မေးခွန်း
ယုံကြည်သူမိခင်အကြောင်းကို သမ္မာကျမ်းစာက မည်သို့ ဖော်ပြထားသနည်း။
အဖြေ
မိခင်တစ်ဦးဖြစ်ခြင်းသည် အလွန်အရေးကြီးကဏ္ဍာတစ်ခုဖြစ်သည်။ ထိုကြောင့် ဘုရားသခင်က မိခင်များစွာ ရွေးချယ်ခြင်း ဖြစ်သည်။ ယုံကွညျသူမိခငျတစ်ဦးသည် သူမ၏သားသမီးမျာကို ချစ်ရမည် (တိတု ၂း၄-၅)။ ထိိုသို့ချစ်လျှင် သူမက ဘုရားသခင်၏နာမတော်နှင့် သူမသယ်ဆောင်သော ကယ်တင်ရှင်၏နာမတော်ကို ရှုံ့မဲ့စေမည်မဟုတ်ပါ။
သားသမီးများသည် ဘုရားသခင်ပေးသော ဆုကျေးဇူးတစ်ခု ဖြစ်သည် (ဆာလံ ၁၂ရး၃-၅)။ တိတု ၂း၄ ထဲတွင် မိခင်များက သူတို့၏သားသမီးများအပေါ်ထားရှိသော မေတ္တာကို ဂရိစကားလုံးဖြင့် philoteknos ဟု ဖော်ပြထားသည်။ "မိခင်မေတ္တာ"ကို အထူးပြု ဖော်ပြလိုခြင်း ဖြစ်သည်။ ဤစကားလုံး၏ဖော်ပြလိုသောအရာမှာ သားသမီးများကို ပြုစုစောင့် ထိန်းခြင်း၊ ပြုစုခြင်း၊ ယုယစွာပွေ့ဖက်ခြင်း၊ သူတို့၏လိုအပ်မှုများကို ဖြည့်ဆည်းပေးခြင်း၊ ဘုရားသခင်ထံမှရရှိသော ဆုကျေးဇူးများအဖြစ် သားသမီးများအား ယုယစွာ စောင့်ထိန်းခြင်း တို့ဖြစ်သည်။
ဘုရားသခင်၏နှုတ်ကပတ်တော်ထဲမှာ ယုံကွညျသူမိခငျများအတွက် ပညတ်ချက်အချို့ရှိသည်။ ၄င်းတို့မှာ-
အချိန်တိုင်းစောင့်ထိန်းရမည်- နေ့ညမပြတ် ပြုစုစောင့်ထိန်းရမည် (တရားဟောရာ ၆း၆-၇)
အချိန်ပေးရမည်- အပြန်အလှန်ဆော့ကစားခြင်း၊ ဆွေးနွေးခြင်း၊ တွေးတောခြင်း၊ အတူတူနေထိုင်ခြင်း ရှိရမည် (ဧဖက် ၆း၄)။
ဆုံးမသွန်သင်ရမည်- နှုတ်ကပတ်တော်နှင့်လောကအရာများကို သွန်သင်ရမည် (ဆာလံ ၇၈း၅-၆၊ တရားဟောရာ ၄း၁၀၊ ဧဖက် ၆း၄)။
သင်ကြားပေးရမည်- ကလေးသူငယ်များအား ကူညီပြီး သူတို့၏အစွမ်းအစများတိုးတက်စေကာ သူတို့၏အားသာချက် များ(သုတ္တံ ၂၂း၆) နှင့် ၀ိညာဉ်ဆုကျေးဇူးများကို သိရှိရမည် (ရောမ ၁၂း၃-၈ နှင့် ၁ကော ၁၂)။
စည်းကမ်းဖြင့် သွန်သင်ခြင်းရှိရမည်- ဘုရားသခင်ကို ကြောက်ရွံ့ခြင်းကို အဆက်မပြတ်၊ ချစ်ခြင်းမေတ္တာဖြင့် ခိုင်ခံစွာ သွန်သင်ရမည် (ဧဖက် ၆း၄၊ ဟေဗြဲ ၁၂း၅-၁၁၊ သုတ္တံ ၁၃း၂၄၊ ၁၉း၁၈၊ ၂၂း၁၅၊ ၂၃း၁၃-၁၄၊ ၂၉း၁၅-၁၇)။
ကျွေးမွေးသွန်သင်ခြင်း ပြုရမည်- စကားပြောပုံပြောနည်း၊ စိတ်ဓါတ်ခိုင်ခ့ံခြင်း၊ ခွင့်လွတ်တတ်ခြင်း၊ စွဲဆောင်မှုရှိခြင်း၊ ချစ်ခြင်း စသည်တို့ကို သွန်သင်ရမည် (တိတု ၂း၄၊ ၂တိ ၁းရ၊ ဧဖက် ၄း၂၉-၃၂၊ ၅း၁-၂၊ ဂလာတိ ၅း၂၂၊ ၁ပေ ၃း၈-၉)။
ရိုးသားဖြောင့်မတ်မှုကို သင်ကြားပေးခြင်း ရှိရမည်- ပြောသည့်အတိုင်း အသက်ရှင်ခြင်း၊ အထူးသဖြင့် ဘုရားတရားကို သိရှိ ခြင်းအားဖြင့် အသက်ရှင်ခြင်းများကို ကလေးသူငယ်များအား သင်ကြားပေးရမည် (တရားဟောရာ ၄း၉၊ ၁၅၊ ၂၃၊ သုတ္တံ ၁ဝး၉၊ ၁၁း၃၊ ဆာလံ ၃ရး၁၈၊ ၃၇)။
မိန်းမအားလုံးသည် မိခင်များဖြစ်ရမည်ဟု သမ္မာကျမ်းစာ မသွန်သင်ထားပါ။ သို့သော် မိခင်များဖြစ်လာရန် ဘုရားသခင် ကောင်းချီးပေးသောမိန်းမအားလုံးသည် သူတို့၏တာဝန်ကို အရေးတကြီးလုပ်ဆောင်ရမည်ဟု ဖောြ်ပထားသည်။ မိခင်များ သည် သူတို့၏သားသမီးများဘဝများထဲမှာ အရေးကြီးသော ကဏ္ဍရှိသည်။ မိခင်တစ်ဦးဖြစ်ခြင်းသည် ငြီးငွေ့စရာ၊ ဝမ်းနည်း စရာကောင်းသောလုပ်ငန်းလုပ်ဆောင်ခြင်းမဟုတ်ပါ။ မိခင်များသည် ကိုယ်ဝန်ရှိနေသည့်အချိန်တွင် သားသမီးများကို လွယ်ပြီး၊ သားသမီးများအား ကလေးဘဝမှ ပြုစုစောင့်ထိန်းကျွေးမွေးသည့်နည်းတူ သူတို့သည် သူတို့၏သားသမီးများဘဝ အတွက် အရေးကြီးသော ကဏ္ဍတစ်ခုမှ ပါဝင်လုပ်ဆောင်ကြသည်။ ကလေးများ ငယ်ရွယ်သောအခါတွင်ဖြစ်စေ၊ ဆယ် ကျော်သက်အရွယ်တွင်ဖြစ်စေ၊ လူငယ်ဘဝတွင်ဖြစ်စေ၊ ကြီးလာသောအခါတွင်ဖြစ်စေ မိခင်များသည် အရေးကြီးသော ကဏ္ဍမှ ပါဝင်လုပ်ဆောင်ကြသည်။ မိခင်တစ်ဦး၏အခန်းကဏ္ဍသည် တိုးတက်ပြောင်းလဲရမည်။ ချစ်ခြင်း၊ ပြုစုခြင်း၊ ကျွေးမွေးခြင်းနှင့် ခွန်အားပေးခြင်းတို့သည် ဘယ်တော့မှ ရပ်တန့်ခြင်းမရှိပါ။
English
ယုံကြည်သူမိခင်အကြောင်းကို သမ္မာကျမ်းစာက မည်သို့ ဖော်ပြထားသနည်း။