ଈଶ୍ବର ଆଜି ସୁଦ୍ଧା ଆମ୍ଭମାନଙ୍କୁ କଥା କୁହନ୍ତି କି?



ପ୍ରଶ୍ନ: ଈଶ୍ବର ଆଜି ସୁଦ୍ଧା ଆମ୍ଭମାନଙ୍କୁ କଥା କୁହନ୍ତି କି?

ଉତ୍ତର:
ଈଶ୍ବର ଲୋକମାନଙ୍କୁ ତାଙ୍କ ରବରେ ଅନେକ ସମୟରେ କଥା କହିବା ବାଇବଲରେ ଲିପିବଦ୍ଧ ଅଛି (ଯାତ୍ରା ୩:୧୪; ଯିହୋଶୂୟ ୧:୧; ବିଚାରକର୍ତ୍ତା ୬:୧୮; ୨ଶାମୁୟେଲ ୨:୧; ଆୟୁବ ୪୦:୧; ଯିଶାଇୟ ୭:୩; ପ୍ରେରିତ ୮:୨୬; ୯:୧୫ - ଏହା କେବଳ ଏକ ଛୋଟ ନମୁନା ମାତ୍ର) | ବାଇବଲରେ ଏପରି କୌଣସି କାରଣ ନାହିଁ ଯାହା କୁହେ ଯେ, ଈଶ୍ବର କାହିଁକି ଜଣେ ବ୍ୟକ୍ତିଙ୍କୁ ତାଙ୍କ ରବରେ ଆଜି କଥା କହିପାରିବେ ନାହିଁ ବା କହିବେ ନାହିଁ | ବାଇବଲରେ ଶହ ଶହ ଥର ଈଶ୍ବର କହୁଅଛନ୍ତି ବୋଲି ଲିପିବଦ୍ଧ ହୋଇଛି, ଆମେ ସ୍ମରଣ ରଖିବାକୁ ହେବ ଯେ, ୪୦୦୦ ବର୍ଷରୁ ଅଧିକ ସମୟ ମଧ୍ୟରେ ମାନବ ଇତିହାସରେ ଦେଖାଯାଇଛି | ଈଶ୍ବର ତାଙ୍କ ରବରେ କଥା କହିବା ଏକ ନିୟମ ନୁହେଁ କିନ୍ତୁ ଏକ ବ୍ୟତିକ୍ରମଣ | ଏପରିକି ବାଇବଲରେ ଲିଖିତ ଈଶ୍ବରଙ୍କ ରବ ମାଧ୍ୟମରେ କଥାର ଘଟନାଗୁଡିକରେ ଈଶ୍ବରଙ୍କ ରବ ହେଉ କିମ୍ବା ଅନ୍ତଃସ୍ଥ ସ୍ବର କିମ୍ବା ମାନସିକ ଭାବନା ସର୍ବଦା ସ୍ବଷ୍ଟ ନ ଥିଲା |

ଈଶ୍ବର ଆଜି ଲୋକମାନଙ୍କୁ କଥା କହୁଅଛନ୍ତି | ପ୍ରଥମତଃ, ଈଶ୍ବର ତାଙ୍କ ବାକ୍ୟ ଦ୍ବାରା ଆମ୍ଭମାନଙ୍କୁ କଥା କହୁଅଛନ୍ତି (୨ତିମଥି ୩:୧୬-୧୭) | ଯିଶାଇୟ ୫୫:୧୧ ଆମ୍ଭମାନଙ୍କୁ କୁହେ, "ଆମ୍ଭ ମୁଖରୁ ନିର୍ଗତ ବାକ୍ୟ ସେପରି ହେବ; ତାହା ନିଷ୍ଫଳ ହୋଇ ଆମ୍ଭ ନିକଟକୁ ଫେରି ଆସିବ ନାହିଁ, ମାତ୍ର ଆମ୍ଭେ ଯାହା ଇଛା କରୁ ତାହା ସିଦ୍ଧ କରିବ ଓ ଯେଉଁ କାର୍ଯ୍ୟ ପାଇଁ ଆମ୍ଭେ ପ୍ରେରଣ କରୁ, ତହିଁରେ କୃତାର୍ଥ ହେବ |" ବାଇବଲ ଈଶ୍ବରଙ୍କ ବାକ୍ୟକୁ, ଉଦ୍ଧାରପ୍ରାପ୍ତ ହେବା ନିମନ୍ତେ ଏବଂ ଖ୍ରୀଷ୍ଟିୟ ଜୀବନଯାପନ କରିବା ନିମନ୍ତେ ଯାହା ଜାଣିବା ଆବଶ୍ୟକ ସେହି ସମସ୍ତ ଲିପିବଦ୍ଧ କରେ | ଦ୍ବିତୀୟ ପିତର ୧:୩ ସ୍ବଷ୍ଟ ଭାବେ କୁହେ, "ଯେ ଆପଣା ଗୌରବ ଓ ସଦ୍ ଗୁଣରେ ଆମ୍ଭମାନଙ୍କୁ ଆହ୍ବାନ କରିଅଛନ୍ତି, ତାହାଙ୍କ ବିଷୟକ ଜ୍ଞାନ ଦ୍ବାରା ତାହାଙ୍କ ଐଶରିକ ଶକ୍ତି ଆମ୍ଭମାନଙ୍କୁ ଜୀବନ ଓ ଧର୍ମପରାୟଣତା ନିମନ୍ତେ ସମସ୍ତ ଆବଶ୍ୟକୀୟ ବିଷୟ ଦାନ କରିଅଛନ୍ତି |"

ଦ୍ବିତୀୟତଃ, ଈଶ୍ବର ମନର ଭାବନାରେ ଥିବା ବିଶ୍ବାସ, ଘଟନାମାନ ଏବଂ ମନର ଚିନ୍ତାଗୁଡିକ ଦ୍ବାରା କଥା କହିଥାନ୍ତି | ଈଶ୍ବର ଆମ୍ଭମାନଙ୍କର ବିବେକ ମାଧ୍ୟମରେ ଠିକ୍ ଓ ଭୁଲ୍ ମଧ୍ୟରେ ପ୍ରଭେଦ ନିର୍ଣ୍ଣୟ କରିବାରେ ସାହାଯ୍ୟ କରନ୍ତି (୧ତିମଥି ୧:୫; ୧ପିତର ୩:୧୬) | ଈଶ୍ବର ତାଙ୍କ ଭାବନାଗୁଡିକୁ ମନରେ ଭାବିବା ନିମନ୍ତେ ଆମ୍ଭମାନଙ୍କୁ ଅନୁରୂପୀ କରାଇବା ନିମନ୍ତେ ଈଶ୍ବର ପ୍ରଗତିଶୀଳ ଅଟନ୍ତି (ରୋମୀୟ ୧୨:୨) | ଆମ୍ଭମାନଙ୍କୁ ନିର୍ଦ୍ଦେଶ ଦେବା ନିମନ୍ତେ, ଆମ୍ଭମାନଙ୍କୁ ପରିବର୍ତ୍ତନ କରିବା ନିମନ୍ତେ ଏବଂ ଆମ୍ଭମାନଙ୍କୁ ଆତ୍ମିକ ଭାବେ ବୃଦ୍ଧି କରାଇବାକୁ ଈଶ୍ବର ଆମ୍ଭମାନଙ୍କ ଜୀବନରେ ଅନେକ ଘଟନା ଘଟିବା ଅନୁମତି ଦିଅନ୍ତି (ଯାକୁବ ୧:୨-୫; ଏବ୍ରୀ ୧୨:୫-୧୧) | ପ୍ରଥମ ପିତର ୧:୬-୭ ଆମ୍ଭମାନଙ୍କୁ ସ୍ମରଣ କରାଇଦିଏ, "ଏଥିରେ ତୁମ୍ଭେମାନେ ଉଲ୍ଲାସ କରୁଅଛ, ଯଦ୍ୟପି ବର୍ତ୍ତମାନ ଅଳ୍ପ ସମୟ ପାଇଁ ନାନା ପରୀକ୍ଷା ଦ୍ବାରା ଦୁଃଖଭୋଗ କରିବା ତୁମ୍ଭମାନଙ୍କ ପକ୍ଷରେ ଆବଶ୍ୟକ ହୁଏ, ଯେପରି ଅଗ୍ନିଦ୍ବାରା ପରିକ୍ଷିତ କ୍ଷୟଣୀୟ ସୁବର୍ଣ୍ଣ ଅପେକ୍ଷା ଅଧିକ ବହୁମୂଲ୍ୟ ଯେ ତୁମ୍ଭମାନଙ୍କ ପରୀକ୍ଷାସିଦ୍ଧ ବିଶ୍ବାସ, ତାହା ଯୀଶୁ ଖ୍ରୀଷ୍ଟଙ୍କ ପ୍ରକାଶିତ ହେବା ସମୟରେ ପ୍ରଶଂସା, ଗୌରବ ଓ ସମ୍ଭ୍ରମର କାରଣ ହେବ |"

ପରିଶେଷରେ, ଈଶ୍ବର ବେଳେବେଳେ ଲୋକମାନଙ୍କୁ ତାଙ୍କ ରବରେ କଥା କହି ପାରନ୍ତି | ଅଥଚ, ଏହା ଅଧିକ ପରିମାଣରେ ସନ୍ଦେହଜନକ ଅଟେ ଯେ, ଅନେକ ଲୋକେ ଯେପରି ଈଶ୍ବର ରବ ଦ୍ବାରା ସେମାନଙ୍କୁ କଥା କହିଥାନ୍ତି ବୋଲି କହିଥାନ୍ତି, ତାହା ସେପରି ହୋଇନଥାଏ | ପୁନଶ୍ଚ, ଏପରିକି ବାଇବଲରେ, ଈଶ୍ବର ତାଙ୍କ ରବରେ କଥା କହିବା ସାଧାରଣ ନ ଥିଲା କିନ୍ତୁ ଏକ ଅତିକ୍ରମଣ ଥିଲା | ଯଦି କେହି ଆପଣଙ୍କୁ କୁହେ ଯେ, ଈଶ୍ବର ତାଙ୍କୁ ତାଙ୍କ ରବରେ କଥା କହିଅଛନ୍ତି, ତେବେ କେଉଁ ବିଷୟ ସହ ବାଇବଲ କ'ଣ କହିଛି ତାହା ତୁଳନା କରନ୍ତୁ | ଯଦି ଈଶ୍ବର ଆଜି ତାଙ୍କ ରବ ଦ୍ବାରା କଥା କହିଥାନ୍ତେ ତେବେ ସେ ବାଇବଲରେ ଯାହା କହିଅଛନ୍ତି ତାହା ସହିତ ଏହା ପୂର୍ଣ୍ଣ ସହମତ ହେବ (୨କରିନ୍ଥୀୟ ୩:୧୬-୧୭) | ଈଶ୍ବର ଆପଣାର ବାକ୍ୟର ବିରୋଧାତ୍ମକ କଥା କୁହନ୍ତି ନାହିଁ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର ଆଜି ସୁଦ୍ଧା ଆମ୍ଭମାନଙ୍କୁ କଥା କୁହନ୍ତି କି?