ଖ୍ରୀଷ୍ଟିଆନ କଅଣ ପୁରତାନ ନିୟମ ବ୍ୟବସ୍ଥା ପାଳନ କରିବା ଆବଶ୍ୟକ?


ପ୍ରଶ୍ନ: ଖ୍ରୀଷ୍ଟିଆନ କଅଣ ପୁରତାନ ନିୟମ ବ୍ୟବସ୍ଥା ପାଳନ କରିବା ଆବଶ୍ୟକ?

ଉତ୍ତର:
ଏହି ବିଷୟକୁ ବୁଝିବା ନିମନ୍ତେ ପ୍ରଥମେ ଆମେ ଜାଣିବା ଆବଶ୍ୟକ ଯେ ପୁରାତନ ନିୟମ ଇସ୍ରାଏଲ୍ ଦେଶକୁ ଦିଆଯାଇଥିଲା, ଖ୍ରୀଷ୍ଟିଆନମାନଙ୍କୁ ନୁହେଁ । ଇସ୍ରାଏଲକୁ କେତେକ ନିୟମ ଦିଆଯାଇଥିଲା ଯଦ୍ବାରା ସେମାନେ ଈଶ୍ବରଙ୍କ ଆଜ୍ଞାବହ ହୋଇପାରିବେ ଓ ତାହାଙ୍କୁ ସନ୍ତୁଷ୍ଟ କରିପାରିବେ (ଉଦାହରଣ ସ୍ଵରୁପ, ୧୦ ଆଜ୍ଞା) । ଆଉ କେତେକ ନିୟମ ଦିଆଯାଇଥିଲା ଯଦ୍ବାରା ସେମାନେ ଈଶ୍ବରଙ୍କ ଉପାସନା କରିପାରିବେ ଓ ପାପର ପ୍ରାୟଶ୍ଚିତ କରିପାରିବେ (ଉଦାହରଣ ସ୍ବରୁପେ ବଳିଦାନ ପ୍ରଥା) । କେତେକ ନିୟମ ଦିଆଯାଇଥିଲା ଯଦ୍ବାରା ସେମାନେ ଅନ୍ୟ ଦେଶମାନଙ୍କ’ଠାରୁ ଭିନ୍ନରୂପେ ଜଣାଯିବେ (ଖାଦ୍ୟ ଓ ବେଶପୋଷାକ) । ଆଜି ପୁରାତନ ନିୟମର କୌଣସି ବ୍ୟବସ୍ଥା ଖ୍ରୀଷ୍ଟିଆନ ମାନଙ୍କ ଉପରେ ଲାଗୁ ହୁଏ ନାହିଁ । ଯେବେ ଯୀଶୁ ଖ୍ରୀଷ୍ଟ କ୍ରୁଶରେ ହତ ହେଲେ, ପୁରାତନ ନିୟମର ଲୋପ ଘଟିଲା (ରୋମୀୟ ୧୦:୪; ଗାଲାତୀୟ ୩:୨୩-୨୫; ଏଫିସୀୟ ୨:୧୫) ।

ପୁରାତନ ନିୟମ ବଦଳରେ, ବର୍ତ୍ତମାନ ଆମେ ଖ୍ରୀଷ୍ଟଙ୍କ ବ୍ୟବସ୍ଥା ଅଧିନରେ ଅଛୁ (ଗାଲାତୀୟ ୬:୨), ତାହା ହେଉଛି, “...ଆପଣାର ସମସ୍ତ ଅନ୍ତଃକରଣ, ସମସ୍ତ ପ୍ରାଣ ଓ ସମସ୍ତ ମନ ଦେଇ ପ୍ରଭୁ, ଆପଣା ଈଶ୍ବରଙ୍କୁ ପ୍ରେମ କର...ଆପଣା ପ୍ରତିବାସୀକି ଆତ୍ମତୁଲ୍ୟ ପ୍ରେମ କର” (ମାଥିଉ ୨୨:୩୭-୩୯) । ଯଦି ଆମେ ସେହି ଦୁଇ ଆଜ୍ଞା ପାଳନ କରୁ, ତେବେ ଖ୍ରୀଷ୍ଟ ଆମ’ଠାରୁ ଯାହା ଚାହାଁନ୍ତି ଆମେ ସଫଳ କରିଅଛୁ: “ ଏହି ଦୁଇ ଆଜ୍ଞା ଉପରେ ସମସ୍ତ ବ୍ୟବସ୍ଥା ଓ ଭାବବାଦୀମାନଙ୍କର ଧର୍ମଶାସ୍ତ୍ର ନିର୍ଭର କରେ” (ମାଥିଉ ୨୨:୪୦) । ଏହାର ଅର୍ଥ ନୁହେଁ ଯେ ପୁରତାନ ନିୟମ ବର୍ତ୍ତମାନ ଅପ୍ରାସଂଗିକ ଅଟେ । ପୁରାତନ ନିୟମ ବ୍ୟବସ୍ଥାର ଅନେକ ଆଜ୍ଞା ଦୁଇଟି ଶ୍ରେଣୀରେ ଅଛି- “ଈଶ୍ବରଙ୍କୁ ପ୍ରେମ କରିବା” ଓ “ପ୍ରତିବାସୀକୁ ପ୍ରେମ କରିବା” । ଈଶ୍ବରଙ୍କୁ କିପରି ପ୍ରେମ କରିବା ଓ ପ୍ରତିବାସୀକୁ କିପରି ପ୍ରେମ କରିବାକୁ ହେବ, ଏହା ପାଇଁ ପୁରାତନ ନିୟମ ପଥପ୍ରଦର୍ଶକ ଅଟେ । କିନ୍ତୁ ପୁରାତନ ନିୟମ ଆଜି ଖ୍ରୀଷ୍ଟିଆନମାନଙ୍କ ପାଇଁ ପ୍ରାସଂଗିକ କହିବା ଭୁଲ୍ ଅଟେ । ପୁରାତନ ନିୟମ ଏକ କ୍ଷୁଦ୍ର ଅଂଶ ଅଟେ (ଯାକୁବ ୨:୧୦) । ଏହା ସମସ୍ତଙ୍କ ପାଇଁ ପ୍ରାସଂଗିକ ନୁହେଁ ଅବା ଏହାର କୌଣସି ବିଷୟ ଉପଯୋଗୀ ନୁହେଁ । ଯଦି ଖ୍ରୀଷ୍ଟ ଏହାର କେତେକ ଅଂଶକୁ ସଫଳ କଲେ, ଯଥା- ବଳିଦାନ ପଦ୍ଧତି, ସେ ସମସ୍ତ ସଫଳ କଲେ ।

“ଈଶ୍ବରଙ୍କୁ ପ୍ରେମ କରିବାର ଅର୍ଥ ତାହାଙ୍କ ଆଜ୍ଞା ପାଳନ କରିବା, ଆଉ ତାହାଙ୍କ ଆଜ୍ଞାସବୁ ଭାରସ୍ବରୂପେ ନୁହେଁ” (୧ ଯୋହନ ୫:୩) । ଦଶ ଆଜ୍ଞା, ପୁରାତନ ନିୟମର ସଂଷିପ୍ତ ବିବରଣୀ ଅଟେ । ଦଶ ଆଜ୍ଞା ମଧ୍ୟରୁ ୯ଟି ନୂତନ ନିୟମରେ ପୁନରାବୃତ୍ତି କରଯାଇଅଛି (ବିଶ୍ରାମବାରକୁ ଛାଡି ସମସ୍ତ ପାଳନ କରାଯିବା ଉଚିତ୍) । ସ୍ପଷ୍ଟଭାବରେ, ଯଦି ଆମେ ଈଶ୍ବରଙ୍କୁ ପ୍ରେମ କରୁ, ତେବେ ଆମେ ମିଥ୍ୟା ଦେବତାମାନଙ୍କୁ ଆରାଧନା କରିବା ନାହିଁ ଓ ସେମାନଙ୍କ ପାଖରେ ନତ ମସ୍ତକ ହେବା ନାହିଁ । ଯଦି ଆମେ ପ୍ରତିବାସୀକୁ ପ୍ରେମ କରୁ, ତେବେ ଆମେ ସେମାନଙ୍କୁ ହତ୍ୟା କରିବା ନାହିଁ, ମିଥ୍ୟା କହିବା ନାହିଁ, ବ୍ୟଭିଚାର କରିବା ନାହିଁ ଅବା ସେମାନଙ୍କର କୌଣସି ବିଷୟକୁ ଲୋଭ କରିବା ନାହିଁ । ପୁରାତନ ନିୟମ ବ୍ୟବସ୍ଥାର ଉଦ୍ଦେଶ୍ୟ ହେଉଛି ଲୋକଙ୍କ ବ୍ୟବସ୍ଥା ପାଳନ କରିବାର ଅକ୍ଷମତାକୁ ପ୍ରମାଣ କରିବା ଏବଂ ଆମେ ଯେ ଯୀଶୁ ଖ୍ରୀଷ୍ଟଙ୍କୁ ଉଦ୍ଧାରକର୍ତ୍ତାରୂପେ ଆବଶ୍ୟକ କରୁ, ସେହି ଦିଗରେ ନିର୍ଦ୍ଦେଶ କରିବା (ରୋମୀୟ ୭:୭-୯; ଗାଲାତୀୟ ୩:୨୪) । ଈଶ୍ବର ଏହା କଦାପି ଚାହିଁ ନ ଥିଲେ ଯେ ପୁରାତନ ନିୟମ ବ୍ୟବସ୍ଥା ସବୁ ସମୟ ପାଇଁ ସମସ୍ତ ଲୋକଙ୍କ ପାଇଁ ସାର୍ବଜନୀନ ବ୍ୟବସ୍ଥା ହେଉ । ଆମେ ଈଶ୍ବରଙ୍କୁ ଓ ଆମ ପ୍ରତିବାସୀକୁ ପ୍ରେମ କରିବା ଆବଶ୍ୟକ । ଯଦି ଆମେ ସେହି ଦୁଇ ଆଜ୍ଞାକୁ ବିଶ୍ବସ୍ତ ଭାବରେ ପାଳନ କରୁ, ତେବେ ଈଶ୍ବର ଆମ’ଠାରୁ ଯାହା ଚାହାଁନ୍ତି, ଆମେ ତାହା ସଫଳ କରିପାରିବା ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଖ୍ରୀଷ୍ଟିଆନ କଅଣ ପୁରତାନ ନିୟମ ବ୍ୟବସ୍ଥା ପାଳନ କରିବା ଆବଶ୍ୟକ?