ঈপূরোই তশেংবমক্কী ওইবরা?




ৱাহং: ঈপূরোই তশেংবমক্কী ওইবরা?

পাওখুম:
ঐখোয়না খঙলে মদুদি ঈপূরোই তশেংবমক্কী ওইবনি মরমদি মহাক্না মশামকপু ঐখোয়দা লম্বেল অহুমদা ফোংদোকপিরমলে: লৈশেম নুংশেমদা, মহাক্কী ৱাহৈদা, অমসুং মহাক্কী মচানিপা যীশু খৃষ্টদা।

ঈপূরোই লৈ হায়বসিগী খ্বাইদগী মরুওইবা লেঙদখুদমদি ইচম চমনা মহাক্কী খুৎশেম অসিনি। “মরমদি মালেম অসিগী লৈশেমনুংশেমদগী হৌরগা ঈপূরোইগী মিৎনা উবা ঙমদবা মতিকশিং ফাওবদা লৈরিবা পেৎশকশিংদি - মহাক্কী লোমনাইদবা পাংগল অমদি তাইবং মপূ ওইবগী হৌনশা অসিনি - হায়রিবশিং অসি ময়েক শেংনা উরি, শেম্বীরম্বা অসিদগী করিনো খঙদবা, ওইদুনতা লৈরবদি মীশিং অসি ঙাকপীবা য়াদ্রবনি” (রোমিয়ো ১:২০)। “লাইরৈপাকনা ঈপূরোইগী মিংচৎশিং লাওথোকলি; অতিয়ানা মহাক্কী মখুৎকী থবকপু লৈবাক মীয়ামদা খঙহললি।” (লাইশোন ঈশৈ ১৯:১)।

ঐহাক্না খুদাং ঘড়ী অমা লৌবুক অমগী ময়ায়দগী খুনবা মতমদা, মসি কদাইদগীনো খঙদবা মফম অমদগী “শাফোংলকপনি” লৌবা য়াদে নত্রগা মসি তাদুনা অদুম্মক লৈরমলবনি হায়বা য়াদে। ঘড়ীগী মওং অদু য়েংলগা, মসিগী মওং পুথোকখিবা মী অমা লৈখি হায়না লৌগনি। অদুবু মসিদগী হেনবা মওং অমসুং মচাক ঐখোয়গী অকোয়বদা লৈরিবা মালেম অসিদা লৈরি। ঐখোয়গী মতম ওনবগী থবক অসি খুদাং ঘড়ীশিংদগী নৎতে, হায়বদি ঈপূরোয়গী খুৎহৈবগী থবক - মালেমলৈমনা চাং নাইনা উংলিবা অসিদগীনি (হায়বদি সিসিয়মগী রেডিও মচাকশিং ওইরিবা - এটোম ১৩৩ অসিদগীনি)। তাইবংমালং অসিনা অচৌবা মওং উৎলি, অসুমনা মসিনা চাওরবা মওং অমা লৈরি হায়বগী ৱাফম থমলি।

ঐহাকনা ৱারোৎখুৎই অমা থারকপা মতমদা, ঐনা ময়েকশিংদু পাব ঙমননবা ৱারোৎখুৎই হৈবা মী অমা ফংননবা হোৎনগনি। ঐগী ৱাখলদা পাও অদু কনাগুম্বা অশিংবা মী অমদগীনি হায়বসিনি, হায়বদি অদুগুম্বা মীশক অদুনা ৱারোৎ অদু শেমলকখিবনি। ঐখোয় খুদিংমক্কী হকচাংগী সেলশিংদা য়াওদুনা লৈরিবা ডিএনএ কোড অসি কয়াগী মতিক চমমনবা ওইখ্রবা? ডিএনএ অসিগী চমমনবা অমসুং অরোৎপনা কোড অসিবু শেমখিবা অশিংবা অইবা অমা লৈ হায়রোইদব্রা?

ঈপূরোয়না মফম মরাং খঙদবমখৈ য়েৎশিন্নরবা অমসুং নিংথিরবা মহৌশাগী মালেম অসিবু শেমখিবতা নত্তনা; মহাক্না মী খুদিংমক্কী থম্মোয়দা লোমনাইদবগী ইহুল অমসু খজিক খজিক্তং চঙহল্লি (পাওশন ৩:১১)। তাইবং মীওইবা খুদিংমক্কী ওইনা মমা পুকনুংদগী য়াওজরক্লবা লৌশিং অমমম লৈনৈ হায়রিবসিগী মরমদি মীওইবগী পুনসি অসিদা মিৎনা উরিবশিং অসি নত্তবা য়াম্না লৈরি হায়রিবসিদগীনি, হায়বদি মালেমলৈকোয় অসিবু শেমলিবা মথং মনাও নাইবা থবকশিং অসিদগী হেন্না ৱাংবা হিংনফম ওইবা য়াব অমা লৈরি। ঐখোয়গী লোমনাইদবা মপূ মশামক্কী ৱাখলনা য়ামদ্রবদা লম্বী অনীদা শাফোংদুনা লৈ মদুদি: কুচুলোন শেম্বা অমসুং ঈরাৎথৌনিবা।

তাইবংগী চাওখৎপা খুদিংমক্কী পূৱারী পূম্নমক্তা নাৎ অমগা অমগগী মরক্তা অঙকপা ফংনা মান্নবা লৈবনা মখোয় মখোয়গী কুচুলোনশিংবু অফবা ফত্তবা য়েংলগা মমল নাইহল্লি। খুদম ওইনা, নুংশিবগী ফিদম অসিবু মীওইপূম্বগী ওইনা ঈকায় খুমনরি, অদুগা মীনম্বগী হৈনবী অসিবুনা মীওইপূম্বনা চৈরাক পীবা পামনরি। অসিগুম্বা অপূনবা লিচৎলোন - মালেমলৈকোয়গী মীপূম তিংনা খঙনরবা অচুম অরানগী ৱাফম অসিনা - ঐখোয়দা অসিগুম্বা নিংজিং মাঙজিংনবা পোকহল্লিবা অচুমঅরান খঙলবা ঈপূরোয়দা মখুৎ থিললি।

মসিগা চপ মান্ননা, মালেম পূম্নমক্কী মীওইশিংনা, নাৎপু তুংওইনরগা, মতম পূম্নমক্তা ঈরাৎথৌনিবগী পথাপ অমা চৎননবা হোৎনরি। ঈরাৎথৌনিবগী পান্দমদি মান্নদবা য়াই, অদুবু “পাংগল হেন্না লৈবা” অমা লৈরি হায়বসিদি মীওইবা ওইরুবদগী য়াদবা ঙমলরোইদবা শরুক অমনি। ঈরাৎথৌনি তৌবা হায়বা ঐখোয় মীওইবগী হৌনশা হৈনজবা অসিগা ঈপূরোইনা “মহাক মশামক্কী মমিদা” (মৈহৌরোন ১:২৭) ঐখোয়বু শেমবিখি হায়রিবসিগী ৱাফম অসিগা চাশিন্নরি।

ঈপূরোইনা মশামকপুসু ঐখোয়দা মহাক্কী ৱাহৈ, বাইবলদা উৎথোকপিরি। পূয়া পূম্নমক্তা, ঈপূরোই লৈবগী ৱাফমবু মশামক্কী খুদমচাংদমনা তাকপা ওইনা লৌরি (মৈহৌরোন ১:১; খোঙশান ৩:১৪)। বেনজামিন ফ্র্যাঙ্কলিননা মশাগী ৱারী মশানা ইবা মতমদা, মশামকনা হিংলিবদুবু অচুমচুমদা তাকননবা হোৎনবদা মতম মাঙহনখিদে। মতৌ অসিগুম্না, ঈপূরোইনা মহাক্কী লাইরিক্তা মহাক হিংলি তাকননবা হোৎনবদা অচুমচুমদা উৎননবা মতম য়ামনা শীজিন্নবা পামদে। বাইবলদা পূনসি মশক হোংহনবা ঙম্বা মতিক, মসিগী মপূং ফাব মতৌ, লোয়ননা ইদুনা থম্বীরমলবা লাই তিনগী থৌদোকশিং হেন্না কুপশিন্না য়েংবা মথৌ তাবমক্তনি হায়বদা হায়মনবা থোকলোই।

ঈপূরোইনা মশামকপু মশক উৎথোকখিবা অহুমশুবা লম্বেল অদুদি মহাক্কী মচানিপা, যীশু খৃষ্টদনি (যোহান ১৪:৬-১১)। অহৌবদা ৱাহৈ অদু লৈরমই: ৱাহৈ অদু ঈপূরোইগা লোয়নরমই, অমসুং ৱাহৈ অদু ঈপূরোই ওইরমই। ৱাহৈ অদু তোংশা ওইরকখি অমসুং ঐখোয়গী মরক্তা মহাক্কী লৈফম শেমলকখি। ঐখোয়না মহাক্কী মিংচৎ উখ্রে, অমখক ওইবদুগী মিংচৎনি হায়বদি অমখক অদুগীনি, মহাক মপূং ফারবা থৌজাল অমসুং অচুম্বগা লোয়ননা ঈপাদগী লাকখি (কোলোসিয়ান্স ২:৯)।

যীশুগী অঙকপনা থল্লবা পূনসিদা, মহাক্না অরিবা ৱারেপনবগী কুচু পথাপ মশা পূম্নমক অদু মপূং ফাহনখি অদুগা মেশাইয়াগা মরী লৈননা থোক্কদৌরি তাকলম্বশিং অদু থোকহনখি (মাথি ৫:১৭)। মহাক্না মহাক্কী পাওজেল অদু চৎনবা য়াননবা অমদি মহাক্কী লাইগী শক্তি উৎননবা মশীং লাকঙমদবমখৈ মীনুংশি অমসুং অঙকপা থবক ময়াম মীয়ামদা উৎখি (যোহান ২১: ২৪-২৫)। অদুদগী মহাক পাং তিংলবা মতুং নুমিৎ হুমনিশুবদা, মহাক অশিফমদগী হৌগৎলকখি, মীওইচা কয়াগী মিৎনা উহৌবা থৌদোক অমা ওইনখি (১ কোরিন ১৫:৬)। পূৱারীগী লেঙদ্রবা চেচাং যীশু কনানো হায়নবগী “চাংয়েং” মরাং কায়না য়াওরি। পাখোন চৎপা পোলনা হায়রম্বদা, থবক অসি “কাচিল অমদা তৌখিবা নৎতে” (পাখোন চৎপা ২৬:২৬)।

ঐখোয়না খঙলে মদুদি ঈপূরোইগী মরমদা মখোয় মশানা খল্লিবা ৱাখল অদুনা চুমলে খনজবা লাই থাজদবশিং মতম পূম্নমক্তা থোরক্কনি অমসুং মখোয়না খুদমচাংদম য়েংদুনা পারক্কনি। অদুগা খরনা খুদমচাংদম ফনমক য়ামনা থেংনরফাওবদা লৌশিনবা ঙমলোই (লাইশোন ঈশৈ ১৪:১)। পূম্নমক অসি থাজবদা তারকপনি (ইব্রি ১১:৬)।



মৈতৈলোনগী হোম পেজদা হনবীরকউ



ঈপূরোই তশেংবমক্কী ওইবরা?