settings icon
share icon
မေးခွန်း

တစ်ကြိမ်ကယ်တင်ခြင်းရရှိလျှင် ထာဝရအတွက် လုံလောက်သလော။

အဖြေ


လူပုဂ္ဂိုလ်တစ်ဦးသည် တစ်ကြိမ်ကယ်တင်ခြင်းရရှိသောအခါ ထာဝရအတွက် လုံလောက်ပါသလား။ လူတွေက သခင်ယေရှုကို မိမိ ကယ်တင်ရှင်အဖြစ်ယုံကြည်လက်ခံလာကြ သော အခါ သူတို့သည် ဘုရားသခင်နှင့်မိတ်သဟာရဖွဲ့ကာ သူတို့ရရှိသောကယ်တင်ခြင်းတရား သည် ထာဝရအတွက်လုံလောက်သည်ဟု အာမခံချက်ရှိပါသည်။ သမ္မာကျမ်းစာထဲတွင် ကယ်တင်ခြင်း သည် ထာဝရလုံခြုံမှုရှိကြောင်းကို ဖော်ပြချက်များစွာရှိသည်ကို တွေ့ရှိနိုင်သည်။ (က) ရောမ၊ ၈း၃၀ တွင် “ထိုသို့ခွဲခန့်မှတ်သားနှင့်သောသူတို့ကို ခေါ်တော်မူ၏။ ခေါ်တော်မူသောသူတို့ကိုလည်း ဖြောင့်မတ်ရာ၌ တည်စေတော်မူ၏။ ထိုသို့တည်စေတော်မူသောသူတို့ကိုလည်း ချီးမြှောက်တော်မူ၏” ဟုဖော်ပြထားပါသည်။ ဘုရားသခင်သည် ကျွန်ုပ်တို့ကို ရွေးကောက်သော အချိန်မှစ၍ သူကျိမ်းဝပ် တော်မူသော ကောင်းကင်ဘုံမှာ ကျွနု်ပ်တို့ကို ချီးမြှောက်သည်ဟု ဤကျမ်းပိုဒ်က ဖော်ပြထားပါသည်။ ဘုရားသခင်သည် ကျွနု်ပ်တို့၏ကယ်တင်ခြင်းစိတ်ချမှုကို ကောင်းကင်ဘုံတွင် ထားရှိခဲ့ပြီဖြစ်သော ကြောင့် တနေ့နေ့ကျရင် ယုံကြည်သူများအား ဘုရားသခင်၏ချီးမြှောက်ခြင်းကို ဘယ်သူကမှ ပိတ်ပင် တားဆီးနိုင်မည်မဟုတ်ပေ။ လူတစ်ဦးသည် ဖြောင့်မတ်ခြင်းရရှိသောအခါ ထိုသူ၏ကယ်တင်ခြင်းသည် လည်း ထာဝရစိတ်ချလုံခြုံမှုရှိသည်။ ထိုသူသည် ကောင်းကင်နိုင်ငံတော်တွင် ချီးမြှောက်ခြင်းခံရပြီဖြစ် သောကြောင့် ထိုသူရရှိသော ကယ်တင်ခြင်းသည် လုံခြုံစိတ်ချမှုရှိသည်။

(ခ) ရောမ၊ ၈း၃၃-၃၄ တွင် တမန်တော်ရှင်ပေါလုက အရေးကြီးသော မေးခွန်းနှစ်ခုကို မေးမြန်းထားပါသည်။ “ဘုရားသခင်ရွေးကောက်တော်မူသောသူတို့ကို အဘယ်သူသည် အပြစ်တင် မည်နည်း။ ဖြောင့်မတ်ရာ၌ တည်စေသောသူကား၊ ဘုရားသခင်ပေတည်း။ အပြစ်စီရင်သောသူကား၊ အဘယ်သူနည်း။ အသေခံ၍ ခံသည်သာမက၊ သေခြင်းမှထမြောက်၍ ဘုရားသခင်၏ လကျ်ာတော် ဘက်၌ နေလျက်၊ ငါတို့အဘို့ဆုတောင်းသောသူကား၊ ခရစ်တော်ပေတည်း”။ အဘယ်သူသည် ဘုရားသခင်၏ ရွေးကောက်ခြင်းကို ဆန့်ကျင်နိုင်မည်နည်း။ သခင်ယေရှုသည် ကျွနု်ပ်တို့ကိုယ်စား ရှေ့နေလိုက်ပေးသောကြောင့် မည်သူမည်ဝါက ဘုရားသခင်၏ရွေးကောက်ခြင်းကို ဆန့်ကျင်နိုင်မည် မဟုတ်ပေ။ မည်သူက ကျွနု်ပ်တို့ကို တရားစီရင်နိုင်မည်နည်း။ ကျွနု်ပ်တို့အတွက် အသေခံသော သခင်ယေရှုခရစ်တော် သည် တရားစီရင်သူဖြစ်သောကြော် မည်သူမည်ဝါက ကျွနု်ပ်တို့ကို တရားစီရင် နိုင်မည်မဟုတ်ပေ။ ကျွနု်ပ်တို့သည် ကယ်တင်ရှင်သည် ကျွနု်ပ်တို့ကိုယ်စား ရှေ့နေလိုက်ပေးသူနှင့် လူတိုင်းကို တရားစီရင်မည့်တရားသူကြီးဖြစ်သည်။

(ဂ) လူတွေက သခင်ယေရှုကို ယုံကြည်သောအခါ ဒုတိယမွေဖွါးခြင်းရရှိသည် (ယော၊ ၃း၃၊ တိတု၊ ၃း၅)။ ခရစ်ယာန်တစ်ဦးအနေဖြင့်၊ မိမိရရှိသော ကယ်တင်ခြင်း ဆုံးရှုံးနိုင်လျှင် ထိုသူသည် ကယ် တင်ခြင်းစိတ်ချမှု မရရှိခြင်းဖြစ်သည်။ သမ္မကျမ်းစာထဲတွင် ဒုတိယမွေးဖွါးခြင်းသည် ကုန်းဆုံးနိုင်မည် ဟု ဖော်ပြချက်မရှိပေ။ (ဃ) သန့်ရှင်းသောဝိညာဉ်တော်သည် ယုံကြည်သူများထဲတွင် ကျိမ်းဝပ်လျက် ရှိ၍ (ယော၊ ၁၄း၁၇၊ ရောမ၊ ၈း၉)၊ ယုံကြည်သူများကို ခရစ်တော်၏ခန္ဓာကိုယ်ထဲ၌ ဗတ္တိဇံ ပေးလျက်ရှိ သည် (၁ကော၊ ၁၂း၁၃)။ ယုံကြည်သူတစ်ဦးသည် ကယ်တင်ခြင်းဆုံးရှုံးသွားနိုင်လျှင် ထိုသူ၏အထဲ၌ သန့်ရှင်းသောဝိညာဉ်တော်မကျိမ်းဝပ်ခြင်း၊ ခရစ်တော်၏ခန္ဓာကိုယ်မှ နှုတ်ပစ်လိုက်ခြင်းဖြစ်ပါသည်။

(င) ယော၊ ၃း၁၅ ထဲတွင် သခင်ယေရှု ခရစ်တော်ကို ယုံကြည်သောသူအပေါင်းတို့သည် “ထာ ဝရအသက်” ရရှိလိမ့်မည် ဟုဖော်ပြထားပါသည်။ မိတ်ဆွေသည် ယနေ့ကယ်တင်ခြင်းစိတ်ချမှု ရရှိခဲ့ပြီး၊ မနက်ဖြန် ဆုံးရှုံးသွားလျှင် “ထာဝရ” ဟု မခေါ်နိုင်ပေ။ ထို့ကြောင့်မိတ်ဆွေသည် မိမိရရှိခဲ့ သော ကယ်တင်ခြင်းတရားကို ဆုံးရှုံးနိုင်လျှင် သမ္မာကျမ်းစာထဲ၌ ဖော်ပြထားသော ထာဝရအသက် တွက် ဂတိပြုထားချက်တို့သည် မှားယွင်းခြင်းသက်သက် ဖြစ်ပါသည်။ (စ) ဤအကြောင်းအရာနှင့် ပတ်သက်၍ နောက်ဆုံးအနေဖြင့် သမ္မာကျမ်းစာဖော်ပြချက်ကို အကောင်းဆုံးကြည့်ကြပါစို့။ “အကြောင်းမူကား၊ သေခြင်းဖြစ်စေ၊ အသက်ရှင်ခြင်းဖြစ်စေ၊ ကောင်းကင်တမန်ဖြစ်စေ၊ အထွဋ်အမြတ် ဖြစ်စေ၊ အာဏာတန်ခိုးဖြစ်စေ၊ မျက်မှောက်အရာဖြစ်စေ၊ နောင်လာလတံ့သောအရာဖြစ်စေ၊ အမြင့်ဖြစ်စေ၊ အနိမ့်ဖြစ်စေ၊ ဤအရာမှစ၍ အဘယ်နိမ္မိတအရာမျှသည်၊ ငါတို့သခင်ယေရှုခရစ်အား ဖြင့်၊ ခံရသောဘုရားသခင်၏မေတ္တာတော်နှင့် ငါတို့ကို မကွာစေနိုင်ဟု ငါသည် သဘောကျလျက်ရှိ၏” (ရောမ၊ ၈း၃၈-၃၉)။ မိတ်ဆွေကို ကယ်တင်သောဘုရားသည် မိ်တ်ဆွေကို စောင့်ရှောက်သောဘုရား သခင်ဖြစ်သည်။ ကျွနု်ပ်တို့သည် တစ်ကြိမ်ကယ်တင်ခြင်းစိတ်ချမှုရရှိလျှင် ထာဝရအတွက် လုံလောက် သည်။ ကျွန်ုပ်တို့၏ကယ်တင်ခြင်းသည် ထာဝရအတွက်လုံခြုံစိတ်ချမှုရှိသည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

တစ်ကြိမ်ကယ်တင်ခြင်းရရှိလျှင် ထာဝရအတွက် လုံလောက်သလော။
© Copyright Got Questions Ministries