ସୁରାପାନ / ମଦ୍ୟପାନ କରିବା ବିଷୟରେ ବାଇବଲ କ'ଣ କୁହେ? ଜଣେ ଖ୍ରୀଷ୍ଟିୟାନ ସୁରାପାନ / ମଦ୍ୟପାନ କରିବା ପାପ ଅଟେ କି?



ପ୍ରଶ୍ନ: ସୁରାପାନ / ମଦ୍ୟପାନ କରିବା ବିଷୟରେ ବାଇବଲ କ'ଣ କୁହେ? ଜଣେ ଖ୍ରୀଷ୍ଟିୟାନ ସୁରାପାନ / ମଦ୍ୟପାନ କରିବା ପାପ ଅଟେ କି?

ଉତ୍ତର:
ସୁରାପାନା କରିବା ବିଷୟରେ ଶାସ୍ତ୍ର ବହୁତ ଗୁଡିଏ କଥା କହେ (ଲେବୀୟ ୧୦:୯; ଗଣନା ୬:୩; ଦ୍ବିତୀୟ ବିବରଣ ୨୯:୬; ବିଚାରକର୍ତ୍ତା ୧୩:୪, ୭, ୧୪; ହିତୋପଦେଶ ୨୦:୧; ୩୧:୪; ଯିଶାଇୟ ୫:୧୧, ୨୨; ୨୪:୯; ୨୮:୭; ୨୯:୯; ୫୬:୧୨) | ଅଥଚ, ଶାସ୍ତ୍ର ଜଣେ ଖ୍ରୀଷ୍ଟିୟାନଙ୍କୁ ବିୟର୍, ମଦ କିମ୍ବା ଆଲକୋହଲ୍ ଥିବା ଅନ୍ୟ ଯେକୌଣସି ପାନୀୟ ପାନ କରିବାକୁ ବାରଣ କରେନାହିଁ | ବାସ୍ତବରେ କିଛି ଶାସ୍ତ୍ରାଂଶ ଆଲକୋହଲ୍ କୁ ସାକାରାତ୍ମକ ଦୃଷ୍ଟିକୋଣରେ ଦର୍ଶାଇଥାଏ | ଉପଦେଶକ ୯:୭ ଆମ୍ଭମାନଙ୍କୁ "ହୃଷ୍ଟଚିତ୍ତରେ ଆପଣା ଦ୍ରାକ୍ଷାରସ ପାନ କର" ବୋଲି ନିର୍ଦ୍ଦେଶ ଦିଏ | ଗୀତ ୧୦୪:୧୪-୧୫ ଦର୍ଶାଏ ଯେ, ଈଶ୍ବର "ମନୁଷ୍ୟର ଚିତ୍ତ ଆନନ୍ଦକାରୀ ଦ୍ରାକ୍ଷାରସ" ଦିଅନ୍ତି | ଆମୋଷ ୯:୪ ଆପଣଙ୍କ ନିଜ ଦ୍ରାକ୍ଷାକ୍ଷେତ୍ରରୁ ଦ୍ରାକ୍ଷାରସ ପାନ କରିବା ଈଶ୍ବରଙ୍କ ଆଶୀର୍ବାଦର ଏକ ଚିହ୍ନ ବୋଲି କୁହେ | ଯିଶାଇୟ ୫୫:୧ "...ଦ୍ରାକ୍ଷାରସ ଓ ଦୁଗ୍ଧ କିଣ" ବୋଲି ଉତ୍ସାହିତ କରେ | ଈଶ୍ବର ଖ୍ରୀଷ୍ଟିୟାନମାନଙ୍କୁ ଆଲକହୋଲ୍ ବିଷୟରେ ଆଦେଶ ଦେବା ହେଉଛି ମତ୍ତତାରୁ ଦୂରେଇ ରହିବା (ଏଫିସୀୟ ୫:୧୮) | ବାଇବଲ ମତ୍ତତା ଓ ଏହାର ଫଳାଫଳକୁ ନିନ୍ଦା କରେ (ହିତୋପଦେଶ ୨୩:୨୯-୩୫) | ଖ୍ରୀଷ୍ଟିୟାନମାନେ ମଧ୍ୟ କୌଣସି ବିଷୟ ଦ୍ବାରା "ଦାସ" ହେବାରୁ ନିଜ ଶରୀରକୁ ଅନୁମତି ନ ଦେବା ନିମନ୍ତେ କୁହାଯାଇଛି (୧କରିନ୍ଥୀୟ ୬:୧୨; ୨ପିତର ୨:୧୯) |

ଯୀଶୁ ଜଳକୁ ଦ୍ରାକ୍ଷାରସରେ ପରିଣତ କରିଥିଲେ |ଏପରିକି ଜଣାଯାଏ ଯେ, ଯୀଶୁ ସ୍ଥଳ ବିଶେଷରେ ଦ୍ରାକ୍ଷାରସ ପାନ କରିଥିଲେ (ଯୋହନ ୨:୧-୧୧; ମାଥିଉ ୨୬:୨୯) | ନୂତନ ନିୟମ ଯୁଗରେ, ଜଳ ବହୁତ ପରିଷ୍କାର ନ ଥିଲା | ଆଧୁନିକ ଜଳପରିଷ୍କାରକ ପଦ୍ଧତି ବିନା ଜଳ ଅନେକ ସମୟରେ ବୀଜାଣୁ, ଭୂତାଣୁ ଏବଂ ସମସ୍ତ ପ୍ରକାର ସଂକ୍ରମିତ ବିଷୟ ଦ୍ବାରା ପୂର୍ଣ୍ଣ ଥିଲା | ଠିକ୍ ସେହି ବିଷୟଟି ଆଜି ଅନେକ ତୃତୀୟ ବିଶ୍ବରେ ଥିବା ଦେଶଗୁଡିକ ନିମନ୍ତେ ସତ୍ୟ ଅଟେ | ଫଳସ୍ବରୂପ, ଲୋକମାନେ ଅନେକ ସମୟରେ ଦ୍ରାକ୍ଷାରସ (ବା ଅଙ୍ଗୁର ରସ) ପାନ କରୁଥିଲେ କାରଣ ଏହା ସଂକ୍ରମିତ ହେବାର ବହୁତ୍ କମ୍ ସମ୍ଭାବନା ଥିଲା | ୧ତିମଥି ୫:୨୩ରେ ପାଉଲ ତିମଥିଙ୍କୁ ଜଳପାନ କରିବାରୁ ବିରତ ରହିବା (ଯାହା ତାଙ୍କୁ ସମ୍ଭବତଃ ଉଦର ସମାସ୍ୟା କରାଉଥିଲା) ନିମନ୍ତେ ନିର୍ଦ୍ଦେଶ ଦେଇଥିଲେ ଏବଂ ତା' ବଦଳରେ ଦ୍ରାକ୍ଷାରସ ପାନ କରିବାକୁ କହିଥିଲେ | ସେହି ସମୟରେ ଦ୍ରାକ୍ଷାରସକୁ ପଚାଯାଉଥିଲା (କିଣ୍ବନ ପ୍ରକ୍ରିୟାରେ) (ଆଲକୋହଲ୍ ଧାରଣ କରି), କିନ୍ତୁ ଆଜିକାଲି ଯେଉଁ ଅନୁପାତରେ କରାଯାଉଥିଲା ସେପରି କରିବାର ଏତେ ଆବଶ୍ୟକତା ନ ଥିଲା | ଏହା ଯେ, ଅଙ୍ଗୁର ରସ ତାହା କହିବା ଭୁଲ୍ ଅଟେ, କିନ୍ତୁ ଏହା ମଧ୍ୟ କହିବା ଭୁଲ୍ ଅଟେ ଯେ, ଆଜିକାଲି ଯେପରି ମଦ୍ୟ ପ୍ରସ୍ତୁତ ହୁଏ, ଏହା ଠିକ୍ ସେପରି ମଦ୍ୟ ଥିଲା | ପୁନଶ୍ଚ, ଶାସ୍ତ୍ର ଖ୍ରୀଷ୍ଟିୟାନମାନଙ୍କୁ ବିୟର୍, ଦ୍ରାକ୍ଷାରସ କିମ୍ବା ଆଲକୋହଲ୍ ମିଶିଥିବା ଅନ୍ୟ ଯେକୌଣସି ପାନୀୟ ପାନ କରିବା ନିମନ୍ତେ ବାରଣ କରେନାହିଁ | ଆଲକୋହଲ୍ ନିଜେ ବା ଏହାକୁ ପାନ କରିବା ପାପ ନୁହେଁ କିନ୍ତୁ ଆଲକୋହଲ୍ ଦ୍ବାରା ମତ୍ତ ଓ ଏହାର ଆସକ୍ତି ହିଁ ପାପ ଅଟେ ଯେଉଁଥିରୁ ଜଣେ ଖ୍ରୀଷ୍ଟିୟାନ୍ ସମ୍ପୂର୍ଣ୍ଣ ରୂପେ ଦୂରେଇ ରହିବାକୁ ପଡିବ (ଏଫିସୀୟ ୫:୧୮; ୧କରିନ୍ଥୀୟ ୬:୧୨) |

ଆଲକୋହଲ୍ ଅଳ୍ପ ପରିମାଣରେ ପାନ କଲେ, ଏହା କ୍ଷତିକାରକ ନୁହେଁ କିମ୍ବା ଆସକ୍ତି ନୁହେଁ | ବାସ୍ତବରେ, କେତେକେ ଡାକ୍ତର ସ୍ବାସ୍ଥ୍ୟ ନିମନ୍ତେ, ବିଶେଷତଃ ହୃଦୟ ସମାସ୍ୟାରୁ ରକ୍ଷା ପାଇବା ନିମନ୍ତେ କିଛି କିଛି ମଦ୍ୟପାନ କରିବା ନିମନ୍ତେ କହିଥାନ୍ତି | ଅଳ୍ପ ପରିମାଣରେ ଆଲକୋହଲ୍ ପାନ କରିବା ଖ୍ରୀଷ୍ଟିୟାନ ସ୍ବାଧୀନତାର ଏକ ବିଷୟ ଅଟେ | ମତ୍ତତା ଏବଂ ଆସକ୍ତି ପାପ ଅଟେ | ଅଥଚ, ଆଲକୋହଲ୍ ଏବଂ ଏହାର କୁପ୍ରଭାବ ବିଷୟରେ ବାଇବଲ ସମ୍ବନ୍ଧୀୟ ଚିନ୍ତାର ବିଷୟଗୁଡିକ ଯୋଗୁଁ, ଅଧିକ ପରିମାଣର ଆଲକୋହଲ୍ ପାନ କରିବାର ପ୍ରଲୋଭନ ଏବଂ ଅପରାଧ କିମ୍ବା/ଏବଂ ଅନ୍ୟମାନଙ୍କର ଝୁଣ୍ଟିବାର କାରଣ ହେବାର ସମ୍ଭାବନା ଯୋଗୁଁ ଜଣେ ଖ୍ରୀଷ୍ଟିୟାନ ଆଲକୋହଲରୁ ଦୂରରେ ରହିବା ଅନେକ ସମୟରେ ସର୍ବୋତ୍ତମ ହୋଇଥାଏ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ସୁରାପାନ / ମଦ୍ୟପାନ କରିବା ବିଷୟରେ ବାଇବଲ କ'ଣ କୁହେ? ଜଣେ ଖ୍ରୀଷ୍ଟିୟାନ ସୁରାପାନ / ମଦ୍ୟପାନ କରିବା ପାପ ଅଟେ କି?