settings icon
share icon
မေးခွန်း

ဤအရာသည်အပြစ်ဖြစ်သည်ဟု ကျွနု်ပ်သည် မည်ကဲ့သို့သိရှိနိုင်မည်နည်း။

အဖြေ


။ဤမေးခွန်းနှင့်ပတ်သက်ပြီး ဖော်ပြချက်နှစ်ခုရှိသည်။ သမ္မာကျမ်းစာထဲတွင် အပြစ်ဖြစ် သည်ဟုတိတိကျကျဖော်ပြချက်နှင့် တိုက်ရိုက်မဖော်ပြထားသောအပြစ်များဖြစ်သည်။ သမ္မာ ကျမ်းစာအရာ အမျိုးမျိုးသောအပြစ်များကိုဖော်ပြရာတွင် သုတ္တံ ၆း၁၆-၁၉၊ ဂလတိ ၅း၁၉-၂၁၊ နှင့်၁ကော ၆း၉-၁၀ တို့ပါဝင်သည်။ ဤကျမ်းပိုဒ်တွင်ဖော်ပြထားသောဆိုးသွင်းမှုများသည် အပြစ်ဖြစ်ကြောင်းနှင့် ဘုရားသခင်မနှစ်သက်သောအရာများဖြစ်ကြကြောင်း သံသယရှိရန် မလိုိတော့ပေ။ လူ့အသက်ကိုသတ်ခြင်း၊ သူများမယားနှင့်ပြစ်မှားခြင်း၊ လိမ်ပြောခြင်း၊ ခိုးခြင်း စသည်တို့သည် သမ္မာကျမ်းစာထဲတွင်အပြစ်ဖြစ်သည်ဟု ဖော်ပြထားသောအရာများဖြစ်ကြ သည်။ ပို၍ခက်ခဲသောအရာသည် သမ္မာကျမ်းစာထဲတွင်မဖော်ပြထားသောအပြစ်များသိရှိ ခြင်းဖြစ်သည်။ သမ္မာကျမ်းစာကဤအကြောင်းနှင့်ပတ်သက်ပြီး ကွက်ကွက်ကွင်းကွင်းဖော် ပြထားခြင်းမရှိပေ။ သို့သော် ကျွနု်ပ်တို့မှာ နှုတ်ကပတ်တော်က ကျွနု်ပ်တို့ကိုသွန်သင်နိုင်သော ယေဘုယျ နည်းဥပဒေသများရှိသည်။

ပထမနေဖြင့်၊ နှုတ်ကပတ်တော်ဖော်ပြခြင်းမရှိသည့်အချိန်တွင် တစုံတခုသည်မှားယွင်း ခြင်းရှိသည်ဟုကျွနု်ပ်တို့မပြောခြင်းသည် ကောင်းသောအရာတစ်ခုဖြစ်သည်။ သို့သော် ကျွနု်ပ်တို့မှားသည်ဟုပြောသောအရာသည် အလွန်ကောင်းသောအရာလည်းဖြစ်တတ်သည်။ ဥပမာ သမ္မာကျမ်းစာထဲတွင် ကျွနု်ပ်တို့သည် “ရရှိသောအချိန်များကို အကျိုးရှိရှိအသုံးပြုတတ် ရန်” (ကောလောသဲ ၄း၅) တိုက်တွန်းထားပါသည်။ ဤလောကတွင် ကျွနု်ပ်တို့သည် ခဏတဖြုတ်အသက်ရှင်ခြင်းဖြစ်သည်။ သို့သော်ထာဝရကာလနှင့်ပတ်သက်မှုရှိကာ ထာဝရကာအတွက်ရွေးချယ်ခြင်းအခွင့်ကို ထိုခဏအတောအတွင်းဆုံးဖြတ်ရမည်ဖြစ်သည်။ ကျွနု်ပ်တို့သည်အတ္တသဘောဖြင့်အသက်ရှင်ကာ အချိန်မဖြုန်းသင့်ပေ။ သို့သော် ကျွနု်ပ်တို့ အချိန်နာရီများကို “အခြားသူများလိုအပ်မှုကိုဖြည့်ဆည်းခြင်းအားဖြင့် တည်ဆောက်ခြင်း” (ဧဖက် ၄း၂၉) အတွက်အသုံးပြုရမည်ဖြစ်သည်။

ကောင်းသောစုံစမ်းခြင်းသည် ကျွနု်ပ်တို့သည် ဘုရားသခင်၏ကောင်းသောရည်ရွယ် ချက်များအပြည့်စုံခြင်းအတွက် ကောင်းချီးမင်္ဂလာကို ဘုရားသခင်ထံ ရိုးသားစွာ၊ ကောင်းမြတ် သောစိတ်ထားဖြင့် တောင်းလျှောက်ပြီး၊ အသုံးတော်ခံရန်လိုအပ်သည်။ “သင်တို့သည် စား သော်၄င်း၊ သောက်သော်၄င်း၊ မည်သည့်အမှုကိုပြုသော်၄င်း၊ ဘုရားသခင်၏ဘုန်းတော်ကို ထောက်၍ ခပ်သိမ်းသောအမှုကိစ္စကိုပြုကြလော့” (၁ကော ၁ဝး၃၁)။ ဘုရားသခင်ဝမ်းမြောက် စေနိုင်မည်လားဟု သံသယရှိလျှင် အရှုံးပေးရန်အလွယ်ကူသည်။ “ယုံကြည်ခြင်းမှမဖြစ်လာ သောအရာဟူသမျှသည် အပြစ်ဖြစ်သည်” (ရောမ ၁၄း၂၃)။ ကျွနု်ပ်တို့ခန္ဓာကိုယ်နှင့်ဝိညာဉ်တို့ ကို ဘုရားသခင်ကရွေးနှုတ်ခဲ့ပြီး၊ သူပိုင်ဆိုင်မှုများဖြစ်သည်ကို ကျွနု်ပ်တို့သိရှိရန်လိုအပ်သည်။ “အဘယ်သို့နည်း။ သင်တို့ကိုယ်ခန္ဓာသည် ဘုရားသခင်ပေးသနားတော်မူသော ၀ိညာဉ်တော် တည်းဟူသော၊ သင်တို့အထဲ၌ကျိန်းဝပ်၍ သန့်ရှင်းသောဝိညာဉ်တော်၏ဗိမာန်ဖြစ်ကြောင်းကို ၄င်း၊ မိမိတို့ကို မပိုင်ကြောင်းကို၄င်း၊ မသိကြသလော။ သင်တို့သည် အဘိုးနှင့်ဝယ်တော်မူ သောသူဖြစ်သောကြောင့်၊ ဘုရားသခင်ပိုင်တော်မူသောသူတို့၏ကိုယ်ခန္ဓာနှင့်စိတ်ဝိညာဉ် အားဖြင့် ဘုရားသခင်၏ဂုဏ်တော်ကိုထင်ရှားစေကြလော့” (၁ကော ၆း၁၉-၂၀)။ ကျွနု်ပ်တို့ လုပ်ဆောင်မှုများနှင့် သွားလာလှုပ်ရှားမှုများအားဖြင့် ဤသမ္မာတရားကို ထင်ရှားစေရမည် ဖြစ်သည်။

ထို့ပြင် ဘုရားသခင်နှင့်ဆက်သွယ်ရာတွင်ဖြစ်စေ၊ ကျွနု်ပ်တို့မိသားစု၊ သူငယ်ချင်းမိတ် ဆွေများ၊ အခြားသူများနှင့်ဆက်သွယ်ရာတွင်ဖြစ်စေ ကျွနု်ပ်တို့လုပ်ဆောင်ချက်များကောင်း သည်မကောင်းသည်ကို တန်ဖိုးဖြတ်ရမည်။ ကျွနု်ပ်တို့ကို ဒုက္ခပေးသောအရာမဟုတ်၊ အခြား လူတစ်ဦးကို ဒုက္ခရောက်စေကာ လွှမ်းမိုးခြင်းသည် အပြစ်ဖြစ်သည်။ “အမဲသားကိုစားခြင်း၊ စပျစ်ရည်ကိုသောက်ခြင်းကိစ္စမှစ၍၊ ညီအစ်ကိုထိမိ၍လဲစရာအကြောင်း၊ မှားယွင်းစရာအ ကြောင်း၊ အားနည်းစရာအကြောင်းများကိုရှောင်အပ်၏။… သို့ဖြစ်ဿအားရှိသောငါတို့သည် ကိုယ်အလိုသို့မလိုက်၊ အားနည်းသောသူတို့၏အားနည်းခြင်းကိုသည်းခံရကြမည်” (ရောမ ၁၄း၂၁၊ ၁၅း၁)။

နောက်ဆုံးအနေဖြင့်၊ သခင်ယေရှုခရစ်တော်သည် ကျွနု်ပ်တို့၏သခင်နှင့်အရှင်ဖြစ်သည် ကိုသတိရပါ။ ကျွနု်ပ်တို့သည် သူ့အလိုကိုလိုက်လျှောက်နိုင်ရန် တားဆီးပိတ်ပင်သောအရာ တစ်ခုမျှမရှိပေ။ အကျင့်စာရိတ္တ၊ ပြုပြင်မွမ်းမံခြင်းနှင့် ရည်ရွယ်ချက်ပန်းတိုင်များက ကျွနု်ပ်တို့ အသက်သာကို ထိန်းချုပ်နိုင်မည်မဟုတ်ပေ။ ခရစ်တော်တစ်ပါးတည်းသာလျှင် အခွင့်အာဏာ ရှိသည်။ “ငါသည်အပြစ်မသင့်ဘဲလျက် ခပ်သိမ်းသောအမှုအရာကိုပြုနိုင်သည်မှတ်စေတော့။ ခပ်သိမ်းသောအမှုအရာကို ပြုသင့်သည်မဟုတ်။အပြစ်မသင့်ဘဲလျက်ခပ်သိမ်းသောအမှုအရာ ကို ပြုနိုင်သည်မှတ်စေတော့။ အဘယ်သူမျှ၌ ငါသည်ကျွန်မခံ” (၁ကော ၆း၁၂)။ “စကားပြော သော်၄င်း၊ အမှုဆောင်ရွက်သော်၄င်း၊ သခင်ယေရှု၏နာမတော်ကိုထောက်၍ ခပ်သိမ်းသောအမှုတို့ကို ပြုမူလျက်၊ ကျေးဇူးတော်ကြီးလှပါ၏ဟု ထိုသခင်ကိုအမှီပြု၍ ခမည်းတော်ဘုရားသခင့်ရှေ့ ၌ဝန်ခံကြလော့” (ကောလောသဲ ၃း၁၇)

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ဤအရာသည်အပြစ်ဖြစ်သည်ဟု ကျွနု်ပ်သည် မည်ကဲ့သို့သိရှိနိုင်မည်နည်း။
© Copyright Got Questions Ministries