ရာသက်ပန်ပေါင်းသင်းခြင်း၏သော့ချက်မှာ အဘယ်နည်း။



မေးခွန်း: ရာသက်ပန်ပေါင်းသင်းခြင်း၏သော့ချက်မှာ အဘယ်နည်း။

အဖြေ:
တမန်တော်ရှင်ပေါလုက မိန်းမသည် အသက်ရှင်နေသရွေ့ သူ၏ခင်ပွန်းအပေါ် "ချည်နှောင် ခြင်း"ခံရသည်ဟု ပြောခဲ့သည် (ရောမ ၇း၂)။ ဤနေရာတွင် ဖော်ပြထားသော အခြေခံသဘောတရား မှာ ခင်ပွန်းဖြစ်စေ၊ မိန်းမဖြစ်စေ သေသည့်ထိတိုင်အောင်ပေါင်းသင်းခြင်း ဖြစ်သည်။ ဤအကြောင်း အရာသည် ဘုရားသခင်၏အမိန့်တော်ဖြစ်သည်။ သို့သော် ယခုခေတ်ကာလ အိမ်ထောင်ပြုသောများ ထဲတွင် ၅၁ ရာခိုင်နှုန်းသည် အိမ်ထောင်ကွဲကြသည်။ ဆိုလိုသည်မှာ အိမ်ထောင်ပြုသူတစ်ဝက်ခန့်သာ လျှင် သေသည့်ထိတိုင်အောင် သစ္စာမပျက်ဘဲ ပေါင်းသင်းရန် သစ္စာဂတိပြုကြသည်။

အိမ်ထောင်ပြုသူလင်၊မယားတို့သည် ရာသက်ပန်ပေါင်းသင်းမည်ဟု မည်သို့ အာမခံနိုင်မည်နည်း။ ပထမဦးဆုံးအရေးကြီးသောအရာမှာ ဘုရားသခင်နှင့်သူ၏နှုတ်ကပတ်တော်ကို နာခံခြင်းပင် ဖြစ်သည်။ သူတို့သည် ထိမ်းမြားလက်ထပ်ခြင်းမပြုမီ ဤအခြေခံသဘောတရားကို လက်တွေ့ကျင့်သုံးရမည် ဖြစ်သည်။ ဘုရားသခင်က "လူနှစ်ဦးသည် ဘောမတူလျှင် ပေါင်းဘော်၍ ခရီးသွားနိုင်သလော" (အာမုတ် ၃း၃) ဟု ပြောထားသည်။ ဒုတိယမွေးဖွားခြင်းခံသော ယုံကြည်သူအတွက် မယုံကြည်သူတစ်ယောက်နှင့် ထိမ်းမြားခြင်းမပြုခြင်းကို ဆိုလိုသည်။ "မယုံကြည် သောသူတို့နှင့်တွဲဖက်၍ ဆန့်ကျင်ဘက်ဖြစ်သောထမ်းဘိုးကို မထမ်းကြနှင့်။ တရားသောအမှုသည် မတရားသောအမှုကို အဘယ်သို့ လက်ခံနိုင်မည်နည်း။ အလင်းသည် မှောင်မိုက်နှင့် အဘယ်သို့ ဆက်ဆံနိုင်မည်နည်း" (၂ကော ၆း၁၄)။ ဤအခြေခံသဘောတရားအတိုင်းလိုက်လျှောက်လျှင် အိမ် ထောင်ပြုပြီးနောက် စိတ်နှလုံးပူဆွေးခြင်း၊ ဆင်းရဲဒုက္ခရခြင်းနှင့် ကင်းလွတ်ပါလိမ့်မည်။

ရာသက်ပန်ပေါင်းသင်းရေးအတွက် အခြားသောအခြေခံသဘောတရားမှာ ယောင်္ကျားသည် ဘုရား သခင်ကို နာခံပြီး မိမိကိုယ်ကို ချစ်သကဲ့သို့ သူ၏မယားကို ချစ်ပြီး ရိုသေကာ ကာကွယ်ရမည် (ဧဖက် ၅း၂၅-၃၁)။ ထိုနည်းတူ မိန်းမသည်လည်း ဘုရားသခင်ကို နာခံပြီး သူ၏ယောင်္ကျားအား "ဘုရားသခင် အပေါ်ပြုသကဲ့သို့" ဆက်ကပ်ခြင်းရှိရမည် (ဧဖက် ၅း၂၂)။ ယောင်္ကျားတစ်ယောက်နှင့်မိန်းမတစ်ယောက်တို့အကြား ထိမ်းမြားခြင်းသည် ခရစ်တော်နှင့်အသင်း တော်တို့အကြားဆက်နွယ်မှုကို ပုံဖော်ထားခြင်း ဖြစ်သည်။ ခရစ်တော်က အသင်းတော်အတွက် မိမိ အသက်ကို စတေးခဲ့သည်။ ချစ်ပြီး ရိုသေသည်။ သူ၏ "သတို့သမီး"အဖြစ် ကာကွယ်သည် (ဗျာဒိတ် ၁၉း၇-၉)။

ဘုရားသခင်သည် အာဒံနှင့်ဧ၀တို့ကို ပထမဦးဆုံးထိမ်းမြားပေးသောအခါ သူမကို အာဒံ၏ "အသွေး အသား နှင့်အရိုး"မှ ဖန်းဆင်းခဲ့သည် (ကမ္ဘာ ၂း၂၁)။ သူတို့သည် တသွေးတသားဖြစ်သည် (ကမ္ဘာ ၂း၂၃-၃၄)။ တသွေးတသားဖြစ်ခြင်းသည် ကိုယ်ခန္ဓာပေါင်းစည်းခြင်းထက် ပိုပြီးအဓိပ္ပါယ်ရှိသည်။ အဓိပ္ပါယ်မှာ စိတ်ဝိညာဉ်တစ်လုံးတ၀အဖြစ် စည်းလုံးခြင်း ဖြစ်သည်။ ဤဆက်နွယ်မှုသည် စိတ်အာရုံတွင်ခံစားခြင်း (သို့)ဆွဲဆောင်ခြင်းထက်ပိုပါသည်။ သူတို့သည် ၀ိညာဉ်ရေးရာ၌ "တလုံးတ၀" ဖြစ်ခြင်း ဖြစ်သည်။ သူတို့သည် ကြင်ဖော်ကြင်ဘက်အဖြစ် ဘုရားသခင်အပေါ်၌၄င်း၊ တစ်ဦးက အခြားတစ်ဦးအပေါ် ဆက်ကပ်ခြင်းကို ဆိုလိုသည်။ ဤဆက်နွယ်မှုသည် "ငါ၊ ငါ့၏"စသည်ဖြင့် အတ္တသဘောကို ဦးစားပေးခြင်းမဟုတ်ဘဲ "ငါတုိ့၊ ငါတို့၏"စသည်ဖြင့် ဦးစားပေးခြင်းပင် ဖြစ်သည်။ ဤအရာသည် ရာသက်ပန်ပေါင်းသင်းနိုင်ရန် အတွက် လျှို့ဝှက်ချက် ဖြစ်သည်။ ရာသက်ပန်ပေါင်းသင်းသော အိမ်ထောင်ပြုခြင်းသည် ကြင်ဖော်နှစ်ဦးတို့၏ အရေးကြီးဆုံးလုပ်ဆောင်ရမည့်အရာ ဖြစ်သည်။ ဘုရားသခင်နှင့်အစဉ်အမြဲဆက် နွယ်မှုပြုခြင်းသည် လင်မယားနှစ်ဦးတို့အကြား ဆက်နွယ်မှုကို တည်တံ့ခိုင်မြဲစေသောအရာဖြစ်ပြီ့း ဘုရားသခင်၏ဘုန်းတော်ကိုလည်း ထင်ရှားစေသည်။


ထို့နောက် မြန်မာဘာသာဖြင့်ရေးထားသော စာမျက်နှာသို့ ပြန်လှည့်ပ


ရာသက်ပန်ပေါင်းသင်းခြင်း၏သော့ချက်မှာ အဘယ်နည်း။