Qué es lo plan de salut?




Question: Qué es lo plan de salut?

Responsa:
Avètz talent? Pas una talent fisica, mas puslèu, s’avètz talent de quicòm mai dins vòstra vida? I a quicòm plan entre vos que jamai sembla pas èsser satisfach? S’es lo cas, Jèsus es lo camin! Jèsus diguèt, “Ieu soi lo pan de vida: lo que ven a ieu aurà pas mai talent e lo que crei en ieu pas jamai aurà set" (Joan 6:35).

Sètz dins la confusion? Vos es de mal trobar un camin o una tòca dins la vida? Vos sembla que qualqu’un a atudat los lums e que podètz pas trobar l’interruptor? Se sentissètz aquò, Jèsus es lo camin! Jèsus proclamèt, "Ieu soi lo lum del mond. Lo que me seguís caminarà pas dins l’escur, mas al contrari tendrà lo lum de la vida" (Joan 8:12).

Vos sentissètz mai privats de la vida? Avètz ensajat tant de pòrtas, e avètz descobèrt que çò que s’i amaga darrièr es vuèg e sens significacion? Esperatz la dintrada cap a una vida plena? Se sentissètz aquò, Jèsus es lo camin! Jèsus declarèt, “Ieu soi la pòrta: los que dintren en ieu se salvaràn, podràn dintrar e sortir liurament e trobaràn de pasturas" (Joan 10:9).

Las gents de longa vos decebon? Vòstras relacions son estadas superficialas e vuèjas de contunh? Vos sembla que totes ensajan de profechar de vos? Se sentissètz aquò, Jèsus es lo camin! Jèsus diguèt, “Ieu soi lo bon pastre. Lo bon pastre dona sa vida per sas fedas... Ieu soi lo bon pastre: coneissi mas fedas, e elas me coneisson ieu" (Joan 10:11, 14).

Vos demandatz çò que se passa aprèp la vida? Sètz lasses de viure vòstra vida per de causas que sonque se poirisson o se rovilhan? Dobtatz de còps de se la vida a un sens? Volètz viure aprèp la mòrt? S’o volètz, Jèsus es lo camin! Jèsus declarèt, "Ieu soi la resurreccion e la vida. Lo que crei en ieu, encara que morisca, viurà; e totes los que vivon e creson en ieu, jamai non moriràn pus" (Joan 11:25-26).

Quin es lo camin? Quina es la vertat? Qué es la vida? Jèsus respondèt, “Ieu soi lo camin, la vertat e la vida. Degun non arriba al Paire se non es per ieu" (Joan 14:6).

La talent que sentissètz es una talent esperitala, e sonque Jèsus la pòt satisfar. Jèsus es lo sol que pòt far desaparéisser l’escurina. Jèsus es la pòrta cap a una vida de satisfaccion. Jèsus es l’amic e lo pastre que cercàvetz. Jèsus es la vida – dins aqueste mond e dins lo seguent. Jèsus es lo camin del salut!

La rason que fa qu’avètz talent, la rason que fa que vos trobatz perduts dins la foscor, la rason que fa que trobatz pas cap de sens dins la vida, es que sètz separats de Dieu. La Bíblia nos explica que totes avèm pecat, e que doncas sèm separats de Dieu (Eclesiastés 7:20; Romans 3:23). Lo vuèg que sentissètz dins lo còr es Dieu que manca dins vòstra vida. Foguèrem creats per aver de relacions amb Dieu. Per encausa de nòstres pecats, sèm separats d’aqueste ligam. Encara pièger, nòstre pecat causarà la separacion de Dieu pendent tota l'eternitat, aquesta vida e la seguenta (Romans 6:23; Joan 3:36).

Cossí se pòt resòlvre aqueste problèma? Jèsus es lo camin! Jèsus carguèt nòstres pecats quitament sus El (2 Corintians 5:21). Jèsus moriguèt a nòstra plaça (Romans 5:8), en recebre la punicion que meritàvem nosautres. Tres jorns mai tard, Jèsus s'auborèt de la mòrt, en demostrar Sa victòria suls pecats e la mòrt (Romans 6:4-5). Perqué o faguèt? Jèsus respondèt a aquela question, "degun ten pas un amor mai grand qu’aquel que dona sa vida pels sieus amics” (Joan 15:13). Jèsus moriguèt per tal que nosautres poguèssem viure. Se metèm nòstra fe en Jèsus, en se fisar sus Sa mòrt coma pagament per nòstres pecats - totes nòstres pecats seràn perdonats e desapareisseràn. Alara nòstra fam esperitala ne serà satisfacha. Los lums s’alucaràn. Aurem accés a una vida de satisfaccion. Coneisserem nòstre melhor amic e bon pastre. Sabrem qu’aurem la vida aprèp la mòrt - una vida de resurreccion dins lo cèl etèrnament amb Jèsus!

"Dieu a aimat tant lo mond qu’a donat son Filh unic pr’amor que se pèrda pas cap de totes los que creson en el, mas qu’al contrari obtengan la vida etèrna" (Joan 3:16).

Avètz pres una decision pel Crist per encausa de çò qu’avètz legit aquí? S’es estat aital, per plaser, clicatz sul boton "Uèi ai acceptat lo Crist" enjós.



Tornar a la pagina de debuta de l’occitan



Qué es lo plan de salut?