စစ်ပွဲအကြောင်းကို သမ္မာကျမ်းစာက မည်သို့ ဖော်ပြထားသနည်း။



မေးခွန်း: စစ်ပွဲအကြောင်းကို သမ္မာကျမ်းစာက မည်သို့ ဖော်ပြထားသနည်း။

အဖြေ:
ထွက်မြောက်ရာကျမ်း ၂၀း၁၃ ထဲတွင် ဖော်ပြထားသော "လူ့အသက်ကို မသတ်နှင့်" အကြောင်းအရာများကို လူများစွာတို့က နားလည်မှု လွှဲချော်သွားပြီး စစ်ပွဲအတွက် အသုံးချရန် ကြိုးပမ်းခဲ့ကြသည်။ "လူတစ်ယောက်အား ရန်လို မုန်းတီးသောသဘောဖြင့် သတ်ခြင်းသည်- လူ့အသက်သတ်ခြင်း ဖြစ်သည်"ဟု ဟေဗြဲစကားလုံးဖော်ပြလိုသော အရာ ဖြစ်သည်။ ဘုရားသခင်က ဣသရေလလူမျိုးများအား အခြားတိုင်းတပါးများနှင့်တိုက်ခိုက်ရန် စစ်ပွဲဆင်နွှဲစေခဲ့သည် (၁ရာ ၁၅း၃၊ ယောရှု ၄း၁၃)။ ရာဇ၀တ်ကျူးလွန်သူများကို သေဒဏ်ပေးရန် ဘုရားသခင်အမိန့်ပေးခဲ့သည် (ထွက် ၂၁း၁၂၊ ၁၅၊ ၂၂း၁၉၊ ၀တ်ပြုရာ ၂၀း၁၁)။ ထိုကြောင့် ဘုရားသခင်က လူအသက်သတ်ခြင်းအားလုံးကို ဆန့်ကျင်ဘက်မပြုဘဲ၊ မုန်းတီး သောစိတ်သဘောဖြင့် သတ်ခြင်းကိုသာ ဆန့်ကျင်သည်။ စစ်ပွဲသည် ကောင်းသောအရာမဟုတ်ပါ။ သို့သော် တခါတရံ မဖြစ်မနေစစ်တိုက်ရမည့်အချိန်ရှိတတ်သည်။ အပြစ်တရားနှင့်ပြည့်လျှံသော လောကကြီးမှာ (ရောမ ၃း၁၀-၁၈) စစ်ပွဲကို မဖြစ်မနေ ဆင်နွဲရမည် ဖြစ်သည်။ တခါတရံ အပြစ်မရှိသောသူ၏အသက်ကို သတ်ဖြတ်ခြင်းမှာ ကာကွယ်နိုင်ရန်အတွက် စစ်ပွဲသို့ သွားရမည်ဖြစ်သည်။

ဓမ္မဟောင်းကျမ်းထဲတွင် ဘုရားသခင်က ဣသရေလလူမျိုးများအား "မိဒျန်လူမျိုးများကို လက်စားချေရန်" (တောလည်ရာ ကျမ်း ၃၁း၂) အမိန့်ပေးခဲ့သည်။ တရားဟောရာကျမ်း ၂၀း၁၆-၁၇ က "သင်၏ဘုရားသခင် ထာဝရဘုရားသည် သင့်အ မွေခံစ ရာဘို့၊ ဤလူမျိုးနေရာမြို့တို့၌ အသက်ရှူသော လူသတ္တ၀ါတစုံတယောက်ကိုမျှ အသက်မရှင်စေရ။ ဟိတ္တိလူ၊ အာမောရိလူ၊ ခါနနိလူ၊ ဖေရဇိလူ၊ ဟိဝိလူ၊ ယေဗုသိလူတို့သည် မိမိတို့ဘုရားများ၌ ပြုသော စက်ဆုပ်ရွံရှာဘွယ်အမှုတို့ကို သင့်အား သွန်သင်သည်"ဟု ဖော်ပြထားသည်။ ၁ရာ ၁၅း၁၈ က "ထာဝရဘုရားက၊ သွားလော့။ အပြစ်များသော အာမလက်အမျိုးသားတို့ကို ရှင်းရှင်းဖျက်ဆီးလော့။ မဖျက်ဆီးမှီ တိုင်အောင် စစ်တိုက်လော့ဟု သင့်ကို ဝေးသောအရပ်သို့ စေလွှတ်တော်မူ၏"ဟု ဖော်ပြထားသည်။ ဘုရားသခင်က စစ်ပွဲအားလုံးကို မဆန့်ကျင်ပါ။ သခင်ယေရှုသည် ခမည်းတော် နှင့်အမြဲတမ်း သဘောတူညီမှုရှိခဲ့သည် (ယောဟန် ၁၀း၃၀)။ ဓမ္မဟောင်းကျမ်းထဲမှာ စစ်ပွဲသည်ဘုရားသခင်၏အလိုတော် တစ်ခုတည်းဖြစ်သည်ဟု ကျွန်ုပ်တို့ မငြင်းပယ်သင့်ပါ။ ဘုရားသခင်သည် မပြောင်းလဲနိုင်ပါ (မာလခိ ၃း၆၊ ယာကုပ် ၁း၁၇)။

သခင်ယေရှုဒုတိယအကြိမ်ကြွလာခြင်းသည် အလွန်ထိတ်လန့်စရာကောင်းလိမ့်မည်။ ဗျာဒိတ် ၁၉း၁၁-၂၁ ထဲတွင် ခရစ် တော်နှင့် နောက်ဆုံးသော စစ်ပွဲကို ဖော်ပြထားသည်။ သူသည် တရားစီရင်မည့်သူနှင့် "ဖြောင့်မတ်ခြင်းအားဖြင့်" (အခန်းငယ် ၁၁) စစ်ပွဲဆင်နွှဲမည့်သူ ဖြစ်သည်။ အသွေးသွန်းခြင်း(အခန်းငယ် ၁၃)နှင့် သွေးဖုံးလွှမ်းသော စစ်ပွဲဖြစ် လိမ့်မည်။ သခင်ယေရှုကို ဆန့်ကျင်သောသူများအားလုံး၏အသားကို ငှက်များက စားလိမ့်မည် (အခန်းငယ် ၁၇-၁၈)။ သူက သူ၏ရန်သူများအပေါ် ဂရုဏာစိတ်ရှိတော့မည်မဟုတ်ပါ။ သူတို့အပေါ် အောင်မြင်မှုရရှိခဲ့ပြီးနောက် သူတို့အား "လောင်ကျွမ်းသော မီးဖိုထဲမှာ" (အခန်းငယ် ၂၀) ပစ်ချပါလိမ့်မည်။

ဘုရားသခင်သည် စစ်ပွဲကို ထောက်ခံအားမပေးပါဟု ပြောခြင်းသည် မှားသည်။ သခင်ယေရှုသည် စစ်ဆန့်ကျင်ရေးဝါဒ သမား မဟုတ်ပါ။ အပြစ်တရားနှင့်ပြည့်စုံသော ကမ္ဘာပေါ်မှာ တခါတရံ ဆိုးသွမ်းသောသူများကို ခုခံကာကွယ်ရန် စစ်ပွဲဆင်နွဲဖို့ လို အပ်သည်။ ဒုတိယကမ္ဘာစစ်က ဟတ္တိလာကို မသတ်နိုင်လျှင် သူက လူသန်းပေါင်းမည်မျှ သတ်လိမ့်မည်နည်း။ အမေရိက ပြည်တွင်းစစ်ကို အဆုံးမသတ်လျှင် အဖရိက-အမေရိကန်သားများက ကျွန်အဖြစ် မည်မျှ ဒုက္ခရောက်ဦးမလဲ။

စစ်ပွဲသည် ကြောက်မက်ဖွယ်ကောင်းသောအရာတစ်ခု ဖြစ်သည်။ အချို့သော စစ်ပွဲများသည် အခြားသူများထက် ပိုပြီး "တရားမျှတ"သည်။ သို့သော် စစ်ပွဲသည် အပြစ်တရားကြောင့် ဖြစ်သည် (ရောမ ၃း၁၀-၁၈)။ ထိုကြောင့် ဒေသနာ ၃း၈ထဲတွင် "ချစ်ရသောအချိန်နှင့် မုန်းရသောအချိန်လည်းရှိ၏။ စစ်တိုက်သောအချိန်နှင့် စစ်ငြိမ်းရသောအချိန်လည်းရှိ၏"ဟု ဖော်ပြ ထားသည်။ ကမ္ဘာကြီးသည် အပြစ်တရား၊ မုန်းတီးခြင်း၊ အဆိုးများနှင့် ပြည့်လျှံနေသဖြင့် (ရောမ ၂း၁၀-၁၈) စစ်ပွဲသည် မဖြစ်မနေဆင်နွှဲရမည် ဖြစ်သည်။ ခရစ်ယာန်များက စစ်ပွဲကို အလိုမရှိကြပါ။ သို့သော် ခရစ်ယာန်များသည် ဘုရားသခင်က သူတို့အပေါ်အုပ်ချုပ်ရန်ခန့်အပ်သော အစိုးရများကို ဆန့်ကျင်တော်လှန်ရန်အတွက်လည်း မဟုတ်ပါ (ရောမ ၁၃း၁-၄၊ ၁ပေ ၂း၁၇)။ စစ်ပွဲဆင်နွှဲသောအချိန်တွင် ကျွန်ုပ်တို့ လုပ်ဆောင်နိုင်သောအရာမှာ ကျွန်ုပ်တို့ခေါင်းဆောင်ာများဥာဏ်ပညာဖြင့် ပြည့်ဝရန် ဆုတောင်းပေးခြင်း၊ ကျွန်ုပ်တို့ဆင်နွှဲသောစစ်ပွဲကို လုံခြုံရေးအတွက်ဆုတောင်းခြင်း၊ လျှင်မြန်စွာ အောင်မြင်ရေး အတွက်ဆုတောင်းခြင်း၊ နှစ်ဦးနှစ်ဘက်ပြည်သူပြည်သားများအသေအပျောက်လျော့နည်းစေရန် ဆုတောင်းပေးခြင်း (ဖိလိပ္ပိ ၄း၆-၇) ဖြစ်သည်။


ထို့နောက် မြန်မာဘာသာဖြင့်ရေးထားသော စာမျက်နှာသို့ ပြန်လှည့်ပ


စစ်ပွဲအကြောင်းကို သမ္မာကျမ်းစာက မည်သို့ ဖော်ပြထားသနည်း။