settings icon
share icon
မေးခွန်း

ကာဣန၏မယားသည် အဘယ်သူနည်း။ ကာဣနက မိမိညီမကို မယားအဖြစ်သိမ်းပိုက်ခဲ့ပါသလား။

အဖြေ


ကာဣန၏ မယားသည် မည်သူဖြစ်သည်ကို သမ္မာကျမ်းစာထဲတွင် တိကျစွာ ဖော်ပြထားခြင်းမရှိပေ။ ကာဣန၏ မယားသည် မိမိညီမ အရင်း (သို့) တဝမ်းကွဲညီမ ဖြစ်နိုင်သည်။ ကာဣနက မိမိညီလေးကို သတ်ဖြတ်သောအခါ သူသည် မိမိအသက် ဘယ် လောက်ရှိသည် ကို သမ္မာကျမ်းစာထဲတွင် ဖော်ပြထားခြင်းမရှိပေ (ကမ္ဘာ၊ ၄း၈)။ သူတို့သည် လယ်ယာလုပ်ငန်းကို လုပ်ကိုင်သောသူများဖြစ်ခဲ့ကြသောကြောင့် သူတို့သည် အရွယ်ရောက်ခဲ့ပြီး သော သူများဖြစ်နိုင်ခဲ့ကြ၍၊ မိသားစုကိုယ်စီလည်း ရှိနိုင်ကြပါသည်။ အာဒံနှင့် ဧဝတို့သည် ကာဣ နက မိမိညီလေးကို သတ်သောအချိန်တွင် သားသမီးများစွာ ထွန်းကားခဲ့သည်ကို သေချာသည်။ နောက်ပိုင်းတွင်သူတို့သည် သားသမီးများစွာ ထွန်းကားခဲ့သည် (ကမ္ဘာ၊ ၅း၄)။ ကာဣနသည် မိမိ ညီကို သတ်ဖြတ်ခဲ့ပြီးနောက် သူသည် မိမိအသက်အန္တရာယ်ဖြစ်မည်ကို စိုးရိမ်လာခဲ့သည် (ကမ္ဘာ၊ ၄း၁၄)။ ထိုကြောင့် ထိုအချိန်တွင် အခြားသော ကလေးငယ်များစွာ နှင့် အာဒံနှင့် ဧဝတို့၏ မြေး အမြားအပြား ရှိနိုင်ပေသည်။ ကာဣန၏မယားသည် အာဒံနှင့်ဧဝတို့၏ သမီး (သို့) မြေးဖြစ်နိုင် သည် (ကမ္ဘာ၊ ၄း၁၇)

အာဒံနှင့် ဧဝတို့သည် ပထမဆုံးသော လူသားများဖြစ်ကြသောကြောင့် သူတို့၏သားသမီး များက အိမ်ထောင်ပြုရန်အတွက် အခြားသူများ ရွေးရန်မရှိပေ။ လူတွေအများအပြားမရှိမီအချိန်၊ အခြားသူများနှင့် အိမ်ထောင်ပြုနိုင်သည့် အချိန်ထိ ဘုရားသခင်က မိသားစုအချင်းချင်း အိမ်ထောင် ပြုရန် ခွင့်ပြုခဲ့ပါသည် (ဝတ်ပြု၊ ၁၈း၆-၁၈)။ ယနေ့ ညီအစ်ကို မောင်နှမ အချင်းချင်းကာမဆက်ဆံ ၍ သားသမီးရရှိခြင်း၏အကြောင်းသည် သူတို့က မိမိကာမဂုဏ်တပ်မက်မှုကို မချုပ်တည်းနိုင် ကြသောကြောင့်ဖြစ်သည်။ လူတွေက အခြားမိသားစုများနှင့် အိမ်ထောင်ပြု၍ သားသမီးထွန်းကား သောအခါ နှစ်ဘက်သောမိဘများသည် ကာမဂုဏ်နောက်သို့ လိုက်လျှောက်ခြင်းမဟုတ်ပေ။ ရာစုနှစ်များ တိုးတက်လာသည့်နှင့်အမျှ လူတွေ၏ညစ်ညမ်းသော အပြုအမူသည်လည်းတိုးတက် လာကာ မျိုးဆက် သစ် တစ်ခုမှတစ်ခုသို့ ရောဂါဆိုးများသည် အလွန်ကျယ်ပြန့်စွာ ကူးစက်လာ ခဲ့ပါသည်။ အာဒံနှင့်ဧဝတို့မှာ ရောဂါဆိုးမရှိခဲ့ကြပေ။ သူတို့၏ဆွေစဉ်မျိုးဆက်၌လည်း ယခုကျွနု်ပ် တို့၌ ရှိသောရောဂါမျိုးကို အရှိခဲ့ကြပေ။ အာဒံနှင့် ဧဝတို့ခေတ်ကာလတွင် ယခုချိန်ကဲ့သို့ ရောဂါဆိုးရှိလျှင် သူတို့သည် သားသမီးအနည်းငယ်ကိုသာ ထွန်းကားကြမည်ဖြစ်သည်။ သို့သော် သူတို့သည် သားသမီးများစွာ ထွန်းကားခဲ့သောကြောင့် သူတို့ခေတ်ကာလတွင် မိမိညီအစ်ကို မောင်နှမများနှင့် အိမ်ထောင်ပြုနိုင်ခဲ့ကြခြင်းဖြစ်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

ကာဣန၏မယားသည် အဘယ်သူနည်း။ ကာဣနက မိမိညီမကို မယားအဖြစ်သိမ်းပိုက်ခဲ့ပါသလား။
© Copyright Got Questions Ministries