ବାଇବଲରେ ଭୁଲ୍‍, ବିରୋଧାଭାସ କିମ୍ବା ଅସାମଞ୍ଜସ୍ୟ ରହିଛିକି?


ପ୍ରଶ୍ନ: ବାଇବଲରେ ଭୁଲ୍‍, ବିରୋଧାଭାସ କିମ୍ବା ଅସାମଞ୍ଜସ୍ୟ ରହିଛିକି?

ଉତ୍ତର:
ଆମେ ଯଦି ଭୁଲ୍‍ ପାଇବା ନିମନ୍ତେ ପୂର୍ବ ମନୋଭାବ ନ ରଖି ବାଇବଲକୁ ବିନା ମୁଖାପେକ୍ଷାରେ ପଢିବା, ତେବେ ଆମେ ଦେଖିବାକୁ ପାଇବା ଯେ ଏହା ହେଉଛି ଯୁକ୍ତିସଙ୍ଗତ, ସାମଞ୍ଜସ୍ୟ ଓ ବୁଝିବାକୁ ଅପେକ୍ଷାକୃତ ସହଜ ହେଉଥିବା ପୁସ୍ତକ । ହଁ, ବାଇବଲରେ ବୁଝିବାକୁ କଷ୍ଟକର ଅଂଶଗୁଡିକ ରହିଛି । ହଁ, ପରସ୍ପରକୁ ବିରୋଧ କଲା ପରି ଜଣାପଡୁଥିବା ପଦଗୁଡିକ ରହିଛି । ଆମେ ମନେ ରଖିବାକୁ ହେବ ଯେ, ବାଇବଲ ପାଖାପାଖି 1500 ବର୍ଷ ମଧ୍ୟରେ 40 ଜଣ ବିଭିନ୍ନ ଲେଖକଙ୍କ ଦ୍ବାରା ଲେଖାଯାଇଛି । ପ୍ରତି ଲେଖକ ଭିନ୍ନ ଶୈଳୀରେ ବିଭିନ୍ନ ଅନ୍ତର୍ଦ୍ଦୃଷ୍ଟିରେ ଭିନ୍ନ ଭିନ୍ନ ଲୋକମାନଙ୍କୁ ଭିନ୍ନ ଭିନ୍ନ ଉଦ୍ଦେଶ୍ୟ ରଖି ଲେଖିଅଛନ୍ତି । ଆମେ ସେମାନଙ୍କ ଲେଖାରେ କିଛି ସାମାନ୍ୟ ଭିନ୍ନତା ପାଇବାର ଆଶା କରିବାକୁ ହେବ । ଅଥଚ, ଲେଖାରେ ଭିନ୍ନତା ବିରୋଧାଭାସ ନୁହେଁ । ପଦଗୁଡିକ ବା ଶାସ୍ତ୍ରର ଅଂଶଗୁଡିକୁ ପରସ୍ପର ସମ୍ମତ କରିବାର ଯଦି କୌଣସି ଜଣାଯାଉଥିବା ଉପାୟ ନାହିଁ, ତେବେ ହିଁ ଆମେ ଏହାକୁ ଏକ ଭୁଲ୍‍ କହିପାରିବା । ଏପରିକି ଯଦି ଏକ ଉତ୍ତର ବର୍ତ୍ତମାନ ମିଳୁନାହିଁ, ତାହାର ଅର୍ଥ ନୁହେଁ ଯେ ସେଥିର ଉତ୍ତର ନାହିଁ । ଇତିହାସ ଓ ଭୂଗୋଳ ସମ୍ବନ୍ଧୀୟ ବାଇବଲ ବିଷୟରେ ଅଧିକ ପ୍ରତ୍ନତାତ୍ତ୍ବିକ ପ୍ରମାଣ ଆବିଷ୍କୃତ ନ ହେବା ପର୍ଯ୍ୟନ୍ତ କିଛି ବ୍ୟକ୍ତି ବାଇବଲରେ ତଥାକଥିତ ଭୁଲ୍‍ ପାଇଛନ୍ତି; ଅର୍ଥାତ୍‍, ପ୍ରତ୍ନତାତ୍ତ୍ବିକ ଆବିଷ୍କାର ପରେ, ବାଇବଲ ଯେ ସତ୍ୟ ତାହା ସେମାନେ ପରେ ଜାଣିପାରିଛନ୍ତି ।

“ଏହି ପଦଗୁଡିକ କିପରି ପରସ୍ପର ସହ ବିରୋଧାଭାସ ନୁହେଁ ତାହା ବୁଝାନ୍ତୁ!” କିମ୍ବା “ଦେଖନ୍ତୁ, ଏକ ବାଇବଲ ଭୁଲ୍‍ ମିଳିଲା!” ପରି ଲେଖାଥିବା ଅନେକ ପ୍ରଶ୍ନ ଆମେ ପାଉ । ଆମେ ସ୍ବୀକାର କରିବାକୁ ପଡିବ ଯେ, ଲୋକମାନେ ଆଣୁଥିବା କିଛି ବିଷୟକୁ ଉତ୍ତର ଦେବା କଷ୍ଟକର । ଅଥଚ, ଏ ବିଷୟରେ ଆମର ଯୁକ୍ତି ହେଉଛି ପ୍ରତି ତଥାକଥିତ ବାଇବଲ ବିରୋଧାଭାସ ବା ଭୁଲ୍‍ ନିମନ୍ତେ ବ୍ୟବହାରିକ ଓ ବୁଦ୍ଧିର ବିଶ୍ବାସଯୋଗ୍ୟ ଉତ୍ତର ରହିଛି । “ବାଇବଲରେ ଥିବା ସମସ୍ତ ଭୁଲ୍‍”କୁ ତାଲିକା କରୁଥିବା ପୁସ୍ତକ ଓ ୱେବ୍‍‍ସାଇଟ୍‍ଗୁଡିକ ରହିଛି । ଅନେକ ଲୋକ ସେମାନଙ୍କର ଅସ୍ତ୍ର ଏହି ସମସ୍ତ ସ୍ଥାନରୁ ପାଇଥାନ୍ତି; ସେମାନେ ସେମାନଙ୍କ ନିଜ ଚିନ୍ତାରୁ ତଥାକଥିତ ଭୁଲ୍‍ ପାଇନଥାନ୍ତି । ଆହୁରି ମଧ୍ୟ ଅନେକ ପୁସ୍ତକ ଓ ୱେବ୍‍‍ସାଇଟ୍‍ ରହିଛି ଯାହା ଏହି ସମସ୍ତ ତଥାକଥିତ ଭୁଲ୍‍ଗୁଡିକୁ ଖଣ୍ଡନ କରନ୍ତି । ସବୁଠାରୁ ଦୁଃଖର ବିଷୟ ଯେ ଯେଉଁ ଲୋକମାନେ ବାଇବଲ ଉପରେ (ନିଷ୍ଫଳ) ଆକ୍ରମଣ କରନ୍ତି ସେମାନେ ପ୍ରକୃତରେ ଉତ୍ତର ପାଇବାକୁ ଆଗ୍ରହୀ ନୁହଁନ୍ତି । ଏପରିକି ଅନେକ “ବାଇବଲ (ନିଷ୍ଫଳ) ଆକ୍ରମଣକାରୀମାନେ” ସେମାନେ ପଚାରୁଥିବା ଉତ୍ତରଗୁଡିକୁ ଜାଣିଥାନ୍ତି, କିନ୍ତୁ ସେମାନେ ସେମାନେ ସେହି ପୁରୁଣାକାଳିଆ ଢଙ୍ଗରେ ବାରମ୍ବାର (ବୃଥା) ଆକ୍ରମଣ କରିବାରେ ଲାଗିଥାନ୍ତି ।

ତେଣୁ, ଜଣେ ବ୍ୟକ୍ତି ଯେତେବେଳେ ଏକ କଥାକଥିତ ବାଇବଲ ଭୁଲ୍‍ ନେଇ ଆମ ନିକଟକୁ ଆସେ, ଆମେ କ’ଣ କରିବା ଉଚିତ? (1) ସେହି ପ୍ରଶ୍ନର ସରଳ ସମାଧାନ ବା ଉତ୍ତର ପାଇବା ପାଇଁ ପ୍ରାର୍ଥନାର ସହ ଶାସ୍ତ୍ର ଅଧ୍ୟୟନ କରନ୍ତୁ । (2) କିଛି ଭଲ ବାଇବଲ ଟୀକା (କମେଣ୍ଟାରୀ), “ବାଇବଲ ରକ୍ଷା ବା ସମର୍ଥନ” ପୁସ୍ତକ ଏବଂ ବାଇବଲ ଉପରେ ଗବେଷଣା କରୁଥିବା ୱେବ୍‍‍ସାଇଟ୍‍ଗୁଡିକ ବ୍ୟବହାର କରି କିଛି ଅନୁସନ୍ଧାନ କରନ୍ତୁ । (3) ଆମ୍ଭମାନଙ୍କ ପାଳକ / ମଣ୍ଡଳୀ ନେତୃବୃନ୍ଦଙ୍କୁ ପଚାରନ୍ତୁ; ସେମାନେ ଉତ୍ତର ଜାଣିଥାଇପାରନ୍ତି । (4) ଯଦି ପ୍ରଥମ, ଦ୍ବିତୀୟ ଓ ତୃତୀୟ ପଦକ୍ଷେପ ପରେ ମଧ୍ୟ କୌଣସି ଉତ୍ତର ନ ମିଳେ ତେବେ ଆମେ ଈଶ୍ବରଙ୍କଠାରେ ଭରସା ରଖୁ ଯେ ତାହାଙ୍କ ବାକ୍ୟ ସତ୍ୟ ଅଟେ ଓ ସେହି ପ୍ରଶ୍ନଗୁଡିକର ଉତ୍ତର ରହିଛି କିନ୍ତୁ ସେହି ଉତ୍ତରଗୁଡିକୁ ଏପର୍ଯ୍ୟନ୍ତ ଆମେ ଜାଣିନାହୁଁ (2ତିମଥି 2:15, 16-17) ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ବାଇବଲରେ ଭୁଲ୍‍, ବିରୋଧାଭାସ କିମ୍ବା ଅସାମଞ୍ଜସ୍ୟ ରହିଛିକି?