ପବିତ୍ର ଆତ୍ମା କିଏ? ପବିତ୍ର ଆତ୍ମା ଈଶ୍ବର କି?


ପ୍ରଶ୍ନ: ପବିତ୍ର ଆତ୍ମା କିଏ? ପବିତ୍ର ଆତ୍ମା ଈଶ୍ବର କି?

ଉତ୍ତର:
ପବିତ୍ର ଆତ୍ମାଙ୍କ ବିଷୟରେ ଅନେକ ମିଥ୍ୟା ଧାରଣା ରହିଅଛି । କେତକ ପବିତ୍ର ଆତ୍ମାଙ୍କୁ ରହସ୍ୟମୟ ଶକ୍ତି ରୂପେ ବିଚାର କରନ୍ତି । ଆଉ କେତେକ ଭାବନ୍ତି ଯେ ପବିତ୍ର ଆତ୍ମା ଅବ୍ୟକ୍ତିବାଚକ ଶକ୍ତି ଯାହାକୁ ଈଶ୍ବର ସମସ୍ତ ଖ୍ରୀଷ୍ଟ ବିଶ୍ବାସୀମାନଙ୍କ ନିମନ୍ତେ ଉପଲବଧ କରିଅଛନ୍ତି । ବାଇବଲ ପବିତ୍ର ଆତ୍ମାଙ୍କ ପରିଚୟ ସମ୍ପର୍କରେ କଅଣ କହେ? ସଧାରଣ ଭାବରେ କହିବାକୁ ଗଲେ, ବାଇବଲ ଘୋଷଣା କରେ ଯେ ପବିତ୍ର ଆତ୍ମା ଈଶ୍ବର ଅଟନ୍ତି । ବାଇବଲ ମଧ୍ୟ କହେ ଯେ ପବିତ୍ର ଆତ୍ମା ଐଶ୍ବରିକ ବ୍ୟକ୍ତି ଅଟନ୍ତି ଯାହାଙ୍କ ପାଖରେ ମନ, ଭାବନା ଓ ଇଚ୍ଛା ରହିଅଛି ।

ପ୍ରେରିତ ୫:୩-୪କୁ ମିଶାଇ, ବାଇବଲରେ ସ୍ପଷ୍ଟଭାବରେ ଅନେକ ପଦ ପର୍ବ ରହିଅଛି ଯାହା ପବିତ୍ର ଆତ୍ମା ଈଶ୍ବର ବୋଲି ପ୍ରମାଣ ଦିଏ । ଏହି ପଦରେ, ପିତର ହନନୀୟର ମୁଖରେ କହନ୍ତି ଯେ ସେ ପବିତ୍ର ଆତ୍ମାଙ୍କୁ କାହିଁକି ମିଥ୍ୟା କହିଲେ ଓ ସେ ତାହାଙ୍କୁ କହନ୍ତି ଯେ ସେ “ମନୁଷ୍ୟମାନଙ୍କୁ ମିଥ୍ୟା କହିନାହାନ୍ତି କିନ୍ତୁ ଈଶ୍ବରଙ୍କ ନିକଟରେ ମିଥ୍ୟା କହିଅଛି” । ଏହା ଏକ ସ୍ପଷ୍ଟ ଘୋଷଣା ଯେ ପବିତ୍ର ଆତ୍ମାଙ୍କୁ ମିଥ୍ୟା କହିବା ଈଶ୍ବରଙ୍କ ନିକଟରେ ମିଥ୍ୟା କହିବା ସହ ସମତୁଲ୍ୟ । ଆମେ ଜାଣିପାରିବା ଯେ ପବିତ୍ର ଆତ୍ମା ଈଶ୍ବର ଅଟନ୍ତି କାରଣ ତାହାଙ୍କ’ଠାରେ ଈଶ୍ବରଙ୍କ ଗୁଣସମୂହ ରହିଅଛି । ଉଦାହରଣ ସ୍ବରୂପେ, ତାହାଙ୍କ ସର୍ବ’ବ୍ୟାପୀ ଗୁଣ ଗୀତସଂହିତା ୧୩୯:୭-୮ ରେ ଉଲ୍ଲେଖ କରାଯାଇଅଛି, “ତୁମ୍ଭ ଆତ୍ମାଠାରୁ ମୁଁ କେଉଁଠାକୁ ଯିବି? ଅବା ତୁମ୍ଭ ସାକ୍ଷାତରୁ ମୁଁ କେଉଁଠାକୁ ପଳାଇବି? ଯେବେ ମୁଁ ସ୍ବର୍ଗକୁ ଆରୋହଣ କରେ, ତେବେ ତୁମ୍ଭେ ସେଠାରେ, ଯେବେ ମୁଁ ପାତଳରେ ବିଛଣା କରେ, ତେବେ ଦେଖ, ତୁମ୍ଭେ ସେଠାରେ..”। ତତ୍ପରେ, ୧ କରନ୍ଥୀୟ ୨:୧୦-୧୧ରେ, ଆମେ ପବିତ୍ର ଆତ୍ମାଙ୍କ ସର୍ବବ୍ୟାପୀ ଚରିତ୍ରକୁ ଦେଖୁ, “...ଈଶ୍ବର ଆମ୍ଭମାନଙ୍କ ନିମନ୍ତେ ଆତ୍ମାଙ୍କ ଦ୍ବାରା ସେସମସ୍ତ ପ୍ରକାଶ କରିଅଛନ୍ତି; ଯେଣୁ, ଆତ୍ମା ସମସ୍ତ ବିଷୟ, ହଁ, ଈଶ୍ବରଙ୍କର ଗଭୀର ବିଷୟସବୁ ଅନୁସନ୍ଧାନ କରନ୍ତି । କାରଣ ମନୁଷ୍ୟର ବିଷୟସବୁ ମନୁଷ୍ୟଠାରେ ଥିବା ଆତ୍ମା ବିନା ଆଉ କିଏ ଜାଣେ? ସେହିପରି ମଧ୍ୟ ଈଶ୍ବରଙ୍କ ବିଷୟସବୁ ଈଶ୍ବରଙ୍କ ଆତ୍ମା ବିନା ଆଉ କେହି ଜାଣେ ନାହିଁ ।”

ଆମେ ଜାଣିପାରିବା ଯେ ପବିତ୍ର ଆତ୍ମା ବାସ୍ତବରେ ଜଣେ ଐଶ୍ବରିକ ବ୍ୟକ୍ତି କାରଣ ତାହାଙ୍କ ପାଖରେ ମନ, ଭାବନା ଓ ଇଚ୍ଛା ଭଳି ଗୁଣ ରହିଅଛି । ପବିତ୍ର ଆତ୍ମା ଚିନ୍ତା କରନ୍ତି ଓ ଜାଣନ୍ତି (୧ କରନ୍ଥୀୟ ୨:୧୦) । ପବିତ୍ର ଆତ୍ମା ଦୁଃଖିତ ହୋଇପାରନ୍ତି (ଏଫିସୀୟ ୪:୩୦) । ଆତ୍ମା ଆମ ସପକ୍ଷରେ ନିବେଦନ କରନ୍ତି (ରୋମୀୟ ୮:୨୬-୨୭) । ସେ ତାହାଙ୍କ ନିଜ ଇଛାନୁସାରେ ନିଷ୍ପତି ନିଅନ୍ତି (୧ କରନ୍ଥୀୟ ୧୨:୭-୧୧) । ପବିତ୍ର ଆତ୍ମା ଈଶ୍ବର, ତ୍ରିଏକ ପରମେଶ୍ବରଙ୍କ ମଧ୍ୟରେ ଏକ ବ୍ୟକ୍ତି ଅଟନ୍ତି । ଈଶ୍ବର ଭବାରେ, ଯୀଶୁ ଯେପରି ପ୍ରତିଜ୍ଞା କରିଥିଲେ, ପବିତ୍ର ଆତ୍ମା ବାସ୍ତବରେ ସ୍ବାନ୍ତନାକାରୀ ଓ ସାହାଯ୍ୟକାରୀ ଭାବରେ କାର୍ଯ୍ୟ କରନ୍ତି ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ପବିତ୍ର ଆତ୍ମା କିଏ? ପବିତ୍ର ଆତ୍ମା ଈଶ୍ବର କି?