অচুম্বা য়াইরোন (ধর্ম্ম) নো?
ৱাহং: অচুম্বা য়াইরোন (ধর্ম্ম) নো?
পাওখুম:
ফাস্ট ফুড রেষ্টোরেন্টশিংনা ঐখোয়না পাম্ব চীঞ্জাক অদুমক পীবীদুনা ঐখোয়বু শুমই। কোফি য়োনবা দুকান খরনা তোঙান তোঙানবা কোফি মনম অমদি মখল চাম্মগী মথক্তা শেম্বা হৈবগীদমক চাওথোকচৈ। ঐখোয়না য়ুম অমসুং কার লৈবা মতমদসু, ঐখোয়না পামলিবদু খন্ননবা পীরিবা মওংশিং অদুদগী অমা খন্ননবা হোৎনৈ। ঐখোয় চোকোলেৎ, ভানিলা, অমসুং ষ্ট্রোবেরিগী তাইবং অমদা তাওদুনা লৈরোই। অপাম্বা খনবনা নিংথৌনি! ঐখোয় ইশাগী অপাম্বা অমসুং মথৌ তাবশিং মতুং ইন্না ঐখোয়না পামলিবদুমক ফংবা ঙমলবনি।
মরমসিনা অদোমগা চপ চান চুশিন্নবা য়াইরোন অমগী মতাংদদি করমতৌবা তাবগে? অরানবা তৌদবা, অপাম্বা তাল্লক্তবা, অমসুং তৌবা য়াই য়াদেগী নুঙাইতবা ময়াম অমনা অথিংবা পীদবা য়াইরোন অমগী মতাংদনা করমনা তৌবা? মসিদি মতাংসিদা চন্নদে, ঐনা হায়খিবগুমনা, হায়বদি য়াইরোনবু চানিংবা আইস ক্রিম মখল অমগী মহাওগুমনা খনবা য়াবা পোৎশকলা?
ঐখোয়গী লেঙদবা ফিরেপ অসিবু য়ানিংদবা খোঞ্জেল ময়াম অমা লৈ, অদুনা করিগী যীশুবু কনাগুম্বনা, হায়বদি, মুহাম্মদ নত্রগা কোনফিসিয়স, বুধ, নত্রগা চার্লস ট্যাজ রাসেল, নত্রগা যোসেফ স্মিথ হায়রিবশিংসিগী মথক্তা লৈ হায়না লৌগদৌরিবনো? পুম্নমক্কী তুংদা, লম্বী পুম্নমক অসিবু লাইরৈপাক য়ৌদবরা? য়াইরোন পুম্নমক অসি মপুংদা চপ মান্নদব্রা? লম্বী পুম্নমক ইন্দিয়ানা কৌবা মফমদুদা য়ৌদবা মরমনা য়াইরোন পুম্নমক লাইরৈপাক য়ৌদে হায়বসিদি অচুম্বমক্নি।
যীশু মথন্নতনা ঈপুরোয়গী তৌঙম্বশিং হায়দোক্তুনা ঙাঙবা শকপা তৌই মরমদি যীশু মথন্নতনা অশিববু মায়থিবা পীখি। মুহাম্মদ, কোনফিসিয়স,অমসুং অতৈশিং ঙসি ফাওবদা মশা মশাগী মোংফমদা উফুল ওনখিবমক্তনি, অদুবু যীশুদি, মশামক্কী শক্তিতনা, তমথিরবা রোমানগী ক্রোস মথক্তা শিরবা মতুং নুমিৎ হুমনি লৈরগা মংশঙদগী হৌগৎলগা চৎখি। অশিবগী মথক্তা লৈবা কনাগুম্বশিং ৱাফমসিদা পুক্নিং চঙবা য়াগনি। অশিবগী মথক্তা লৈবা কনাগুম্বশিং ৱাফমসি তাবীবা য়াগনি।
যীশুনা হিংগৎলকপবু য়ানিংবা উৎপা অসিমক হেনমল্লবনি। অহানবদা, হিংগৎলকলিবা খৃষ্টবু মমিৎমক্না উহৌবা মীওই চামঙাগী মথক্তা লৈরমই! মদুমক মিৎনা উহৌবা ময়াম অমনি। খোঞ্জেল চামঙাবু তাশিন্নদবা য়ারোই। ইহাং হাঙলবা মংশঙ অদুগী ৱাফমসু লৈরি; যীশুগী য়েক্নবশিংনা মহাক্কী অশিবা, থৱায় য়াওদ্রবা হকচাং অদু পুথোক্তুনা হিংগৎলকপগী ঙাংনরিবা ৱা পুম্নমক অদু য়াম্ন লায়না ককপা য়ারমই, অদুবু মখোয়না পুথোক্নবা অশিবা মশা অমত্তা লৈরমদে! মংশঙ অদু ইহাঙ হাঙলমই! মহাক্কী হকচাং মহাক্কী তুংইনবশিংদুনা হুরানবা ঙমলমগদ্রা? ঙমলোই। মী য়ামনা চঙলগা অসিগুম্বা থবক অমা তৌবা ঙমদনবা, যীশুগী মংশঙ অদু খুৎলায় পায়বা সিফাইশিংনা য়াম্ন চেকশিন্না ঙাক শেল্লমই। মহাকপু ফাব অমসুং পাং তিংবদা কিমন্দুনা চেনখিবা মহাক্কী খ্বাইদগী লুনা তৌজবা তুংইনবা কিগল্লবা মীওং কয়াগী ঙাফাবশিং অদুনা, নিংথিনা তম্বীরবা সিফাইগী শিনফমদা হিংলিবশিং অদুগা শয়েং পাম্বোম ঙানরুবা সুকঙম্মক ঙমলোই। ইচম চম্বা ৱাফমদি যীশুনা হিংগৎলকপা শন্দোক্না তাকলুবগী থোইদোক্ত্রে হায়বসিনি!
অমুক্কা, অশিবগী মথক্তা লৈবা কনাগুম্বশিং ঐখোয়গীসি তাবীবা য়াগনি। যীশুনা অশিবগী মথক্তা মহাক্কী শক্তিবু চুমই উৎখি, মরমসিনা, মহাক্না হায়রিবসি করিনো ঐখোয় তাশিনবা মথৌ তাই। যীশুনা কনশিন্না হায় অরান খুবম ফংনবগী অমত্তা ঙায়রবা লম্বেলদি মহাকনি (যোহন ১৪:৬)। মহাকনা লম্বেল অমা নত্তে; মহাকনা লম্বেল ময়ামগী মনুংদগী অমা নত্তে, হায়বদি যীশু লম্বেল অদুমকনি।
অসুমনা যীশু অসিমক্না হায়, “শুরিনোমলিবা অমদি পোৎলুম ৱানা পুরিবা নখোয় পুম্নমক ঐঙোন্দা চঙলক্লবদি, ঐহাক্না নখোয়বু পোথ্থাহনগনি” (মাথি ১১:২৮)। লাকঙম ফাঙমদবা মালেমনি অদুনা পুন্সি অসি খুদোংথিনিঙাইনি। ঐখোয় অয়াম্বা শাথিনা ঈমু নাইমু তানরি, চৈফম নাইনা ফুদৎনরি, অমদি লানফম ময়ামগী থাংফম তারি। য়ানিংব্রা? অদুনা নহাক্না করি পামলিবা? পাঙ্গল হনজিনবা নত্রগা ইচম চম্বা য়াইরোন অমরা? হিংদুনতা লৈবা লানবীবা মপু নত্রগা অশিবা “মায়চৌ” ময়াম মরক্তগী অমরা? কান্নবা মরী নত্রগা করিসু লৈতবা থৌ তৌবশিংলা? যীশুদি পামই হায়দুনা খল্লুবা অমা নত্তে- মহাক্তি ঐখোয়গী অপাম্বা অদুমক্নি!
অদোমনা ঙাকপীবা থিবিবা ওইরবদি যীশুনা অচুম্বা “য়াইরোন” অদুমক্নি (পাখোনচৎপশিং ১০:৪৩)। অদোমনা ঈপুরোয়গা ৱাহন্থোক লৈবা মরী অমা থম্বা পামলবদি যীশুনা অচুম্বা “য়াইরোন” অদুমক্নি (যোহন ১০:১০)। অদোমনা লাইরৈপাক্তা অরেপ্পা য়ুম অমা থিবিবা ওইরবদি যীশুনা অচুম্বা “য়াইরোন” অদুমক্নি (যোহন ৩:১৬)। অদোমগী লানবীবা মপু ওইনা যীশু খৃষ্টদা অদোমগী থাজবা থমবিয়ু- অদোম মসিদা ৱাবা লৈররোই! অদোমগী পাপ কোকপীনবগীদমক মঙোন্দা থাজবা থমবিয়ু- অদোম নিংবা কায়বা ওইরোই।
অদোমনা ঈপুরোয়গা “অচুম্বা মরী” অমা থম্বা পামবিরবদি, মসিদা অশেম্বা লাইশোল অমা লৈরে। নিংশিংবীয়ু, লাইশোল অসি নত্রগা অতোপ্পা লাইশোল অমা হায়বনা অদোমবু কনবিবদি ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোন অসি অদোমদা অরান খুবম পীবীনবা অদোমনা ঈপুরোয়বু থাজবা অমসুং মঙোন্দা তৌবীমল খঙবা উৎপা ওইনা মহাক্কী মফমদা হায়জনবগী ইচম চম্বা মওং অমনি। ‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগৎচরি-মসিনি লোমনাইদবা পুন্সিগী খুদোল! আমেন!’’
মসিদা ইরিবশিং অসি পারুবদগী খৃষ্টগীদমক করি ৱারেপ লৌখ্রবগে? লৌখ্রবদি, মখাগী বুটন ‘‘ঐহাকনা ঙসি খৃষ্টবু লৌশিঞ্জরে’’ হায়বসিদা ক্লিক তৌবীয়ু
মৈতৈলোনগী হোম পেজদা হনবীরকউ
অচুম্বা য়াইরোন (ধর্ম্ম) নো?
|
