ଈଶ୍ବର ନୂତନ ନିୟମରେ ଯାହା ଅଟନ୍ତି ପୁରାତନ ନିୟମରେ କାହିଁକି ଭିନ୍ନ ଅଟନ୍ତି?



ପ୍ରଶ୍ନ: ଈଶ୍ବର ନୂତନ ନିୟମରେ ଯାହା ଅଟନ୍ତି ପୁରାତନ ନିୟମରେ କାହିଁକି ଭିନ୍ନ ଅଟନ୍ତି?

ଉତ୍ତର:
ଏହି ପ୍ରଶ୍ନର ମଧ୍ୟସ୍ଥଳରେ ଉଭୟ ପୁରାତନ ନିୟମ ଏବଂ ନୂତନ ନିୟମ ଈଶ୍ବରଙ୍କ ପ୍ରକୃତି ବିଷୟରେ କୁହେ ସେ ବିଷୟକୁ ଏକ ମୌଳିକ ଭୁଲ୍ ବୁଝାମଣା ରହିଛି | ଯେତେବେଳେ ଲୋକେ କୁହନ୍ତି "ପୁରାତନ ନିୟମରେ ଥିବା ଈଶ୍ବର କ୍ରୋଧର ଈଶ୍ବର ଥିଲା ବେଳେ ନୂତନ ନିୟମରେ ଥିବା ଈଶ୍ବର ପ୍ରେମର ଈଶ୍ବର ଅଟନ୍ତି" ସେତେବେଳେ ଏହା ହେଉଛି ସେହି ଗୋଟିଏ ମୌଳିକ ପ୍ରଶ୍ନକୁ ଅନ୍ୟ ପ୍ରକାରେ ପଚାରିବା | ଘଟନାଟି ହେଉଛି ବାଇବଲ ହେଉଛି ଐତିହାସିକ ଘଟନାଗୁଡିକ ଏବଂ ଇତିହାସ ସାରା ତାଙ୍କ ଲୋକମାନଙ୍କ ସହିତ ତାଙ୍କ ସମ୍ପର୍କ ମାଧ୍ୟମରେ ଈଶ୍ବର ତାଙ୍କ ନିଜ ବିଷୟରେ ପ୍ରଗତିଶୀଳ ପ୍ରକାଶନ ନୂତନ ନିୟମ ତୁଳନାରେ ପୁରାତନ ନିୟମରେ ଈଶ୍ବର କିପରି ଅଟନ୍ତି ସେ ବିଷୟକ ଭୁଲ୍ ଧାରଣାକୁ ବୁଝିବାରେ ସାହାଯ୍ୟ କରିବ | ଅଥଚ, ଯେତେବେଳେ ଜଣେ ଉଭୟ ପୁରାତନ ନିୟମ ଏବଂ ନୂତନ ନିୟମ ପାଠ କରେ, ସେତେବେଳେ ଈଶ୍ବର ଯେ ପୁରାତନ ନିୟମରୁ ନୂତନ ନିୟମରେ ଭିନ୍ନ ନ ଥିଲେ ଏବଂ ଈଶ୍ବରଙ୍କ କ୍ରୋଧ ଏବଂ ପ୍ରେମ ଯେ ଉଭୟ ନିୟମରେ ପ୍ରକାଶିତ ହୋଇଛି ତାହା ସ୍ବଷ୍ଟ ହୋଇଛି |

ଉଦାହରଣ ସ୍ବରୂପ, ପୁରାତନ ନିୟମ ସାରା ଈଶ୍ବର "ସଦାପ୍ରଭୁ, ସଦାପ୍ରଭୁ ପରମେଶ୍ବର ସ୍ନେହଁଶୀଳ ଓ କୃପାମୟ, କ୍ରୋଧରେ ଧୀର, ଦୟା ଓ ସତ୍ୟତାରେ ପରିପୂର୍ଣ୍ଣ;" (ଯାତ୍ରା ୩୪:୬; ଗଣନା ୧୪:୧୮; ଦ୍ବିତୀୟ ବିବରଣ ୪:୩୧; ନିହିମିୟା ୯:୧୭; ଗୀତ ୮୬:୫, ୧୫; ୧୦୮:୪; ଯୋୟେଲ ୨:୧୩) ଭାବେ ବିଦିତ ଅଟନ୍ତି | ତଥାପି ନୂତନ ନିୟମରେ, ଈଶ୍ବରଙ୍କ ପ୍ରେମ ଓ ଦୟା ଯୋହନ ୩:୧୬ ଦ୍ବାରା ଅଧିକ ପୂର୍ଣ୍ଣ ଭାବେ ପ୍ରକାଶିତ ହୋଇଛି "କାରଣ ଈଶ୍ବର ଜଗତକୁ ଏଡେ ପ୍ରେମ କଲେ ଯେ, ସେ ଆପଣା ଅଦ୍ବିତୀୟ ପୁତ୍ରଙ୍କୁ ଦାନ କଲେ ଯେପରି ଯେକେହି ତାହାଙ୍କଠାରେ ବିଶ୍ବାସ କରେ ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ |" ପୁରାତନ ନିୟମ ସାରା ମଧ୍ୟ ଆମେ ଦେଖୁ ଯେ, ଜଣେ ପ୍ରେମମୟ ପିତା ଯେପରି ଏକ ସନ୍ତାନ ସହିତ ବ୍ୟବହାର କରେ, ସେପରି ଈଶ୍ବର ଇଶ୍ରାୟେଲ ସହିତ ବ୍ୟବହାର କରିଥିଲେ | ଯେତେବେଳେ ସେମାନେ ଜାଣିଶୁଣି ତାଙ୍କ ବିରୁଦ୍ଧରେ ପାପ କଲେ ଏବଂ ପ୍ରତିମାଗଣଙ୍କୁ ପୂଜା କରିବାର ଆରମ୍ଭ କଲେ, ଈଶ୍ବର ସେମାନଙ୍କୁ ଦଣ୍ଡ ଦେଉଥିଲେ | ତଥାପି, ସେମାନେ ଯେତେଥର ସେମାନଙ୍କ ପ୍ରତିମାପୂଜାରୁ ମନପରିବର୍ତ୍ତନ କରୁଥିଲେ ସେହି ପ୍ରତ୍ୟେକ ଥର ସେ ସେମାନଙ୍କୁ ଉଦ୍ଧାର କରୁଥିଲେ | ଏହା ଅଧିକ ରୂପେ ନୂତନ ନିୟମରେ ଖ୍ରୀଷ୍ଟିୟାନମାନଙ୍କ ସହିତ ଈଶ୍ବର ବ୍ୟବହାର କରିବା ସମାନ ଅଟେ | ଉଦାହରଣ ସ୍ବରୂପ, ଏବ୍ରୀ ୧୨:୬ କୁହେ "କାରଣ ପ୍ରଭୁ ଯାହାକୁ ପ୍ରେମ କରନ୍ତି, ତାହାକୁ ଶାସନ କରନ୍ତି, ପୁଣି ଯେଉଁ ପୁତ୍ରକୁ ସେ ଗ୍ରହଣ କରନ୍ତି, ତାହାକୁ ପ୍ରହାର କରନ୍ତି |"

ଠିକ୍ ସେହିପରି ଭାବରେ, ପୁରାତନ ନିୟମସାରା ଆମେ ପାପ ପ୍ରତି ଈଶ୍ବରଙ୍କ ବିଚାର ଏବଂ କ୍ରୋଧ ଢଳାଯିବାର ଦେଖୁ | ସେହିପରି, ନୂତନ ନିୟମରେ ଈଶ୍ବରଙ୍କ କ୍ରୋଧ "ଯେଉଁ ଲୋକମାନେ ଅଧର୍ମରେ ସତ୍ୟକୁ ପ୍ରତିରୋଧ କରନ୍ତି, ସେମାନଙ୍କର ସମସ୍ତ ଅପବିତ୍ରତା ଓ ଅଧର୍ମ ବିରୁଦ୍ଧରେ ସ୍ବର୍ଗରୁ ଈଶ୍ବରଙ୍କ କ୍ରୋଧ ପ୍ରକାଶିତ ହେଉଅଛି," (ରୋମୀୟ ୧:୧୮) | ତେଣୁ, ସ୍ବଷ୍ଟଭାବେ ଈଶ୍ବର ନୂତନ ନିୟମରେ ଯେପରି ଅଛନ୍ତି, ପୁରାତନ ନିୟମରେ ସେ ସେପରି ନ ଥିଲେ | ଈଶ୍ବରଙ୍କ ତାଙ୍କ ପ୍ରକୃତିରେ ଅପରିବର୍ତ୍ତନୀୟ ଅଟନ୍ତି | ଯେତେବେଳେ ଆମେ ନିର୍ଦ୍ଧିଷ୍ଟ ଶାସ୍ତ୍ରରେ ତାଙ୍କ ପ୍ରକୃତିର ଗୋଟିଏ ଦିଗକୁ ତାଙ୍କ ପ୍ରକୃତିର ଅନ୍ୟ ଦିଗଗୁଡିକ ଅପେକ୍ଷା ଅଧିକ ଦେଖୁ, ଈଶ୍ବର ନିଜେ ପରିବର୍ତ୍ତିତ ହୁଅନ୍ତି ନାହିଁ |

ଆମେ ଯେତେବେଳେ ବାଇବଲ ପଠନ ଓ ଅଧ୍ୟୟନ କରୁ, ଈଶ୍ବର ଯେ ପୁରାତନ ଓ ନୂତନ ନିୟମରେ ସମାନ ଅଟନ୍ତି, ତାହା ସ୍ବଷ୍ଟ ହୋଇଥାଏ | ଯଦିଓ ବାଇବଲ୍ ୬୬ ଗୋଟି ଭିନ୍ନ ଭିନ୍ନ ପୁସ୍ତକର ସମଷ୍ଟି ଏବଂ ଦୁଇ (କିମ୍ବା ସମ୍ଭବତଃ ତିନି) ମହାଦେଶରେ, ତିନି ଭିନ୍ନ ଭିନ୍ନ ଭାଷାରେ, ପ୍ରାୟ ୧୫୦୦ ବର୍ଷ ମଧ୍ୟରେ ୪୦ ଜଣ ବିଭିନ୍ନ ଲେଖକଙ୍କ ଦ୍ବାରା ଲିଖିତ, ଏହା ଆରମ୍ଭରୁ ଶେଷ ପର୍ଯ୍ୟନ୍ତ କୌଣସି ବିରୋଧାଭାସ ନ ରହି ଏକମାତ୍ର ପୁସ୍ତକଭାବେ ରହିଆସିଛି | ଏଥିରେ ଆମେ କିପରି ଜଣେ ପ୍ରେମମୟ, ଦୟାମୟ, ଏବଂ ବିଚାରବନ୍ତ ଈଶ୍ବର ସମସ୍ତ ପ୍ରକାର ପରିସ୍ଥିତିରେ ପାପପୂର୍ଣ୍ଣ ମନୁଷ୍ୟ ସହ ବ୍ୟବହାର କରନ୍ତି | ଏହା ସତ୍ୟ ଯେ, ବାଇବଲ ହେଉଛି ମନୁଷ୍ୟମାନଙ୍କ ପ୍ରତି ଈଶ୍ବରଙ୍କର ପ୍ରେମପତ୍ର | ଈଶ୍ବରଙ୍କ ସୃଷ୍ଟିପ୍ରତି ଈଶ୍ବରଙ୍କ ପ୍ରେମ, ବିଶେଷତଃ ମନୁଷ୍ୟଜାତି ନିମନ୍ତେ ତାଙ୍କ ପ୍ରେମ ସମଗ୍ର ଶାସ୍ତ୍ରରେ ଦେଖାଯାଏ | ବାଇବଲ ସାରା ଆମେ ଦେଖୁ ଯେ ଈଶ୍ବର ପ୍ରେମରେ ଏବଂ ଦୟାଭାବାପନ୍ନ ହୋଇ ତାଙ୍କ ସହିତ ଏକ ବିଶେଷ ସମ୍ପର୍କ ସ୍ଥାପନ କରିବା ନିମନ୍ତେ ଆହ୍ବାନ କରନ୍ତି, ପୁଣି ତାହା ଏଇଥିଯୋଗୁଁ ନୁହେଁ ଯେ ସେମାନେ ସେପରି ଭାବେ ଈଶ୍ବରଙ୍କ ଦ୍ବାରା ଆହ୍ବାନପ୍ରାପ୍ତ ହେବାର ଯୋଗ୍ୟ ଅଟନ୍ତି, କିନ୍ତୁ ସେ ଦୟାବାନ୍ ଏବଂ କରୁଣାମୟ ଈଶ୍ବର, କ୍ରୋଧ କରିବାରେ ଧୀର ଏବଂ ପ୍ରେମ-ଦୟା ଏବଂ ସତ୍ୟରେ ପରିପୂର୍ଣ୍ଣ ଅଟନ୍ତି | ତଥାପି ଆମେ ଏକ ପବିତ୍ର ଏବଂ ଧାର୍ମିକ ଈଶ୍ବରଙ୍କୁ ଦେଖୁ ଯିଏକି ସେହିସମସ୍ତଙ୍କର ବିଚାରକର୍ତ୍ତା ଅଟନ୍ତି ଯେଉଁମାନେ ତାଙ୍କ ବାକ୍ୟର ଅବାଧ୍ୟ ହୁଅନ୍ତି ଏବଂ ତାଙ୍କୁ ପୂଜା କରିବା ନିମନ୍ତେ ବାରଣ କରନ୍ତି, ତା'ପରିବର୍ତ୍ତେ ସେମାନେ ସେମାନଙ୍କ ନିଜ ସୃଷ୍ଟ ଦେବତାଗଣର ଉପାସନା କରନ୍ତି (ରୋମୀୟ ୧ ଅଧ୍ୟାୟ) |

ଈଶ୍ବରଙ୍କର ଧାର୍ମିକତା ଏବଂ ପବିତ୍ର ଚରିତ୍ର ଯୋଗୁଁ ପୂର୍ବ, ବର୍ତ୍ତମାନ ଏବଂ ଭବିଷ୍ୟତ୍ ସମସ୍ତ ପାପ ନିହାତି ବିଚାରିତ ହେବା ଉଚିତ୍ | ତଥାପି ଈଶ୍ବର ତାଙ୍କ ଅସୀମ ପ୍ରେମରେ ପାପ ନିମନ୍ତେ ୠଣ ପରିଶୋଧ କରିଅଛନ୍ତି ଏବଂ ପୁନଃମିଳନ ନିମନ୍ତେ ଏକ ଉପାୟ ପ୍ରଦାନ କରିଅଛନ୍ତି ଯେପରିକି ପାପପୂର୍ଣ୍ଣ ମନୁଷ୍ୟ ତାଙ୍କ କ୍ରୋଧରୁ ରକ୍ଷା ପାଇପାରିବ | ଆମେ ଏହି ସତ୍ୟତାକୁ ୧ଯୋହନ ୪:୧୦ ପରି ପଦଗୁଡିକରେ ଦେଖିବାକୁ ପାଇଥାଉ: "ଆମ୍ଭେମାନେ ଯେ ଈଶ୍ବରଙ୍କୁ ପ୍ରେମ କଲୁ, ତାହା ନୁହେଁ, ମାତ୍ର ସେ ଆମ୍ଭମାନଙ୍କୁ ପ୍ରେମ କଲେ, ପୁଣି ଆପଣା ପୁତ୍ରଙ୍କୁ ଆମ୍ଭମାନଙ୍କ ପାପର ପ୍ରାୟଶ୍ଚିତସ୍ବରୂପ କରି ପଠାଇଲେ; ଏଥିରେ ତ ପ୍ରେମ ପ୍ରକାଶ ପାଏ |" ପୁରାତନ ନିୟମରେ ଈଶ୍ବର ଏକ ବଳିଦାନ ପ୍ରଥା ଯୋଗାଇଲେ ଯେଉଁଦ୍ବାରା କି ପାପ ନିମନ୍ତେ ପ୍ରାୟଶ୍ଚିତ କରାଯାଇପାରିବ | ଅଥଚ, ଏହି ବଳିଦାନ ପ୍ରଥା ଅସ୍ଥାୟୀ ଥିଲା ଏବଂ କେବଳ ଯୀଶୁଖ୍ରୀଷ୍ଟଙ୍କ ଆଗମନକୁ ଚାହିଁ ରହିଥିଲା ଯିଏ କି ପାପ ନିମନ୍ତେ ଏକ ସମ୍ପୂର୍ଣ୍ଣ ପ୍ରତିବଦଳାତ୍ମକ ପ୍ରାୟଶ୍ଚିତ ସାଧନ କରିବେ | ସେହି ପରିତ୍ରାଣକର୍ତ୍ତା ଯାହାଙ୍କ ବିଷୟରେ କି ପୁରାତନ ନିୟମରେ ପ୍ରତିଜ୍ଞା କରାଯାଇଥିଲା ସେ ନୂତନ ନିୟମରେ ସମ୍ପୂର୍ଣ୍ଣରୂପେ ପ୍ରକାଶିତ ହେଲେ | ଈଶ୍ବରଙ୍କ ପ୍ରେମର ଚୂଡାନ୍ତ ପ୍ରକାଶନ ଯାହା ତାଙ୍କ ପୁତ୍ର ଯୀଶୁଖ୍ରୀଷ୍ଟଙ୍କୁ ପ୍ରେରଣ କରିବା ନୂତନ ନିୟମରେ ଏହାର ସମସ୍ତ ଗୌରବ ସହିତ ପ୍ରକାଶିତ ହେଲା ତାହା ପୁରାତନ ନିୟମରେ କେବଳ ଚିତ୍ରଣ କରାଯାଇଥିଲା | ଉଭୟ ପୁରାତନ ଓ ନୂତନ ନିୟମ "ପରିତ୍ରାଣଜନକ ଜ୍ଞାନ ଦେବାକୁ ସମର୍ଥ" ନିମନ୍ତେ ଦତ୍ତ ହୋଇଥିଲା (୨ତିମଥି ୩:୧୫) | ଯେତେବେଳେ ଆମେ ଏହି ନିୟମଗୁଡିକ ନିରିଖେଇ ପାଠ କରୁ, ଆମେ ସ୍ବଷ୍ଟ ହୁଏ ଯେ ଈଶ୍ବରଙ୍କଠାରେ "କୌଣସି ପରିବର୍ତ୍ତନ ବା ଲେଶମାତ୍ର ବିକାର ନାହିଁ" (ଯାକୁବ ୧:୧୭) |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର ନୂତନ ନିୟମରେ ଯାହା ଅଟନ୍ତି ପୁରାତନ ନିୟମରେ କାହିଁକି ଭିନ୍ନ ଅଟନ୍ତି?