଷ୍ଟ ଦାବୀ କଲେ ଯେ ସେ ଯିହୋବା ଅଟନ୍ତି ଅର୍ଥାତ୍ ତାଙ୍କଠାରେ ଈଶ୍ବରତ୍ବ ଅଛି (କେବଳ "ଏକ ଈଶ୍ବର" ନୁହଁନ୍ତି କିନ୍ତୁ ଏକମାତ୍ର ସତ୍ୟ ଈଶ୍ବର); ତାଙ୍କ ଅନୁଗାମୀଗଣ (ଯିହୂଦୀମାନେ, ଯେଉଁମାନେ କି ପ୍ରତିମାପୂଜା ବିଷୟରେ ଭୟଙ୍କର ଥିଲେ) ତାଙ୍କୁ ବିଶ୍ବାସ କଲେ ଏବଂ ତାଙ୍କୁ ଈଶ୍ବର ଭାବେ ସୂଚାଇଲେ | ଖ୍ରୀଷ୍ଟ ତାଙ୍କ ଜଗତ-ପରିବର୍ତ୍ତନକାରୀ ତାଙ୍କ ପୁନରୁତ୍ଥାନ ସମେତ ଅନେକ ଆଶ୍ଚର୍ଯ୍ୟକର୍ମ ଦ୍ବାରା ତାଙ୍କ ଈଶ୍ବରତ୍ବର ଦାବୀକୁ ପ୍ରମାଣିତ କଲେ | ଅନ୍ୟ କୌଣସି ପରିକଳ୍ପନା ଏହି ସମସ୍ତ ଘଟନାକୁ ବୁଝାଇପାରିବ ନାହିଁ | ହିଁ, ଖ୍ରୀଷ୍ଟଙ୍କର ଈଶ୍ବରତ୍ବ ବାଇବଲ ସମ୍ମତ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଖ୍ରୀଷ୍ଟଙ୍କ ଈଶ୍ବରତ୍ବ ବାଇବଲ ସମ୍ମତ କି?