settings icon
share icon
မေးခွန်း

ခရစ်ယာန်မိဘများက ပြောကျသောသား (သို့မဟုတ်သမီး)ရှိလျှင် ဘာလုပ်သင့်သနည်း။

အဖြေ


လုကာ ၁၅း၁၁-၃၂ ထဲတွင် ပျောက်သောသားအကြောင်းကို ဖော်ပြထားသည်။ မိဘပြုစုပျိုးထောင်သည့်အတိုင်း လိုက်နာမှုမရှိ ဆန့်ကျင်ဘက်လျှောက်လှမ်းသော သားသမီးများအပေါ် တုံ့ပြန်မှုနှင့်ဆက်ဆံမှုများပြုနိုင်ရန် ယုံကြည်သူ မိဘများက လက်တွေ့အသုံးပြုရမည့်အခြေခံသဘောတရားများကိုလည်း တွေ့ရသည်။ သားသမီးများသည် လူပျိုဘဝ ရောက်လာသောအခါ မိဘများ၏အုပ်စိုးမှုအောက်မှာမရှိတော့သည်ကို မိဘများက မှတ်ထားရမည်။

ပျောက်သောသားအကြောင်းထဲတွင် သားငယ်က သူပိုင်ဆိုင်မည့်အမွေအားလုံးယူပြီး ဝေးလံသောနိုင်ငံသို့ထွက်သွားကာ သုံးဖြုန်းခဲ့သည်။ ကယ်တင်ခြင်းမရသေးသော သားသမီးများအတွက် ပျောက်သောသားကဲ့သို့အသက်ရှင်ခြင်းသည် သဘာဝအလျောက်ဖြစ်သည်။ ကလေးတစ်ဦးသည် ခရစ်တော်အား ယုံကြည်လက်ခံကြောင်း တစ်ကြိမ်ဖွင့်ဟပြောဆိုသော အခါ ဤသားငယ်အား "ပျောက်သောသား"ဟု ခေါ်နိုင်သည်။ ဤစကားလုံး၏အနက်အဓိပ္ပါယ်မှာ "သူ၏ပိုင်ဆိုင်မှုအားလုံး ကို မဆင်ခြင်၊ နှမြောသောစိတ်မရှိဘဲ သုံးဖြုန်းသောသူ" ဟု အဓိပ္ပါယ်ရသည်။ ကလေးတစ်ဦးသည် အိမ်မှထွက်သွားပြီး သူ၏မိဘများထားပေးသော ၀ိညာဉ်ရေးရာအမွေအားလုံးကို သုံးဖြုန်းသောသူအတွက် ဖော်ပြပေးရန် အကောင်းဆုံး ဖြစ်သည်။ ထိုကလေးငယ်သည် ဘုရားသခင်ကို ဆန့်ကျင်သောသူဖြစ်သည့်နည်းတူ၊ သူက ပြုစုစောင့်ထိန်းမှု၊ ဆုံးမသွန်သင်မှု၊ ချစ်ခြင်းနှင့် ဂရုစိုက်ပြုစုခြင်းများကို မေ့ပျောက်ခဲ့သည်။ ပထမဦးဆုံး ဘုရားသခင်ကို ဆန့်ကျင်ဘက်ပြုခြင်း သည် မိဘများနှင့် သူတို့၏အုပ်စိုးမှုကို ဆန့်ကျင်ခြင်းအားဖြင့် ဘုရားသခင်ကို ဆန့်ကျင်ကြောင်း ထင်ရှားသည်။

ပုံပြင်ထဲ၌ရှိသော ဖခင်က သူ့သားငယ်ပြန်လည်မည်ကို အမြဲတမ်းမြော်လင့်စောင့်ဆိုင်းခဲ့သည်ကို မှတ်ထားပါ။ သူ့သားကို ကာကွယ်ရန် သူ့နောက်သို့ တကောက်ကောက်မလိုက်လာပါ။ ဤမိဘများက သစ္စာရှိစွာဖြင့် အိမ်မှ ဆုတောင်းရင်း စောင့် မျှော်ခဲ့သည်။ ထိုသားပြန်လာသည်ကို အဝေးမှလှမ်းမြင်သောအခါ သူတို့က ထိုသားငယ်အား သွားကြိုရန်အတွက် စောင့်မျှော်ပြီး သွားကြိုရန် အလျှင်တဆောပြေးသည်။

ကျွနု်ပ်တို့သားသမီးများသည် အသက်အရွယ်ရောက်ပြီဟုဆိုကာ သူ့နည်းသူ့ဟန်ဖြင့် အသက်ရှင်ရန် အိမ်မှထွက်သွားလိုလျှင် မိဘများက သူတို့ကို ထွက်ခွင့်ပြုရမည်။ မိဘများက သူတို့နောက်သို့မလိုက်သင့်ပါ။ သူတို့ပြန်လာစေနိုင်သောအရာများကိုလည်း ဝင်ရောက်စွက်ဖက်ကာ မပြုလုပ်ရပါ။ မိဘများသည် အိမ်မှာနေပြီး ဆုတောင်းကာ နောင်တတရားဖြင့် လမ်းကြောင်းပြောင်းကာ သူတို့၏သားသမီးများ အိမ်သို့ ပြန်လာ ခြင်းကို ဆုတောင်းပြီး စောင့်မျှော်ရမည်။ ထိုအချိန်မရောက်မီ မိဘများက အေးအေးဆေးဆေးနေရမည်။ သူတို့နှင့်ဆန့်ကျင်ဘက်ဖြစ်သောအရာများကို မလုပ်ဆောင်သင့်ပါ။ သူတို့ကိုလည်း ဝင်ရောက်စွက်ဖက်ခြင်းမပြုသင့်ပါ (၁ပေ ၄း၁၅)။

သားသမီးများသည် အသက်အရွယ်တရားဝင်ရောက်လာသောအခါ သူတို့သည် ဘုရားသခင်၏အုပ်စိုးမှုအောက်၌သား နေပြီး အစိုးရအမိန့်ကို နာခံရမည် ဖြစ်သည် (ရောမ ၁၃း၁-၇)။ မိဘများအနေဖြင့်၊ ကျွနု်ပ်တို့၏ပျောက်ဆုံးသောသားများကို ဘုရားသခင်ထံသို့ပြန်လာရန် ဆုံးဖြတ်ချက်ချမှတ်သည့်အချိန်ထိ ချစ်ခြင်းနှင့်ဆုတောင်းခြင်းအားဖြင့် စောင့်မျှော်ရမည်။ ဘုရားသခင်က အသိတရားရရှိရန် စိတ်ပျက်နုံခြာဖွယ်ကောင်းသောဘဝကို ပေးတတ်သည်။ ထိုအရာအပေါ် လူတိုင်းက မှန်ကန်စွာ တုံ့ပြန်မှုပြုရမည် ဖြစ်သည်။ မိဘများအနေဖြင့် ကျွနု်ပ်တို့သည် ကိုယ့်သားသမီးများကို မကယ်တင်နိုင်ပါ။ ဘုရားသခင်ကသာ ကယ်တင်နိုင်သည်။ အချိန်မရောက်သေးခင်မှာ ကျွနု်ပ်တို့သည် စောင့်မျှော်ပြီး ဆုတောင်းကာ ဘုရားသခင်၏လက်တော်ထဲမှာ အရာအားလုံးအပ်နှံရမည်။ ဤအရာသည် နာကျည်းဖွယ်ကောင်းသောအရာ ဖြစ်သော်လည်း သမ္မာကျမ်းစာဖော်ပြချက်နှင့်အညီလုပ်ဆောင်သောအခါ စိတ်နှလုံးသားထဲမှာ ငြိမ်သက်ခြင်းရရှိသည်။ ကျွနု်ပ်တို့သည် မိမိသားသမီးများအပေါ် တရားမစီရင်နိုင်ကြပါ။ ဘုရားသခင်တစ်ပါးတည်းကသာ တရားစီရင်နိုင်သည်။ "မြေကြီးတပြင်လုံးတရားစီရင်သောသူမှာ ဘုရားသခင်ပင် ဖြစ်သည်" (ကမ္ဘာ ၁၈း၂၅(ခ))ဟု ခွန်အားယူနိုင်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ခရစ်ယာန်မိဘများက ပြောကျသောသား (သို့မဟုတ်သမီး)ရှိလျှင် ဘာလုပ်သင့်သနည်း။
© Copyright Got Questions Ministries