ମୁଁ କିପରି ଭାବରେ ପବିତ୍ରଆତ୍ମାରେ ପୂର୍ଣ୍ଣ ହେବି?



ପ୍ରଶ୍ନ: ମୁଁ କିପରି ଭାବରେ ପବିତ୍ରଆତ୍ମାରେ ପୂର୍ଣ୍ଣ ହେବି?

ଉତ୍ତର:
ପବିତ୍ରଆତ୍ମାରେ ପୂର୍ଣ୍ଣ ହେବାର ଏକ ଗୁରୁତ୍ବପୂର୍ଣ୍ଣ ପଦ ହେଉଛି ଯୋହନ ୧୪:୧୬ ଯେଉଁଠି ଯୀଶୁ ପ୍ରତିଜ୍ଞା କରିଥିଲେ ଯେ, ଆତ୍ମା ବିଶ୍ବାସୀଗଣଙ୍କ ହୃଦୟରେ ବାସ କରିବେ ଏବଂ ଏହି ବାସ କରିବା ପ୍ରକ୍ରିୟା ସ୍ଥାୟୀ ହେବ | ପବିତ୍ରଆତ୍ମାଙ୍କ ଅନ୍ତର୍ବାସ ଓ ପବିତ୍ରଆତ୍ମାରେ ପୂର୍ଣ୍ଣ ହେବା ମଧ୍ୟରେ ପାର୍ଥକ୍ୟ ଦେଖିବା ଗୁରୁତ୍ବପୂର୍ଣ୍ଣ ଅଟେ | ପବିତ୍ରଆତ୍ମାଙ୍କ ଅନ୍ତର୍ବାସ କେବଳ କେତୋଟି ବିଶ୍ବାସୀଗଣଙ୍କ ନିମନ୍ତେ ନୁହେଁ, କିନ୍ତୁ ଏହା ସମସ୍ତ ବିଶ୍ବାସୀଗଣଙ୍କ ନିମନ୍ତେ ଅଟେ | ଏହି ସିଦ୍ଧାନ୍ତକୁ ଅନୁମୋଦନ କରୁଥିବା ଅନେକ ଶାସ୍ତ୍ର ସମ୍ବନ୍ଧ ଉଲ୍ଲେଖ ଅଛି | ପ୍ରଥମ, ପବିତ୍ରଆତ୍ମା ହେଉଛନ୍ତି ଏକ ଦାନ ଯାହା କୌଣସି ବ୍ୟତିକ୍ରମଣ ବିନା ଯୀଶୁଙ୍କଠାରେ ସମସ୍ତ ବିଶ୍ବାସୀଙ୍କୁ ଦତ୍ତ ଅଟେ, ଏବଂ ଖ୍ରୀଷ୍ଟଙ୍କଠାରେ ବିଶ୍ବାସ ବ୍ୟତୀତ କୌଣସି ସର୍ତ୍ତ ଏହି ଦାନ ଉପରେ ସ୍ଥାପିତ ନୁହେଁ (ଯୋହନ ୭:୩୭-୩୯) | ଦ୍ବିତୀୟ, ପବିତ୍ରଆତ୍ମା ପରିତ୍ରାଣ ପାଇବା କ୍ଷଣି ଦତ୍ତ ହୋଇଥାନ୍ତି (ଏଫିସୀୟ ୧:୧୩) | ଗାଲାତୀୟ ୩:୨ ବିଶ୍ବାସ କରିବା କ୍ଷଣି ପବିତ୍ରଆତ୍ମାଙ୍କ ମୁଦ୍ରାଙ୍କ ଓ ଅନ୍ତର୍ବାସ ଘଟିଥାଏ ବୋଲି କହି ଏହି ସମାନ ସତ୍ୟକୁ ଗୁରୁତ୍ବ ପ୍ରଦାନ କରେ | ତୃତୀୟ, ପବିତ୍ରଆତ୍ମା ବିଶ୍ବାସୀଗଣଙ୍କ ହୃଦୟରେ ସ୍ଥାୟୀ ଭାବେ ବାସ କରନ୍ତି | ପବିତ୍ରଆତ୍ମା ବିଶ୍ବାସୀଗଣଙ୍କୁ ଏକ ଡାଉନ୍ ପେ'ମେଣ୍ଟ୍, କିମ୍ବା ଖ୍ରୀଷ୍ଟଙ୍କଠାରେ ସେମାନଙ୍କର ଭବିଷ୍ୟଦ୍ ଗୌରବକରଣର ଯାଞ୍ଚ୍ ଭାବେ ଦତ୍ତ ହୋଇଥାନ୍ତି (୨କରିନ୍ଥୀୟ ୧:୨୨; ଏଫିସୀୟ ୪:୩୦) |

ଏଫିସୀୟ ୫:୧୮ରେ ଉଲ୍ଲେଖଥିବା ଆତ୍ମାରେ ପରିପୂର୍ଣ୍ଣର ଅସମତା ଅଟେ | ଆମେ ସମ୍ପୂର୍ଣ୍ଣରୂପେ ପବିତ୍ରଆତ୍ମାଙ୍କ ନିକଟରେ ନିଜକୁ ସମର୍ପିଦେବା ଉଚିତ୍ ଯେପରିକି ସେ ଆମ୍ଭମାନଙ୍କୁ ସମ୍ପୂର୍ଣ୍ଣ ଭାବରେ ଅଧିକାର କରିପାରିବେ, ଏବଂ ସେହି ଅର୍ଥରେ ଆମ୍ଭମାନଙ୍କଠାରେ ପରିପୂର୍ଣ୍ଣ ହେବେ | ରୋମୀୟ ୮:୯ ଏବଂ ଏଫିସୀୟ ୧:୧୩-୧୪ ଦର୍ଶାଏ ଯେ, ସେ ପ୍ରତ୍ୟେକ ବିଶ୍ବାସୀଙ୍କ ହୃଦୟରେ ବାସ କରନ୍ତି କିନ୍ତୁ ତାଙ୍କୁ ଦୁଃଖ ଦିଆଯାଇପାରିବ (ଏଫିସୀୟ ୪:୩୦), ଏବଂ ଆମ ମଧ୍ୟରେ ତାଙ୍କ କାର୍ଯାବଳୀକୁ ନିର୍ବାଣ କରାଯାଇପାରିବ (୧ଥେସଲନିକୀୟ ୫:୧୯) | ଯେତେବେଳେ ଏହା ହେବା ନିମନ୍ତେ ଆମେ ଅନୁମତି ଦେଉ, ସେତେବେଳେ ଆମଠାରେ ଓ ଆମ ମାଧ୍ୟମରେ ଆତ୍ମାଙ୍କର କାର୍ଯ୍ୟକରିବା ଓ ଶକ୍ତିର ପୂର୍ଣ୍ଣତାକୁ ଅନୁଭବ କରିପାରିବା ନାହିଁ | ଆତ୍ମାରେ ପୂର୍ଣ୍ଣ ହେବାର ଅର୍ଥ ହେଉଛି ଆମ ଜୀବନର ପ୍ରତ୍ୟେକ ଅଂଶ ଅଧିକାର କରିବାକୁ ଏବଂ ପଥପ୍ରଦର୍ଶନ ଓ ନିୟନ୍ତ୍ରଣ କରିବା ନିମନ୍ତେ ତାଙ୍କୁ ମୁକ୍ତ କରାଇବା | ସେତେବେଳେ ତାଙ୍କ ଶକ୍ତି ଆମ୍ଭମାନଙ୍କ ମାଧ୍ୟମରେ ପ୍ରୟୋଗ କରାଯିବ | ଆତ୍ମାଙ୍କ ପୂର୍ଣ୍ଣତା କେବଳ ବାହ୍ୟ କାର୍ଯ୍ୟଗୁଡିକୁ ପ୍ରୟୋଗ କରେନାହିଁ; ଏହା ମଧ୍ୟ ହୃଦୟର ଚିନ୍ତାସକଳ ଏବଂ ଆମ୍ଭମାନଙ୍କର କାର୍ଯ୍ୟର ଉଦ୍ଦେଶ୍ୟସକଳରେ ପ୍ରୟୋଗ ହୁଏ | ଗୀତସଂହିତା ୧୯:୧୪ କୁହେ, "ହେ ସଦାପ୍ରଭୁ, ମୋହର ଶୈଳ ଓ ମୋହର ମୁକ୍ତିକର୍ତ୍ତା, ତୁମ୍ଭ ଦୃଷ୍ଟିରେ ମୋ ମୁଖର ବାକ୍ୟ ଓ ମୋ' ଅନ୍ତଃକରଣର ଧ୍ୟାନ ସୁଗ୍ରାହ୍ୟ ହେଉ |"

ପାପ ଏପରି ଏକ ବିଷୟ ଯାହା ପବିତ୍ରଆତ୍ମାଙ୍କ ପୂର୍ଣ୍ଣତାକୁ ବାଧା ଦିଏ, ଏବଂ ଈଶ୍ବରଙ୍କ ପ୍ରତି ବାଧ୍ୟତା ହିଁ ପବିତ୍ରଆତ୍ମାରେ ପୂର୍ଣ୍ଣତାକୁ ବଜାୟ ରଖେ | ଏଫିସୀୟ ୫:୧୮ ଆଦେଶ ଦିଏ ଯେ, ଆମ୍ଭେମାନେ ପବିତ୍ରଆତ୍ମାରେ ପୂର୍ଣ୍ଣ ହେବା; ଅଥଚ, ପବିତ୍ରଆତ୍ମାରେ ପୂର୍ଣ୍ଣ ହେବାର କାର୍ଯ୍ୟ ନିମନ୍ତେ ଆମ୍ଭେମାନେ ପବିତ୍ରଆତ୍ମାରେ ପୂର୍ଣ୍ଣ ହେବା ନିମନ୍ତେ ପ୍ରାର୍ଥନା ନୁହେଁ | କେବଳ ଈଶ୍ବରଙ୍କ ଆଦେଶସକଳ ପ୍ରତି ଆମ୍ଭମାନଙ୍କର ବାଧ୍ୟତା ହିଁ ଆତ୍ମାଙ୍କୁ ଆମ୍ଭମାନଙ୍କ ମଧ୍ୟରେ କାର୍ଯ୍ୟ କରିବା ନିମନ୍ତେ ମୁକ୍ତ କରାଏ | ଯେହେତୁ ଆମେ ଏବେ ସୁଦ୍ଧା ପାପରେ ସଂକ୍ରମିତ ଅଟୁ, ତେଣୁ ସର୍ବଦା ପବିତ୍ରଆତ୍ମାରେ ପୂର୍ଣ୍ଣ ହେବା ଅସମ୍ଭବ ଅଟେ | ଯେତେବେଳେ ଆମେ ପାପ କରୁ, ଆମେ ସାଙ୍ଗେ ସାଙ୍ଗେ ଏହାକୁ ଈଶ୍ବରଙ୍କ ନିକଟରେ ସ୍ବୀକାର କରିବା ଉଚିତ୍ ଏବଂ ଆତ୍ମାରେ ପୂର୍ଣ୍ଣ ଏବଂ ଆତ୍ମାଚାଳିତ ହେବା ନିମନ୍ତେ ଆମ୍ଭମାନଙ୍କର ପ୍ରତିଶ୍ରୁତିବଦ୍ଧତାକୁ ନୂତନୀକୃତ କରିବାକୁ ପଡିବ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କିପରି ଭାବରେ ପବିତ୍ରଆତ୍ମାରେ ପୂର୍ଣ୍ଣ ହେବି?