ମୁଁ କିପରି ମୋ ପରିତ୍ରାଣର ଭରସାପ୍ରାପ୍ତ ହେବି?



ପ୍ରଶ୍ନ: ମୁଁ କିପରି ମୋ ପରିତ୍ରାଣର ଭରସାପ୍ରାପ୍ତ ହେବି?

ଉତ୍ତର:
ଆପଣ ଉଦ୍ଧାରପ୍ରାପ୍ତ ହୋଇଛନ୍ତି ବୋଲି କିପରି ନିଶ୍ଚିତ ହୋଇପାରିବି? ୧ଯୋହନ ୫:୧୧-୧୩ ବିଷୟ ବିବେଚନା କରନ୍ତୁ: "ସେହି ସାକ୍ଷ୍ୟ ଏହି ଯେ, ଈଶ୍ବର ଆମ୍ଭମାନଙ୍କୁ ଅନନ୍ତ ଜୀବନ ଦେଇଅଛନ୍ତି, ପୁଣି ସେହି ଜୀବନ ତାହାଙ୍କ ପୁତ୍ରଙ୍କଠାରେ ଅଛି | ଯେ ପୁତ୍ରଙ୍କୁ ପାଇଅଛି, ସେ ଜୀବନ ପାଇଅଛି; ଯେ ଈଶ୍ବରଙ୍କ ପୁତ୍ରଙ୍କୁ ପାଇନାହିଁ, ସେ ଜୀବନହିଁ ପାଇନାହିଁ | ଈଶ୍ବରଙ୍କ ପୁତ୍ରଙ୍କ ନାମରେ ବିଶ୍ବାସ କରୁଅଛ ଯେ ତୁମ୍ଭେମାନେ, ତୁମ୍ଭେମାନେ ଯେପରି ଜାଣ ଯେ, ତୁମ୍ଭେମାନେ ଅନନ୍ତ ଜୀବନ ପାଇଅଛ, ଏଥିନିମନ୍ତେ ମୁଁ ତୁମ୍ଭମାନଙ୍କ ନିକଟକୁ ଏହିସମସ୍ତ ଲେଖିଲି | କାହାଠାରେ ପୁତ୍ର ଅଛନ୍ତି? ସେହିମାନଙ୍କଠାରେ ପୁତ୍ର ଅଛନ୍ତି ଯେଉଁମାନେ ତାହାଙ୍କଠାରେ ବିଶ୍ବାସ କରିଅଛନ୍ତି ଏବଂ ଯେଉଁମାନେ ତାହାଙ୍କୁ ଗ୍ରହଣ କରିଅଛନ୍ତି (ଯୋହନ ୧:୧୨) | ଯଦି ଆପଣ ଯୀଶୁଙ୍କୁ ପାଇଛନ୍ତି ତେବେ ଆପଣ ଜୀବନ ପାଇଛନ୍ତି | ଆପଣ ଅସ୍ଥାୟୀ ଜୀବନ ପ୍ରାପ୍ତ ହୋଇନାହାନ୍ତି କିନ୍ତୁ ଅନନ୍ତ ଜୀବନ ପ୍ରାପ୍ତ ହୋଇଛନ୍ତି |

ଆମେ ଆମ ପରିତ୍ରାଣର ନିଶ୍ଚିତତା ଯେପରି ପାଉ ଏହା ଈଶ୍ବର ଚାହାନ୍ତି | ଆମେ ବାସ୍ତବରେ ଉଦ୍ଧାରପ୍ରାପ୍ତ ହୋଇଛୁ କି ନା ସେ ବିଷୟରେ ଖୋଜି ଓ ବ୍ୟସ୍ତ ହୋଇ ଆମ୍ଭମାନଙ୍କ ଖ୍ରୀଷ୍ଟିୟ ଜୀବନଯାପନ କରିପାରିବା ନାହିଁ | ସେଇଥିଯୋଗୁଁ ହିଁ ବାଇବଲ ପରିତ୍ରାଣର ଯୋଜନାକୁ ଏତେ ସ୍ବଷ୍ଟ କରିଛନ୍ତି | ଆପଣ ଯୀଶୁଖ୍ରୀଷ୍ଟଙ୍କଠାରେ ବିଶ୍ବାସ କରନ୍ତୁ ଏବଂ ଆପଣ ଉଦ୍ଧାରପ୍ରାପ୍ତ ହେବେ (ଯୋହନ ୩:୧୬; ପ୍ରେରିତ ୧୬:୩୧) | ଆପଣ କ'ଣ ବିଶ୍ବାସ କରନ୍ତି କି ଯୀଶୁ ଉଦ୍ଧାରକର୍ତ୍ତା ଅଟନ୍ତି ଏବଂ ସେ ମୃତ୍ୟୁଭୋଗ କଲେ ଯେପରିକି ସେ ଆପଣଙ୍କ ପାପର ପାଉଣା ପରିଶୋଧ କରିବେ (ରୋମୀୟ ୫:୮; ୨କରିନ୍ଥୀୟ ୫:୨୧)? ପରିତ୍ରାଣ ନିମନ୍ତେ ଆପଣ କେବଳ ତାହାଙ୍କଠାରେ ହିଁ ବିଶ୍ବାସ କରୁଛନ୍ତି କି? ଯଦି ଆପଣଙ୍କ ଉତ୍ତର ହଁ, ତେବେ ଆପଣ ଉଦ୍ଧାରପ୍ରାପ୍ତ ଅଟନ୍ତି | ନିଶ୍ଚିତତାର ଅର୍ଥ ହେଉଛି "ସମସ୍ତ ଦ୍ବନ୍ଦର ଊର୍ଦ୍ଧ୍ବରେ ରହିବା" | ଈଶ୍ବରଙ୍କ ବାକ୍ୟ ମଧ୍ୟକୁ ନେବା ଦ୍ବାରା, ଆପଣଙ୍କ ଅନନ୍ତ ପରିତ୍ରାଣର ବାସ୍ତବତା ବିଷୟରେ ଆପଣ "ସମସ୍ତ ଦ୍ବନ୍ଦ ବା ସନ୍ଦେହର ବଳୟର ଊର୍ଦ୍ଧ୍ବରେ ରୁହନ୍ତି" |

ଯେଉଁମାନେ ଯୀଶୁଙ୍କ ଠାରେ ବିଶ୍ବାସ କଲେ, ସେମାନଙ୍କ ବିଷୟରେ ଯୀଶୁ ନିଜେ ଦୃଢ୍ ଭାବରେ କହନ୍ତି " ପୁଣି ମୁଁ ସେମାନଙ୍କୁ ଅନନ୍ତ ଜୀବନ ଦିଏ, ଆଉ ସେମାନେ କଦାପି କେବେ ହେଁ ବିନଷ୍ଟ ହେବେ ନାହିଁ, ପୁଣି କେହି ମୋ' ହସ୍ତରୁ ସେମାନଙ୍କୁ ହରଣ କରିବ ନାହିଁ | ମୋହର ପିତା ମୋତେ ଯାହା ଦେଇଅଛନ୍ତି, ତାହା ସବୁଠାରୁ ବହୁମୂଲ୍ୟ, ଆଉ ପିତାଙ୍କ ହସ୍ତରୁ କେହି ତାହା ହରଣ କରିପାରେନାହିଁ | (ଯୋହନ ୧୦:୨୮-୨୯) | ଅନନ୍ତ ଜୀବନ ହେଉଛି କେବଳ ଅନନ୍ତଜୀବନ | କୌଣସି ବ୍ୟକ୍ତି, ଏପରିକି ଆପଣ ନିଜେ ମଧ୍ୟ ଖ୍ରୀଷ୍ଟଙ୍କ ଈଶ୍ବରଦତ୍ତ ପରିତ୍ରାଣର ଦାନକୁ ଆପଣଙ୍କଠାରୁ ହରଣ କରିପାରିବେ ନାହିଁ |

ଆମେ ଈଶ୍ବରଙ୍କ ବାକ୍ୟ ଆମ୍ଭମାନଙ୍କ ହୃଦୟରେ ସଞ୍ଚୟ କରି ରଖୁ ଯେପରିକି ଆମେ ତାଙ୍କ ବିରୁଦ୍ଧରେ ପାପ କରିବା ନାହିଁ (ଗୀତ ୧୧୯:୧୧), ଏବଂ ଏହା ସନ୍ଦେହ କରିବାର ପାପକୁ ମଧ୍ୟ ଅନ୍ତର୍ଭୁକ୍ତ କରେ | ଈଶ୍ବରଙ୍କ ବାକ୍ୟ ଆପଣଙ୍କୁ ଯାହା କୁହେ, ତହିଁରେ ଆନନ୍ଦିତ ହୁଅନ୍ତୁ, ଯେପରିକି ସନ୍ଦେହ କରିବା ପରିବର୍ତ୍ତେ ଆମେ ନିଶ୍ଚିତରେ ଜୀବନ ଧାରଣ କରିପାରିବା! ଆମର ପରିତ୍ରାଣ ଯେ କେବେ ବି ଏକ ପ୍ରଶ୍ନରେ ରହିବ ନାହିଁ ସେ ବିଷୟରେ ଆମେ ଖ୍ରୀଷ୍ଟଙ୍କ ନିଜ ବାକ୍ୟରୁ ନିଶ୍ଚିତ ହୋଇପାରିବା | ଆମର ନିଶ୍ଚିତତା ଯୀଶୁଖ୍ରୀଷ୍ଟଙ୍କ ମାଧ୍ୟମରେ ଆମ ନିମନ୍ତେ ଈଶ୍ବରଙ୍କ ପ୍ରେମ ଉପରେ ପର୍ଯ୍ୟବେସିତ ଅଟେ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କିପରି ମୋ ପରିତ୍ରାଣର ଭରସାପ୍ରାପ୍ତ ହେବି?