ବାଇବଲର କାନନକୁ କିପରି ଓ କେବେ ଏକାଠି କରାଯାଇଥିଲା?


ପ୍ରଶ୍ନ: ବାଇବଲର କାନନକୁ କିପରି ଓ କେବେ ଏକାଠି କରାଯାଇଥିଲା?

ଉତ୍ତର:
କେଉଁ ପୁସ୍ତକଗୁଡିକ ଈଶ୍ବରଙ୍କ ବାକ୍ୟ ଅଟେ ଓ ଯେଉଁଥିଯୋଗୁଁ ତାହା ବାଇବଲରେ ରହିବ ସେହି ପୁସ୍ତକଗୁଡିକ ବିଷୟରେ କହିବା ପାଇଁ “କାନନ୍‍” ଶବ୍ଦ ବ୍ୟବହାର କରାଯାଏ । କାନନ୍‍ ନିର୍ଦ୍ଧାରଣ କରିବାରେ କଷ୍ଟକର ବିଷୟ ହେଉଛି ବାଇବଲରେ କେଉଁ ପୁସ୍ତକଗୁଡିକ ରହିବ ତାହାର ତାଲିକା ବାଇବଲ ଦିଏ ନାହିଁ । କାନନ୍‍ ନିର୍ଦ୍ଧାରଣ କରିବା ହେଉଛି ଏକ ପଦ୍ଧତି ଯାହା ପ୍ରଥମେ ଯିହୂଦୀ ରାବ୍‍‍ବୀ ଓ ପଣ୍ଡିତମାନଙ୍କ ଦ୍ବାରା ଓ ପରେ ଆଦ୍ୟ ଖ୍ରୀଷ୍ଟିୟାନମାନଙ୍କ ଦ୍ବାରା କରାଯାଇଥିଲା। ପରିଶେଷରେ କେଉଁ ପୁସ୍ତକଗୁଡିକ ବାଇବଲରେ ରହିବ ସେ ବିଷୟରେ ଈଶ୍ବର ହିଁ ନିଷ୍ପତ୍ତି ନେଇଥିଲେ । ଈଶ୍ବର ଏକ ପୁସ୍ତକରେ ଥିବା ଲେଖାକୁ ପ୍ରେରଣା ଦେବାକ୍ଷଣି ତାହା କାନନ୍‍‍ ଅନ୍ତର୍ଭୁକ୍ତ ହେଉଥିଲା । ଏହାକୁ ସରଳରେ କହିବାକୁ ଗଲେ ଏହା ହେଉଛି କେଉଁ ପୁସ୍ତକଗୁଡିକ ବାଇବଲରେ ରହିବ ସେ ବିଷୟ ଈଶ୍ବର ତାହାଙ୍କ ମନୁଷ୍ୟ ଅନୁଗାମୀମାନଙ୍କୁ ହୃତ୍‍‍ବୋଧ କରାଇବାର ଏକ ବିଷୟ ।

ନୂତନ ନିୟମ ତୁଳନାରେ, ପୁରାତନ ନିୟମ କାନନ୍‍‍ ଉପରେ ଅତି ଅଳ୍ପ ବିରୋଧାଭାସ ରହିଛି । ହିବ୍ରୁ ବା ଏବ୍ରୀୟ ବିଶ୍ବାସୀମାନେ ଈଶ୍ବରଙ୍କ ବାର୍ତ୍ତାବହମାନଙ୍କୁ ଚିହ୍ନିଥିଲେ ଓ ସେମାନଙ୍କ ଲେଖାକୁ ଈଶ୍ବରଙ୍କ ଦ୍ବାରା ଅନୁପ୍ରେରିତ ବୋଲି ଗ୍ରହଣ କରିଥିଲେ । ଯଦିଓ ପୁରାତନ ନିୟମ କାନନରେ ବିନା ପ୍ରଶ୍ନରେ କିଛି ଯୁକ୍ତି ରହିଛି, 250 ଖ୍ରୀଷ୍ଟାବ୍ଦ ବେଳକୁ ହିବ୍ରୁ ଶାସ୍ତ୍ରର କାନନକୁ ସାର୍ବଜନୀନ ଭାବରେ ଗ୍ରହଣ କରାଯାଇଥିଲା । ଆପୋକ୍ରିଫା (Apocrypha) ହିଁ ଏକମାତ୍ର ବିଷୟ ଥିଲା ଯାହାକୁ ଗ୍ରହଣ କରାଯିବ ନା ନାହିଁ ସେ ବିଷୟରେ ଦ୍ବନ୍ଦ ଥିଲା ଓ ବର୍ତ୍ତମାନ ସୁଦ୍ଧା କିଛି ଯୁକ୍ତି ଓ ଆଲୋଚନା ଚାଲିଛି । ଅଧିକାଂଶ ହିବ୍ରୁ ପଣ୍ଡିତ ଆପୋକ୍ରିଫାକୁ ଏକ ଭଲ ଐତିହାସିକ ଓ ଧର୍ମଗ୍ରନ୍ଥ ବୋଲି ମାନନ୍ତି, କିନ୍ତୁ ହିବ୍ରୁ ଶାସ୍ତ୍ରକୁ ସେମାନେ ଯେତେ ମାନନ୍ତି ସେତେ ପରିମାଣରେ ଆପୋକ୍ରିଫାକୁ ମାନନ୍ତି ନାହିଁ ।

ନୂତନ ନିୟମ ପାଇଁ, କାନନରେ ମିଶାଇବାର ଧାରା ଏବଂ ଏହାର ସଂଗ୍ରହ ଖ୍ରୀଷ୍ଟିୟାନ ମଣ୍ଡଳୀର ପ୍ରଥମ ଶତାବ୍ଦୀରେ ଆରମ୍ଭ ହୋଇଥିଲା । ଏହା ପୂର୍ବରୁ ନୂତନ ନିୟମର କିଛି ପୁସ୍ତକ ଶାସ୍ତ୍ର ଭାବରେ ଚିହ୍ନିତ ହୋଇସାରିଥିଲା । ପୁରାତନ ନିୟମ ପୁସ୍ତକଗୁଡିକ ଯେତେ ବିଶ୍ବାସଯୋଗ୍ୟ, ଲୂକଙ୍କ ଲେଖାକୁ ସେତେ ବିଶ୍ବାସଯୋଗ୍ୟ ବୋଲି ଧରିନେଇଥିଲେ (1ତିମଥି 5:18; ଦ୍ବିତୀୟ ବିବରଣ 25:4 ଓ ଲୂକ 10:7 ମଧ୍ୟ ଦେଖନ୍ତୁ) । ପାଉଲଙ୍କ ଲେଖାକୁ ପିତର ଶାସ୍ତ୍ର ଭାବେ ବିଚାର କରିଥିଲେ (2ପିତର 3:15-16) । ନୂତନ ନିୟମରେ ଥିବା କିଛି ପୁସ୍ତକ ମଣ୍ଡଳୀଗୁଡିକରେ ବଣ୍ଟାଯାଉଥିଲା (କଲସୀୟ 4:16; 1ଥେସଲନିକୀୟ 5:27) । ରୋମ୍‍‍ର କ୍ଲେମେଣ୍ଟ୍‍ (Clement) ଅନ୍ତତଃ ଆଠଗୋଟି ନୂତନ ନିୟମର ପୁସ୍ତକ ବିଷୟରେ ଲେଖିଛନ୍ତି (95 ଖ୍ରୀଷ୍ଟାବ୍ଦ) । ଆନ୍ତିୟଖିଆର ଇଗ୍ନାଟିଅସ୍‍ (Ignatius) ପ୍ରାୟ ସାତଗୋଟି ପୁସ୍ତକକୁ ସ୍ବୀକାର କରିଥିଲେ (115 ଖ୍ରୀଷ୍ଟାବ୍ଦ) । ପ୍ରେରିତ ଯୋହନଙ୍କ ଜଣେ ଶିଷ୍ୟ ପଲିକାର୍ପ (Polycarp) 15ଗୋଟି ପୁସ୍ତକକୁ ସ୍ବୀକାର କରିଥିଲେ (108 ଖ୍ରୀଷ୍ଟାବ୍ଦ) । ପରବର୍ତ୍ତୀ ସମୟରେ, ଆଇରାନିୟସ୍‍ (Irenaeus) 21 ଗୋଟି ପୁସ୍ତକ ବିଷୟରେ ଲେଖିଥିଲେ (185 ଖ୍ରୀଷ୍ଟାବ୍ଦ) । ହିପୋଲିଟସ୍‍ (Hippolytus) 22ଗୋଟି ପୁସ୍ତକକୁ ଶାସ୍ତ୍ର ଭାବରେ ଚିହ୍ନିତ କରିଥିଲେ (170-235 ଖ୍ରୀଷ୍ଟାବ୍ଦ) । ନୂତନ ନିୟମରେ ଯେଉଁ ପୁସ୍ତକଗୁଡିକରେ ଅଧିକ ବିରୋଧାଭାସ ରହିଛି, ସେଗୁଡିକ ହେଉଛି ଏବ୍ରୀ, ଯାକୁବ, 2ପିତର, 2ଯୋହନ ଓ 3 ଯୋହନ ।

ପ୍ରଥମ “କାନନ” ହେଉଛି ମୁରାସୋରିଆନ୍‍ କାନନ୍‍ (The Muratorian Canon), ଯାହା 170 ଖ୍ରୀଷ୍ଟାବ୍ଦରେ ସଂକଳିତ ହୋଇଥିଲା । ମୁରାସୋରିଆନ୍‍ କାନନ୍‍ (The Muratorian Canon)ରେ ଏବ୍ରୀ, ଯାକୁବ ଓ 3ଯୋହନକୁ ଛାଡି ସମସ୍ତ ପୁସ୍ତକ ରହିଥିଲା । 363 ଖ୍ରୀଷ୍ଟାବ୍ଦରେ, ଲାଓଦିକିଆ ପରିଷଦ (The Council of Laodicea) ଦର୍ଶାଇଥିଲା ଯେ କେବଳ ପୁରାତନ ନିୟମ (ଆପୋକ୍ରିଫା ସହିତ) ଓ ନୂତନ ନିୟମର 27ଗୋଟି ପୁସ୍ତକ ମଣ୍ଡଳୀଗୁଡିକରେ ପାଠ କରାଯିବ । ହିପ୍ପୋ ପରିଷଦ (The Council of Hippo) (393 ଖ୍ରୀଷ୍ଟାବ୍ଦ) ଓ କାର୍ଥେଜ୍‍ ପରିଷଦ (The Council of Carthage) (397 ଖ୍ରୀଷ୍ଟାବ୍ଦ) ସେହି 27ଗୋଟି ପୁସ୍ତକକୁ ବିଶ୍ବାସଯୋଗ୍ୟ ପୁସ୍ତକ ଭାବରେ ସୁନିଶ୍ଚିତ କଲେ ।

ନୂତନ ନିୟମରେ ଥିବା ପୁସ୍ତକ ବାସ୍ତବରେ ପବିତ୍ରଆତ୍ମାଙ୍କ ଦ୍ବାରା ଅନୁପ୍ରେରିତ ହୋଇଛି ନା ନାହିଁ ତାହା ନିର୍ଦ୍ଧାରଣ କରିବା ନିମନ୍ତେ ନିମ୍ନରେ ଥିବା ନୀତିଗୁଡିକ ପରି କିଛି ବିଷୟକୁ କାର୍ଯ୍ୟକାରୀ କରେ: (1) (ମାନବ) ଲେଖକ କ’ଣ ଜଣେ ଶିଷ୍ୟ ଥିଲେକି, କିମ୍ବା ଜଣେ ପ୍ରେରିତ ଶିଷ୍ୟଙ୍କ ସହ ତାଙ୍କର ଘନିଷ୍ଠ ସମ୍ପର୍କ ରହିଥିଲାକି? (2) ଖ୍ରୀଷ୍ଟଙ୍କ ଶରୀର (ବା ମଣ୍ଡଳୀ) ଏହି ପୁସ୍ତକକୁ ବହୁଳ ଭାବରେ ଗ୍ରହଣ କରନ୍ତିକି? (3) ପୁସ୍ତକଟିରେ ତତ୍ତ୍ବର ଏକତା ବା ସାମଞ୍ଜସ୍ୟ ଏବଂ ଗ୍ରହଣୀୟ ଶିକ୍ଷା ରହିଛିକି? (4) ପୁସ୍ତକଟିରେ ଏପରି ଉଚ୍ଚ ନୈତିକ ଓ ଆତ୍ମିକ ମୂଲ୍ୟବୋଧ ବିଷୟରେ ପ୍ରମାଣ ରହିଛିକି ଯାହା ପବିତ୍ରଆତ୍ମାଙ୍କ କାର୍ଯ୍ୟକୁ ଦେଖାଇବ? ପୁନର୍ବାର, ମନେ ପକାଇବା ଗୁରୁତ୍ବପୂର୍ଣ୍ଣ ବିଷୟ ଯେ ମଣ୍ଡଳୀ କାନନ୍‍‍କୁ ନିର୍ଦ୍ଧାରଣ କରିନାହିଁ । କାନନ୍‍‍ରେ କେଉଁ କେଉଁ ପୁସ୍ତକ ରହିବ ସେ ବିଷୟରେ କୌଣସି ଆଦ୍ୟ ମଣ୍ଡଳୀ ନିଷ୍ପତ୍ତି ନେଇନଥିଲେ । ବାଇବଲରେ କେଉଁ ପୁସ୍ତକଗୁଡିକ ରହିବ ତାହା ଈଶ୍ବର ଓ ଏକମାତ୍ର ଈଶ୍ବର ହିଁ ନିର୍ଦ୍ଧାରଣ କରିଥିଲେ । ସରଳରେ କହିବାକୁ ଗଲେ, ଏହା ହେଉଛି ବାଇବଲରେ କେଉଁ ପୁସ୍ତକଗୁଡିକ ରହିବା ନିମନ୍ତେ ଈଶ୍ବର ନିଷ୍ପତ୍ତି ନେଇଥିଲେ ତାହାକୁ ଈଶ୍ବର ତାହାଙ୍କ ଅନୁଗାମୀମାନଙ୍କୁ ଜଣାଇବା କାର୍ଯ୍ୟ । ବାଇବଲରେ ଥିବା ପୁସ୍ତକଗୁଡିକୁ ସଂଗ୍ରହ କରିବାର ମାନବିକ ଧାରାରେ ତ୍ରୁଟି ଥିଲା କିନ୍ତୁ ଈଶ୍ବର ତାହାଙ୍କ ସାର୍ବଭୌମତ୍ବରେ ଆମ୍ଭମାନଙ୍କ ଅଜ୍ଞତା ଓ ଜିଦ୍‍‍ଖୋର୍‍ ମନୋଭାବ ସତ୍ତ୍ବେ ସେ ଯେଉଁ ପୁସ୍ତକଗୁଡିକରେ ଥିବା ଲେଖାକୁ ପ୍ରେରଣା ଦେଇଥିଲେ ସେସବୁକୁ ଆଦ୍ୟ ମଣ୍ଡଳୀ ଦ୍ବାରା ଚିହ୍ନିତ କରିଥିଲେ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ବାଇବଲର କାନନକୁ କିପରି ଓ କେବେ ଏକାଠି କରାଯାଇଥିଲା?